المساعد الشخصي الرقمي

مشاهدة النسخة كاملة : وبعدين ويا كنتاكي ؟


Me&OnLy
23-10-2009, 01:51 AM
اليوم وقبل تقريبا ساعتين ونص طلبت لي وجبة كنتاكي وكليت وعقب الاكل بثلث ساعه تقريبا او اكثر حسيت بألم في بطن مادري من شنو بالضبط قلت بروح المطبخ اشوف لي شي اشربه
دشيت الا هذي الوجبة على الطاوله مابعد قطوها الاهل قلت بشوف الدجاج فيه شي غير شي يثير الريبه ماحصلت شي وطالعت السلطه مافيه شي نفس الشي وعقب شفت الكاتشب قلت بشوف ومع اني ماشكيت في الكاتشب نهائيا شوي الا الكاتشب منتهي تاريخه من 6 شهور تقريبا
قمت خذت الكاتشب وهو مخلص وخليته عندي والحين انا مادري شسوي شرايكم هل ابلغ الجرايد واخليهم يكتبون عنهم والا ارفع عليهم قضية والله بطني حسيت بينفجر وللحين وانا مب بخير احس اني مفهي :omen2: الحين شسوي ياجماعة :anger1: :anger1:
HIGHNESS
23-10-2009, 01:56 AM
ماتشوف شر ان شاء الله ... كنتاكي قاطعتهم من سنيين ... اتذكر شريت وجبه واول ماكلتها طلع لي ثلج بنص الدجاج لانه مو مستوي .. ولاعت جبدي ...واكلهم بايت بايت بايت ... وبالنسبة للكاتشب اتصل لهم او اخذه لهم توصل لدرجة شيي منتهيه صلاحيته شي ماينسكت عنه ... عموما لاتاكل هالاكلات لانها مو صحيه ...
مستجدة
23-10-2009, 01:56 AM
طبعا اشتكي عليهم

ولا اقول لاتعنى وانت تعبان محد راح يقرب عليهم لان لو خايفين من العقوبه كان اهتموا في شروط الصحه والبلديه من فترة في 2006 ماخذين وجبه عائليه وحصلنا في قطع الدجاج ريشه من الدجاج داخل قطعة الحم :secret: ولا كل يوم زايدين ريالين على الوجبه:anger1:
x5_qatar_x5
23-10-2009, 01:57 AM
الحمدالله على السلامه اول شي نصيحه من اخوك الاصغير ياخي ابتعد عن كنتاكي وربع كنتاكي يازين طباخ البيت .
قطر دزاين
23-10-2009, 01:58 AM
ارفعي قضية
واخذي حقك
بس احتقضي بجزء من الوجبه في الثلاجة للفحص ليتم الاثبات
مافيا قطر
23-10-2009, 02:00 AM
الحمد لله على السلامه اول شى وعليك بالسفن اب اذا عندك اسهال

والله لو انا مكانك لا ارفع عليهم قضيه وافضحهم فى الجرايد ويازين لو قالى انت انت بنفسك دياى فى البيت تحس بطعمه مب كنتاكى
ممنوع اللمس
23-10-2009, 02:00 AM
اقول روح اشتك ولا يردك شي لا تتم ساكت الحين شوف كم واحد اكل من عندهم وتسمم؟ يمكن ياكل ياهل ويصيده شي واليهال ما يستحملون والله روح لا تسكت
Mr.1
23-10-2009, 02:02 AM
بدوون تفكيـــر شتكي عليهم .. وخــذ حقك وحق غيرك
هدهد سليمان
23-10-2009, 02:08 AM
كنتاكي ما عاد مثل اول وخصوصا لما جت الجاليه العربيه صراحة نتكلم ما في اي نظافه او اهتمام وبطيئين جدا .. عن نفسي ما اكل من عندهم نهائيا !

وما تشوف شر
tooofy
23-10-2009, 02:08 AM
صح

خذ حقك وحق غيرك وارفع قضيه والتسمم مب سهل يذبح الواحد

لو منتهي من كم يوم معليه اوحتى اسبوع لكن توصل الى 6 شهور بصراحه قوية وين البلدية عنهم
ANONYMOUS
23-10-2009, 02:17 AM
الله يعز النعمه..

كنتاكي مب اكل بنو آدم..
هذلان
23-10-2009, 02:17 AM
اطلب وجبه ثانيه باسرع وقت عشان تكون عندك علبه كتشب مش مبطله و احتفظ بالفاتوره .
و على طول بلغ حمايه المستهلك و بيسنعونهم

و اترك عنك كنتاكي و مطاعم الوجبات السريعه ماوراها الا الامراض بعيد الشر
بوحارب
23-10-2009, 02:18 AM
سلامتك اخوي

اشتك عليهم والقلب داعيلك
Charisma
23-10-2009, 02:19 AM
ياجماعه انا والله قاطع كنتاكي من فتره لان كل ما اكل من عندهم يعورني بطني

قبل ثلاث شهور قلت باكل من عندهم وبشوف كليت وعورني بطني

وقبل اسبوع بالضبط.. قلت بجرب هالمره ونشوف.. كليت وهم عورني بطني .. يعني الحين 100٪ اكلهم فيه شي ولو شنو ماكل من عندهم

تووووووووووووووووووووووووووووووووووووبه
s o s o
23-10-2009, 02:20 AM
اول شي

احتفظ بالفاتورة الي تثبت تاريخ الشراء اليوم .

اتصل فيهم وبلغهم بالخطأ الي صار منهم وهو انتهاء صلاحية الكاتشب وانت تسجل المكالمه .

روح المستشفى وخذ تقرير طبي بحالتك

عقب ارفع قضيه وطالب بالتعويض عن الضرر الصحي والنفسي بتعرضك لحاله من الاكتئاب نتيجة حرمانك من قضاء وقت ممتع مع العائله نتيجة مرضك في عطلة الاسبوع .
pink dream
23-10-2009, 02:22 AM
من اي فرع طلبت الوجبه ؟
المشط
23-10-2009, 03:07 AM
كنتاكي ما عاد مثل اول وخصوصا لما جت الجاليه العربيه صراحة نتكلم ما في اي نظافه او اهتمام وبطيئين جدا .. عن نفسي ما اكل من عندهم نهائيا !

وما تشوف شر

صادق اخوي

من فتره اتصلت وكلمت المدير وقلت له ان المطعم اخترب من بعد مــ جت الجاليه العربيه وامسكت المطعم

اخوي صاحب الموضوع لا تسكت عنهم

اذا انت بتسكت وانا بسكت وبنصير ملطشه في يدهم

اتصل الجرايد اتصل البلديه

وماتشوف شر ان شاءالله
المشط
23-10-2009, 03:11 AM
اول شي

احتفظ بالفاتورة الي تثبت تاريخ الشراء اليوم .

اتصل فيهم وبلغهم بالخطأ الي صار منهم وهو انتهاء صلاحية الكاتشب وانت تسجل المكالمه .

روح المستشفى وخذ تقرير طبي بحالتك

عقب ارفع قضيه وطالب بالتعويض عن الضرر الصحي والنفسي بتعرضك لحاله من الاكتئاب نتيجة حرمانك من قضاء وقت ممتع مع العائله نتيجة مرضك في عطلة الاسبوع .

اذا ناوي تشتكي لاتتصل فيهم علشان مايحذفون باقي الكاتشب ... وعلشان لما يكبسون عليهم البلديه يحصلون الكاتشف المنتهي تاريخه

لكن اذا مب ناوي تشتكي اتصل فيهم وطلب المدير وهددهم علشان يحذفونه ولا يضرون الناس
هام السحاب
23-10-2009, 04:30 AM
كنتاكي
:(
الله يعز النعمه
اموت جوع ولا اكل من عندهم
ساراام
23-10-2009, 04:43 AM
الله يلوووع جبوودهم ذاك اليوم ماخذين وجبه والدجاج مب مستوي كنه مقلي

والمصيبه فيه دم حتى في ناس اشتكوا وحطوه بالجريده

انااا اقول اشتك عليهم وخل يحطونه بالجريده ولاتسكت

>>>>عاد اذا بتحطه بالجريده قولنا عشان نشتري الجريده من الصبح
£عبدالعزيز£
23-10-2009, 05:08 AM
حتى لو حصلت ضب ميت مع الوجبة

ماقدر استغني عن كنتاكي
ولد الشحانية
23-10-2009, 05:56 AM
من زمان مقاطعه
كاتم الاسرار
23-10-2009, 08:26 AM
ما تشووووووووف شر يالغالي انا بقولك نصيحه احسن لك انت ابعد عن هاي المطاعم والله انا تركته يمكن 8 سنوات وافتكيت منها محق مطاعم الله يحفظنا منها وفي مطاعم نظيفه انت رووح الجريده لانهم ماعندهم اخبار كله بايته اسرع وشوف على طول الموضوع بينزل

سلامتك
butterfly qatar
23-10-2009, 08:33 AM
سلاامتك اخووي ماتشوف شر

كـل ماكل كنتاكي يصير فيني شي ههههه صرت مااكل الحين كنتاكي
هذلان
23-10-2009, 09:50 AM
حتى لو حصلت ضب ميت مع الوجبة

ماقدر استغني عن كنتاكي

عزتيلك :rolleyes2:
هل الشمال
23-10-2009, 09:59 AM
يا ناس شحادكم على الكنتاكي
كله امراض


يا زين اكل البيت
بوعلي2
23-10-2009, 10:05 AM
الخطأ منا احنا اخوي مش منهم

ليش ناكل عند كنتاكي والكل يحذر منهم وتعبوا وهم يحذرون لكن مانسمع الكلام

الي يجينا نستاهله لان احنا الغلطانيين مش هم

كنتاكي مطعم لعوار البطن والمغص بشتى انواعه والسهال و و و و الخ

وشكراا
فتى البراري
23-10-2009, 10:11 AM
اولا ما تشوف شر وانصحك واي واحد انة يشوف مثل هل الاشياء لا يتردد ويبلغ عنهم البلدية قسم مكافحة الاغذية الفاسدة لا يقول مب فاضي لا انت محاسب يوم القيامة تشوف الغلط وتسكت وبعد انزين خبرتنا عن المطعم وانا انشاء الله باحطة في قائمة البلاك ليست واتمنا من اعضاء المنتدى انهم يسمحون للمشاركين في المنتدى اي واحد تعرض لمثل هل الموقف يكتب عنة كافي علينا اانفلونزة n1h1 اقول للعضو me only لا تسكت ولا تستهين روح بلغ عنهم والله يوفقك
بلو دايموند
23-10-2009, 10:30 AM
كلمه وحده ماعندي غيرهااا

ارفـــــــــــــــــــــــــــــــــــــــــــــــ ــــــــع قضيـــــــــــــــــــــــــــــــــــــــــــــــ ـــــه مشكلتنا تصير لنا بلاوي ولا حد يفكر يلجا للمحامي ترى هالقضايا فيهااا اولا تعويض وثانيا والاهم عبره للمطاعم وغيرهاااااااا لاتستهين بالسالفه ارفع قضيه عليهم يستاهلون
alrheeb2020
23-10-2009, 10:42 AM
صح

خذ حقك وحق غيرك وارفع قضيه والتسمم مب سهل يذبح الواحد

لو منتهي من كم يوم معليه اوحتى اسبوع لكن توصل الى 6 شهور بصراحه قوية وين البلدية عنهم


البلديه شاطرين يطلعون عضلاتهم على المطاعم العربيه مثل البتراء

بس المطاعم الامريكيه مافي :anger1:
عاشقة الطاووس
23-10-2009, 10:45 AM
رووووووووووووح اشتك عليهم والقلب داعي لك .. انت لا اول ولا اخر واحد يتسمم من كنتاكي والسبه

اهمالهم ..
BURBERRY
23-10-2009, 12:10 PM
اتصل على 4266666 حماية المستهلك و اشتك عليهم
مستثمره جديده
23-10-2009, 12:13 PM
الله يعز النعمه لو اموت جوع ماكلت من كنتاكي .. بطاطسهم الدهن يقطر منه ومذوّي والدجاج كله دم

ونيء ..

الصراحه اي مطعم يمسكونه مصريين احط عليه اكس لانهم نصابين و اوصخ منهم مافيه ..
موضي قطر
23-10-2009, 12:15 PM
كنتاكي مطعم ( المغص والإسهال بجداره ) واقترح انهم يعطونه كأس ( الوصاخه )؟؟؟
بومحمد911
23-10-2009, 12:15 PM
هذا المطعم الي ما اداني وجباته خير شر احس ان الدياي في ريحة غير طبيعية الله يعز النعمة بس

خل عندك الدليل وروح اشتك عليهم عند حماية التجار اقصد المستهلك

وما تشوف شر
موضي قطر
23-10-2009, 12:21 PM
حق الأعضاء اللي مايعرفون يسون كنتاكي في البيت خذو دجاج على حسب عدد الأشخاص

وقصوا الدجاجة الوحده(8 قطع) ونظفوه بطحين زاغسلوه بماي وبعدين حطوا عليه عصير ليمون

وشوية خل وعقب حطوه في ( مشخال ) علشان ( يزل منه الماي وتروح الزفره ) وفي هالوقت

تكونون محضرين بيض مخلوط في مله و ( بقسماط ) وشويه ( شوفان حسب الرغبه ) وتاخذون

كل قطعه من الدجاج وتغمسونها في البيض وبعدها في البقسماط والشوفان ) وتقلونها في الزيت

وتمتعوا بأحلى كنتاكي نظيف وبطعم رهييييب ..
موضي قطر
23-10-2009, 12:23 PM
هذا المطعم الي ما اداني وجباته خير شر احس ان الدياي في ريحة غير طبيعية الله يعز النعمة بس

خل عندك الدليل وروح اشتك عليهم عند (((حماية التجار اقصد المستهلك)))

وما تشوف شر


والله انت :victory::victory::victory:
روح الاطلس
23-10-2009, 12:29 PM
يا كثر فروع كنتاكي اللي تسكرت واقصاها 3 شهور ويرجعون الفرع .. ياليت نعرف منو صاحب الامتياز Franchise في قطر لسلسة كنتاكي .. وساعتها بنعرف اذا الشكاوي ضدهم تجيب نتيجه او لا ( لان فيه ناس فوق القانون :) )
شيط ويط
23-10-2009, 12:41 PM
اليوم وقبل تقريبا ساعتين ونص طلبت لي وجبة كنتاكي وكليت وعقب الاكل بثلث ساعه تقريبا او اكثر حسيت بألم في بطن مادري من شنو بالضبط قلت بروح المطبخ اشوف لي شي اشربه
دشيت الا هذي الوجبة على الطاوله مابعد قطوها الاهل قلت بشوف الدجاج فيه شي غير شي يثير الريبه ماحصلت شي وطالعت السلطه مافيه شي نفس الشي وعقب شفت الكاتشب قلت بشوف ومع اني ماشكيت في الكاتشب نهائيا شوي الا الكاتشب منتهي تاريخه من 6 شهور تقريبا
قمت خذت الكاتشب وهو مخلص وخليته عندي والحين انا مادري شسوي شرايكم هل ابلغ الجرايد واخليهم يكتبون عنهم والا ارفع عليهم قضية والله بطني حسيت بينفجر وللحين وانا مب بخير احس اني مفهي :omen2: الحين شسوي ياجماعة :anger1: :anger1:


الشيخ تأكد لايكون التاريخ مكتوب بالهجري مب الميلادي :tease:
PARIS
23-10-2009, 02:18 PM
لازم كنتاكي يازين البيض المقلي مافي اسهل واحلى وانظف منه ........
قناص الخليج
23-10-2009, 02:32 PM
اليوم وقبل تقريبا ساعتين ونص طلبت لي وجبة كنتاكي وكليت وعقب الاكل بثلث ساعه تقريبا او اكثر حسيت بألم في بطن مادري من شنو بالضبط قلت بروح المطبخ اشوف لي شي اشربه
دشيت الا هذي الوجبة على الطاوله مابعد قطوها الاهل قلت بشوف الدجاج فيه شي غير شي يثير الريبه ماحصلت شي وطالعت السلطه مافيه شي نفس الشي وعقب شفت الكاتشب قلت بشوف ومع اني ماشكيت في الكاتشب نهائيا شوي الا الكاتشب منتهي تاريخه من 6 شهور تقريبا
قمت خذت الكاتشب وهو مخلص وخليته عندي والحين انا مادري شسوي شرايكم هل ابلغ الجرايد واخليهم يكتبون عنهم والا ارفع عليهم قضية والله بطني حسيت بينفجر وللحين وانا مب بخير احس اني مفهي :omen2: الحين شسوي ياجماعة :anger1: :anger1:



اتصلوا على الشؤون الصحيه بالبلديه ومارح يقصرون
دلوليانوز
23-10-2009, 02:41 PM
يا نااااس..كنتاكي..مش اكل والله

كثرة الاشياء اللي يحطها بالدجاج غير انه مب مستوي...اكيد بتجيب مصائب معوية

يعني ما تحلق تاكل الا وادش الحمام عقبها فورا..

نصيحة مني..ادفعي كثر ما تقدرين عليه لا اكلتي من بره..لانه الاكل نفس..او عليج ببأكل البيت
فلان
23-10-2009, 05:20 PM
شيك عدل اخوي لا يطلع التاريخ اللي شفته تاريخ الإنتااااااااج ;)
صايد السالفه
23-10-2009, 05:26 PM
هههههههههههه ياجماعه لو سالفة ترفعون شكوى جان قطر كلها اشتكت والحين حتى اليهال يعرفون ان كنتاكي اول ماتاكلة يصيدك اسهال والظاهر لانه مايهتمون بالزيت اللي يقلون فيه الدجاج يخلونه ل 3او 5 مرات اذا مب اكثر وهاي الشي اللي يسبب التسمم <<<<<مسوي نفسه دكتور لووول لا بس صج هاي من اللي اسمعه
قطرية مثقفة
23-10-2009, 05:33 PM
خطاك الشر ،،،،،،،،،،،،
بالنسبة لكنتاكي انه مقاطعتهم من يوم ما سمعت من أحد العاملين سابقاً ( في كنتاكي بأحد دول الجوار ) يقول انه من كثر شحنات الدجاج اللي كانت توصل لهم كانو يحطون بعضه في بانيو الحمام أكرمكم الله ،،،،، والله أعلم بس انه لاعت جبدي وبصراحة لما كنه انه وعيالي ناكل من عندهم لازم واحد من عيالي يا ترجيع أوإسهال ،،،،،،،،،
moon-99
23-10-2009, 05:39 PM
ووووووين بوخالد 2 عن الموضوع


وغـيـر البشــر - وويــن موضووع ( كنتاكـــــــــــــي )



مااتشووف شــر ان شــااااااالله

وهالشي موو غريب عليهم
نوارا
23-10-2009, 06:31 PM
ياخوي انت ماتدري ان مطاعم كنتاكي اكبر حرامية وغشاشين واكلهم بايت هذا اللي يبيعونه على الناس علشان مايطيح في جبودهم لكن مااقول الاحسبي الله ونعم الوكيل --
Gentleman
23-10-2009, 08:40 PM
أخوي اتصل بحماية المستهلك وهم راح يسوون كل الإجراءات.
رقمهم مجاني وسهل 8005000
Me&OnLy
23-10-2009, 09:46 PM
للي يقول تأكد من تاريخ الانتاج اقول له تاريخ الانتاج 2005/3

وتاريخ الانتهاء 2009/4/11


:anger1:
ANONYMOUS
23-10-2009, 10:10 PM
للي يقول تأكد من تاريخ الانتاج اقول له تاريخ الانتاج 2005/3

وتاريخ الانتهاء 2009/4/11


:anger1:

نزين اشتك عليهم
king fish
23-10-2009, 10:24 PM
يا نااااس..كنتاكي..مش اكل والله

كثرة الاشياء اللي يحطها بالدجاج غير انه مب مستوي...اكيد بتجيب مصائب معوية

يعني ما تحلق تاكل الا وادش الحمام عقبها فورا..

نصيحة مني..ادفعي كثر ما تقدرين عليه لا اكلتي من بره..لانه الاكل نفس..او عليج ببأكل البيت


طبعا دائما الاكل يكون في ثلج وانا مستغرب ليش ما تسكر انا اموت لو اكل من كنتاكي
السندان
23-10-2009, 10:26 PM
الحمدلله على السلامة اخوي .. الله يعينكم على هالوجبات

اقول تاكد من التاريخ واشتك لاتتردد
روضة
23-10-2009, 10:39 PM
خطاك الشر والحمد لله على السلامه واشرب عصير ليمون عن التسمم

اكتب في القوقل مطعم كنتاكي وشوف وش يطلع بصراحه سوف ترى العجب
الـعــضــيـد
24-10-2009, 12:22 AM
اختي شوفي انتي اي بلدية تابعه لكم واخذي رقم قسم الشكاوي او قسم الاغذية وهم مب مقصرين ان شاءالله على ما اعتقد قسم شكاوي هو بيصرفج اذا هو مب المسؤل بتصرف


والله يعينج على البلاستك قصدي الكنتاكي
روح-قطر
24-10-2009, 01:25 AM
كم مره يصيدني تسمم وانام بالمستشفى والسؤال من وين اكلتي من كنتاكي يقول الدكتور المحترم عادي لانه في نسبه دهون ما استحملها جسمك المشكله اني نباتيه واكل بس الشيبس معقوله..

اشتك يعله يتسكر
الكلدي
24-10-2009, 01:50 AM
اخوي ما تشوف شر
بس لي توضيح

اذا قدر الله واكلت وجبه غير صالحه للاكل لاي سبب

فان الاعراض لايمكن ان تضهر قبل 24 ساعه على الاقل
فلفل حار
24-10-2009, 04:45 AM
صادق ياخووي بس المشكله شقوولكـ ..!!!








مش هـ تئدر تغمز عينيكـ ...:weeping:

http://www.beliscity.com/images/mighty-zinger-big.jpg
biz-qtr
24-10-2009, 09:47 AM
اخيه انا بروحي هاي من اكل من كنتاكي عقبها تلوع جبدي

بعد تقولون ريش ومنتهي وبايت وثلج

وييييييييييييع الله يكرم النعمه

ياخوي ما تشوف شر وروح افحص ع نفسك مفهي وبطنك الله يعينك والله

وهذيلا اشتك عليهم لاتسكت عنهم ..
فرفوش
24-10-2009, 09:56 AM
تطلع جبااااان اذا ماشتكيت

ياااخي اقل شي تحطه بالجريده ع الاقل يحسووون ع دمهم

روووووووح جريده الشرررق تراهم شاطرين بالهسوالف
غناتي1
24-10-2009, 10:45 AM
سووا اللي بتسويه -- المهم طمنا عليك وعلى صحتك
أخت الغالي
24-10-2009, 01:13 PM
مقااااااااااااطعـــة ..
BuFaisal
24-10-2009, 03:36 PM
لما يجيك تسمم وتروح الطواري اول سؤال يسالونك هو : اكلت كنتاكي ؟
اعتقد ان هذا يعبر عن المصيبة
والغريبة ان البلدية ما قفلته ولا مره ؟
الظاهر ان صاحب الترخيص واصل :)
الكثير ممن حولي تسمموا لما اكلوا كنتاكي وانا واحد منهم من سنين
ومن ذاك اليوم قاطعته
وطن
24-10-2009, 03:39 PM
ما عليك شر
معروف ان كنتاكي لغسيل المعده


بس اخوي ملاحظة
التاريخ المطبوع يكون تاريخ الصنع
ويكونون كاتبين صالح لمدة عام من تاريخ الصنع

تأكد قبل لا تشتكي
عشان تكون معلوماتك صحيحة 100%
وطن
24-10-2009, 03:42 PM
للي يقول تأكد من تاريخ الانتاج اقول له تاريخ الانتاج 2005/3

وتاريخ الانتهاء 2009/4/11


:anger1:

يستحيل صلاحية الكاتشاب 4 سنين :)

الظاهر انها 2008 بس منمسح الرقم شوي والتبس عليك الامر
جرير
24-10-2009, 03:49 PM
والله اذا الواحد ما يتصرف من تلقاء نفسه وبشكل فوري

في مثل هالمواقف . . . . ما راح نطور من الخدمات اللي

نحصل عليها


من وجهه نظري لو اشتكيت عليهم

طوالي . . . وبعد الشكوى اعرض الاحداث في المنتدى
رمــش الغلا
24-10-2009, 03:49 PM
ماتشوف شر
ولازم تشتكي عليهم
The Emperor
24-10-2009, 09:34 PM
ماتشوف شر
وانا اويد ذلك ولازم تشتكي عليهم.
منصور الهاجري
24-10-2009, 10:11 PM
كنتاكي كل ماكل عندهم يصير فيني شي جربت كنتاكي الأردن نظيف وطعمه غير اتمنى يراقبون هالمطعم
مهره
24-10-2009, 11:02 PM
والله كنتاكى قاطعناهم من زمان خلاص كل الى اعرفهن صابهم اسهال والله اكلهم بايت بايت على قولة الاخ

عندي سب وي احسن على الاقل