المساعد الشخصي الرقمي

مشاهدة النسخة كاملة : استشاره بخصوص شركة الديار العقارية


alqtri
23-10-2009, 10:13 AM
السلام عليكم

ابغي استفسر عن شركة الديار العقارية في بعض الامور اذا ممكن الاقي حد عنده خبره فيها ؟

يعني مثلا طبيعة العمل كيف ؟

وكيف طريقة التوظيف فيها ؟

ورواتبهم في حدود كم تقريبا ؟

وعدد ساعات العمل من والى كم ساعه ؟

وايش الاستثمارات اللي تقوم بها الشركه حاليا ؟

وياليت تعطوني كل المعلومات الخاصه بشركة الديار العقارية واكون شاكر لكم

بالتوفيق للكل
alqtri
23-10-2009, 12:59 PM
للرفع
بويوسف
23-10-2009, 02:11 PM
السلام عليكم

ابغي استفسر عن شركة الديار العقارية في بعض الامور اذا ممكن الاقي حد عنده خبره فيها ؟

يعني مثلا طبيعة العمل كيف ؟

وكيف طريقة التوظيف فيها ؟

ورواتبهم في حدود كم تقريبا ؟

وعدد ساعات العمل من والى كم ساعه ؟

وايش الاستثمارات اللي تقوم بها الشركه حاليا ؟

وياليت تعطوني كل المعلومات الخاصه بشركة الديار العقارية واكون شاكر لكم

بالتوفيق للكل

طبيعة العمل لمن ؟ للشركة او للموظفين فيها ؟

رواتبهم بعد لمن ؟

ساعات العمل من ال 7 والنص الى ال 3 والنص

الاستثمارات في مجال العقارات داخل وخارج قطر ..

معلومات مثل ايش مثلا ؟

بالتوفيق ..
alqtri
23-10-2009, 02:19 PM
طبيعة العمل للموظف خريج جامعة

الرواتب للموظف نفسه الخريج

معلومات مثل هل اللغه الانجليزيه مهمه او مطلوبه في الشركه ؟
او الكمبيوتر
بويوسف
23-10-2009, 02:32 PM
اعتقد يتراوح راتب الجامعي من 17 الف الى 25 الف حسب نوع التخصص ..

اللغة الانكليزية مهمة جدا خصوصا ان مدير التوظيف هناك اجنبي !! والكثير من الادارات بها موظفين غربيين واجانب ..

الكمبيوتر طبعا مافي مكان الكمبيوتر فيه مش مهم ..
بويوسف
23-10-2009, 02:33 PM
اهم شي الواسطة .. عندك واسطة قوية عطوك (اوفر) قوي .. ماعندك واسطة ابدا بيقطون السي في مالك بالزبالة (اعتذر عن هذه الكلمة لكنها الكلمة الوحيدة المعبرة عن الواقع).
Marshmallow
23-10-2009, 02:50 PM
آعتذر من صاحب الموضوع بس ابي اسال
قسم الـ it كم تقريباً رواتبهم?
$الملياردير$
23-10-2009, 05:10 PM
بويوسف ...بيض الله وجهك ورحم الله والديك اختصرت كلام كبير ....وازيد على كلامك مب مهم ساعات دوامك و اللغة ولا الشهادة اهم شي واسطتك ....هي قيمتك في الاوفر اللي بيقدم لك ...خلونا واقعين
ANONYMOUS
23-10-2009, 10:27 PM
اعتقد يتراوح راتب الجامعي من 17 الف الى 25 الف حسب نوع التخصص ..

اللغة الانكليزية مهمة جدا خصوصا ان مدير التوظيف هناك اجنبي !! والكثير من الادارات بها موظفين غربيين واجانب ..

الكمبيوتر طبعا مافي مكان الكمبيوتر فيه مش مهم ..

من 17 لين 25 .. اعتقد هذا الاساسي
alqtri
23-10-2009, 10:46 PM
بيض الله وجيهكم ماقصرتو ياشباب على الردود الطيبه

بالتوفيق ان شاء الله
مشيرب
24-10-2009, 12:14 AM
اعتقد يتراوح راتب الجامعي من 17 الف الى 25 الف حسب نوع التخصص ..

اللغة الانكليزية مهمة جدا خصوصا ان مدير التوظيف هناك اجنبي !! والكثير من الادارات بها موظفين غربيين واجانب ..

الكمبيوتر طبعا مافي مكان الكمبيوتر فيه مش مهم ..

فعلا مدير التوظيف أجنبي ولكن مدير كل من الموارد البشرية, شؤون المظفين, التدريب, التقطير , التخطيط الاستراتيجي ونائب الرئيس للشؤون الادارية كلهم قطريين
واللي أعرفه ان مدير ادارة الموارد البشرية يحب يوظف هل قطر
qatari1
24-10-2009, 03:25 AM
قالوا لي التوظيف متوقف حالياً حتى نهاية العام الحالي، فهل هذا صحيح؟!

ماذا عن العلاوات، والامتيازات الأخرى؟ كي تعم الفائدة.
alqtri
24-10-2009, 07:02 AM
انا قالو لي دوامهم كرف وتعب ولين الساعه 4 العصر

مادري اذا في مميزات في الوظيفه او لا يعني مثل بعض الدوائر الحكومية ؟

والكلام للجامعيين
بويوسف
24-10-2009, 11:01 AM
من 17 لين 25 .. اعتقد هذا الاساسي

له يارجال اتكلم عن الخريج الجديد ..
ANONYMOUS
24-10-2009, 11:16 AM
له يارجال اتكلم عن الخريج الجديد ..

وانا ايضا اتكلم عن الخريج الجديد

الحكومه تعطي 17
المزن الرياني
24-10-2009, 12:44 PM
وانا ايضا اتكلم عن الخريج الجديد

الحكومه تعطي 17


اي تخصص وأي مكان هذا اللي تعطي فيه الحكومه الخريج الجديد راتب اساسي 17 ؟!

ال17000 مايشوفه غير صاحب الدرجه 2 وطالع
طلعة الروح
24-10-2009, 12:53 PM
فعلا مدير التوظيف أجنبي ولكن مدير كل من الموارد البشرية, شؤون المظفين, التدريب, التقطير , التخطيط الاستراتيجي ونائب الرئيس للشؤون الادارية كلهم قطريين
واللي أعرفه ان مدير ادارة الموارد البشرية يحب يوظف هل قطر

قصدك مدير طرد الموارد البشريه انا اقول الله يستر عليه وعلى كل اللي يتعامل وياه ويلجأ اليه في خدمه تخص ادارته ويتروالي انه عارف روحه بدون ذكر اسمه ..
alqtri
25-10-2009, 01:56 PM
والله اللي عنده اي معلومات مفيده للديار يقولي عنها

لان افكر اتوظف فيها بس مادري محتار لين الحين
الموضوعي
25-10-2009, 04:47 PM
اذكر فيه واحد هناك كندي من أصل لبناني ماقصر مع الشباب وظفهم كلهم مع انهم ماعندهم شهادات جامعية
ANONYMOUS
25-10-2009, 07:47 PM
اي تخصص وأي مكان هذا اللي تعطي فيه الحكومه الخريج الجديد راتب اساسي 17 ؟!

ال17000 مايشوفه غير صاحب الدرجه 2 وطالع


انا ماتكلم عن الاساسي.. انا اتكلم عن التوتل..

لان بويوسف يتكلم عن التوتل..

اساسي الحكومه معروف.. اعتقد بين 6000 و 8000
بويوسف
25-10-2009, 09:18 PM
انا ماتكلم عن الاساسي.. انا اتكلم عن التوتل..

لان بويوسف يتكلم عن التوتل..

اساسي الحكومه معروف.. اعتقد بين 6000 و 8000

يابوالشباب واحد من الربع خريج جامعي وخبرة عطوه توتل25 الف ..
بويوسف
25-10-2009, 09:22 PM
من 17 لين 25 .. اعتقد هذا الاساسي

وكلامك صح بعد على حسب رايح على ايش ؟

راكب ناقة بيعطونك (ظهرهم) ..

راكب سيارة بيفكرون بالموضوع ..

راكب طيارة يعطونك 17

راكب صاروخ بيعطونك 25

راكب ديسكفري بيعطونك 30

اتكلم عن الاساسي الجديد :victory:
ANONYMOUS
25-10-2009, 10:09 PM
وكلامك صح بعد على حسب رايح على ايش ؟

راكب ناقة بيعطونك (ظهرهم) ..

راكب سيارة بيفكرون بالموضوع ..

راكب طيارة يعطونك 17

راكب صاروخ بيعطونك 25

راكب ديسكفري بيعطونك 30

اتكلم عن الاساسي الجديد :victory:


اجل مالك الا تروح لهم على ديسكفري وامرك لله
شيط ويط
25-10-2009, 10:29 PM
اخوي ليش ما تتصل على الشركة وتسأل عن كل اللي في خاطرك ؟؟

والله يوفقك ان شاء الله
شمعة الدوحه
25-10-2009, 10:46 PM
قصدك مدير طرد الموارد البشريه انا اقول الله يستر عليه وعلى كل اللي يتعامل وياه ويلجأ اليه في خدمه تخص ادارته ويتروالي انه عارف روحه بدون ذكر اسمه ..

عرفته :victory:
لانه كان عندنا بالبنك بس طلع

وبالنسبه لاسألتك اخوي

دوامهم من الساعه 7 ونص لين 3 ونص

ورواتب الثانويه 14 الف

الجامعيين مااعرف

وكذا شخص بالموارد البشريه اعرفهم بس مع ذلك مااحد نفعني :weeping:

السي في حقي عندهم من شهر 3 ولا مجيب

وتقدر تطرشه لهم عن طريق موقعهم ..
طلعة الروح
26-10-2009, 12:19 AM
عرفته :victory:
لانه كان عندنا بالبنك بس طلع

وبالنسبه لاسألتك اخوي

دوامهم من الساعه 7 ونص لين 3 ونص

ورواتب الثانويه 14 الف

الجامعيين مااعرف

وكذا شخص بالموارد البشريه اعرفهم بس مع ذلك مااحد نفعني :weeping:

السي في حقي عندهم من شهر 3 ولا مجيب

وتقدر تطرشه لهم عن طريق موقعهم ..

اختي شمعة ما لا يعرفه العقل لا يحزن عليه القلب بمعنى زين انج ما توظفتي عندهم وعشتي مأساه ماكانت بالحسبان.. طبعا اعرف انه كل واحد له تجربته الخاصه بس لما ايي واحد من الاعضاء ويمدح مدير مب صاحي نفس هذا هنيه ماقدر اجامل ناس حطموا مستقبل ناس لأسباب تافهه لا ويمن عليهم وهو من عشان يتفلسف ويهمشهم مع أنه ماله بتوظيفهم ناقة ولا جمل ولكن واحد مسك منصب وقام تفرعن وكأنها الأخ شركة ابوه واستغل منصبه اسوء استغلال في الطرد العشوائي فكان لابد من التنويه..
بويوسف
26-10-2009, 11:33 AM
اجل مالك الا تروح لهم على ديسكفري وامرك لله

هاهاها الله الغني عنهم :nice:


بس الواحد يستغرب ليما يسمع ان عشران القطريين الخريجيين سواء مهندسين او جامعيين في التخصصات المختلفة لا أحد يرد عليهم من طرف الشركة ونسمع انها يوميا توظف العشرات من الاجانب في جميع التخصصات ..