المساعد الشخصي الرقمي

مشاهدة النسخة كاملة : انا قطري يعني مش كفائه بالعربي ما تفهم


مليت
23-10-2009, 07:42 PM
السلام عليكم ورحمة الله وبركاته

كثير من المسؤلين عندهم تصور خطأ ان القطري يفتقد للكفائه الاحترافيه

وهذا التصور غلط

الموضوع ومافيه ان المسؤلين معجبين بكل شي عند الغرب ويبون يطبقونه في بلادنا ولهذا السبب لابد انك تنقل النجاح المستورد مع المشغلين الاجانب لتضمن كفائه الاستيراد العشوائي لمجرد الاعجاب بهذه الفكره او تلك

وهنا تم خلق فجوه ولسد هذه الفجوه لابد من التأهيل للكوادر القطريه

ولكن قبل ابرام الصفقه ولا حد يقول لقطري ما يفهم ولكن قولوا انه ماخذ حقه في التدريب والتأهيل وهنا تقع المشكله طبعاً يجون الاجانب فاهمين كل حاجه ويقعد لقطري ضايع في الطوشه لين يتنفش بحجة انه

ما يفهم ولا يحب اشغل
nouar
23-10-2009, 08:13 PM
الكواد موجوده ..

بس في ناس ما تحب حد يحاسبها
يراعٌ فراتي
23-10-2009, 08:24 PM
انا اشوف اغلبية المدراء يفضلون الغير قطري
ويقيسون هالشي من تجربة لشخص ربما لم يثبت كفائته وجدارته
بس مفروض ما يعممون هالفكرة على الكل
ومفروض ايضا المواطن يكون صاحب الافضلية
بس يمكن يكون المدير ما يبي حد يقوله لا او ليش؟؟؟
والله اعلم
HIGHNESS
24-10-2009, 02:04 AM
في عملي السابق ... مديري فضل علي في الراتب والعلاوات والمعاملة وكل شي ( مع اني والله الشاهد كفاءة والتزام في العمل ومجهود ) فضل هالاجنبية لانها تعرف تقول ( ياااااي انت مهضوم ) ... وانا ماعرف اقولها .. :)
تغلبية
24-10-2009, 02:05 AM
السلام عليكم ورحمة الله وبركاته

نسيت نقطة مهمة الله يسلمك

المدراء الكبارية الخايفين على كراسيهم وعلى مصالحهم وبرستيجهم
مستفيدين من وجود الأجنبي وهم من يدعم الأجنبي لسبب واحد بس
انه مايبي القطري يجاكره على الكرسي .. وبالتالي نشوف معاول الهدم والاحباط لكل قطري متميز

كنت جدا متشائمة ومازلت ..

لكن .. بالنظر الى المستقبل .. هذيلا ماراح يطولون .. عطهم عمر 10 سنوات قدام وهالظاهرة
بتتلاشى تماما .. وراح يحتل هالكراسي شباب قطر المبدعين
ليث العرين
24-10-2009, 02:24 AM
لين متى يعني؟؟


الصراحه هاذي أغبى فكره والي مقتنع فيها أغ,,,ى

لأنه الأجنبي الي بيجي

سوف يأثر على

-سعر السكن , العقارات
- السوق
- الأخلاق
-الأزدحام و و و و و
و اللسته مالها نهايه بذمتي

في الأخر ماتسوى عليك خبرته في مجال واحد وهو مضيق ومخرب عليك في 20000 شي ثاني
miss-qatr
24-10-2009, 12:53 PM
معاك حق بكل كلمة قلتها ...


وموضوع يستحق الواحد يتناقش فيه بسؤال


لــــــــــــيش ؟؟
ولد الشمال
24-10-2009, 01:15 PM
مليت موضوع جيد ومعاك حق في كل ما قلت
بس ايش انسوي البلاد اتطور في العمران
ولكن عقول الساده المدراء لين الحين ما
تتطورت
خالد_قطر
24-10-2009, 01:19 PM
مديرنا الحالي قطري من الناس الي انظلموا ( هاي على حسب ظنه ) لكن هو ما انظلم لأنه بصراحة ما يفهم لا بتخصصه ولا بالإدارة طبعا لا تعتقدون إنه هاي رايي والدليل على ذلك كل الي كانوا تحته صاروا مسئولينه وكان دايم يقول المفروض يطورون القطري ويعطونه فرصة وتدريب وإنه مع القطريين.

وأول ما صار مديرنا أول شي سواه حارب القطريين ووقف لهم في ترقياتهم ودوراتهم.

فاقد الشيء لا يعطيه
عاشقة الطاووس
24-10-2009, 03:45 PM
فيه مثل قديم كنا دايما نردده


"انا واخوي على ولد عمي .. وانا وولد عمي على الغريب"


بس اللي حاصل الحين ..


انا والغريب على اخوي وولد عمي