المساعد الشخصي الرقمي

مشاهدة النسخة كاملة : ساعدوني يا اعضاء المنتدى...شلون اتعامل مع هالأنسان..


gxr o.z
24-10-2009, 05:40 PM
السلام عليكم ورحمة الله وبركاته
مساء الخير
اخواني واخواتي...
عندي واحد من الربع اعرفه من ايام الطفولة,,
امس قريت شي عن سكرات الموتر وملك الموت وهذا الشي احزنني لأنني حسيت اني مقصر وغير جاهز لمقابلة ربي..:(
المهم اليوم نصحت رفيجي وقتلته عن سكرات الموت وعن الأسلام والجنة والحسنات وانحصه اقوله ابعد عن الغلط اذكر المتر لأن الموت كما قال رسول الله صلى الله عليه وسلم لازم نذكره في العديد من الأوقات لأن الموت هادم اللذات...
المهم رفيجي قام يقول ليكون خربوك شيوخ الدين بتصير لا تصير متخلف وممل :( طاح من عيني الصراحه يقولي انا اعرف شلون اكون مسلم ماحتاج مساعتدك قاعد اقوله تكفى ادعيلي في كل صلاة واسمحلي لو غلطت عليك لأن الأنسان لا يعرف في اي وقت او ارض يموت..
قالي روح روح مع شيوخ الدين الحقهم خلاص خلاص اسكت ياخي اسكت خلاص
قلتله الله يسامحك قالي مابيك تنصحني قلتله لا تنسى اقرا الي قلتله وقاعد يقول بعطيك بلوك ومادري شنو
بالله عليكم هذا رفيج :( يا شباب شلون اتعامل معاه والله الصراحه حسيت اني مخدوع كأني كنت في ظلمه :(
ارجو ان تسامحوني جميعا لو غلطت عليكم في اي كلمة :(
تحياتي
somo
24-10-2009, 05:46 PM
ادعيله الله يهديه
cayenne s
24-10-2009, 05:50 PM
الله يهديه
$ طلال $
24-10-2009, 06:18 PM
الله يهديه

اتركه ودور لك رفيج يخاف الله

وادعيلة في كل صلاة ان الله يهديه
بوسيف الهاجري
24-10-2009, 06:24 PM
جزاك الله الف خير
بس اعتقد الموضوع ماله شغل في منتدى السيارات
ياليت تنقله المنتدى العام
Index Signal
24-10-2009, 06:26 PM
المنتدى العام بيفيدك أكثر.
aljuri
24-10-2009, 06:58 PM
لا تتخلي عنه وخلك دوم معاه بالهدايه وبين فتره وفتره ذكره بالصلاه وتاكد انه لك اجر كل محاولاتك وياه ،

والله يزيد من امثالك من الرفقاء الصالحين
وحيد-الشوق
24-10-2009, 08:42 PM
مع ان مكان الموضوع غلط

ماعندي شيء اقوله غير

الله يهديه ويهدي جميع المسلمين

والله يرحم والديك
MP3
24-10-2009, 08:43 PM
الله يجزيك خير قليل مثلك هاي الايام

الله يهديه ويصلح حاله ويهدينا جميعا
حليتان*
24-10-2009, 08:44 PM
الله يهديه

بس الغالي انت مغلط في القسم

بالتوفيق
المبتسم
24-10-2009, 08:54 PM
سؤال عن رفيجك,,اهو بحراني؟
لان من عادة اهل السنة يقدرون الشيوخ ومايغلطون,,,واذا انه بحراني لازم توصله لمشايخ لان ماينفع معاهم الا المشايخ

اما اذا الرجال منا وفينا,,انصحك تحط له شريط او سي دي يخوف اللي مايخاف عن قصص المفحطين,,وتحصله بتسجيلات الفاروق بالمطار القديم

اقوووول,,تراك مانت نغلط بالمكان,,,صاحبك مدمن تفحيط!!
النصيحة ماتحتاج منتدى عام او خاص او بيع ايس كريم!!! لازم المسلم يكون داعية بكل مكان
gxr o.z
24-10-2009, 09:04 PM
لا يالغالي لا بحراني ولا شي هو قطري ومنا وفينا...
راعي استعراض اذا كان هذا قصدك..( مب مهجول )
والرجال الله يهديه ان شاءالله راح يتسنعي والبربع ماراح يقصرون وان شاءالله بسمعه اشرطة دينية وبخليه يقرا عن سكرات الموت لكن اذا رضى هذي المشكلة...
ولا هو راعي صلاة بس مادري شفيه....
اشكركم جميعا على المرور
جزاكم الله خير
وبحاول معاه
غناتي1
24-10-2009, 09:08 PM
لا حول ولا قوة الا بالله --
ابن الجزيرة
24-10-2009, 10:32 PM
الموضوع في المكان الخطا
nouar
24-10-2009, 11:49 PM
تدري اخوي ما تعامله باسلوب النصح ..

كل شخص له مفتاحه ..

تصور انه طفل ورافض اللي بتقوله ...ادخل في نشاطه وغير من طبعه واحده ..

والله يهديه ...
نيساني
25-10-2009, 12:01 AM
الله يهديه وجزاك الله خير على النصيحه
خيال شمر
25-10-2009, 12:04 AM
اول طريقه لازم انك تنصحه باسلوب لين مب باسلوب حاد علشان ما يشرد منك وفي مكان بعيد عن الناس علشان مايحس بالاحراج تحاول اتبين له الصح من الخطأ .
وحاول تبدأ معاه ( مثال ) انت انسان فيك الخير .. الربع يذكرونك بالخير.. ألخ
ثانيآ أخوي خلك معاه ولاتخليه وفي اوقات الصلاة اطلب منه الوقوف عند المسجد للصلاة
ثالثا حاول إنك توعضه وتجيبله امثله وقصص من الحياة لأن عادة الإنسان يحب الأسلوب القصصي
والله يجزيك خير على حرصك على الاصحاب والله يهديه ويهدي جميع المسلمين .
سعادة الوزير
25-10-2009, 12:57 AM
اول طريقه لازم انك تنصحه باسلوب لين مب باسلوب حاد علشان ما يشرد منك وفي مكان بعيد عن الناس علشان مايحس بالاحراج تحاول اتبين له الصح من الخطأ .
وحاول تبدأ معاه ( مثال ) انت انسان فيك الخير .. الربع يذكرونك بالخير.. ألخ
ثانيآ أخوي خلك معاه ولاتخليه وفي اوقات الصلاة اطلب منه الوقوف عند المسجد للصلاة
ثالثا حاول إنك توعضه وتجيبله امثله وقصص من الحياة لأن عادة الإنسان يحب الأسلوب القصصي
والله يجزيك خير على حرصك على الاصحاب والله يهديه ويهدي جميع المسلمين .


عين العقل ، ادعو الى سبيل ربك بالحكمة والموعظة الحسنة ، حاول انك توصل له الي تبي تقوله في وقت مناسب ومع سياق الحديث ، لانك اذا قلت هالكلام في غير مناسبته بيحط في باله انك تشوفه انسان فاسق وبعيد عن الاسلام ، ورده عليك دليل على هالكلام ، وانا بصراحة ما الومه لان محد يرضى على نفسه انه ينحط في هالموقف ، حاول توصل الي تبي تقوله في وقت مناسب وبدون الاشارة بشكل مباشر للي تكلمة عشان ماياخذ الموضوع بحساسية.
ليث العرين
25-10-2009, 01:48 AM
انزين حلو بس موديل كم ؟؟

ههههه




الله يهدينا جميع ويثبت أيمانه
alfahad1
25-10-2009, 02:17 AM
امس قريت شي عن سكرات الموتر وملك الموت وهذا الشي احزنني لأنني حسيت اني مقصر وغير جاهز لمقابلة ربي

خخخخخ لا مكان الموضوع صحيح
زمن الغدر
25-10-2009, 02:29 AM
في ردود الله المستعان
الحين هديتوا الموضوع ونص الي دشوا قالوا الموضوع مب في مكانه
هدوا السالفه ودشوا بمكان وقسم الموضوع
الله يهدي الجميع ويالله بحسن الخاتمه
ااااااااااااااامــــــــيــــــــن
المريش
25-10-2009, 03:44 PM
الله يهديه، وعليك بالصبر
وادعوهم بالتي هي أحسن، لا تغلظ عليه، ترا بياخذ ردة فعل منك ولا تفتح له سيرة الموت كل شوي
وشوي شوي بيصير معاك على الموجه
والله يوفقك
911 qtr
26-10-2009, 03:44 PM
اخوي انقله على العام للمشاركه والفايده