شكرا مستشفى حمد

[B-GMC]

رحت مستشفى حمد في الخور اليوم اعاني من ألم في الرقبه, كشفو علي حراره وظغط ومعاينه الدكتور المختص وبعدين صوروني بالأشعه فوق المحشيه, ورجعوني على الدكتور وحولني اصور أشعه مقطعيه ولا مغناطيسيه والله نسيت شسماها وعطاني ادويه كلفه الادويه بعد ما سألت عليها طلعت 73 ريال,المهم حسسوني اني امير عشره يشيلوني وعشره يحطوني.
في غرفه الانتظار كنت اقرأ كتيب خاص عن مستشفى حمد, شفت فيه التخصصات والعيادات الداخليه والخارجيه والمستشفيات والمميزات اللي مانحلم نحصلها في العيادات الخاصه هذي كلها سووها لراحه المريض.
سؤالي هو ليش كل ما بطلنا جريده ولا ايميل وفي المجالس الا شفنا الناس طايحين في مستشفى حمد وادويه حمد ودكاتره حمد ياخي اذا ممرض او دكتور غلط ولا واحد مات مو معناتها بس انه تقصير من المستشفى ياخي يومه والله كتب انه بيموت في هذا اليوم يعني لو تباخر ما نقول شكرا ولو مات رفعنا قضيه وبني ادم ما يملى عينه الا التراب, احنا لو نحسب كم كلفه العنايه بالمريض اللي هو انا تطلع في اقل تقدير الف ريال ولو رحت مستشفى خاص كان دفعت الفين اذا مو ثلاثه لا والدوى علي بعد ((على فكره التأمين يغطيني اللي يمكن يقول اني بخيل))
اسف اني عكس التيار بس الرسول صلى الله عليه وسلم قال: من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان.
وانا حبيت اني اغيره بلساني واكون قطري قلبي على بلادي.
يا ناس اذا الواحد عنده نقد لمصلحه المستشفى يحطه بكل ادب ولا يجرح ونكون له شاكرين, هذي نعمه من الله لازم نقدرها الف الحمد لك يا رب, بكره يحطونها مثل دول العالم الاول وياخذون منا فلوس ونصيح ونقول ياريت اللي جرا ما كان.
اسف على الاطاله اخوكم بو رقبه مكسوره

[خيال شمر]

اخوي انا عندي رد على كلامك انت تقول هاي يومه ماااختلفنا وهذي ماعليها اعتراض اكيد ... لكن بسالك سوال هل عمرك سمعت انه عيادة من العيادات الي برى ذبحوا شخص سببوا شلل حق احد صرفوا أدوا حق احد بالغلط ... طبعا بتقولي لا ... تدري ليش لانه هم اذا جاهم المريض يفحصونه عدل ويتأكدون عدل ويصرفون له الدواء العدل ... انت تخيل معاي انا مره رحت عيادة الدوحه اوكيه اظطريت عندهم اني اخذ دواء عن طريق الابرة بس الطبيب ماعطاني الابرة على طول اول شي شيك عندي حساسيه منه ولا لا يعني اخوي احنا مانقول انه مستشفى حمد تعباااااان لا لكن فيه إهمال الأهتمام قليل وهذي اقدر اقول سببها كثرة المراجعين والضغوط على الموظفين والدكاترة لكن لاتقولي اعذرهم على هالسبب لا لا لا هذي ارواح ناس مثل ماقلت انت :) وفي الاخير بقولك شي ( وانت بعد لاتحكم على المستشفى من زيارة وحدة ) :) وصباحك خير

[شامخ قطر]

مسوين عمليه قلب لشخص قبل كم يوم

وفي الاخير اكتشفو ان عنده القده

(( وعشره ايشيلونه وعشره ايحطونه))

ماختلفنا بس مثل ماقال اخوي خيال شمر

سوء وعدم اهتمام في التشخييييص

[The Blade]

السلام عليكم
اهني يكون دور اداره المستشفى اداره مستشفى حمد تختلف عن اداره مستشفى الخور , اكثر روحاتي للمستشفى تكون لمستشفى الخور بحكم قرب المستشفى من البيت طبعا التعامل غير والنظافه غير حتى آلية الدخول للدكتور الى اخذ العلاج بعد غير ...

[روح-قطر]

انت ما تعاملت مع مستشفى حمد انت تعاملت مع الخور،، والخور الكل يمدح مستشافها لدرجه ان الحريم يروحون يربون هناك يقولون عنايتهم غير عن مستشفى حمد اوكي بنقول من الضغط..

بقولك شي صار معاي شخصيا اختي مريضه بالسرطان الله يبعده عنكم يارب وتتعالج بمستشفى حمد والملف عندهم،، طيب اللي يعرف لعلاج السرطان انهم يعطون كيماوي وترجع البيت وتصيدها حمى وتنزل مناعتها وترجع عندهم بغرفه محد يدخل عليها الا بكمام لانه المناعه كلش نازله،، رحنا لهم قلنا نبي كرسي نزلها من السياره تعرف شقالوا لنا جيبوا بطاقه شخصيه قلت له ماعندي يعني بهتم بطاقه شخصيه بالمستشفى ليش لا الا تجيبين ياخي اختي مريضه لا مالي شغل وازيدك حولني علة مسؤولهم ويعطيني محاضره بالادب والاخلاق بس علشان عصبت،، المهم مني مناك خذنا ليسن هندينا وعطيناهم..

طبعا ما وقف اهمالهم اهني والجرعه اللي اتكلم عنها كانت اخر جرعه لها يعني يعرفون انها مريضه بالسرطان مو زكام،، تخيلوا من دخلت وانا اقول للدكتور هي مريضه سرطان ومناعتها وهو طيب طيب وحطها بغرفه جمعيه على ايام 6 اسره وطبعا غير الزوار والممرضات والدكاتره وانا،، طبعا عقب ما فضى الاخ او استوعب دخلها غرفه وعقبها بشوي نقلها السادس وانتوا تعرفون السادس لشنو ماخذت نص يوم وماتت..

صح بتقول يومها امنا بالله ولا اعتراض على حكمه سبحانه تعالى لكن السؤال مريض القلب والسرطان والامراض اللي تودي للموت هي اجراءتها نفس الزكام والكحه والكسر..

عالعموم الله يشافيك يارب،، وروح اسأل عن قسم الولاده كم ياهل طاح ومات لانهم موفرين دكتوره والا ثنتين والممرضات هم اللي يشيلون كل شي واذا هاي ولادتج الثانيه بالطقاق واللي ما يحفظج بالنسبه لهم..

[وتبقى الدنيا حلوه]

انت ما تعاملت مع مستشفى حمد انت تعاملت مع الخور،، والخور الكل يمدح مستشافها لدرجه ان الحريم يروحون يربون هناك يقولون عنايتهم غير عن مستشفى حمد اوكي بنقول من الضغط..

بقولك شي صار معاي شخصيا اختي مريضه بالسرطان الله يبعده عنكم يارب وتتعالج بمستشفى حمد والملف عندهم،، طيب اللي يعرف لعلاج السرطان انهم يعطون كيماوي وترجع البيت وتصيدها حمى وتنزل مناعتها وترجع عندهم بغرفه محد يدخل عليها الا بكمام لانه المناعه كلش نازله،، رحنا لهم قلنا نبي كرسي نزلها من السياره تعرف شقالوا لنا جيبوا بطاقه شخصيه قلت له ماعندي يعني بهتم بطاقه شخصيه بالمستشفى ليش لا الا تجيبين ياخي اختي مريضه لا مالي شغل وازيدك حولني علة مسؤولهم ويعطيني محاضره بالادب والاخلاق بس علشان عصبت،، المهم مني مناك خذنا ليسن هندينا وعطيناهم..

طبعا ما وقف اهمالهم اهني والجرعه اللي اتكلم عنها كانت اخر جرعه لها يعني يعرفون انها مريضه بالسرطان مو زكام،، تخيلوا من دخلت وانا اقول للدكتور هي مريضه سرطان ومناعتها وهو طيب طيب وحطها بغرفه جمعيه على ايام 6 اسره وطبعا غير الزوار والممرضات والدكاتره وانا،، طبعا عقب ما فضى الاخ او استوعب دخلها غرفه وعقبها بشوي نقلها السادس وانتوا تعرفون السادس لشنو ماخذت نص يوم وماتت..

صح بتقول يومها امنا بالله ولا اعتراض على حكمه سبحانه تعالى لكن السؤال مريض القلب والسرطان والامراض اللي تودي للموت هي اجراءتها نفس الزكام والكحه والكسر..

عالعموم الله يشافيك يارب،، وروح اسأل عن قسم الولاده كم ياهل طاح ومات لانهم موفرين دكتوره والا ثنتين والممرضات هم اللي يشيلون كل شي واذا هاي ولادتج الثانيه بالطقاق واللي ما يحفظج بالنسبه لهم..


الله يرحم اختج و يغفر لها و يسكنها فسيح جناته ..

بالفعل مستشفى حمد بالرغم من توافر افضل الاجهزة على مستوى العالم و لكن بعض الدكاترة (بقر) ما يفتهمون و لايعرفون وين الله قاطهم

[الزلزال]

مؤسسة حمد الطبية مافيها اي عيب

كل شي متوفر وعلى اعلى مستوى من الاجهزه و النظافة مافي اي شي ناقص في مستشفى حمد

العيب هو في الي يشتغلون من دكاتره و ممرضين هم السبب ....

والله لو ابناء هذا الارض الطيبه والله ماتحصلون عيب في مستشفى حمد

يقول المثل مايحك جلدك غير ظفرك ..

تحياتي

[£عبدالعزيز£]

اول شي مشكور اخوي عالموضوع
..

وعلى العموم الاخطاء تحصل في جميع مستشفيات العالم

ولا تنسون ان هذا مستشفى .. يعني مثلا اهل المريض او المريض نفسه

ممكن انهم يتقدون ان فيه تقصير من المستشفى وطبعا كل هذا خوفا على مريضهم

وهالشي من حقهم .. فما يحصل كثيرا ان المستشفى يسوون المطلوب وبالشكل الصحيح

ولكن اهل المريض يحسون بنوع من التقصير .. وهم في مثل هالحالات ما ينلامون طبعا

..



اخوي انا عندي رد على كلامك انت تقول هاي يومه ماااختلفنا وهذي ماعليها اعتراض اكيد ... لكن بسالك سوال هل عمرك سمعت انه عيادة من العيادات الي برى ذبحوا شخص سببوا شلل حق احد صرفوا أدوا حق احد بالغلط ... طبعا بتقولي لا ... تدري ليش لانه هم اذا جاهم المريض يفحصونه عدل ويتأكدون عدل ويصرفون له الدواء العدل ... انت تخيل معاي انا مره رحت عيادة الدوحه اوكيه اظطريت عندهم اني اخذ دواء عن طريق الابرة بس الطبيب ماعطاني الابرة على طول اول شي شيك عندي حساسيه منه ولا لا يعني اخوي احنا مانقول انه مستشفى حمد تعباااااان لا لكن فيه إهمال الأهتمام قليل وهذي اقدر اقول سببها كثرة المراجعين والضغوط على الموظفين والدكاترة لكن لاتقولي اعذرهم على هالسبب لا لا لا هذي ارواح ناس مثل ماقلت انت وفي الاخير بقولك شي ( وانت بعد لاتحكم على المستشفى من زيارة وحدة ) وصباحك خير


اخوي اكبر مستشفيات العالم تصير فيها مثل هالاخطاء

لانهم فالنهاية بشر .. وعلى العموم لو يشتكون على المخطىء عند ادارة المستشفى

كل واحد راح ياخذ حقه وراح تتم معاقبة المقصر



مسوين عمليه قلب لشخص قبل كم يوم

وفي الاخير اكتشفو ان عنده القده

(( وعشره ايشيلونه وعشره ايحطونه))

ماختلفنا بس مثل ماقال اخوي خيال شمر

سوء وعدم اهتمام في التشخييييص


اخوي انا ما اقصد اني اكذبك او اقلل من كلامك بالعكس على راسي

لكن هالكلام .. كلام مجالس ؟

ولا تعرف الشخص المعني بالامر او حد يعرفه معرفة قوية ؟

وليش ما اشتكى بادارة المستشفى ؟



السلام عليكم
اهني يكون دور اداره المستشفى اداره مستشفى حمد تختلف عن اداره مستشفى الخور , اكثر روحاتي للمستشفى تكون لمستشفى الخور بحكم قرب المستشفى من البيت طبعا التعامل غير والنظافه غير حتى آلية الدخول للدكتور الى اخذ العلاج بعد غير ...


وعليكم السلام ورحمة الله وبركاته

اخوي مستشفى الخور هو جزء من مؤسسة حمد الطبية

يعني الادارة هي نفسها

بس لانه في مستشفى حمد الزحمة شديدة فممكن تصير بعض الاخطاء او التقصير




انت ما تعاملت مع مستشفى حمد انت تعاملت مع الخور،، والخور الكل يمدح مستشافها لدرجه ان الحريم يروحون يربون هناك يقولون عنايتهم غير عن مستشفى حمد اوكي بنقول من الضغط..

بقولك شي صار معاي شخصيا اختي مريضه بالسرطان الله يبعده عنكم يارب وتتعالج بمستشفى حمد والملف عندهم،، طيب اللي يعرف لعلاج السرطان انهم يعطون كيماوي وترجع البيت وتصيدها حمى وتنزل مناعتها وترجع عندهم بغرفه محد يدخل عليها الا بكمام لانه المناعه كلش نازله،، رحنا لهم قلنا نبي كرسي نزلها من السياره تعرف شقالوا لنا جيبوا بطاقه شخصيه قلت له ماعندي يعني بهتم بطاقه شخصيه بالمستشفى ليش لا الا تجيبين ياخي اختي مريضه لا مالي شغل وازيدك حولني علة مسؤولهم ويعطيني محاضره بالادب والاخلاق بس علشان عصبت،، المهم مني مناك خذنا ليسن هندينا وعطيناهم..

طبعا ما وقف اهمالهم اهني والجرعه اللي اتكلم عنها كانت اخر جرعه لها يعني يعرفون انها مريضه بالسرطان مو زكام،، تخيلوا من دخلت وانا اقول للدكتور هي مريضه سرطان ومناعتها وهو طيب طيب وحطها بغرفه جمعيه على ايام 6 اسره وطبعا غير الزوار والممرضات والدكاتره وانا،، طبعا عقب ما فضى الاخ او استوعب دخلها غرفه وعقبها بشوي نقلها السادس وانتوا تعرفون السادس لشنو ماخذت نص يوم وماتت..

صح بتقول يومها امنا بالله ولا اعتراض على حكمه سبحانه تعالى لكن السؤال مريض القلب والسرطان والامراض اللي تودي للموت هي اجراءتها نفس الزكام والكحه والكسر..

عالعموم الله يشافيك يارب،، وروح اسأل عن قسم الولاده كم ياهل طاح ومات لانهم موفرين دكتوره والا ثنتين والممرضات هم اللي يشيلون كل شي واذا هاي ولادتج الثانيه بالطقاق واللي ما يحفظج بالنسبه لهم..


اخوي نفس ما قلت مستشفى الخور ومستشفى حمد تابعين لمؤسسة حمد الطبية

يعني نفس الادارة

..

والله يرحم اختك ويغمد روحها الجنة والله يبعدنا واياكم من شر الامراض

واذا كان فيه تقصير ليش ما رفعتوا شكوى عند الادارة ؟

[حمد بن خالد]

بكل بساطة

مستشفى حمد .. فرس بلا فارس

[abdulla999]

مستشفى حمد ماتقصر حتى لو فيها سلبيات ترى الايجابيات اكثر من السلبيات
وكفاية تقدم خدمة مجانية للموطنين

[علي اليافعي]

[quote=£عبدالعزيز£;4988833]
وليش ما اشتكى بادارة المستشفى ؟



أخوي ليش الأدارة بتفتكر


أسأل حسن الساعي في وطني الحبيب ردوا علية بخصوص التحقيق عن الحرمة الي متوفية بالولادة؟؟؟؟؟؟


لا حياة لمن تنادي

[£عبدالعزيز£]

[quote=£عبدالعزيز£;4988833]
وليش ما اشتكى بادارة المستشفى ؟



أخوي ليش الأدارة بتفتكر


أسأل حسن الساعي في وطني الحبيب ردوا علية بخصوص التحقيق عن الحرمة الي متوفية بالولادة؟؟؟؟؟؟


لا حياة لمن تنادي


اخوي اذا كل واحد قال الادارة ما تفتكر سواءا في مستشفى حمد او في اي مكان ثاني

محد راح ياخذ حقه

اما بخصوص اللي توفت الله يرحمها ويغمد روحها الجنة

اعتقد ان هالشي من خصوصيات اهل المتوفية

وحسب اللي اعرفه ان نتايج التحقيق وصلت لاهل المتوفية اعتقد

..

ودايما لما ينسئلون بعض الموظفين (المحامي على سبيل المثال) عن

اللي يتم التعامل معاهم وعن اسرارهم الشخصية يرفضون الكلام والبوح باسرارهم

على سبيل المثال لما تسال المحامي عن موكله .. راح يقولك انا نفس (الدكتور)

وسر عميلي امانة في رقبتي

فما بالك بـ(مستشفى) مليان دكاترة !!

اعتقد ان اللي المفروض انه ينسئل هم اهل المتوفية وليس مستشفى حمد

وهم لهم الخيار في الاجابة

..

مجرد وجهة نظر

والاختلاف بوجهات النظر لا يفسد للود قضية =)

[روح-قطر]

بصراحه ما توقعنا تموت لان اخر جرعه والامور ماشيه ولله الحمد بس لما صار ما صار انصدمنا وما كان لنا بارض للشكاوي ومع العلم انا كنت صغيره يعني مالي بسوالف الشكاوي ولا قلت لاهلي اصلا واللي غالب الطيبه ومانبي نقطع رزق قبل وانت تعرف تفكير الاوليين ما نبي مشاكل..

[ابو ضمير]

والله انكم عايشين في نعمة بس انتوا مب حاسين الحمدلله على كل حال

[fajer q6r]

الله يعز حكومتنا

كفايه ان العلاج بجميع انواعه مجاني للمواطن


ولابد من وجود اخطاء في التشخيص

[امل الحب]

لحد يعور راسنا ويقول العلاج مجاني .. انا اليوم وصلت حدي من احد المراكز الصحية ..

المراكز الصحية الي البعض يتمنن فيها علينا بعلاج مجاني .. اذا كان مجاني واهمال وويع راسه يبه سووه جزء بفلوس خلونا ناخذ علاج نفس الناس ..

اودي لهم ياهل حرارتها 40 وشوي.. طواري اطفال تقولي نطري ماما للحين في 25 نفر ليش يمه طواري اطفال عيادة متكاملة مافيها الا دكتور واحد ؟؟؟؟

اوكي حولت دخول عيادة عادية جهة النساء.. زحممممممممممممممممممممة وكيو طويل قلت لها ليش كم دكتورة موجودة قالت 2 بس وحدة خلاص بتستئذن وبنحول مريضاتها على الثانية وبتدخلين عقب ذول كلهم..:rolleyes2: قلت لها شنو يعني اوك حوليني جهة رجال قالت لا مابيستقبلونج لان في دكتورة نساء .. وعورت راسي لين اخر شي دخلت بدون رقم عالدكتور :weeping: وجان زين في حد في مكتبه .. :weeping:

مركز صحي طول بعرض يستقبل حول 7 او 8 دكاترة مانلقى الا وحدة ملتزمة الله يجزيها خير والباقيين تسيب والساعة 6 يعني تو اليوم بأوله ..لكن الواحد شيقول .. وكانت العيادة الخاصة الهدف مع محاولة تخفيف حرارة البنوتة ..صج الشي بفلوس ارحم من اللعب والتسيب وحرق الاعصاب ..

[B-GMC]

شكرا للكل على المشاركه وخصوصا عبدالعزيز كفيت ووفيت يا بو سعود وما عرف شاقول بعد اللي قلته.


عموما الله يرحم موتانا وموتى المسلمين,انا قصدي يا جماعه الخير انه اذا كان في تقصير من المستشفى وين تشجيعنا للمستشفى كقطريين تهمنا رفعة بلادنا والنهوض بها في مختلف الميادين والمجالات, ما نكون كما قال الرسول صلى الله عليه وسلم في صفه المنافق انه (اذا خاصم فجر), واذا مريضنا مات يجب تعزيه الدكتور مثل اهل الميت مو جرجرته في المحاكم, لان الاعمال بالنيات واكيد ما كانت نيته قتل المريض, اما سوالف انه نسى الشرشف داخل حلج المريض والسرير في بطنه وركب عينه في اباطه فهذا كلام باطل ليس له اساس من الصحه واقول لو نترك سوالف المجالس والشيش لان ما وراها الا هدم البيوت. أو كما قال الرسول صلى الله عليه وسلم في وصف المنافق انه(اذا حدث كذب)


اتكلم عن نفسي انا بنصر هالمستشفى حتى لو ذبحوني ((وبقصد بعد)) لاني ادري ان المستشفى الخاص ما عندهم لا ذمه ولا ضمير تدش عندك سعال يرقدك ويوصفلك جربه ماي مغذي وياخذ منك ستين تحليل وبعدين يعطيك كيماوي ويسويلك عمليه بواسير اذا ماكانت قسطره يعني لو كان وسواس يقلبه جد ويذبحك عمد وقبل ما تموت بشوي ياخذ من اهلك او التأمين خمسميه الف ريال اتعاب المستشفى ويحولك ((لمستشفى حمد))


الحمد لله رب العالمين
وشكر خاص لجميع العاملين بالمستشفى والله لا يحرمنا منها

[تغلبية]

تستاهل هالبيت يا صاحب الموضوع .. وسلامة رقبتك

عَـلَى قَـدْرِ أَهـلِ العَـزمِ تَأتِي العَزائِمُ === وتَــأتِي عَـلَى قَـدْرِ الكِـرامِ المَكـارِمُ

[برق لمع]

اخوي انا عندي رد على كلامك انت تقول هاي يومه ماااختلفنا وهذي ماعليها اعتراض اكيد ... لكن بسالك سوال هل عمرك سمعت انه عيادة من العيادات الي برى ذبحوا شخص سببوا شلل حق احد صرفوا أدوا حق احد بالغلط ... طبعا بتقولي لا ... تدري ليش لانه هم اذا جاهم المريض يفحصونه عدل ويتأكدون عدل ويصرفون له الدواء العدل ... انت تخيل معاي انا مره رحت عيادة الدوحه اوكيه اظطريت عندهم اني اخذ دواء عن طريق الابرة بس الطبيب ماعطاني الابرة على طول اول شي شيك عندي حساسيه منه ولا لا يعني اخوي احنا مانقول انه مستشفى حمد تعباااااان لا لكن فيه إهمال الأهتمام قليل وهذي اقدر اقول سببها كثرة المراجعين والضغوط على الموظفين والدكاترة لكن لاتقولي اعذرهم على هالسبب لا لا لا هذي ارواح ناس مثل ماقلت انت :) وفي الاخير بقولك شي ( وانت بعد لاتحكم على المستشفى من زيارة وحدة ) :) وصباحك خير

عيادة الدوحة تسببت في قتل انسان قطري
جايهم فيه ارتفاع حاد بالسكر عطوه بلغلط ابرة ترفع السكر بدل ما تخفض السكر وهذا خطأ فادح والشخص هذا الله يرحمه نعرف اهله توفى
كل جهة فيها عيوب بس مستشفى حمد لا يعلى عليه ...اللهم ان اجور الموظفين القطريين جدا زهيدة وهذا هو الممسك الوحيد على المؤوسسة الله يهدي مسؤولينها ويلتفتون للقلة القطرية فيها

[روح-قطر]

طيب لا كلام مجالس ولا شيشه اخس خخخخخخخخخخخ،، وحده اعرفها وزرتها مسويه عمليه في بطنها وعقب فتره انتفخ بطنها بدرجه غير طبيعيه طلع الدكتور ناسي فوطه مادري اسفنجه مو متذكره بس هاي انا اعرفهاااااااااااااااااااااا شخصيا ورحت لها بالمستشفى..

اخوي احنا ما ننتقد المستشفى وجوها والا اجهزتها ننتقد العاملين فيها والتسيب الواضح وليش اذا مات نعزي الدكتور وهو مهمل من البدايه من امن العقوبه ومافي عقوبه كانهم ملاك مايغلطون..

ولا تنسى الريال اللي رفع قضيه لانه المستشفى سببو له عقم..

انت على بالك هين وحده تربي ويطيح ضناها قدامها ويموت ومحد عندها لان مافي مشرفين وفي تسيب..

وبكل برود غلطه دكتور..

طيب شغالتي صادها بووجهه وعلميا العصب السابع وكنت مسافره ورجعت شفت حالتها متازمه وديتها الطواري الاخت تقولي عادي بيروح قلت لها اكيد قالت اي قلت طيب وصفي لي مسكن والا فيتامينات قالت طيب واكتبت،، وما ارتحت وديتها عياده الاعصاب عصب الدكتور وقال هاي اهمال ومن قال انه عادي ووصف لها كرتيزون وعلاج طبيعي..

طيب لو كنت معتمده على الطواري شبيصير فيها،، بتقولي الدكتور اوكي اقولك مو كلهم كفاءه والدليل حاطين وحده شيط وويط خخخخخخخخخخخ لا اقصد تخيط وتبيط من عندهاااااااااااا بالطوااااااااااااااري يعني اغلب الحالات الحرجه عندهم..

حكومتنا ما قصر المشكله باللي يعين قصابين:)..

[B-GMC]

قال رسول الله الله صلى الله عليه وسلم (انصر أخاك ظالماً أو مظلوماً)
قيل: يا رسول الله، أنصره مظلوماً، فكيف أنصره ظالماً؟! قال: (تحجزه أو تمنعه عن ظلمه فإن ذلك نصره)

اخواني المستشفى بيتنا والموظفين اللي فيه اخوانا بشر يخطئ ويصيب اتقوا الله فيهم, ننتقدهم؟!! اكيد لكن بالكلمه الطيبه والموعظه الحسنه فيكون الهدف الإصلاح, قال صلى الله عليه وسلم (ماكان الرفق في شيء إلا زانه ولانزع من شيء إلا شانه) وعدم تشويه صوره قطر.

ولازم نرتقي شوي بالافكار, ام الفوط والشراشف فارفقوا في كتاباتكم وتبينوا الحقائق