المساعد الشخصي الرقمي

مشاهدة النسخة كاملة : ستفسار عن العارضه اذا ممكن


أنت
25-10-2009, 10:25 AM
يالربع عند استفسار عن العارضه
انا موظف في كهرماء
وفي الشباب خذ العارضه وخم من راتبهم ليش ...؟ معنه الاماكن الثانيه عندهم عارضه ولا
يخصمون من الراتب شي
وثاني شي عندي سأل عن الاجازه السنويه
كل الوازات اجازتهم اكثر من 30 يوم على ماعتقد بس احنا 25يوم عمل فقط ليش
يعني نقصو الراتب بس هذا الي تطبق من قانون الموارد البشريه ........
s o s o
25-10-2009, 10:30 AM
العارضه في كهرماء 7 ايام متقطعه ولك 3 ايام فقط منها متصله

وماينخصم من الراتب ريال واحد اذا قمت فيها

الباقي بتاكد وبرد عليك ان شاء الله
أنت
25-10-2009, 10:36 AM
ياااخوك انا معاي 2 من الربع في المكتب خذوها ونخصم شي يعني حول 200ريال وات تقول ريال ماينخصم
ودي أكون
25-10-2009, 10:44 AM
بالفعل مو ريال .. حتى نص ريال ماينخصم ..

اطلب صورة من قانون الموارد البشريه وتقدر اتحاججهم فيها .. لان الحق معاك 100 %

العارضه لا يخصم منها شي ..

فيمكن ربيعك طلع اجازة ومانقبلت عارضته مثلا .. طلع وماقال حق رئيسه او لاي سبب .. وماعتبرها عارضه اعتبرها سنويه او غياب عن العمل .. في هالحاله اخصموا منه ..

فالعارضه يفضل اللي بيطلع يعطي مسؤله خبر .. لان حتى لو الواحد مايطيق مديرة وخاطرة يناحس بس هالنحاسه اتكون على حساب العمل .. والواحد لازم يبري ذمته ويشتغل بالحلال عشان تكون فلوسه حلال اخر الشهر ..

بالنسبة للسنوية .. 45 للسنير - 40 للجنير - 30 للعمال (( فالسابق الدرجات 13 و 12 و 11 ))

حسب عملي البنوك وبعض المؤسسات عندهم الاجازات 20 يوم .. ماتشمل العطل .. الجمعه والسبت ..

أما الوزارات 40 و 45 و 30 شاملة العطل (( الجمعه والسبت )) فلو تحسب ال45 مع العطل تقريبا اتجيك قريب اجازات البنوك والمؤسسات .. والفرق بسيط ..

يعطيك العافيه
عديـل الـروح
25-10-2009, 10:44 AM
اخوي الفاضل :

على القانون القديم وفي القانون الجديد :

اجازات العارضه ما ينخصم من الراتب شئ ..

تأكد من يوم الاجازة كيفيه احتسابها ..

وربي يوفقك ..
أنت
25-10-2009, 10:50 AM
الحين بتصل الشؤون القانونيه
شيط ويط
25-10-2009, 10:52 AM
ياااخوك انا معاي 2 من الربع في المكتب خذوها ونخصم شي يعني حول 200ريال وات تقول ريال ماينخصم

اتوقع اللي انخصم بدل العمل الإضافي :)
ودي أكون
25-10-2009, 10:56 AM
الحين بتصل الشؤون القانونيه

بل بل قانونية مرة وحده .. :omg:

الاجراءات ماتكون جي الله يسلمك ..

اول شي اتصل الشؤون المالية .. وخذ منهم بالضبط كم نازل راتبك وكم ايام العمل .. لان يمكن المخصوم العمل الاضافي مثل ماذكر شيط ويط بيط :tease:

واذا قالوا لك ايام العمل كامله 30 اسالهم عن سبب النقص فالراتب وهم راح يقولون لك .. واذا قالوا لك عندك نقص في ايام العمل يعني غياب .. سكر منهم الله لا يهينك ..

ودق على الشؤون الادارية اسالهم عن سبب ايام العمل ليش مو 30 .. وراح يعطونك الجواب الوافي ..

لكن ان قالوا لك عندك عارضه وخصمنا .. اهني ماعندك الا الشؤون القانونيه ..

اشتغل بدالة اليوم .. الله يوفقك :shy:
أنت
25-10-2009, 11:05 AM
اتصلت قالو ينخصم من العلاوت وخاصه علوت الشفت
ودي أكون
25-10-2009, 11:07 AM
اتصلت قالو ينخصم من العلاوت وخاصه علوت الشفت

اذا عرف السبب .. بطل العجب .. :shy:

وع قولة اللبنانيين معوض ان شاءالله .. :victory:
العمـادي
25-10-2009, 11:48 AM
كل الوازات اجازتهم اكثر من 30 يوم على ماعتقد بس احنا 25يوم عمل فقط ليش
يعني نقصو الراتب بس هذا الي تطبق من قانون الموارد البشريه ........

لا ابشرك 28 يوم عمل

اذا جينير
وهو يوافق 40 يوم
روح-قطر
25-10-2009, 03:15 PM
من قال العارضه بس حتى السنويه يخصمون انا اشوف الناس تنزل لهم بدل اجازه واحنا يخصمون حول 3000 ب15 يوم،، بيوم رجعت موظفه من اجازتها وعقب نزل راتبها خاصمين منها اتصلنا الماليه قالوا لنا طالعه اجازه صرنا الاجازات نخاف ناخذها..

الله يعينا يارب
زقرتي ومزاجي
25-10-2009, 03:21 PM
:(:(:(
عاشقة الجنه
25-10-2009, 07:00 PM
انا اعمل في قسم الاجازات
الاجازة العارضة لاينخصم منها ولاشي ،لاعمل اضافي ولابدل طبيعة عمل
لكن اذا تجاوز الموظف 7 ايام عارضه واخذ 3 مرات اجازة سنوية نضطر ان نحسب له اجازته بدون راتب
فشيك مع وحدة الاجازات عندك وشوف الاجازة العارضة خلصت ، وشوف بعد الاجازة انحسبت لك شنو

ةبالنسبة حق الاجازات السنوية 45 يوم للسنير و40 يوم للجنير
ممكن تاخذها مرة وحدة وممكن تقسمها على 3 مرات فقط

هذا قانون الموارد البشرية
أنت
25-10-2009, 11:07 PM
انزين لو سمحتي عاشقة الجنه
مسؤلي يقولي لا ينخصم منك علاوة الشفت والبدلات
وقالي لك اجازه سنويه 24 يوم عمل
وانا خذت ال24يوم يعني خلصت السنويه
انزين الحين ابي اعرف عندي اجازه في رصيدي وله لا وشلون اعرف
وانا ماخذت ولا يوم عارضه انا احب اداوم بس الشباب خذو ونقصو من راتبهم
نبي انعرف نتصل حق من ....؟؟
عاشقة الطاووس
25-10-2009, 11:16 PM
اخوي كلم شؤون الموظفين هم

الوحيدين اللي بيفيدونك وبيجاوبونك على كل اسئلتك ..

هذا اذا كانوا فاهمين القانون اليديد مال الموارد البشريه.. اما اذا كانوا نفس اللي عندنا

فلا حول ولا قوة :secret:
الـقـاسـي
25-10-2009, 11:23 PM
اخوي العارضه مايخصمون عليها شي ..

اللي ينخصم عليها اللي هي الاجازات المرضيه والسنويه ..

بالنسبه للاجازه اللي تقول 24 يوم عمل اتوقع لو تحسبها تطلع لك اكثر من ال 45 يوم مالت الوزارت خصوصا اذا دوامك شفتات بتفرق واجد وياك ..
لابس بشت
25-10-2009, 11:50 PM
انا كنت موظف سابق في كهرماء
وعلى معلوماتي البسيطه اللي اعرفه انهم كنسلوا الاجازه العارضه في كهرماء ذيك الايام
عاشقة الجنه
26-10-2009, 11:37 AM
أخوي ( انت )
ممكن تستفسر من ادارة الشئون الادارية والمالية قسم الموارد البشرية ( الموظفين )
شعبة الاجازات
وهم راح يقولون لك اجازاتك الي خذتها

لكن انا ما اعرف قانون الكهروماء
بس الي اعرفه انه تطبق عليكم قانون الموارد البشرية

والله يوفقك
أنت
26-10-2009, 02:58 PM
بكره بروح كهرماء
بس المشكله ممنوع اي موظف يدش الموارد البشريه واله بيعطونه انذار قانون على كيفهم
يقولون عندكم منسق اداري \والمنسق راقد على اذنه