المساعد الشخصي الرقمي

مشاهدة النسخة كاملة : البع والشراء عن طريق الأنترنت



sulai6i
13-02-2005, 08:45 AM
اذا تم توفير خدمة بيع الأسهم والشراء عن طريق الأنترنت

هل ستتتعامل بها ام انك تفضل التعامل مع مكاتب الواسطه مباشرة ؟

ولماذا ؟؟

qatar_moon
13-02-2005, 06:19 PM
طبعا اتمنى هالخدمه تصير اعتقد كل العالم عندهم هالخدمه الا احنا

وطبعا اظن اريح لنا

sulai6i
13-02-2005, 06:23 PM
شكرا Qatar MooN على المشاركه

والله كلنا نتمنى إتاحة مثل هالخدمة

لا تلفونات مشغوله ولا هم يحزنون

انا بالنسبة لي بكون من اول المتعاملين بها (( اذا طرحوها ))

بيـــزات
14-02-2005, 06:12 AM
مشكور اخوي على الموضوع..
والله انشاء الله يفتوحون هالخدمه اللي اعتقد ان وايد بيستفيدون منها
اولهم انا لاني بصارحه يعني انا الحين في امريكا وابيع واشتري عن طريق الوسيط
اللي لازم اتصل له علشان يخلص لي امر بيع والا شراء
ولين اصيد خط لازم اصيح لين الله يشوف لي

بورصة مان
14-02-2005, 08:16 AM
البيع والشراء عن طريق النت سوف ينعش السوق لنة في ناس واجد سوف يدخلون البورصة عن طريقة وهم في السابق ما يشترون ولا يبيعون لاسباب خاصة ولا يثقون في الهاتف لنة كلة مشغول ولا يقدرون يروحون البورصة يابنت ما يرضون اهلها او معاق او خارج البلد او ضروف صحية لا يستطيع الانتضار طويلاا هناك

sulai6i
14-02-2005, 08:52 AM
بيزات

عسى الله يوفقك يارب

وترجع لنا سالم غانم

مشكور على إبداء الرأي

sulai6i
14-02-2005, 08:54 AM
اخوي بورصة مان

صدقت والله .. الشريحة اللي بتستفيد من الخدمة هم النساء والمعاقين كما ذكرت
والمغتربين كذلك .. ولا ننسى رجال الأعمال .. لأنهم بيخلصون شغلهم من مكاتبهم

وينكم يا ادراة البورصة تعالوا شوفوا الموضوع وسوو عليه دراسه

بورصة مان
14-02-2005, 09:22 AM
انا اوجه ندائي للمجموعه لانة الدخول الى السوق عن طريق النت يحب ان يكون عن طريق البروكر((الوسيط))
واحس من اداء المجموعة انة هي الي سوف تكون سباقة في هذا المجال واتمنى ان يكون البرنامج نفس برنامج datek وهو وسيط في الاسهم الامريكية والبرنامج فضيع جدا جدا وسهل جدا جدا فية امكانيات اكبر ه جدا

qatar_moon
14-02-2005, 06:17 PM
المفروض يكونون مسوين دراسه حق هالموضوع من زمان

وين احنا قاعدين خلاص الدنيا قامت تشنغل من البيت ( طبعا من زود الكسل )

بس ياريت يتنفذ

قـطـريـه
14-02-2005, 08:52 PM
اتمنى احد يعلمنا كيف التعامل مع الاسهم عن النت
خدمه جديده
تحتاج لشرح
وتوضيح العيوب والمزايا

حتى نتعلم,,,,,,,,,,

بورصة مان
15-02-2005, 08:12 AM
قطرية
خليهم ينفذونها ونعرف البرنامج الي بيشتغلون عليه بعدين الشرح بس عمومن هو يكون واضح وسهل والي اشتغل على اسهم امريكية اكيد جرب هل برامج

سيف
21-02-2005, 12:28 AM
ياريت ونفتك من الخطوط المشغولة دايم

بوحظين
03-03-2005, 09:24 PM
هذه الخدمة راح يكون عليها اقبال كبير ...... ان شاء الله الجهات المختصة تاخذ هذا في الحسبان و اتخصص سيرفرات خاصة للسوق لتجنب الظغط الكبير اللي بصير !!

قطر
03-03-2005, 11:15 PM
والله انا بكون اول واحد

خصوصا اني في الدوام مااقدر اتصل كل دقيقه
او امسك التلفون واتم على اعصابي من 9 لين 11 على مايردون علي ومع برودهم بالموت ايدخلون الاوردر


على الاقل النت ايخلي كل واحد يتخذ قراره بنفسه

:)

شكرا واحد في حاله :)

إنتعاش
03-03-2005, 11:17 PM
يا اخوان

من يريد منكم تحقيق هذه الامنيه عليه بالعمل على اقل تقدير

تفضلوا هنا للأهميه :
http://www.qatarshares.com/vb/showthread.php?t=718

شرقاوي
04-03-2005, 06:23 AM
أنا لي سنتين أتداول الأسهم بالسوق السعودي عن طريق الانترنت

وصراحه الخدمة قدمت لي الشيء الكثير


لكن هناك بعض المشاكل اللتي اتمنى ان يتفاداها الاخوان

في سوق قطر وهي تكرار تعطل النظام في اوقات حرجه

خاصة عند ارتفاع السوق او نزول السوق بشكل كبير

يكون بطيء أحيانا ايضا في الاوقات الحرجه

وبعض المشاكل البسيطه الأخرى


لكن بشكل عام الخدمة مريحه جدا جدا

THE END
04-03-2005, 07:52 AM
وانا اضم صوتي لصوتكم بس يا اخوان انتوا لازم اتقدرون الضغط اللي يصيير ما بين الساعه 9 الى 12 هذذا الوضع يبغيه دراسه متانيه لان الدفع ببطاقة الائتمان في قطر جديد على المؤسسات مافي تجارب محليه في هذا المجال قصدي البورصه البعض بيقول في دفع مثل الكهرماء بس هذا ليس مقياس لانه في البورصه في الثانيه الوحده كم عملية تصيير ومثل ما قال اخونا الشرقاوي ان (السيرفر) الخادم الرئيسي يوقف واذا وقف راحت كثير من الصفقات علينا انا اتوقع ان الموضوع بيصيير بس مش في الوقع الحالي ..............ز والبرامج موجوده في الاسواق المجاوره .............. وانشاء الله تتنفذ وانا اولكم عندي عملي ما يطاوعني ضميري اني اترك المكتب واروح البورصه واذا رحت البروصه بانسى كل الدنيا البيت والعيال ههههههه
اتوقع ان هذه الطريقة مربحه اكثر لشركات الوساطه اكثر من الرد بالتليفون