لكل الشباب الي بنوا الفلل على تصاميم الدولة ...مطلوب رأيكم

[سوق واقف]

السلام عليكم ورحمة الله وبركاته

أخواني أخواتي الأعزاء ...أيش رايكم في تصاميم الإسكان النموذج رقم 1
ونموذج رقم 2 ...

أتمنى الي عنده صور يحط لنا ونشوف آرائكم ...الصراحه اليوم فكرت أسوي تصاميم لبيتي الصراحه المبالغ أكثر حتى من مليون وميتين ...

والحين أفكر أشوف تصاميم الإسكان ...

[سوق واقف]

ولا شخص ....نبي احد ينزل صور للتصاميم

[الموضوعي]

الشكل الخارجي لتصاميم الإسكان مب حلو كلش انصحك تشوف لك تصميم خاص

[الـعــضــيـد]

اخوي انسى تصميم الاسكان ترى مب حلو
وثاني شي ترى بعد سعره نفس سعر البيت الي بتبنية على قد احتياجك يعني مب عود ولاتنسى ترى هو مصممينة من قبل الارتفاعات بعنب كان بظبط بسعر الاسكان صحيح نزل البنيان بس لين الحين بتحط فية يعني

روح تمشى وافتر ماعليك امر والبيت الي تشوفه يعجبك خذ النسخه اذا المالك راضي


وشكر

[فتى الجود]

طرش لى رقم جوالك على الخاص وبطرشلك
صورة لبيت من الأسكان الحكومى
توة مبنى

[ولد الشقب]

تصميم الحكومه مب حلو كلش تقول قرقور ماتفتر فيه

[سوق واقف]

يعطيكم العافيه

[المـــــ$$$ـــــتثمر]

أخوي "سوق واقف" ,,
في هذا الموضوع خصوصاً ,,, لا تسمع كلام الناس نهائياً .. نهائياً .. نهائياً .. نهائياً .. نهائياً ..
سؤال واحد ,, ؟؟ إذا أنت إخترت تصميم وبتبنيه ,, سواً نموذج الأسكان الصغير أو تصميم قصر كبير
من الي يبدفع الفلوس عند البناء ,, أنت ولا هم ؟؟؟
من الي بيسكن فية أنت ولا هم ,, ؟؟؟

صحيح القول "ما خاب من إستشار" لكن موب في حالتك هذة

إلى أبي أوصله أنه أنت الوحيد إلي يعرف إمكانياتك ومقدرتك المادية

يعني بعد ما تنزل للسوق وتشوف الأسعار :telephone: حسبها بينك وبين عمرك
( هل يصلح لك نموذج الأسكان تكلفة أقل :victory:
ولا تحتاج تسوي تصميم خاص ومساحة بناء أكبر ودفع فلوس أكثر ) :eek5: :secret:

هذا القرار مستحيل أسأل فيه أحد غير نفسي

وأتمنى لك التوفيق والإستقرار وراحة البال

تحياتي لك ,,

[قطري !]

دفع لفلوس في البيت ترا غير انك تدفع في سياره


البيت والبنيان لاتبخل عليه , انت ولا اعيالك انشالله راح يقعدون فيه لمده طويله ...




لاتفكر في وقتك الحالي , فكر في المستقبل اذا كبروا عيالك وتبي مكان يضمكم جميعا وفي سعه وراحه

لاتسترخص شي في بيتك!!!!!

[موضي قطر]

أخوي سوق واقف انا لقيت نماذج للبناء عندنا في المنتدى حاطهم العضو ( سهم )

بس ما اعرف احط الرابط :weeping:

[بو الجوري]

هلا أخوي سوق واقف :.. شخبارك :..

مانصحك في نموذج الإسكان أبدا :..
أولا : ماتقدر تزيد فيه ولا توسع الغرف :..
ثانيا: التصميم ما ينفع إنه يكون بيت العمر :.. لأنه مساحته تقريبا مع الملحق والمجلس إذا بتسوي = 450 تقريبا
يعني مبلغ البنك بيكفيك بالراحه :..
مساحة الدور الارضي تقريبا 190
ومساحة الدور الأول تقريبا 140
لكن البيت بتلاقيه صغير بعد كم سنه :..
وثالثا : مافي صاله فوق :.. يعني تطلع الدرج تلاقي 3 غرف :..

أنا كنت مختار التصميم :.. وطبعا غيرته على طول :..
أنا ماقولك صمم قصر :.. لكن صمم شي معقول ومقدور عليه :.. وماتندم على مساحته :..
والأمور بتتيسر إن شاء الله :..

ونصيحه صمم مخطط على هواك وماراح تندم :.. وإذا بديت تبني الله بيفرجها وبيوفقك بإذنه :..
ومب شرط تبني الملحق والمجلس الخارجي أو البنت هاوس على طول :..
إبني البيت وعقب شوي شوي كمل :.. أهم شي الفيلا :..

والله يوفقك يارب ويوفقنا جميع :..

[بوحمد2]

هلا أخوي سوق واقف :.. شخبارك :..

مانصحك في نموذج الإسكان أبدا :..
أولا : ماتقدر تزيد فيه ولا توسع الغرف :..
ثانيا: التصميم ما ينفع إنه يكون بيت العمر :.. لأنه مساحته تقريبا مع الملحق والمجلس إذا بتسوي = 450 تقريبا
يعني مبلغ البنك بيكفيك بالراحه :..
مساحة الدور الارضي تقريبا 190
ومساحة الدور الأول تقريبا 140
لكن البيت بتلاقيه صغير بعد كم سنه :..
وثالثا : مافي صاله فوق :.. يعني تطلع الدرج تلاقي 3 غرف :..

أنا كنت مختار التصميم :.. وطبعا غيرته على طول :..
أنا ماقولك صمم قصر :.. لكن صمم شي معقول ومقدور عليه :.. وماتندم على مساحته :..
والأمور بتتيسر إن شاء الله :..

ونصيحه صمم مخطط على هواك وماراح تندم :.. وإذا بديت تبني الله بيفرجها وبيوفقك بإذنه :..
ومب شرط تبني الملحق والمجلس الخارجي أو البنت هاوس على طول :..
إبني البيت وعقب شوي شوي كمل :.. أهم شي الفيلا :..

والله يوفقك يارب ويوفقنا جميع :..

شنو 3اغرف من البايخ هلي صمم تصاميم الاسكان يعني شنو 3غرف قاعد في شقه انا ووشو؟ اعتقد هاذا شخص مايبي المواطنيين العاديين تكون بيوتهم مثل بيت المسوؤليين الكبار

[المـــــ$$$ـــــتثمر]

هلا أخوي سوق واقف :.. شخبارك :..

مانصحك في نموذج الإسكان أبدا :..
أولا : ماتقدر تزيد فيه ولا توسع الغرف :..
ثانيا: التصميم ما ينفع إنه يكون بيت العمر :.. لأنه مساحته تقريبا مع الملحق والمجلس إذا بتسوي = 450 تقريبا
يعني مبلغ البنك بيكفيك بالراحه :..
مساحة الدور الارضي تقريبا 190
ومساحة الدور الأول تقريبا 140
لكن البيت بتلاقيه صغير بعد كم سنه :..
وثالثا : مافي صاله فوق :.. يعني تطلع الدرج تلاقي 3 غرف :..

أنا كنت مختار التصميم :.. وطبعا غيرته على طول :..
أنا ماقولك صمم قصر :.. لكن صمم شي معقول ومقدور عليه :.. وماتندم على مساحته :..
والأمور بتتيسر إن شاء الله :..

ونصيحه صمم مخطط على هواك وماراح تندم :.. وإذا بديت تبني الله بيفرجها وبيوفقك بإذنه :..
ومب شرط تبني الملحق والمجلس الخارجي أو البنت هاوس على طول :..
إبني البيت وعقب شوي شوي كمل :.. أهم شي الفيلا :..

والله يوفقك يارب ويوفقنا جميع :..


كلامك حلو بو الجوري " أتفق معك وبقوة "


وبإختصار شديد شوف أنت كم تقدر تدفع وصمم على هذا الأساس
على قولت المثل " مد رجيلك على قد لحافك "

أنا عن نفسي بصراحة ما عجبني نموذج الأسكان نهائياً
صممت خرائط خاصة وبالمساحة إلى تناسب إمكانياتي
يعني الحمد لله راضي بالخريطة الي صممتها وكلفة 9000 ريال
وخليت البيت شكلة ناعم من الخارج بدون ديكورات علشان التكلفة ماتزيد
لأن الأشكال المنحية والأقواس ترفع من سعر البناء
التصاميم المستقيمة تكون أرخص


تمنياتي لك بالتوفيق

[سوق واقف]

اليوم رحت العلي للإستشارات الهندسية وعطاني سعر خيالي والله أرخص مكتب إلى الآن بديت معاه والحمد الله ... وعطاني كذا تصميم بس ولا تصميم عاجبني ...

[معيذر جنوب]

كم مساحة البناء في نموذج 1 و2 على مخطط الإسكان

[طير شلوى]

الله يوفقك

[بو الجوري]

كم مساحة البناء في نموذج 1 و2 على مخطط الإسكان

تقريبا الإثنين نفس المساحه :..

ونفس المخطط لكن فرق بسيط فالمداخل والمجلس :..

والمساحه للفيلا تقريبا = 335 متر مربع :..

[عابرة سبيل]

ما يسوى على الواحد هالمخططات اللي من الاسكان

يعني اسم ان الواحد بنى فلة والسلام

انا الصراحة ما انصح فيها
وبالتوفيق للجميع

[المـــــ$$$ـــــتثمر]

سوق واقف ,,,

نصيحة لا تستعجل في التصميم ,, أقصد لا تستعجل في إعتماد تصميم معين حتى لو سويت عليه تعديلات

أذكر لك تجربتي شهر 3 إلي راح 2009/3/1 قالوا بتنزل أسماء المنتفيع شهر 2009/5/1 (( 5000 اسم ))
وأطير على الإستشارات الهندسية وقعدت أصمم الخرايط بسرعة علشان الحق ينزل إسمي مع دفعة 2009/5/1 (( يابالفيت ))
المهم سريع سريع خلصت الخرايط (( * وقتها كنت مقتنع جداً جداً بالخرايط * ))
وخلصت جميع الإجراءات ودخلتها على بنك التنمية
الزبدة أنه اسمي ما نزل مع الدفعة المذكورة أعلاة
تحطمت الصراحة أن اسمي مانزل وقالوا مالك إلى السنة الجاية ,, المهم ,,
قعدت أطالع الخرايط من جديد وأتفكر فيها ,,
صــــــــــــــــــــــــــــــــــــــــــــــراح ــــــــــــــــــــــــــــــــــــــــــــــــة
تندمت يوم إستعجلت فيها ,, وقلت الحمدلله إن اسمي ما نزل
طلعت عيوب الدنيا فيها ,, معي إني دفعة 9000 ريال عليها
ورجعة ثاني مرة أخطط من جديد وبدفع بعد تقريباً 9000 ريال

المهم ما أطول عليك ,, صراحة كنت ماخذ راحي الشهور الي راحت كله بس قاعد أصمم وأعدل مع الإستشاري ,, وكل ما طلعت فكرة جديدة أحسن مني الي قبل أروح الإستشاري وأعدل على التصميم
وفي نفس الوق أدور على البيوت الي تقريباً في مرحلة التشطيب وآخذ أفكار منها ( أستفدت كثير من الدواره على البيوت ) طلعت أفكار جهنمية والله ولا كنت أحلم أو أفكر فيها مع أنها بسيطة لكن ما تطري على البال

بالتوفيق إن شاء الله ,,

[موضي قطر]

سوق واقف ,,,

نصيحة لا تستعجل في التصميم ,, أقصد لا تستعجل في إعتماد تصميم معين حتى لو سويت عليه تعديلات

أذكر لك تجربتي شهر 3 إلي راح 2009/3/1 قالوا بتنزل أسماء المنتفيع شهر 2009/5/1 (( 5000 اسم ))
وأطير على الإستشارات الهندسية وقعدت أصمم الخرايط بسرعة علشان الحق ينزل إسمي مع دفعة 2009/5/1 (( يابالفيت ))
المهم سريع سريع خلصت الخرايط (( * وقتها كنت مقتنع جداً جداً بالخرايط * ))
وخلصت جميع الإجراءات ودخلتها على بنك التنمية
الزبدة أنه اسمي ما نزل مع الدفعة المذكورة أعلاة
تحطمت الصراحة أن اسمي مانزل وقالوا مالك إلى السنة الجاية ,, المهم ,,
قعدت أطالع الخرايط من جديد وأتفكر فيها ,,
صــــــــــــــــــــــــــــــــــــــــــــــراح ــــــــــــــــــــــــــــــــــــــــــــــــة
تندمت يوم إستعجلت فيها ,, وقلت الحمدلله إن اسمي ما نزل
طلعت عيوب الدنيا فيها ,, معي إني دفعة 9000 ريال عليها
ورجعة ثاني مرة أخطط من جديد وبدفع بعد تقريباً 9000 ريال

المهم ما أطول عليك ,, صراحة كنت ماخذ راحي الشهور الي راحت كله بس قاعد أصمم وأعدل مع الإستشاري ,, وكل ما طلعت فكرة جديدة أحسن مني الي قبل أروح الإستشاري وأعدل على التصميم
وفي نفس الوق أدور على البيوت الي تقريباً في مرحلة التشطيب وآخذ أفكار منها ( أستفدت كثير من الدواره على البيوت ) طلعت أفكار جهنمية والله ولا كنت أحلم أو أفكر فيها مع أنها بسيطة لكن ما تطري على البال

بالتوفيق إن شاء الله ,,



اخوي ممكن تقول لنا شنهي الأخطاء ( القاتلة ) اللي ممكن نتجنبها

وتذكر لنا الفايدة اللي خذيتها من بيوت الغير ؟؟

[المـــــ$$$ـــــتثمر]

هي ليست أخطاء بمعنى قاتلة لكن عيوب في التصميم والشكل والمساحات والأبعاد
لا توجد أخطاء قاتلة لأن المسؤول عن التصميم المكتب الإستشاري

مثلاً من التعديلات إلي سويتها :
1 - الملحق كان تحت خليته فوق السطح ( بينتهاوس ) وصار عندي مساحة أكبر في الحوش
2 - الصالة الي فوق كانت جميع أبواب الغرف تفتح على الصالة ,, عدلتها وحطيت ممر للغرف كلها مع قوس واحد يفتح على الصالة بس
3 - البيت كان له مدخل واحد رئيسي فقط من الصالة الرئيسية فقط ,, عدلتة وخليت مدخل ثاني على جانب البيت
4 - المطبخ الخارجي خليتة ملاصق للبيت وبابة على برى ( علشان أستفيد من الـ 2 متر المطلوبة من البلدية بين البيت والملحق إذا كان منفصل )
5 - مكان مجمع الكهرباء كان واضح في منتصف الصالة ( خليتة في مكان صاد وما يبين )
6 - حجم النوافذ إلى في واجهة البيت كان صغير جداً يعني منظرها كان بيطلع بايخ( طبعاً بعد الدوارة والتلفلف على البيوت ,, وصلت لحجم ممتاز للنوافذ يتناسب مع حجم واجهة الفلا )
7 - أنابيب الصرف الصحي من الخارج الي تكون ملتصقة في الجدار كانت على كل جدار ,, يعني ما فية ترتيب المهندس ماخذ راحتة في التوزيع ,, يعني تشوف البيت من برى الواجهات الجانبية فيها أنابيب ( تم تعديلها ووضع كل دورتين مياة في دكت واحد من الخارج ليتم تغطيتها بالــ جي آر سي في النهاية )



هذة بعض ما أذكر حالياً

تحياتي ,,

[موضي قطر]

هي ليست أخطاء بمعنى قاتلة لكن عيوب في التصميم والشكل والمساحات والأبعاد
لا توجد أخطاء قاتلة لأن المسؤول عن التصميم المكتب الإستشاري

مثلاً من التعديلات إلي سويتها :
1 - الملحق كان تحت خليته فوق السطح ( بينتهاوس ) وصار عندي مساحة أكبر في الحوش
2 - الصالة الي فوق كانت جميع أبواب الغرف تفتح على الصالة ,, عدلتها وحطيت ممر للغرف كلها مع قوس واحد يفتح على الصالة بس
3 - البيت كان له مدخل واحد رئيسي فقط من الصالة الرئيسية فقط ,, عدلتة وخليت مدخل ثاني على جانب البيت
4 - المطبخ الخارجي خليتة ملاصق للبيت وبابة على برى ( علشان أستفيد من الـ 2 متر المطلوبة من البلدية بين البيت والملحق إذا كان منفصل )
5 - مكان مجمع الكهرباء كان واضح في منتصف الصالة ( خليتة في مكان صاد وما يبين )
6 - حجم النوافذ إلى في واجهة البيت كان صغير جداً يعني منظرها كان بيطلع بايخ( طبعاً بعد الدوارة والتلفلف على البيوت ,, وصلت لحجم ممتاز للنوافذ يتناسب مع حجم واجهة الفلا )
7 - أنابيب الصرف الصحي من الخارج الي تكون ملتصقة في الجدار كانت على كل جدار ,, يعني ما فية ترتيب المهندس ماخذ راحتة في التوزيع ,, يعني تشوف البيت من برى الواجهات الجانبية فيها أنابيب ( تم تعديلها ووضع كل دورتين مياة في دكت واحد من الخارج ليتم تغطيتها بالــ جي آر سي في النهاية )



هذة بعض ما أذكر حالياً

تحياتي ,,



مشكور ياخوي

[هدوء العاصفة]

تسلم اخوي المستثمر على المعلومات المفيدة