المساعد الشخصي الرقمي

مشاهدة النسخة كاملة : شباب احد يدلني على محل لتنجيد السيارات


راعي النيسان
07-02-2006, 09:30 AM
هلا شباب ،،، الصراحة سمعت من ايام في احد الجرائد انه في محل متخصص لتنجيد السيارات يعني بالعربي ابي محل يقلب لي كلش في الموتر حسب اللون اللي انا ابيه بما فيه طلبون السيارة والدوسات والكراسي والسقف ... وإذا في احد عنده خبر عن التكلفة يا ريت يقولي كم الكلفة ...

تحياتي لكم ...
البنز
07-02-2006, 01:57 PM
أعتقد وإنت طالع من دوار الجيدة بإتجاة الريان القديم ودوار خالد بن حمد ..

فيه أكثر من محل على يمينك .. ما أتذكر أساميهم .. يمكن واحد منهم للعبيدلي

وبانكوك في الصناعية يقولون شاطر بس ما جربته ..

أتمنى إني نفعتك بشئ ..
راعي النيسان
07-02-2006, 02:12 PM
تسلم يالبنز بانكوك مريت عليه امس ، بس قالي ما يقدر يغير لي الدوسات ، وبوكس الجير ... وهذه مهمة وايد لاني بغير شكل الموتر وانا ابي الدوسات تتغير حفاظا على الشكل واللون والتناسق للموتر ...
سهم صائب
07-02-2006, 02:14 PM
عندك العبيدلي بين دوار الريان القديم ودوار الجيدة شغلهم عجيب
راعي النيسان
07-02-2006, 02:21 PM
ياخوك العبيدلي ذيه يشد الموتر كله لون واحد وإلا بس شغل كراسي وبس .. قصدي طبلون ، وسقف ودوسات , حتى الابواب ...
عاشق الدوحة
12-02-2006, 05:37 AM
رااعى النيسان على حسب الموتر وتعال الكويت وانا اودييك واغدييك واعشييك واخلييك تمسى لما يخلص الموتر وتقلبه من تحت لى فوق حتى الطبلون والحزام الامن يصبغوونه لك ويركبون تيك على السكاان وبالعربى الفصيييح الاحوته والرنجات والواتر الفخمه يطلعوونها من الوكااله ويغيروون شكلها من داخل كمبليييت واسال عنه محل احسان الباكستانى فى منطقه شرق فى دوله الكويت وعلى فكره غالى والغالى ثمنه فيه
راعي النيسان
12-02-2006, 08:41 AM
أنا افدى أهل الكويت وأهل شرق حبيايبي والله ... وتسلم على الدعوة يالغالي ، وإنشاء الله نلبيها في اقرب وقت ،،، خصوصا اني بين كل فترة وفترة لازم امر الكويت حبيابنا واهلنا وايد هناك وطبعا ما عندنا مانع لو زادوا حبيب واحد هههههه . على العموم يالغالي مشكور وماقصرت الموتر انا وديته العين بالامارات وحاليا تقريبا شبه منتهي وانشاء الله بستلمه قريب على هذا الاسبوع ... والرنج على قولة الكويتيين الحين شغل عدل :nice: او خوش شغل :funny: هههههه

يسلموا ,....
Aigner
13-02-2006, 10:09 PM
فيه محل في شارع العزيزيه التجاري الخلفي تقريبا الشركه الفرنسيه
يركب لك اللي تبيه مر عليه وشوفه
A.L.I
13-02-2006, 10:13 PM
فيه محل في شارع العزيزيه التجاري الخلفي تقريبا الشركه الفرنسيه
يركب لك اللي تبيه مر عليه وشوفه


بصراحه هي المحل ويد ممتاز في التركيب
العنان
14-02-2006, 12:46 PM
اخوي عندك مثل ماقال اخوي الثيم محل الفرنسيه في العزيزيه في نفس الشارع اللي في البيتزاهت وعندك محل كرستال اللي في شارع سلوى
لمت داون111
14-02-2006, 01:03 PM
مر محل الشاشه البيضه علي خط سلوي وبتشوف الي يسرك توه محل يديد بس والله شغله ولا اروع وانا بنفسي رايح مع رفيجي وعدل موتره وبسعر حلو والله
بالتوفيق اخوي
عند اللزوم
14-02-2006, 01:08 PM
روح العبيدلي شغلة ممتاز وخبرته من سنين
راعي النيسان
14-02-2006, 01:14 PM
مشكورين شباب بس الموتر خلاص ... وديناه العين بالامارات وتقريبا شبه منتهي انشاء الله هلاسبوع بنستلمه :) :app: :funny: :nice: :con2:
auto body
14-02-2006, 03:25 PM
بانكوك والمركز الالماني بس في قطر ولاكن في الامارات كار سيت اشهد انه وكالة مب محل عز الله يشتغل شغل اهل المانيا انا سويت عنده طوارق المانيه من الداخل رصاصي بعد عشر ايام رجعت استلم الموتر ولا موتري بيج شغل الوكاله طرت من الفرحه والله يشتغل والفلوس الي تندفع عندة مب خسارة