اليوم السوق أحمر

[الرسام القطري]

السلام عليك ورحمة الله وبركاته

الى متى السوق أحمر تعبت والله ما أدري أبيع واطلع وأشتري كم بيت واجر أحسن
حتى وانا على السرير أحسب خسارتي تعبت والله ....

اللهم أرحمنا برحمتك كل تقولون السوق راح يتعدل والى الآن السوق أحمر داون داون دوان

[ابن الوكره]

طالما فيه اكتتابات السوق احمر و الله يستر ماتكون السنة كلها باللون الاحمر لانه ياخوي الاكتتابات في بدايتها عندك الاسمنت و بنك الخليج بينزلون في 2006 هذا غير الشركات اللي مانعرف عنهم لحد الان , و مسكين المستثمر اللي يكتتب في السهم و ياخذونه منه الهوامير برخص التراب و بروه بتكون خير دليل على هذا الشيء يوم الخميس القادم لان تركيع السوق فقط لفائدة الهوامير اللي عندهم سيوله يشتري لمدة سنة قدام و لايهمه مثل ماخذوا الناقلات برخص التراب الله يستر على بروه و الريان.

[mmkqtr]

السلام عليك ورحمة الله وبركاته

الى متى السوق أحمر تعبت والله ما أدري أبيع واطلع وأشتري كم بيت واجر أحسن
حتى وانا على السرير أحسب خسارتي تعبت والله ....

اللهم أرحمنا برحمتك كل تقولون السوق راح يتعدل والى الآن السوق أحمر داون داون دوان

:eek3: :eek3: :eek3: :eek3: :eek3: :eek3: :eek3: :eek3: :eek3: :eek3:

[الحريري]

المحافظ ممتنعه عن الشراء بإنتظار بروة، هذا أول شي .
والسبب الأهم هو أنا و إنت وبس، مايعلن عن إكتتاب إلا الشباب طابور عند الوسيط لطلبات البيع.
وأنا مقتنع 100% إن لا فلوس الريان و بروة و لاهذا الكلام الفاضي بيرفع السوق و الدليل يا أخي مثلا:
شركة يتم التداول عليها بمئات الألوف من الأسهم حتى ترتفع مثلا 30 ريال وبعدين خلال يومين أو ثلاث أيام بكم ألف سهم تنزل و تخسر هذا الإرتفاع.
مثل البنوك يوم مطلوب لمت أب ومحد يبيع و يوم لمت داون و محد يشتري، مع إن توزيعات خيالية وزعتها البنوك .
و أخيرا السوق ما راح يطلع أبدا و ماراح ينزل أبدا و أنت فسر هذا .

[لمت أب]

لاتحزن ياأخي العزيز ولاتيأس...(ان مع العسر يسرا)صدق الله العظيم
عسى الله ان يجعل بعد هذه الضيقة مخرجا

[keep calm]

اذا اصابتكم اي مصيبه من مصائب الدنيا فلا تجزعوا بل عليكم بالصبر فأنه مفتاح الفرج واعلموا ان بعد العسر يسرا ولن يغلب عسر يسرين .