يا اعضاء المنتدى والله ربعي تعبوني

[gxr o.z]

السلام عليكم ورحمة الله وبركاته
شباب وشابات
ربعي راسهم يااااابس ومايفهمون
الحين فالفيس بوك
عندي ناس انجليز ( لا تخافون مب بنات )
المهم انا حاط رابط فيه قرأن قام واحد من الربع يتفلسف ويقول حرام وحرام يمكن يعيبون علينا قلتله خلهم عقابهم عند الله للعلم بعد عندي مسلمين يعني ماتدري يمكن اهدي لي كم واحد ويدش الأسلام
يعني اظن مب حرام احط رابط قرأن على فيس بوك
بعدين رفيجي يبي يرسلي اغنية اقوله مابي راح تاخذ ذنوب وانا راخ اخذ ذنوب يقول عادي يارجال من قال شيوخ الدين كذابين يالربع هالأنسان شفيه!!!!
ارجوكم ثبتوا صحة كلامي علشان يصدقبعدين ربعي الله يهديهم كل ما اقول شي عن الدين يقولون شفيه ذي صار شيخ دين هههه بتصقر الثوب الحين وبتركب مياجر!!! شهالكلام يالربع ارجوم لاقولي حل معاهم انا ماسك اعصابي والله ومابي اغلط لأن الصراحه كل مايشوفوني يستعبطون علي بس لأني تدينت
تحياتي
تحياتي

[فاضي عمل]

السلام عليكم ورحمة الله وبركاته
شباب وشابات
ربعي راسهم يااااابس ومايفهمون
الحين فالفيس بوك
عندي ناس انجليز ( لا تخافون مب بنات )
المهم انا حاط رابط فيه قرأن قام واحد من الربع يتفلسف ويقول حرام وحرام يمكن يعيبون علينا قلتله خلهم عقابهم عند الله للعلم بعد عندي مسلمين يعني ماتدري يمكن اهدي لي كم واحد ويدش الأسلام
يعني اظن مب حرام احط رابط قرأن على فيس بوك
بعدين رفيجي يبي يرسلي اغنية اقوله مابي راح تاخذ ذنوب وانا راخ اخذ ذنوب يقول عادي يارجال من قال شيوخ الدين كذابين يالربع هالأنسان شفيه!!!!
ارجوكم ثبتوا صحة كلامي علشان يصدقبعدين ربعي الله يهديهم كل ما اقول شي عن الدين يقولون شفيه ذي صار شيخ دين هههه بتصقر الثوب الحين وبتركب مياجر!!! شهالكلام يالربع ارجوم لاقولي حل معاهم انا ماسك اعصابي والله ومابي اغلط لأن الصراحه كل مايشوفوني يستعبطون علي بس لأني تدينت
تحياتي
تحياتي



مايجوز تقول تحياتي :shy:

[فارس الكلمة]

اسلك طريق الدين أولى و أصلح .. و دع كلام ربعك ..

تحية لك ..

[gxr o.z]

مايجوز تقول تحياتي :shy:

؟؟؟؟؟؟؟

[ناصر30]

يعطيك العافيه اخوى والله يثبتك ويهدى ربعك

مشكله الربع هذى والله مشكلة المشاكل ويبي لها دعوه ودعاء وصبر

كلنا نشوف ربعنا احسن ناس وبسبب العشره والايام الحلوه صعب نتخلى

عنهم فجاءه وسبحان الله الانسان لما يلتزم احيانا تلقى ربعه وهله واغلب

الناس يتغيرون عليه لانهم ماخذين فكره خطا عن الملتزمين

والانسان يوضح لهم هالشى بالتى هي احسن وبالرفق واللين ولاننسى

ان الرسول صلى الله عليه وسلم كان خلقه القرآن وقال سبحانه وتعال:

(( ولو كنت فظا غليظ القلب لانفضو من حولك))

دائما المعامله الطيبه والابتسامه والصبر والدعاء لهم واحيانا الزعل الخفيف

تؤدى الى نتايج طيبه ولو بعد حين

الا اذا الانسان خاف على نفسه ان هالربع يرجعونه للغفله فالافضل يغيرهم

لك كل التحيه والله يوفقك

[Radnes]

الله يهديك ويهدي ربعك

[law girl]

استمر على اللي انت عليه ..
وماعليك من ربعك ..
إذآ كانوا ربع سوء فربي بيرزقك باللي أحسن منهم ..
وإذآ كان فيهم خير إن شآء الله ربي بيهديهم ..
وخلك على طريقك ولآ يهزك ريح :) ..

وربي يوفقك يآآآآآآرب ..

[المشط]

قال عليه الصلاه والسلام ( إنما مثل الجليس الصالح والجليس السوء ، كحامل المسك ونافخ الكير . فحامل المسك ، إما أن يحذيك ، وإما أن تبتاع منه ، وإما أن تجد منه ريحا طيبة . ونافخ الكير ، إما أن يحرق ثيابك ، وإما أن تجد ريحا خبيثة )الراوي: أبو موسى الأشعري المحدث: مسلم - المصدر: صحيح مسلم - الصفحة أو الرقم: 2628
خلاصة الدرجة: صحيح

صديقك نافخ كير ابحث عن حامل المسك

[ولد الشحانية]

انت لوسمعت حلقت صوت الخليج الظهر كان عرفت تختار ربعك الجيدين

[مشتاقة لقطر]

اعمل اللي انت مقتنع فيه واستمر فيه وخل اذنك صمخا لهم عاملهم باسلوب عمك اصمخ ما يسمع ..

ولا تغلط ..ولا كنك سمعت .. ( الحقران يقطع المصران)

وان شالله بيتمللون يا بيتبعون طريقتك او بيدورن لهم حد على شاكلتهم وانت الله بيعوضك باخير منهم


وجزاك الله خير على الروابط القرانية

[s o s o]

الي قلته مب مهم

اهم شي لاتقول تحياتي

[رهج السنابك]

الله يثبتك

ودامك تدينت لازم تغير ربعك او تهديهم .. لان الصاحب ساحب وممكن يأثرون عليك

حاول تنصحهم بأسلوب لطيف وهاديء ولا تكون مثل اللي اول ماتدين قام يفتي ويتعصب لان بهالشكل محد بيسمعك ولا يحبك

ان شفت عليهم منكر .. قول لهم ترا الملك اللي على يسارنا جاهز يسجل اي معصيه علينا ويوم القيامة لا بتنفعنا اغنية ولا غيره

القبر موحش ومظلم وماينوره الا العمل الصالح حط لهم صورة القبر صدقني من شاف صورته يرتعب

[ام خليفة]

الله يثبتك ان شاءالله :)

بسم الله الرحمن الرحيم
وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا
صدق الله العظيم

[Bo jassim]

قال تعالى:(( وان تطع اكثر من في الارض يضلوك عن سبيل الله))

[Bo jassim]

واصبر نفسك مع الذين يدعون ربهم بالغداة والعشي يريدون وجهه ولا تعد عيناك عنهم تريد زينه الحياة الدنيا


ولا تطع من اغفلنا قلبه عن ذكرنا واتبع هواه وكان امره فرطا

[Bo jassim]

من احسن قولا ممن دعا الى الله وعمل صالحا وقال انني من المسلمين

[123MOOON123]

اخوي ادعوا لهم بالهدايه .. وقبل لا تشوف طريقة تهدي بها الي في الاجانب ربعك اولى حاول معاهم ولا تيأس والاقربون اولا بالمعروف .. انا اعرف واحد ربي هداه والحمد لله من بعد ما كان ... اصبح متغير 360 درجة وسبحان مغير الاحوال .. الغالي ربعك اذا يعزون عليك حاول انك تقنعهم برايك وتناقش معاهم وبين لهم وجهت نظرك مرة ومرة ومرة تالي بيقتنعون ان شاء لله .. والله الهادي

[R.T.Z]

أخي الحبيب نسئل الله إن يثبتك على طاعته
نصيحتي لك ألاكثار من الدعاء في كل صلاة ..اللهم يا مقلب القلوب ثبت قلبي على دينك
ودعاء آخر عليك به..اللهم عني على ذكرك وعلى شكرك وعلى حسن عبادتك
وادع الله إن يرزقك بالصحبه الصالحه وحاول تبتعد عن ربعك هذولي في الوقت الحالي أنا أدري أنك تحب لهم الخير وودك أنهم يلتزمون على طاعة الله مثلك لكن أنت الأن منت مؤهل تدعوهم
لكن اجتهد على نفسك بتعلم مايفيدك ويعينك على طاعة الله وعليك بالبحث بالصحبه الصالحه
وربعك ماقول لك اقطعهم يعني إن قابلتهم في مكان سوى في مدرسه أو في عمل أو إي مكان سلام عليهم واسئل عن احوالهم ولاتكثر مجالستهم والسؤالف معاهم لان ممكن يتطنزون عليك وأنت تتطنز عليهم ويكثر الجدال بينكم لكن إلي عليك تدعو لهم في ظهر الغيب بالهداية والصلاح ولك الاجر على ذلك..وإن حبيت تهدي لهم شريط يوم من الايام هذا شي طيب
ونسئل الله إن ينفع بك بهذا العمل البسيط المبارك :)

[بوحارب]

ياخي هذا الشي والحيد اللي انه خاطري اعرفه :(

شنو هالفيس بوك!!

حتى بعض الأحيان تجيني ايميلات من الفيس بوك وامسحها على طووول لأني مادري وش الطبخة :anger1:

الله يثبتك يارب


مايجوز تقول تحياتي :shy:

تحياتي لمن دمر حياتي http://up.souqaldoha.com/get-10-2009-souqaldoha.com_mo771g12.gif (http://up.souqaldoha.com)

[شبح الصمت]

اخوي صاحب الموضوع اول شيء اهنيك على صمودك وعزيمتك وارادتك انك تحاول قد ما تقدر انك تثبت نفسك على طاعته ،، بس نصيحه نصيحه نصيحه من اخو عابر سبيل الفيس بوك (( دمار )) لا تقولي انك تبي تنصح ناس كفايه الي نشوفه صراحه انا ما حبيته هالفيس بوك ولا راح احبه ياخي من تدخل لين تطلع دمار ولا تقولي لا ،، اذا الحين قلبك صلب وصامد عقب مع الايام بلين انا اقول خلك من الفيس بوك واذا عندك ربع شباب حولهم على المسن وراسلهم واذا تبي تهدي احد والا تحاول انك ادخله الاسلام ( غير مسلم ) فالطريقة الافضل أنك ترسل لك كتاب تاخذه من فنار ومعاه سيدي قران للشيخ السديس او اي واحد من مشايخنا الكرام ،، وما عليك من كلام ربعك اختر الرفقه الصالحه وحاول انك لو تطلع معاهم عالاقل تخليهم يصلون اذا اهم ما يصلون ،، او حاول اذا خلاص انك ترافق اصحاب الدين ويا كثرهم ربعنا ماشاء الله عليهم الي ينشد فيهم الظهر في هالامور والمجالس الطيبه بالذكر يا كثرها والي يبي الشيء لا ينطر احد يقوله سوه ،، أبدء فيه وتوكل على الله وتذكر انه معاك رب العالمين،، ونسيت ما اقولك يالطيب لا تشد على ربعك في النصيحه لانهم بينفرون منك لانك قبل مثلهم حاول قد ما تقدر باللين وبالكلام الطيب لانك ان دخلت جامد راح تطلع بسرعه حاول قد ما تقدر انك تمسك اعصابك وتكون حليم معاهم ومع غيرهم واذا شفت احد اخطأ لا تفتي من عندك حاول تقرا كتب تنفعك لا تقول بس التزام حاول تعمق فالدين عشان تعرف اكثر واكثر ،، وربي يوفقك وصلاتك صلاتك ثم صلاتك ..
الله يهديني ويهدي ويهدي ويهدي جميع المسلمين والمسلمات ..وسلامي لكل ربعي الموجودين الي اعرفهم والي ما اعرفهم

[بوعمير]

عسى الله يثبتك وخير ما سويت، مابينفعك إلا دينك وعملك.
وربعك إنصحهم واصبر عليهم، وخف روحتك لهم وإذا شفت ما منهم فايده كله يعيبون عليك ومن هالحركات أقول أخيرلك ان تبتعد عنهم، وترى المؤمن مصاب من ربعه وغير ربعه أصبر و عسى الله يثبتنا وياك.

[غناتي1]

اتركهم -- ومسيرهم هم اللي يدورونك ويفتخرون براعي الدين

وانصحك اسمع محاضرات الشيخ ابو زقم العتيبي

[وتبقى الدنيا حلوه]

التحيات لله بس ..

ما عليك منهم كل انسان يسوي اللي يبيه

و جزاك عند الله كبير

وطنش تعش تنتعش

[قطري !]

أخوي



انا اتمني انك تسوي برنت لموضوعك وتعطي كل واحد منهم نسخه حتي يعرفون ردود وانطباع الناس عنك وعنهم



انت الله يثبتك وطريقك هو الطريق الصحيح وصدقني انهم راح يتاثرون فيك لان مافيه انسان يخلي قلبه من الطيب والخير حتى لو كان شري


لايزيدك ضحكهم وغشمرتهم الا اصرارا وثباتا


والله يوفقك في دينك ودنياك

[شبح الصمت]

أخوي



انا اتمني انك تسوي برنت لموضوعك وتعطي كل واحد منهم نسخه حتي يعرفون ردود وانطباع الناس عنك وعنهم



انت الله يثبتك وطريقك هو الطريق الصحيح وصدقني انهم راح يتاثرون فيك لان مافيه انسان يخلي قلبه من الطيب والخير حتى لو كان شري


لايزيدك ضحكهم وغشمرتهم الا اصرارا وثباتا


والله يوفقك في دينك ودنياك




لا لا اخوي انا مب معاك في هالنقطة اكبر غلط يروح يعطيهم كلامنا لا ياخوك بينفرون منه وبيعصبون عليه ردت فعل طبيعية ومتاكد منها 100% وبيضحكون عليه لا بالين وبالكلام الطيب راح انشاء الله يتقنعون