المساعد الشخصي الرقمي

مشاهدة النسخة كاملة : (سؤال) إذا كنت متعاقد مع مقاول لبناء الفللة .. وتبي تشطب من السعودية


المـــــ$$$ـــــتثمر
26-10-2009, 07:38 AM
السلام عليكم ورحمة الله وبركاتة

إذا كنت متعاقد مع مقاول لبناء الفللة ,,
وش الأشياء إلى أقدر أجيبها من السعودية
وش الأشياء إلى من الأفضل إني أشتريها من قطر



مثال :
أدوات دورات المياة ( الصحية ) + الإكسسوارات
الأرضيات ( خارجية وداخلية ) + بلاط دورات المياة
خلاطات الماء + مسكات الأبواب والأقفال
سوكيتات الكهرباء
الأضواء + الفريمات الخاصة فيها + السبوت لايت
مطابخ






مثل أيش بعد نقدر نجيبة من السعودية
أرجوا مشاركة الجميع
قطري !
26-10-2009, 07:56 AM
المقاول اللي بناء لك عظم , من الافضل هو اللي يشطب لك



لانك في التشطيب راح تواجه اشياء لها علاقه لاعظم ...


انا بقول لك عن سابق تجربه :


الافضل انك تجيب من قطر الاشياء التاليه :



الابواب و اعمال الدرابزين
النوافذ واعمال الالمنيوم او ال يو بي في سي
الصبغ
البلاط الشعبي (اذا كان عندك غرف تبي تبلطها شعبي)



اما الباقي انصحك من السعوديه ...
المـــــ$$$ـــــتثمر
26-10-2009, 09:59 PM
شكراً على مرورك أخوي قطري !

في إنتظار المزيد من المشاركات ( لاحد يبخل علينا )
وحش قطر
26-10-2009, 10:03 PM
كل شي حتى الستاير والديكور

والبلاط والسيراميك والحمامات عزكم الله

ويركبهم المقاول عشان الضمان
طير شلوى
27-10-2009, 12:31 AM
والله اخوي انصحك عن تجربه
اخذ من قطر كل شى
ثرا اصرف لك واحسن
والافضل انك تشتري بالجمله مثل الحديد والاسمنت
والله يوفقك
موضي قطر
27-10-2009, 08:16 AM
حبيت ارفع الموضوع
المـــــ$$$ـــــتثمر
27-10-2009, 09:47 AM
تحياتي للجميع ,,

طير شلوى ,, الله لا يهينك بس لو تكمل جميلك وتقول لنا " ليش نصحتني اخذ من قطر كل شى "
هل تقصد انه لو شطبت من السعودية ونقص شيء بتكون المسافة مشكلة
قطري !
28-10-2009, 08:26 AM
المـــــ$$$ـــــتثمر



ياخي روح ويكند للاحساء واخذ لك لفه على محلات :


السيراميك والرخام

الادوات الصحيه

المطابخ

اكسسوارات الحمامات اعزكم الله

والشحن مافيه اسهل منه ... توصلك البضاعه وهي سليمه .. وبعدين لو انقصك شي الاحساء قريبه تروح وترد بنفس اليوم


واذا فيه شي متكسر لاقدر الله ترده وتاخذ غيره .... واذا زادت الكميه عندك وتبي ترجعها , يردون لك قيمتها



الفرق انك تاخذ من السعوديه هو , بتاخذ بضاعه جوده عاليه بنص السعر في قطر
المـــــ$$$ـــــتثمر
28-10-2009, 08:38 AM
جزاك الله خير أخوي "قطري !"
فعلاً كلامك راح يقلل من تكلفة البناء

وإذا فيه أحد من الأعضاء عند معلومات مفيدة من تجارب سابقة أتمنى يشاركنا للفائدة العامة
أنا أبي أنبش المستخبي ,,, ولا كلنا عارفين أن السعودية أرخص ,,
أم وضحى
28-10-2009, 02:59 PM
شالفرق بين الادوات الصحيه والبلاط من سيراميك وبورسلان في الحسا وفي الرياض ؟


هل الفرق في الجوده او السعر ؟
ريد قطر
30-10-2009, 03:01 AM
انا انصحك تاخذ من السعودية وخاصة الحسا لسبوت لايت - ساكتات الكهرباء - مسكات الأبواب والأقفال -الله يعزك أكسسوارات الحمام .
هذا الي اشوف الناس تاخذه اما البلاطات متوفر اهنيه وباسعار حلوة لأن اختيار البلاطات والمطابخ يبيلة قعدة وذوق مب بسرعة مثل لو كنت مسافر
المـــــ$$$ـــــتثمر
02-11-2009, 01:18 AM
انا انصحك تاخذ من السعودية وخاصة الحسا لسبوت لايت - ساكتات الكهرباء - مسكات الأبواب والأقفال -الله يعزك أكسسوارات الحمام .
هذا الي اشوف الناس تاخذه اما البلاطات متوفر اهنيه وباسعار حلوة لأن اختيار البلاطات والمطابخ يبيلة قعدة وذوق مب بسرعة مثل لو كنت مسافر


ريد قطر ,, تسلم لي على المشاركة ,,
فعلاً المطابخ أحس يبيلها قعدة ورواقة والشركة الي هنا هي نفسها تجي تاخذ القياسات
وبيكون التعامل مهم هنا أسهل بما أنهم قريب أما إذا في الحسا أحس أنه سالفة إذا صار شيء مثلاً ,,
والبلاط صح كلامك فية بلاط سعرة مناسب الصراحة وجودة البلاط جيدة بعد ,,

فية بعد شغلات طرة على بالي إلي هي ,, مراوح الشفط الخاصة بالحمامات أعزكم الله وحقة المطابخ ,, بصراحة هنا غالية حقة المطبخ بـ 1500 ريال الي هي تكون في السقف ولها مدخنة من برى موب إلي على الطوفة
بس بصراحة يوم شفت شكل الشفاط حق المطبخ من ورى ,, تذكرة المراوح النفاثة حقة الصواريخ ,, شكلة أي واحد يمر من عند باب المطبخ بيلصق في الباب من قوت الشفط
والله الي ما ضنتي أشم ريحة بصل في الصالة

وشفاطات الحمامات الي في السقف بعد على 780 ريال إلي يكون لها دكت في الجبس


بعد كشافات الإضائة الخارجية الكبيرة إلي تتوجة على البيت أعتقد في الحسا أرخص ,,
أعتقد أغلب أدوات الإضائة في الحسا أرخص

إذا فية أحد عند بعد شغلات و أحنا ناسبنها يعد يفيدنا ويذكرنا ,, لأن البنيان يشفط المخ ,,
وارث العز
02-11-2009, 02:25 AM
أخوي روح الرياض بتلقى نص سعر الدوحة ارضيات وسيراميك واذ على المقاسات ود معاك الخرايط وزيد من

عندك كم متر احتياط ... واللي بتوفرة خله للجبس او الدرايش .. في محل في طريق سلوى اقل سيراميك

للحمامات الله يعزكم ب 180 ريال ....... والله يوفقك
اسيرالدوحه
02-11-2009, 07:57 PM
السلام عليكم ...

السبب اللي يخلينا نشطب من برع الدوحه ....

هو غلاء الاسعار فالدوحه ... ومرات رداءة الجودة ...

فالخارج ... نحصل نفس الجودة .. واحتمال .. اعلى ... بسعر أقل من سعر الدوحه ...

بالنسبة لي ... انا شطبت من الصين ...

وكل تجربة اكيد لها مزايا ومساوئ ....

وكل واحد يرتاح مع فكرة معينة وينفذها ...

الشبابيك والابواب والجبس والدرابزين والمطابخ والصبغ ... سوهم فالدوحه


شلون تتعامل مع المقاول اللي عندك ... يعتمد على عقدك وياه ...

اذا كان تسليم مفتاح .,. من الافضل وضع بند فالعقد ... انه من حقك انك تجيب انت البضاعة ...

وتشوفون الفرق بالسعر ... اذا كان ارخص من اللي فالعقد .. على المقاول انه يدفعلك الفرقية ...

اما اذا كان اغلى من اللي فالعقد ... محد يدفع شي ..

اما اذا كان عقدك عظم ... المقاول ماله خص ...

انت تشتري وتركب على حسابك ...

وتقدر تتفق مع المقاول عشان يركبلك ...


يعطيك العافية ...
المـــــ$$$ـــــتثمر
03-11-2009, 06:45 AM
وارث العز
اسيرالدوحه
شركراً على مروركم