حادثة دهس و فرار و المضحك المبكي !! [الأرشيف] - منتديات شبكة الأسهم القطرية

وتبقى الدنيا حلوه

26-10-2009, 08:43 AM

أمس عند دوار مستشفى حمد صار حادث ..

كان في ممرضة تبي تعبر الشارع عند دوار مستشفى حمد بالضبط و جا ذاك الهندي في السيارة و دعمها ..

الممرضة صارت تحت تواير السيارة بالضبط و الاخ قعد يناتع بالسيارة عشان يركب على رجلها بتواير السيارة عشان يبي يشرد ..

طبعا الحمدلله كان في دكتور موجود بموقع الحادث و الممرضة طبعا صادها كدة كسور متفرقة وهي حاليا بالمستشفى مرقدة و الحمدلله صادوا الهندي و لكن ..

تدون شنو اللي يضحك بالسالفة !!

الاسعاف ما جات الا بعد ربع ساعه من وقت الحادث و المشكله الحادث في دوار مستشفى حمد

و اللي بيسأل عن المصدر بقول

المصدر : عيني المجرده (شفت الحادث بأم عيني)

شبح الصمت

26-10-2009, 08:46 AM

شر البلية ما يضحك ،، هي والمستشفى جمبها .. ولا تنسين انهم يصخنون السيارات يبيلهام ربع ساعة من اهم السيارة تصخن والا المصاب ؟؟ طبعا السيارة ؟؟ يمكن يحسبون قطو مديوس ،، مسكينه الله يقومها بالسلامة

مناحي السادس عشر

26-10-2009, 08:47 AM

يمكن الاسعاف تاخر لانه ماكان متوقع ان الحادث قريب للدرجه هذي من المستشفى
وتسلم يا مصدر :)

الرويـس

26-10-2009, 08:48 AM

عادي
( باب النجار مخلوع ) :rolleyes2:

q6ri_vip

26-10-2009, 08:52 AM

وانا كنت موجود وقتها وشفت دمانها وتمت فوق الربع ساعه

بالضبط دقيقتين مشي لباب الطوارء

وتبقى الدنيا حلوه

26-10-2009, 08:52 AM

يمكن الاسعاف تاخر لانه ماكان متوقع ان الحادث قريب للدرجه هذي من المستشفى
وتسلم يا مصدر :)

شدعوه خذوا سرير متحرك و شالوها !!

وتبقى الدنيا حلوه

26-10-2009, 08:53 AM

الجزوع

26-10-2009, 08:54 AM

لاحول ولا قوة الا بالله..

الله يعين ، والحمدلله على سلامة الممرضه :(

وتبقى الدنيا حلوه

26-10-2009, 08:55 AM

وانا كنت موجود وقتها وشفت دمانها وتمت فوق الربع ساعه

بالضبط دقيقتين مشي لباب الطوارء

اي والله مسكينه ..

جات الشرطه و جات الجنائية و بعدين جات الاسعاف

شدعوه !!

لو الدكتور مب موجود شكان بيصير !!

وتبقى الدنيا حلوه

26-10-2009, 08:55 AM

لاحول ولا قوة الا بالله..

الله يعين ، والحمدلله على سلامة الممرضه :(

الحمدلله

£عبدالعزيز£

26-10-2009, 09:25 AM

السؤال اللي يطرح نفسه

بلغوا الاسعاف على طول ؟

يمكن لانه على كلامك كان فيه دكتور عطاها بعض الاسعافات الاولية

فتاخروا في ابلاغ الاسعاف

عزووز قطر

26-10-2009, 09:31 AM

للاسف اغلب اللي يشتغلون في الاسعاف مايدلون الشوارع
والله دوم اشوفهم مضيعين ومرات اذا توهقو يوقفون على جنب في الدوار !!
والحمدالله على سلامتها

بنتكم

26-10-2009, 09:32 AM

صح كلامكـ الدكتور عمل لها الاسعافات الاولية ع ماوصل الاسعاف

لاحولة ولاقوة الابالله اهم شي بالموضوع دعواتكمـ للي اندعمت لانه اصابتها مب بسيطه

وتركـ سالفة الاسعاف لانه في دكتور جذي ولاجذي هم بيقمون بفعل الاسعافات الاوليه لها

فـ حادثة دهس السياره بدعواتكمـ للمصابها مب لحل مشكلة الاسعاف

لاحولة ولاقوة الابالله

Bu Rashid

26-10-2009, 09:35 AM

الله المستعان
مشكووور على نقل الخير مباشر
تقوم بالسلامه الممرضه ان شاء الله

A bin M

26-10-2009, 09:38 AM

لاحول ولا قوة الا بالله

بنت ابوها 19

26-10-2009, 09:48 AM

هههههههههههههه

شر بالليه مايضحك
والله يضحكوني اذا جمب المستشفى جوها عقب ربع ساعه
لو بالشمال شصار فيها

كلها دود وخلص

خخخ والله انهم نكته ومسخره

£عبدالعزيز£

26-10-2009, 10:00 AM

للاسف اغلب اللي يشتغلون في الاسعاف مايدلون الشوارع
والله دوم اشوفهم مضيعين ومرات اذا توهقو يوقفون على جنب في الدوار !!
والحمدالله على سلامتها

اخوي لما تحصلهم واقفين على جنب في الدوار او الشارع

يكون هاي مكان ثابت للاسعاف عشان لو (لا سمح الله) صار شي

يكون في اسعاف قريب .. عشان جي تشوفهم واقفين على جنب

واحيانا يكونون في بريك .. وطبعا من حقهم يصفون على جنب

او حتى يروحون لهم مطعم يتغدون او يتعشون فيه

ترا اللي يشتغل فالاسعاف بشر مب كمبيوتر

..

واكيد عندهم gps ترا احنا في 2009

والله يشفيها ويقومها بالسلامة

عزووز قطر

26-10-2009, 10:09 AM

اخوي لما تحصلهم واقفين على جنب في الدوار او الشارع

يكون هاي مكان ثابت للاسعاف عشان لو (لا سمح الله) صار شي

يكون في اسعاف قريب .. عشان جي تشوفهم واقفين على جنب

واحيانا يكونون في بريك .. وطبعا من حقهم يصفون على جنب

او حتى يروحون لهم مطعم يتغدون او يتعشون فيه

ترا اللي يشتغل فالاسعاف بشر مب كمبيوتر

..

واكيد عندهم gps ترا احنا في 2009

والله يشفيها ويقومها بالسلامة

مو هذا قصدي يالشيخ

اكثر من مرة اشوف سيارة الاسعاف مسرعه وفاتحه الرماقات وعقب شارعين احصله واقف عند الدوار ويتكلم .. وعقب يرجع مرة ثانية على نفس الشارع !!
يعني يبين انه متوهق
وهالموقف تكرر معاي اكثر من مرة

وادري انهم بشر مو كمبيوتر ومن حقهم يوقفون وياكلون ويشربون

Sharshooooor

26-10-2009, 10:36 AM

هههههههههههههههههههههههه

والله صج المضحك المبكي

شبح الصمت

26-10-2009, 10:40 AM

ذكرتني في واحد من الربع يحلف في مصر مر عليه اسعاف كفخ تدري مشغل الرماق وعفيسه ويزرق اخرتها عشان وشو توقع ( عشان يوصل لمال الجريدة وياخذ منه الجريدة )
:telephone::telephone:

دليشان

26-10-2009, 10:41 AM

الله المستعان

وطن

26-10-2009, 10:43 AM

لاحول ولا قوة الا بالله
مسكينه :(

تحداني

26-10-2009, 10:59 AM

بنظر الدول الناميه .. او ما يطلق عليها .. " المتخلفه "
أرخص شئ الإنسان ..

وبنظر الدول المتقدمه والصناعيه ..
" أغلى شئ الانسان ويليه الحيوان "

فمن حقك ان تضحكي وتبكي في آن واحد ..

لا حول ولا قوه الا بالله ..
العلي العظيم ..

GENIUS

26-10-2009, 11:02 AM

الله يشافيها ويعينها هالمسكينة .

بس في سؤال :

ما هو مصير هذا السائق الذي لم يكتفي بدهسها بل حاول قتلها ( عمدا أو غير عمد ) المهم محاولته الهروب بهذه الطريقة والعبور من فوقها فيه شروع في القتل وليس الهرب من موقع الحادث ( الجريمة ) .

ثم عن سيارات الاسعاف فحدث ولا حرج .

لا خبرة قيادة ولا معرفة مواقع ولا ولا ولا .............

فرفوش

26-10-2009, 11:19 AM

زيييييين الهندي وشسوا فيه؟؟

£عبدالعزيز£

26-10-2009, 11:26 AM

مو هذا قصدي يالشيخ

اكثر من مرة اشوف سيارة الاسعاف مسرعه وفاتحه الرماقات وعقب شارعين احصله واقف عند الدوار ويتكلم .. وعقب يرجع مرة ثانية على نفس الشارع !!
يعني يبين انه متوهق
وهالموقف تكرر معاي اكثر من مرة

وادري انهم بشر مو كمبيوتر ومن حقهم يوقفون وياكلون ويشربون

تسلم الشيخ على التوضيح

بس بعد يمكن يكون الغلط من المبلغ

كاشخ في قطر

26-10-2009, 12:05 PM

لو بقره في الشارع كان الهندي ما تجرأ يسوي اللي سواه
و بخصوص راعي الإسعاف بقول لكم أيش اللي صار : - <<< ركزوا معاي

البداله : من العمليات لأقرب اسعاف من منطقة المستشفى
راعي الاسعاف الفلبيني : أنا بي وازد سوقول أنا ياكل بوتيتووو أنتا سنو يبي ؟!!!
البداله : حادث دهس بالقرب من المستشفى تحرك
راعي الاسعاف الفلبيني : أوووووووووكي مستر أنا في لانش بريك بعدين روح حادس بس سبوووووووووور انا يسوي شيك اسعاف و يسوي ترتيب سرير و بعدين سوي شيك بترول بعدين يروح حادس .

هالمحادثه صارت اول ما صار الحادث و بعد ربع ساعه طلع و لين ما وصل و زين إنها قريبه و الحمدلله أن كان في دكتور موجود في المكان

حادث دهس و محاولة هروب المتسبب من الحادث و مصابه و تأخير أسعاف وين قاعدين
تقدمنا و تطورنا في كل شي و الشكاوي دايم تترد حول مؤسسة حمد الطبيه بأقسامها حتى وطني الحبيب يشكون من عدم ردودهم و بعد يوم سوو خدمة لبيه اعتقد تابعه للعلاقات العامه اشوف انهم فشلوا بهالشي

نورالهدى

26-10-2009, 12:14 PM

لاحول ولاقوة الا بالله العلي العظيم
تأخر الإسعاف وارد ممكن موزعينهم
لأنه على الأغلب يوزعونهم على المناطق وعند البلاغ يتوجهون بسرعه
وممكن الطبيب مابلغ الإسعاف
لكن الإسعاف يتأخر ربع ساعه وهي عند المستشفى لأن السائق مش عارف
هذي إسمحولي مبالغ فيها
أو يفطر بعد مبالغ فيها
والله يشفي المصابه
وينتقم من السائق بس لأنه حاول يهرب فعلا خسيس

PARIS

26-10-2009, 12:17 PM

اتوقع الاسعاف ضيع ومادل الطريق ياجماعة اويمكن بعد من الزحمة الي على الدوار....

موضي قطر

26-10-2009, 12:26 PM

شر البلية ما يضحك بس الله يخليكم المره الجاية اتصلوا في 911

صدقوني بجونكم أسرررررع :tease:

الدوحي7

26-10-2009, 12:37 PM

شر البلية ما يضحك بس الله يخليكم المره الجاية اتصلوا في 911

صدقوني بجونكم أسرررررع :tease:

هههههههههههههههههههههههههههههههههههههه،، كنت بعلق لكن ضحكت من 911،، نبقي نعرف سوائقين الاسعاف شنهي جنسياتهم ،، مره حصل حادث انقلاب عراوي ، قرب من مركز ام صلال ، الحادث قبل صوفي تقريبا 200 متر او اقل، والمستشفى يكون قريب من المركز ، اتصلنا فيهم علشان الاسعاف ووصلنا الاسعاف تقريبا بعد 30 دقيقه او 45 تخيلوااا ،والمستشفى حذفه حصااه، والاسعاف وصل اعتقد من الدوحه هههههههه،، وتخيلوااا برد والمصاب على الارض والله لحفناه بزوليه والشرطه جنه يقولون الاسعاف راح شمال هههههه، والله يشهد على كلامي،،

ريوم

26-10-2009, 01:01 PM

الله يشفيها
وهي اللحين محتاااجه دعواتكم

حقــبان

26-10-2009, 01:05 PM

لاحول و لا قوة الا بالله

الغني بالله

26-10-2009, 02:06 PM

ذكرتني في واحد من الربع يحلف في مصر مر عليه اسعاف كفخ تدري مشغل الرماق وعفيسه ويزرق اخرتها عشان وشو توقع ( عشان يوصل لمال الجريدة وياخذ منه الجريدة )
:telephone::telephone:

هذا في مصر، لكن في قطر لا يمكن ان يحدث ...... صدقني

اما سبب تأخر الاسعاف فلا ادري ، لكن خلني اسأل اللي كانوا يشاهدوا الحادث مين منكم بلغ الاسعاف ، يعني هل البلاغ للاسعاف كان مباشرة ام في تأخير!!
هذا لا يعفي الاسعاف من ان تأخير يحصل لسبب او لآخر.

شبح الصمت

28-10-2009, 11:00 AM

هذا في مصر، لكن في قطر لا يمكن ان يحدث ...... صدقني

اما سبب تأخر الاسعاف فلا ادري ، لكن خلني اسأل اللي كانوا يشاهدوا الحادث مين منكم بلغ الاسعاف ، يعني هل البلاغ للاسعاف كان مباشرة ام في تأخير!!
هذا لا يعفي الاسعاف من ان تأخير يحصل لسبب او لآخر.

ادعو لها بالشفاء تم ايقاف النزيف والأخت مسكينه من الجالية السودانية وام لـ5 أبناء مسكينه وكانت على راس عملها يوم دهسها حضرته وحاليا اهي في حالة مستقره ..
الدعاء ياخواني لها بالشفاء عسى الله يشفيها ويقومها بالسلامة لعيالها وترجع سالمه غانمه لهم ويشفي جميع مرضانا ..
اللهم امين يا رب العالمين
دعووووووووووووووواتكم لها لا تنسون

موضي قطر

28-10-2009, 11:02 AM

الله يشفيها

PARIS

28-10-2009, 11:05 AM

الله يشفيها يارب ويقومها بالسلامة ويخليها حق عييلها..........

وتبقى الدنيا حلوه

28-10-2009, 11:17 AM

امين يارب

بوخالد911

28-10-2009, 11:24 AM

شر البلية ما يضحك بس الله يخليكم المره الجاية اتصلوا في 911

صدقوني بجونكم أسرررررع :tease:

أهم شي 911
:nice::nice::nice:

لا هنتي

بوخالد911

28-10-2009, 11:25 AM

للأسف معظم سواقين الاسعاف فليبينيين
وعرب

وما يدلوون عدل هالعرب ؛ تووهم جايين البلد

!!!

جمال اليافعي

28-10-2009, 11:30 AM

وياما قدمنا من سنتين على الاسعاف وقالوا ما نوظف قطريييييييين

الرويـس

28-10-2009, 11:32 AM

للأسف معظم سواقين الاسعاف فليبينيين
وعرب

وما يدلوون عدل هالعرب ؛ تووهم جايين البلد

!!!

كذا بتزعلني منك يابوخالد
يعني تبي تقول ان الجماعة في
وزارة الصحة غير ملمين بشروط المهنة
وان عليهم تدريب وتعليم واختبار من يعمل
تحت مظلتهم من مسعفين ؟؟

مايصير يابوخالد :)
يعني لو انهم ممسكينك قسم مثل هالقسم
شنهي راح تكون اولوياتك او شروطك في قائد
مركبة الامبولانس :) ؟؟؟؟؟؟!!

عدد مشاركات كبير :)

شبح الصمت

28-10-2009, 11:34 AM

وياما قدمنا من سنتين على الاسعاف وقالوا ما نوظف قطريييييييين

ما سألتم نفسكم ليش ما يوظفون قطريين فرضا الحين حاله مريضه قطرية والا جنسيات اخرى والا شيء وجاء فالاسعاف اقطري والمره متكشفه والا شيء ؟؟ توقع يرضووون هي الحقيقة واتوقع 100% انه هالسبب

الرويـس

28-10-2009, 11:36 AM

ما سألتم نفسكم ليش ما يوظفون قطريين فرضا الحين حاله مريضه قطرية والا جنسيات اخرى والا شيء وجاء فالاسعاف اقطري والمره متكشفه والا شيء ؟؟ توقع يرضووون هي الحقيقة واتوقع 100% انه هالسبب

ياخي عسى ماشر 100%
لا يكون القطري فحل والاجنبي نثية !!!

شبح الصمت

28-10-2009, 11:40 AM

ياخي عسى ماشر 100%
لا يكون القطري فحل والاجنبي نثية !!!

روح عيل اسألهم ليش انا فالبحرين شفت عادي شباب بحرينين يسوقون اسعاف ويسعفون وكل شيء بس اهنيه في حياتي ما شفت يعني حللها ومخمخها شالفرق لو حطو شباب يدلون احسن من غيرهم وناس تلبي الطلب وترى الشغله اخوي مب بسيطه

براتزية برازيلية

28-10-2009, 12:23 PM

الله يقومها بالسلامة و حسبي الله عالهندي الحمدالله انهم مسكوه

الزعيم 1

28-10-2009, 12:25 PM

الله يشفيها

الرويـس

28-10-2009, 12:30 PM

روح عيل اسألهم ليش انا فالبحرين شفت عادي شباب بحرينين يسوقون اسعاف ويسعفون وكل شيء بس اهنيه في حياتي ما شفت يعني حللها ومخمخها شالفرق لو حطو شباب يدلون احسن من غيرهم وناس تلبي الطلب وترى الشغله اخوي مب بسيطه

ويصبون بترول ويشتغلون باشغال
متواضعه مقارنة بباقي دول المنطقة

المقارنة غير واردة في الموضوع
وبتدخلنا في مواضيع أخرى

لان على سبيل المثال ( البحرين ) وضعهم غير
ومختلف تماما عن الدوحة

جوال 11

28-10-2009, 12:37 PM

أمس عند مدخل الوكرة بعد صلاة المغرب حادث دهس والشخص أسيوي في وسط الشارع ولا يتحرك ، وفيه واحد لابس غترة ينظم السير وسط الشارع والله وأعلم بالشخص مرتكب الحادث .
في بريطانيا الشخص عليه الخطأ أذا عبر الشارع بدون أشارات ويصلح سيارة الغير في حالة الأضرار .

كاشخ في قطر

28-10-2009, 02:40 PM

شباب بعطيكم العافيه ترى الموضوع عن حادث مو عن وظايف

storm..

28-10-2009, 02:50 PM

ههههههههههههـ

انا مرهـ شفتـ حادثـ جدااااميـ اتصلت في الاسعافـ ورحتـ طلعتـ الرجال من السيارهـ لانهـ كانـ منقلبـ وكلـهـ دمانـ 54 دقيقهـ لمـا ايجون عند الخريطياتـ خط التكويعهـ واكثر من 10 دقايقـ لينـ ماجاتـ الهلكوبتر لان الحادث خشنـ وبعدينـ 10 دقايقـ لينـ ماشلوهـ الحمداللهـ مصار شي حق الي انقلبـ اسبوعـ وطالعـ من المستشفى بفضلـ اللهـ

لو واحد ثانيـ يمكنـ وهمـ جايلينهـ يموتـ لقدر اللهـ

تقبلـ مروريـ