المساعد الشخصي الرقمي

مشاهدة النسخة كاملة : أستفسار عن أحسن دكتور عظام في مستشفى حمد؟؟؟؟؟؟؟


Nasser2006
26-10-2009, 08:53 AM
السلام عليكم ورحمة الله وبركاته.....................:

الوالدة بتسوي عملية في الركبة في مستشفى حمد لانه عندها روماتيزم في الركبة وصالها سنين تأخذ أدوية مخففة للالآم لكن ما فيه فايدة وآخر مرة سوا لها أشعة اتضح انه في احتكاك في الركبة وقالوا لها لازم تسوين عملية في الركبة.

بغيت أسألكم من أحسن دكتور عظام في مستشفى حمد العام(خصوصا في الركبة)حق العمليات؟؟؟؟؟؟

أرجوا من الاخوة والاخوات الكرام الرد للحاجة.

والله يشفي جميع أمهات المسلمين .
شبح الصمت
26-10-2009, 08:55 AM
وعليكم السلام ورحمة الله وبركاته ،،،

الله يقومها بالسلامة الوالده ويحفظها وتقر عيونكم فيها وتقر عيونها فيكم .. يعل عمرها طويل ،،، انا اقول الدكتور صالح اليزيدي
be.happy
26-10-2009, 09:20 AM
الله يقومها بالسلامه ويشفيها ..... اخوي انا اقول لاتستعجل على العمليه خلها اخر خيار
بعدين عندك في مستشفى حمد الدكتور صالح اليزيدي - الدكتور ناصر السبيعي
وفيه الله يسلمك ... المستشفى الامريكي مختص عضام الي على طريق بوهامور
والله يشفيها انشاء الله ...
Nasser2006
26-10-2009, 09:51 AM
وعليكم السلام ورحمة الله وبركاته ،،،

الله يقومها بالسلامة الوالده ويحفظها وتقر عيونكم فيها وتقر عيونها فيكم .. يعل عمرها طويل ،،، انا اقول الدكتور صالح اليزيدي

الله يسلمك ويحفظك ،ان شاء الله بروح حق الدكتور صالح اليزيدي وبشوف شنوه بيقول.
Nasser2006
26-10-2009, 09:52 AM
الله يقومها بالسلامه ويشفيها ..... اخوي انا اقول لاتستعجل على العمليه خلها اخر خيار
بعدين عندك في مستشفى حمد الدكتور صالح اليزيدي - الدكتور ناصر السبيعي
وفيه الله يسلمك ... المستشفى الامريكي مختص عضام الي على طريق بوهامور
والله يشفيها انشاء الله ...

جزاك الله الف خير ، بشوف هاي الدكاترة والله يقدم الي فيه الخير .

بس محد سمع عن دكتور اسمه محمد الخيارين؟؟؟؟؟؟
be.happy
26-10-2009, 10:02 AM
فيه الله يسلمك الدكتور محمد الخيارين طبعا هو استشاري عضام في مستشفى حمد
ويمدحونه
Nasser2006
26-10-2009, 10:07 AM
فيه الله يسلمك الدكتور محمد الخيارين طبعا هو استشاري عضام في مستشفى حمد
ويمدحونه

أنا مأخذ موعد معاه(محمد الخيارين) في الصحة المدرسية لانه فيه دكتور قطري اسمه العتيق في اسبيتار وصاني عليه فا يوم الثلاثاء بكرة بروح أشوفه.وان شاء الله أطلع بشي من عنده.
butterfly qatar
26-10-2009, 10:12 AM
الله يقومها بالسلامه ان شاءالله

اخوي والله لو توديها الطب الرياضي سبيتار الي في استاد خليفه والله وايد احسن علاجهم زين انا مجربه ووايد مجربين الدكاتره هناك زينين حتى العلاج الطبيعي وايد زين

خلها تجرب العلاج الطبيعي اول يمكن يفيد والله العمليات مامنها فايده بعدين الله لايقول يعني تصير المسأله عادي عندهم الدكاتره عمليه ورى عمليه

اسأل مجرب ولاتسأل طبيب
أبورودي
26-10-2009, 10:18 AM
جزاك الله الف خير ، بشوف هاي الدكاترة والله يقدم الي فيه الخير .

بس محد سمع عن دكتور اسمه محمد الخيارين؟؟؟؟؟؟

هلا اخوانى
هذا الطبيب تحديدا ومع خبرتى معه سيئه جدا جدا
كان لى حادث كسر فى المرفق الايمن "الالبوا" وكان هو المسئول عنى وطلب رنيين مغناطيسي وكنتمقيم بالمستشفى وعملت الاشعه وكان يمر على يوميا واساله هل رايت الاشعه يقول بشوف لانى حادثى كان يحتاج لجراحه ظللت انتظره اسبوع
وفى نهايه الامر طلبت تغييره طبقا لمواثيق وحقوق المرضي فى حمد فثار وحضر الى وقال لى لقد تلقيت علاجك وكتب لى مغادره تخيلوا وبدون العمليه كان سيحدث لى عجر كامل فى الذراع الايمن وثرت عليه جدا ولم ينقذنى منه سوي الاخصائيه الاجتماعيه بالمستشفى جزاها الله كل خير ولازلت اتذكر اسمها المحترمه مايسه

المهم ارشحلك طبيب ممتاز ومعه فلريق رائع
الدكتور علاء القواس ومعه الدكتور عبدالسلام حجازي
ما شاء الله عليهم
فريق رائع
سوا لى الجراحه وعدت بعدها الى بلدي وعرضت ذراعى على استشاري كبير فى جراحه العظام وقال لى لماذا انت هنا من اجري لك هذه الجراحه انه جراح رائع لانه عالج الكسر بمهاره وحرفيه
شيط ويط
26-10-2009, 10:28 AM
الدكتور صالح اليزيدي .. بس زين ان لقيت موعد عنده .. لان عليه ضغط مب طبيعي
Nasser2006
26-10-2009, 12:50 PM
هلا اخوانى
هذا الطبيب تحديدا ومع خبرتى معه سيئه جدا جدا
كان لى حادث كسر فى المرفق الايمن "الالبوا" وكان هو المسئول عنى وطلب رنيين مغناطيسي وكنتمقيم بالمستشفى وعملت الاشعه وكان يمر على يوميا واساله هل رايت الاشعه يقول بشوف لانى حادثى كان يحتاج لجراحه ظللت انتظره اسبوع
وفى نهايه الامر طلبت تغييره طبقا لمواثيق وحقوق المرضي فى حمد فثار وحضر الى وقال لى لقد تلقيت علاجك وكتب لى مغادره تخيلوا وبدون العمليه كان سيحدث لى عجر كامل فى الذراع الايمن وثرت عليه جدا ولم ينقذنى منه سوي الاخصائيه الاجتماعيه بالمستشفى جزاها الله كل خير ولازلت اتذكر اسمها المحترمه مايسه

المهم ارشحلك طبيب ممتاز ومعه فلريق رائع
الدكتور علاء القواس ومعه الدكتور عبدالسلام حجازي
ما شاء الله عليهم
فريق رائع
سوا لى الجراحه وعدت بعدها الى بلدي وعرضت ذراعى على استشاري كبير فى جراحه العظام وقال لى لماذا انت هنا من اجري لك هذه الجراحه انه جراح رائع لانه عالج الكسر بمهاره وحرفيه

هلا أخوي مشكور على الرد الشافي والوافي ، أظن هوه الدكتور علاء الي الوالدة تتعالج معاه بس ماأدري هوه جنسيتة ليبي صح والا أنا غلطان ؟؟؟؟؟؟

بس وش رايك في الناس الي تقول الدكتور صالح اليزيدي؟؟؟؟؟
Nasser2006
26-10-2009, 12:54 PM
الله يقومها بالسلامه ان شاءالله

اخوي والله لو توديها الطب الرياضي سبيتار الي في استاد خليفه والله وايد احسن علاجهم زين انا مجربه ووايد مجربين الدكاتره هناك زينين حتى العلاج الطبيعي وايد زين

خلها تجرب العلاج الطبيعي اول يمكن يفيد والله العمليات مامنها فايده بعدين الله لايقول يعني تصير المسأله عادي عندهم الدكاتره عمليه ورى عمليه

اسأل مجرب ولاتسأل طبيب
وديتها اسبيتار بس الدكتور الانجليزي حولنا لدكتور قطري اسمه العتيق متخصص في الركب والمفاصل ولكن هاي الدكتور قال ما فيه عندنا دكتور روماتيزم وما نقدر نسوي لك عملية ووصانا في دكتور اسمه محمد الخيارين في الصحة المدرسية،يعني بالعربي اسبيتار مافادني.
Nasser2006
26-10-2009, 12:55 PM
الدكتور صالح اليزيدي .. بس زين ان لقيت موعد عنده .. لان عليه ضغط مب طبيعي

انزين اذا هاي الدكتور زين أقدر أطلبه يسوي حق الوالدة عملية؟؟؟؟؟
شيط ويط
26-10-2009, 01:05 PM
انزين اذا هاي الدكتور زين أقدر أطلبه يسوي حق الوالدة عملية؟؟؟؟؟

خذ موعد عنده في العيادة المسائية اذا عنده .. وعقب هو بيقولك اذا محتاجه عملية والا شنهو العلاج ..
Nasser2006
26-10-2009, 01:58 PM
خذ موعد عنده في العيادة المسائية اذا عنده .. وعقب هو بيقولك اذا محتاجه عملية والا شنهو العلاج ..

ان شاء الله بأخذ موعد معاه وبشوف شنوه بيقول ، بس مب كل مرضى المستشفى تمر على كل الاطباء ويعطي رأيه بخصوص المريض ليش هم الاطباء في مستشفى حمد مب متعاونيين والا لا؟؟؟
rayyani4ever
26-10-2009, 02:18 PM
في دكتور هندي في مستشفى الخور بس ما يحضرني اسمه.. واحد من الربع سوى عملية رباط عنده..
حياة
26-10-2009, 02:27 PM
ماانصح تسوي للوالده عمليه بالدوحه
فيه عياده في البحرين للدكتور سالم متخصص في اصابات الاعبين والكل يمدحه شوف وش بيقول للوالده وايش نصيحته قبل
والله الموفق
أبورودي
26-10-2009, 04:44 PM
هلا أخوي مشكور على الرد الشافي والوافي ، أظن هوه الدكتور علاء الي الوالدة تتعالج معاه بس ماأدري هوه جنسيتة ليبي صح والا أنا غلطان ؟؟؟؟؟؟

بس وش رايك في الناس الي تقول الدكتور صالح اليزيدي؟؟؟؟؟

انصحك كمل معاه وستجده يشرح لكم خطوات الجراحه وايش حيسوي بالترتيب وبالتوفيق
بالنسبه لجنسيته سوري او ليبي على ما اعتقد
بس كفايه اقولك انه بيهتم جيدا بمرضاه ومهذب جدا جدا واحترافى
fajer q6r
26-10-2009, 08:45 PM
في دكتور هندي بمستشفى الخور

اسمه ارون

استشاري كبير ووايد زين


اذا حاب اتشوفه راسلني ع الخاص انا بخلص امورك واسهل لك كل شئ

وما تشوف شر
ابن مانع
26-10-2009, 08:56 PM
دكتور صالح اليزيدي اذا حبيت تشوفه اسإل عن يوم عيادته في الصحه المدرسية وخلك عنده الساعه 7 الصبح تقدر تدخل عليه من غير موعد بس ياليت تودي اوراقك كلها معاك يكون افضل
ربي يوفقك ويشفي والدتك
محمد الكعبي
26-10-2009, 09:11 PM
اتوقع ولا دكتور ابصراحه
um nawaf
26-10-2009, 09:21 PM
سألت لك الوالدة لأنها هي بعد سوت عملية ركبتها عند الدكتور ناصر السبيعي

العملية نجحت ولله الحمد .. بس المشكلة إن أمي الوحيدة اللي كانت تشيل وتحط الوالد الله يرحمه (لأنه كان مبتور الرجلين) .. فهالشي أثر وايد على عمليتها فحسينا كأنها ما سوت شي ..

المهم اللي أبي أوصله إن الدكتور ناصر السبيعي زين لكن مثل ما قالوا اللي قبلي الدكتور صالح اليزيدي ممتاز وهو تقريباً مستلم علاج إصابات اللاعبين وهالأمور.. ومثل ما قالوا بعد.. إن المواعيدعنده صعبة

ما تشوفون شر انشالله .. والله ييسر أموركم

أم نواف
حقــبان
26-10-2009, 09:37 PM
محمد الخيارين
Nasser2006
27-10-2009, 07:30 AM
في دكتور هندي في مستشفى الخور بس ما يحضرني اسمه.. واحد من الربع سوى عملية رباط عنده..

جزاك الله الف خير.
Nasser2006
27-10-2009, 07:31 AM
ماانصح تسوي للوالده عمليه بالدوحه
فيه عياده في البحرين للدكتور سالم متخصص في اصابات الاعبين والكل يمدحه شوف وش بيقول للوالده وايش نصيحته قبل
والله الموفق

مشكور أخوي على النصيحة والمشاركة وجزاك الله الف خير.
rayyani4ever
27-10-2009, 09:08 AM
في دكتور هندي بمستشفى الخور

اسمه ارون

استشاري كبير ووايد زين


اذا حاب اتشوفه راسلني ع الخاص انا بخلص امورك واسهل لك كل شئ

وما تشوف شر


ايواااا.. هذا اسمه:nice::nice:
Nasser2006
27-10-2009, 10:32 AM
دكتور صالح اليزيدي اذا حبيت تشوفه اسإل عن يوم عيادته في الصحه المدرسية وخلك عنده الساعه 7 الصبح تقدر تدخل عليه من غير موعد بس ياليت تودي اوراقك كلها معاك يكون افضل
ربي يوفقك ويشفي والدتك

بحاول أشوف الدكتور صالح اليزيدي ، والله يسمع منك

جزاك الله الف خير.
Nasser2006
27-10-2009, 10:34 AM
سألت لك الوالدة لأنها هي بعد سوت عملية ركبتها عند الدكتور ناصر السبيعي

العملية نجحت ولله الحمد .. بس المشكلة إن أمي الوحيدة اللي كانت تشيل وتحط الوالد الله يرحمه (لأنه كان مبتور الرجلين) .. فهالشي أثر وايد على عمليتها فحسينا كأنها ما سوت شي ..

المهم اللي أبي أوصله إن الدكتور ناصر السبيعي زين لكن مثل ما قالوا اللي قبلي الدكتور صالح اليزيدي ممتاز وهو تقريباً مستلم علاج إصابات اللاعبين وهالأمور.. ومثل ما قالوا بعد.. إن المواعيدعنده صعبة

ما تشوفون شر انشالله .. والله ييسر أموركم

أم نواف

الشر ما يجيك ومشكورة أختي على المعلومات ، شكله الدكتور صالح الاحسن.
سماء الرياض
27-10-2009, 11:34 AM
الله يقومها بالسلامة ان شاء الله
(حوريه)
27-10-2009, 11:58 AM
د.صالح اليزيدي باي مستشف ى
Nasser2006
27-10-2009, 12:46 PM
الله يقومها بالسلامة ان شاء الله

الله يمسع منك يارب ويجزاك الله الف خير.
Nasser2006
27-10-2009, 12:50 PM
د.صالح اليزيدي باي مستشف ى

مثل ما قالوا لك الاخوان في الصحة المدرسية ، وأنا بنفسي توني أتصلت الصحة المدرسية وقالوا لي أنه عيادة في كل أسبوع يوم الاثنين والاربعاء من الساعة 7 صباحا - 2:30 مساء.


والله يشفي أمي وجميع مرضى المسلمين.