الاعضاء الكرام الحذر ثم الحذر من .؟؟؟؟؟؟؟؟ لفحص السيارات

[Ghost]

http://up.souqaldoha.com/get-10-2009-souqaldoha.com_dvjrs5bf.jpg
السلام عليكم ورحمة الله وبركاته
ادخل في الموضوع
من 3 اسابيع شفت مرسيدس 350 وعجبني وديته طريق سلوى للفحص
طلع فيه
1- تبديل ذراع امامي يمين
2- تبديل اذرعة امامية علوية عدد2
3 تبديل 4 تواير
غير كدة ما في شي
خلاص شريت السيارة وخلاص جاني من يومين بيعة للسيارة والرجال قال بافحص عند م؟؟؟؟؟؟؟؟؟؟ لفحص السيارات
قلت وماله ورحنا
والسيارة في فترة 3 اسابع ما مش الا2500 كم ومغير لها 4 تواير من الوكالة
الفحص طلع
1- تبديل ذراع اماي يمين
2-تبديل كراسي مكينة
3- تبديل سفايف امامي وخلفي
4- تبديل درامات ويل امامي
5- صوفة الماكينة
شوفو النصب عيني عينك للاسف اخدت الورقة ودخلت المكتب وواجهتهم الكل قام يتهرب وصدرو واحد مصروالكل هونيك لبناني
قام المصري يقول فترة ال3 اسابيع ممكن تحصل خربات اكتر من كدة قلتله انت بتعرفي في السارة اللي انا راكبها فما العمل وين اشتكي على هالعالم واللي يبي يعرف اسم الفحص يطرش على الخاص
ولكم كل الاحترام والله امس رفعو ضغطي

[911 qtr]

اخوي ارسلي اسم الفحص على الخاص

[وحش قطر]

مع احترامي لك اخوي

اكثر الاشياء اللي قالوها اشياء استهلاكية

وبعدين ممكن تكون نص روح فيذكرونها في التقرير

يعني ممكن يكون كلامة صحيح

[لابس بشت]

والله واحد من الشباب شريطي دووم يبيع ويشتري فالمواتر ويعرف العمال اللي يشتغلون في محل معروف لفحص السيارات على خط سلوى
المهم يقولي ان اغلب المعارض مضبطين معاهم وعلى اساس يطلعون لك السياره مافيها شي او يعطونك العيوب البسيطه وهم على قولتهم فيدني وافيدك
واللي يبي يفحص يفحص فالصناعيه لا يفحص في شارع سلوى

[سعد آل شريم]

ممكن أسم والمحل بارك الله فيك

[بــوعــوف]

الله يعينك ..

عطنا اسم المحل علشان نتجب الفحص عنده ..

واحنا ناقصين ..

[Ghost]

تم الرد للاعضاء اللي طلبو الاسم وهذا من باب النصيحة علشان المسلمين يحذرو من هالاشكال اللي يغشون الناس وهم مؤتمنين

[ذهب]

ممهما اتكون حريص بعد فيه حراميه احرص منك في اتلاعب على الناس الله لايفقهم صارت معاي من شهر

يا ريت اسم المحل علشان اشوف هو نفسه ولا

[بن جعران]

طرش لي اسمه اخوي لاني باشتري موتر اليوم او باجر ومااتوهق واروح لهم, ويطيك العافيه عالموضوع.

[الوهاااااج]

الله العالم سبحاااااااااااااانه واللي يقول ان المعارض مظبطه مع اهل اللفحص صدقني هذي ذمه واللي يحط في ذمته والله ان الله ما يرزقه وصدقني ان الله ما يخليهم ولا يبارك في حلالهم

[زمن الغدر]

اممممممممممممم
سؤال اخوي ليش مايكون هاي الخرابات من الاول بالموتر بس الي انت فحصت من عنده الموتر اول ماخذته ماظهرها لك

على فكره ومن كثر مافحص وللامانه احسن فحص جورج الي هو الخبراء الامان

اما العالمي افشل فحص

[halcrow]

اخوي انت ماشي 2500 كيلو بعد 2500 مب اشوي و3 اسابيع ممكن بهالفتره يصير اي شي

واللي ذكروها شغلات استهلاكيه اتصير باي وقت مب شي كبير الله يهداك

لو قلت ان طلع الموتر مصبوغ الشاصي فيه ضربه اهني بيصير كلام ثاني صح ولا انا غلطان

لأن هالشغلات مهب استهلاكيه .

وانا فحصت عند خبراء الألمان وديت له جي اكس ار خذ علي 300 ريال وبعدها بيومين بالضبط

جبت له مرسدس أس 350 اول ماشافني قالي 400 ريال قلت له الحين اجيك على جي تاخذ مني 300

ويوم اجيك بمرسدس تاخذ مني 400 قالي خلاص ولا يهمك ب 300 ريال ...ماأكثر في الكلام مع هالجنسيات رفعت الجامه في وجهه ورحت للطاير ب 250 ريال فحصه

[المجد5]

ممكن رقم المحل

[عندليب قطر]

ممكن اسماء المحلات الي فيها نصب ياريت تفيدونا عشان نتقي من شرهم
وجزاكم الله خير مقدماً

[الدبلومااسي]

اتوقع العالميه لانهم طلعوا فالصوا

فحصت عندهم من فتره وطلعوا بلاوي وقالوا احنا انصلح لك لاتوديها كراج

وشيكت السياره عقب طلعت سليمه مافيها شئ


والله شاهد على كلامي

[hxamad]

ممكن أسم الحل لاهنت

[بوبندر]

الله العالم سبحاااااااااااااانه واللي يقول ان المعارض مظبطه مع اهل اللفحص صدقني هذي ذمه واللي يحط في ذمته والله ان الله ما يرزقه وصدقني ان الله ما يخليهم ولا يبارك في حلالهم

شكلك عندك معرض:yes:

[انا مب انا]

ممكن اسم المحل

[abu m7md]

يا شباب
كل واحد يحط نفسه بمكان الرجال
يقول هو ادرى بسيارته وبستخدامها
مرات الشخص يحافظ على الشي ويهتم فيه وينصدم فيه بالاخير
يعني لو انه فعلا كاد الموتر ومسوي فيه اشياء
ماكان انقهر وكتب الموضوع هنا
يا شباب انا الرجال ماعرفه بس مبين انه صادق في كلامه
بغض النظر في المواد المستهلكه في السياره



ياريت تقول لنى اسم الفحص اخوي
بنتظارك

[فرفوش]

افااااااا ماعليه ماعليك منهم ياخوووي

ممكن اسم المحل عشان نبعد عنه مب فاضين غش والله

[بوراشد 66]

لو تحطه على العام لتعم الفايدة

[QatarProv]

ممكن أسم الفحص يالشيخ ,, ؟

[نيساني]

لو تحطه على العام لتعم الفايدة




كلام سليم واللي خاطره يروح هذا شي راجع له وان شاء الله مايكون كلامي غلط:):)

[alshahwani]

اسم المحل الله لايهينك

[مستثمر 999]

الله يهديك اخوي

كلش ما عرفناه

ناقص انك تقول انهم 2 اخوان والاخو العود اسلم وغير اسمه الى محمد

كلهم لبنانيين والطباع مصري

عموما بيني وبينك الي يشوف بلاوب الناس تهون عليه بلوته

بالنسبه لك مجرد اشياء استهلاكيه ما تؤثر على البيع وخاصه اذا راعيت المشتري شوي

انا واعوذ بالله من كلمة انا والله خير الشاهدين

شريت سفر سوبر بان وبعد يومين جاني شراي وبسعر حلو وكنت احلف له ان السياره مفحوصه وما فيها شي

المهم فحصنا السياره وقال لي فيها شاصي والله لو كان عندي سلاح وقتها كان خلصت عليه

سيارتك 2003 يعني مستهلكه واحمد ربك انه ما قال شي على الجنبينات ( شاك اوبزيرقرز ) تلف 10 الاف
ريال

تحياتي

[الفـ@ــــد]

اسم المحل لو سمحت..

[مستثمر 999]

انا ضد تشهير المحل لانه يفتح باب شر على المنتدى وهم في غنى عنه

وفعلا الاشياء الاستهلاكيه من الصعب تمييزها لشدة دهاء البايع

بانه يغسل السياره من تحت قبل الفحص

ومثلا لو في مشكله في مخ القير ( الكونفيرتر ) من الصعب معرفه الا اذا كانت السياره باره يعني في بدايه الحركه .

والسفايف والدرامويل فعلا تتأثر في 3 اسابيع وخاصه مع السرعه

وخاصه مع التجاري

نصيحتي لك عزيزي قوست خذ السياره مع المشتري الى شركة بوش الي في الوكره
200 ريال اعتقد وتقرير مضمون

[qatar.com]

اخوي ممكن اسم الفحص مع اني متأكد مليون بالمية انه العالمية ومن وحي التجربة والجوروج اللمان هذولا يطلعون لك مليون علة بالموتر والموتر مافية شي

[ولد الانصاري]

معروووف هالفحص..

انا عندي سياره

من فتره عملت لها تشييك كامل.. وصلحت الي فيه .. وكنت اشياء بسيطه.. والحمد لله

امس واحد فحص الموتر وطلع فيها بلاوي عند نفس الفحص... انا مسكت راسي

قلت للمعرض عسى ماشر الموتر راستخدمه ومافيه شي

سالت المعرض .. الرجال فحص عند المكان المذكور اعلاه قالي اي ... قلته له هذا سعري وماراح انزل...

الصراحه لازم الجهات المعنيه تتحرك وتشووف لنا حل...

والله يوفقك اخوي...

[alkoos]

اكيد العالمي كل العالم تشتكي منه حتى المعارض

[ولد الانصاري]

اكيد العالمي كل العالم تشتكي منه حتى المعارض

في معارض مانعين الفحص عندهم ...

مالك الا الطاير ... :nice: ... خبره وذمه .. عن تجربه اكثر من مره..

[سهم متردد]

اسم المحل وباتهون

[the wisher]

لا تعورون راسكم و افحصوا في الــو كـــالـــة و بس ...........

[abuhareth]

اخوي ارسلي اسم الفحص على الخاص لاهنت

[oldqtr]

الله يعين

[المزاجي قطر]

ممكن أسم والمحل بارك الله فيك

[الجوكر90]

ممكن اسم المحل

[سهم ضايع]

اخوي يا ليت تعطيني اسم المحل

لاني على وشك اشتري سيارة :(

وجزاك الله خير

[الزيبق]

اخبر انفحص موتر البيت من فتره عند هذول اللي في طريق سلوى وطلع ما فيه اي شي بس انا قلت حق الشراي انا الباب اللي وراء مصبوغ اتصدقون انه خذني على قد عقلي وما صدق ويوم اصريت عليه قالي انا فاحص الموتر عند........... ناس خبيره قلتله وانا راعي الحلال قالي انزين بتنزل قلت له لا قالي باسجل بعد التسجيل قاعد يضحك علي ايقول اتصدق لو طلبت بعد اكثر كان عطيتك يالله الله ايوفقه في السياره

[ولد الانصاري]

اسم المحل مذكوره ^^^

واعتقد اغلبكم يعرفه ... واهم شي الي يبي يفحص يدور ع فحص فلبن=فلبينيين ...يشتغلون فيه

والله يوفقكم...

[كيلو حديد]

يا ريت اسم المحل اخوي


لان مثل هالسالفه صارت لي

فاحص الموتر من اسبوعين

وما طلع بها غير بعض الامور البسيطه جدا

عقب جتني بيعه حلوه وقلت ابيعه

وداه الطيب عند محل طلع فيه عيوب قويه بصراحه

ضعف بالجير

مشكله بالدفرنش

وامور وايد وايد

طبعا انا شكيت بالرجال لاني عطيته الموتر وراح بروحه ما رحت معاه

خبري امين

بس عرفت انه مضبط راعي المحل وكاتب امور من راسه

ورغم كذا بغى يشتري الموتر

بس طبعا بعد ما نقص السعر وربحان بعد

بس رفضت البيعه كل ابوها لان واضح ان الاخ نصاب ومتعامل مع المحل لانه شريطي


السياره لو يبيعها يقولون حلوه
لو يشتريها يقولون مليانه خرابات

[alansari]

الشيخ اسم الحل لاتهون

[بويعقوب]

الصراحة العالمي حرامي ومن فتره داعمين في موتر وهم يفحصونه والسبب اهمال السايق اللي في المحل كان مسسرع في شارع داخلي في عين خالد وطبعا اذا طلع حد في ويهه عليه السلام..
من بعد هالسالفه انا مافحص عندهم ..

[pure.2005]

اسم الفص لو سمحت على الخاص

[Ghost]

على فكرة انا بعت السيارة والحمد لله ربحت فيها مبلغ كويس بس المشكلة للي هيجي بعدي ويتوهق مع هالعالم افرض واحد ما عنده فلوس وانمضرب منهم مين بيعوضه في واحد من الاعضاء اعطى توضيح عنهم باللون الازرق ويسلم بس السيارة انا ما استعملتها كتير وبعدين كل المشاوير على الاسفلت اشلون طلعت الخرابات الرجال اللي فحص الموتر فحصه لواحد سعودي واشترا الموتر بس هالمجرمين بعد ما واجهتهم ولا كانهم يعرفوك

[شبربوش]

اتوقع العالميه لانهم طلعوا فالصوا

فحصت عندهم من فتره وطلعوا بلاوي وقالوا احنا انصلح لك لاتوديها كراج

وشيكت السياره عقب طلعت سليمه مافيها شئ


والله شاهد على كلامي


وازيد بعض المعارض كاتبين لك الرجاء عدم الفحص في العالميه

[دليشان]

طرشلي أسم المحل لو سمحت

[HEART_LION]

حته الالماني انا فحصت عنده وايد اشياء ماطلعها لي

شيكت في الوكاله برقم الشاصي ورقم المحرك طلع الموتر فيه بلاوي

[mohad00974]

إسم المحل ومكنة أخوي ما عليك أمر

[Rayane]

هذا هو شغل الزلمات والمصاروه....

مرحبتين وولكم وحياك والشغل زفت.... والنفس عند راس خشمه... على وشو ان شاء الله...

عندكم فحص الطاير فنان....

واي محل فيه زلمات لا تقربه... خلك على شغل الاسيويين والهنود.... شغلهم فنان ورخاص ويسمعون كلامك وينفذونه عدل.....



وقبل لا انسى اسم المحل ولا عليك امر ويعطيك الف عافيه

[الكونجرس]

اخوي ارسل اسم الفحص على الخاص

[نسناسة]

السلام عليكم
لو سمحت اخوي ممكن اسم الفحص لأني متخلبطة بالاسم عشان سيارتي في حفص جورج


مشكووور

[ولد الانصاري]

السلام عليكم
لو سمحت اخوي ممكن اسم الفحص لأني متخلبطة بالاسم عشان سيارتي في حفص جورج


مشكووور

شوفي الردود وراح تعرفين^^

[خالد624]

اسم المحل لو سمحت

[عامر1]

اسم المحل ياطويل العمر

[AL_MUTAEM]

اخواني اسم المحل ليس بذات اهميه والدليل الجميع توقعه صحيح وانا صاحب معرض ومن اكثر من سنه ونحن واضعين لوحه ممنوع التعامل مع المحل المذكور لا سباب يعرفونها جيدا مرتادي المعارض ..

انصح الجميع بفحص السيارات باحد الكراجات المعروفه بالمنطقه الصناعيه والبعد عن فحص طريق سلوى لان البعض بـ100 ريال يبيع ذمته

[مستثمر 999]

اخواني اسم المحل ليس بذات اهميه والدليل الجميع توقعه صحيح وانا صاحب معرض ومن اكثر من سنه ونحن واضعين لوحه ممنوع التعامل مع المحل المذكور لا سباب يعرفونها جيدا مرتادي المعارض ..

انصح الجميع بفحص السيارات باحد الكراجات المعروفه بالمنطقه الصناعيه والبعد عن فحص طريق سلوى لان البعض بـ100 ريال يبيع ذمته

المحل الي يقصده قوست غير عن الي في بالك

المحل المقصود دوم عنده عجأة يا ختيار والطباع مصري

[مستثمر 999]

السلام عليكم
لو سمحت اخوي ممكن اسم الفحص لأني متخلبطة بالاسم عشان سيارتي في حفص جورج


مشكووور



هو زاته يا نسناسه .............ما قولتيليك

[بلوتو]

ياليت اتطرش لنا اسمه الشيخ

[+qatari+]

الخبراء الأل...........ماني

[+qatari+]

لاني فحصت عنده سياره مرتين وصار اختلاف
ولانهم كلهم لبنانيين وواحد مصري
وهذا الصحيح وكلمة الحق تنقاااااااااااااااااااااااااااال

[القطري554]

ممكن مداخلة ...

أغلب الى يفحصون السيرات أو محلات الفحص خرطي وبعطيكم حركة بسيطة تكشف الخدعة ..

مثل عندك سيارة فحصتها وطلع فحص ضغط المكينة 90 فالمية خذ السيارة وغير لها زيت ثقيل 20-50 w+ بلاكات

ورجع أفحص الموتر بتحصل ضغط المكينة صار فوق ال 95 فالمية .. هاى حاجة من حجات كثيرة

تشمل الصبابات وكهرباء المكينة .. هاى حاجة بسيطة غير التلاعب والمعارف ..

[yousef545]

يالربع عن واقع تجربه انا جربتهم كلهم خبراء الالمان و العالميه و و الالماني و الطاير و كراج دكا

و كراج استقلال و كلهم اخرطي في اخرطي و ماعندهم شي

يمكن احسن واحد فيهم انا اعطيه 50% الي هو الطاير و بعد طاح من عيني الفتره الاخيره

لأنه فحصت موتر عنده و راعي الموتر اعرفه كان مركب هد محفوف و بعدين ركبلي هد الوكاله

الفحص الاول مابينلي انه الهد مبدل و عقب استعمال سنه بعت الموتر قالي الهد مبدل

اشلون ماتدري

[المحروومqtr]

ممكن اسم المحل عشان نتجنبه

[al7amadi]

نفس الحاله

مشكور ماقصرت

[وحيد-الشوق]

كلهم طينه وحده

مافي اخس من المستعمل والي يقهر يجيك راعي الموتر يقولك السيارة نظيفه ومافيها صبغ وكله تمام ترووح تفحص تكره عمرك

وين الذمه ياناس

افضل حل اشوفه مع انه صعب الواحد ياخذ الموتر ويفحصه في الوكالة

[mkmk]

ممكن اسم المحل عشان نتجنبه

[shares master]

أخوي الله يوفقك قد يكون كلامه صحيح الان الاشياء اللي ذكرها أستهلاكيه وممكن تخترب في اي لحظه وبعدين ترى هم يذكرون لك أي شي نص عمر علشان تطلع أورقه الفحص مليانه وتقول عنهم إي والله هاذيلا فهمانيين وما يمر عليهم شي ويطلعون لك كل شي أخوي ما عليك أمر أسم المحل بس ولا هنت

[انسان]

اخوي ارسل اسم الفحص على الخاص

[alil]

بالفعل ماندري مالعمل
اعرف واحد مطلعين له في الفحص تبديل سفايف ودرامويل
واليوم الثاني الصبح صارمعاه شي راح الوكالة طلع القير يبله تبديل بمبلغ 36 الف؟؟؟