المساعد الشخصي الرقمي

مشاهدة النسخة كاملة : الرجاء المساعده حول التصليح عن طريق التأمين



سعادة الوزير
27-10-2009, 08:50 PM
السلام عليكم ورحمة الله ،،

اخوكم دعموه من كم يوم وعطوني ورقة تصليح على التأمين عن "الشركة القطرية للتأمين واعادة التأمين" ، المهم انا سيارتي 2007 وعلى ماسمعت انهم مايصلحونها في الوكالة ، طيب اذا انا بغيتهم يصلحونها في الوكالة وادفع فرق التكلفة ، تتوقعون ممكن؟

والشغلة الثانية ، انا حاولت اتصل عليهم عشان اعرف مكانهم بالضبط بس محد يجاوب ، انا خابرهم مجابلين محلات نابينا احذا بنك التنمية ، هم ليحين هناك؟؟

ياريت الشباب يفيدوني بخبراتهم لاني بصراحة غشيم جدا بهالامور.

فتى الدوحة
27-10-2009, 09:08 PM
مرحبا أخوي
مكانهم اللي ذكرته صحيح هو مكانهم ، أما موضوع إنك تصلح في الوكالة ما أدري بالضبط لأنه على حد علمي أن موديل السنة واللي قبلة في الوكالة أما السنة اللي بعدهم يخيرونك بين وكالة ثانية غير وكالة السيارة أو أنت تختار كراج ..
بس لا يقصون عليك ، لأن هذي الشركة ناس من ربعي أشتكوا منها بسبة أنهم ما أخلصوا منهم إلا بعد طلوع الروح ..
هذا والله أعلم أخوي العزيز ، خبرك القوانين في شركات التأمين تتغير من وقت لآخر دون ما ندري فيها ..
ملاحظة هامة :
في حالة لو سكت وما ذكرت لهم بالضبط أنك تبيهم يركبون لك قطع أصلية ولا تراهم بيركبون لك قطع تجارية وفي هالحالة إذا بغيت تركب الأصلي بدفعونك نسبة من قيمة هذي القطع ..
الله يوفقك ويوفق الجميع ..

سعادة الوزير
27-10-2009, 09:17 PM
مشكور اخوي على المعلومات ، والله يعيني عليهم ، يعني معقوله انا المتضرر وبعد يركبون لي قطع تجاريه؟ .. والله حاله!

خيال شمر
28-10-2009, 12:30 AM
الله يعينك عليهم بس اهم شي اطول بالك لانه لعبتهم ينرفزون الواحد وانت اهم شي لاترضى الا بالقطع الاصلية حتى لو بتدفع فرق مومشكله .. الله يوفقك ,,,

بن درويش
28-10-2009, 12:51 AM
اذا تبي اصلى لازم تدفع نسبه 20 او 30 % من قطع الغيار
والله يعينك على الصناعيه والكراجات