لاهل الخبره في الكايين والرنج

[فتحي]

الى الاخوان مع التحيه
حبيت اسال عن سلبيات الكايين اس والكايين العادي (( 6 سلندر ))
والرنج العادي hse
وابي اعرف شنو مشاكله وخصوصا اني سمعت
عن الكايين انه لازم تغير الزيت كل 1000 كيلو
ويقولون تشيكها غالي كذالك

اما الرنج فما سمعنا عنه شي
وابي اعرف اسعار الكايين المستعمل 2004
والرنج المستعمل hse 2004
وافضل المعارض ذات السيارات المضمونه

اتمنى تفيدوني ياجماعه الربع
وتقترحون علي بلاحسن
ولكم مني اطيب تحيه

[راعي النيسان]

"""" قال طلقها واخذ اختها ،،،، قال الله يلعن الثنتين """

اخي العزيز لو عندك فلوس والله مبارك لك في رزقك وتبي تحافظ على مالك فانا اقولك بعد عن الرنج والبورش كايين ،،، اثنينهم الصيانة حقهم غالية ،،، ولو صار واخترب شي فيهم عن طريق المستخدم فالله يعينك على مصاريف الصيانة ،،، أكثرية الشباب هذه الايام يطلعلون لهم بورشات ورنجات بس لاستخدام سنة واحدة وبعدها يقطونها ،،، خوفا من مشاكل الصيانة ... وانت روح معارض سلوى وشوف ايش كثر البورشات المعروضة للبيع ونفس الشي الرنجات


اخي العزيز ويش لك بالبحر وأهواله ورزق الله على السيف شيلك كرورز او نيسان ترى والله ابرك وبسعر المستعمل من الرنجات او البورش تطلع لك كرورز او نيسان جديد حده من الوكاله ،،، مهما كرفتتهم كراف بعد سعرهم فيهم ... ما يطيح ومصاريف الغيار وايد بسيطة ...

[فتحي]

اشكرك يالشيخ على النصيحه الغاليه
والكروزر متوفر واحد في البيت فماله داعلي اخذ لي واحد
انا والله ودي في موتر من هالاثنين وانشالله الله يوفقنا بموتر زين
اشكرك اخوي الغالي على المرور

ونتمنى من اصحاب الخبره يفيدوننا
ولكم مني اطيب تحيه

[hamoor4ever]

انا بصراحه ماعرف عن الرنج بس بصراحه ماشفت حد شره كايين الا رد باعه بعد شهرين وان كثر
سبع اشهر

اخوي شره له واحد من الوكاله كايين اس .. رد باعه بعد شهرين يقول مب شي ورد على الكروزر
واعرف واحد من الربع نفس الشي .. ولاتظن ان اللي خذوه حالتهم الماديه تعبانه , لا يقدرون على صيانته بس الوكاله تعبانه اخوي يعني عادي تبغي تبدل ايل تجيب لك واسطه علشان يخلص بسرعه باليوم الثاني هاذه احسن واسطه
غير الموعد اللي لازم تاخذه يعني تبدل ايل يبي لك ثلاث ايام علشان تاخذ موترك فما بالك لو فيه تصليحح او تشيييك ....
بأختصار الكايين او الرنج مظهر وانا بصراحه انصحك نفس كلام الاخ .. عموما اذا جربت الكروزر مابتعرف قيمته الا لين تجرب غيره ..

[البنز]

اذا انت فيها فيها .. الرنج ابرك لك من الكيان

صج الكيان بيطربك في السواقة ولكنه وعر شوي ..

وانا أشوف الرنج أبرك لأنه مشاكله السابقة خفت وايد

وموب هين من ناحية الطربة والسعة والرزة ..

والفرق بينهم في السعر موب وايد ..

[saud580]

والله اخووي انا اقول لك لو تاخذ لك لكزس فورويل ترى ما عليها كلام فخامه ورفاهيه وكل شي


والله يوفقك يا الغالي

[said454]

"""" قال طلقها واخذ اختها ،،،، قال الله يلعن الثنتين """

اخي العزيز لو عندك فلوس والله مبارك لك في رزقك وتبي تحافظ على مالك فانا اقولك بعد عن الرنج والبورش كايين ،،، اثنينهم الصيانة حقهم غالية ،،، ولو صار واخترب شي فيهم عن طريق المستخدم فالله يعينك على مصاريف الصيانة ،،، أكثرية الشباب هذه الايام يطلعلون لهم بورشات ورنجات بس لاستخدام سنة واحدة وبعدها يقطونها ،،، خوفا من مشاكل الصيانة ... وانت روح معارض سلوى وشوف ايش كثر البورشات المعروضة للبيع ونفس الشي الرنجات


اخي العزيز ويش لك بالبحر وأهواله ورزق الله على السيف شيلك كرورز او نيسان ترى والله ابرك وبسعر المستعمل من الرنجات او البورش تطلع لك كرورز او نيسان جديد حده من الوكاله ،،، مهما كرفتتهم كراف بعد سعرهم فيهم ... ما يطيح ومصاريف الغيار وايد بسيطة ...

ما في بعد الكرورز و النيسان

[السهم الذهبي]

انصحك بالرنج افضل من الكيان

[فتحي]

اشكركم اخواني على ردودكم وبقا سؤال اخير

محد خابر رنج مستعمل اوكايين موديل 2004

وكم اسعارهم

[سلمان]

اسعارهم تقريبا بهب أقل من المتين ألف والله يوفقك

[جاسم 1]

ياخوي خذلك رنج سبورت وامورك كلها طيبه

[@الطيار@]

مرحبا اخوي فتحي
انا عن نفسي حربت 8سلندر والحين عندي 6سلندر اوكي

عندي 6سلندر زين مافيه اي مصاريف كلش والله ولاعمري اشتكيت من شي

الوكاله مارحتله الى حق التشيك فقط سفايف درام ويل ايل كله بلاش ولايدور في بالك شك وحيره

الرنج زين بس مب على كل حال كبير واجد ومب قوي لانه ثقيل ام من ناحية الصيانه مادري لانه ماطول عندي

بس اذا لك خاطر كايين 6سلندر مواصفات تيربوا كامله اسبلرات موجوده على الايميل
qatari2225@hotmail.com

[مصرف]

لتعور راسك ولا شي خذ الاثنين وافتك
هههههههههههه
تحياتي

[abusultan707]

واللة انا عندي رنج 2004hseبحالة ممتازة وما عمري اشتكيت منة في شي وناوي ابيعة اذا لك خاطر ؟؟ الون ابيض مركب لة رنجات 20 على الضمان

[السهم الذهبي]

واللة انا عندي رنج 2004hseبحالة ممتازة وما عمري اشتكيت منة في شي وناوي ابيعة اذا لك خاطر ؟؟ الون ابيض مركب لة رنجات 20 على الضمان

مرحبا بوسلطان ,,
كم خاطرك في الرنج لاني ادور لي على واحد نظيف .

[abusultan707]

هلا بالسهم الذهبي صراحة نك نيمك حلو بس اسمح لي ما يركب على السوق لان ما عاد فية سهم ذهبي هليام بالنسبة للرنج واللة ما ادري ويش اقول لك لكن اسال كم اسعارهم وانا على انزلك عن اسعاره العادية وكنت حاط في بالي 185 لكن اذا لك نية ما راح نختلف تحياتي

[فتحي]

اخوي كم باقي ع الضمان وكم ماشي
وش نوع الرنجات