مين فيكم يقدر يكتب مسج بالتلفون وهو يسوق؟‏

[GULFSUN]

للكبار فقط

Please watch it

The film that will stop you txting and driving

الي يعرف احد يكتب مسج بالتلفون وهو يسوق

خله يشوف هالفيديو

http://www.gwent.police.uk/leadnews.php?a=2172

[The Blade]

:nice:
عادي نكتب مسجات مب مسج بس المشكلة ان الفلم فيه بنات يعني بجوال ولا بدون التفهي موجود :shy:

الله يحفظ الجميع...

[بنت ذياب]

مافي تكمله للفيديو؟؟؟

شصار بربعهاااا :weeping:

عوووووورت قللللللللللبي

حادث خشن من قلب

:(

يعطيك العافيه اخووي

لاهنت

[بوخالد911]

هلا

هناك نووعين

ناس تكتب مسج وتنسى الشارع


وناس والله تشوف الشارع ولا يشوفون الكي بورد
لأنهم حافظين مواقع الحروف
1 من ربعي عنده هالميزة
:victory::victory::victory:

[محمد الكعبي]

escapeالواحد مايقدر يعطس من كثر الزحمه يخاف يدعم

[ناصر30]

عادي انا اكتب وانا اسوق

بس لازم تنتبه

بس للامانه تكون ماشى على البركه


الصح ان الانسان مايكتب وهو يسوق

[الهـواوي]

ايه نعم انا اقدر اكتب خاصه عند الاشارات او في الطرق السريعه ارفع التلفون عن السكااان واكتب

وشكراً

[غدير البورصه]

ضريبة الاتصالات

اثناء السواقه

[كلاسيك قطر]

للكبار فقط

please watch it

the film that will stop you txting and driving

الي يعرف احد يكتب مسج بالتلفون وهو يسوق

خله يشوف هالفيديو

http://www.gwent.police.uk/leadnews.php?a=2172



بال بال اشدعوه جذي فلم هندي

[ابـو مــحــــمـــــد]

واحد من الربع مايعرف يتكلم في التلفون وهو يسوق كله بالمسجات

[ولد الشحانية]

بال بال اشدعوه جذي فلم هندي

ياليته كان فلم هندي غابت الشمس وماجتهم الشرطة والاسعاف:shy:

[امل الحب]

صعب التركيز بأكثر من شي في وقت واحد..

ابسط مثال انا ماقدر اكلم حد واكتب مسج لاني بكتب المسج غلط :)

[المشتاقه الى الجنه]

آنا إذا إضطررت لكتابه المسج أقف على جنب ولله الحمد

[بوحارب]

بعض الأحيان يصير معاي شاااات وانه اسوق ونسأل الله السلامة من الحوادث

الفلم مؤثر :weeping:

[ممنوع اللمس]

عادي انا مره كتبت وانا اسوق مافيها شي
بس

دخلت بتريله صوب جسر الامير خخخخ كان حادث خشن

[الرويـس]

ايا على الاسعافات
مامداه الدم يخثر الا وهم حواليهم
لا وبعد اسعاف طائر

[بـن عدوان]

اخوي انا اشكرك على التنبيه، والله يحفظ الجميع ان شاءالله

[MoTeC]

ماشاءالله الاسعاف وصل ولا بعد اسعاف طائر هههه
لو عندنا اول شي يبيلك ساعه عشان الدوريات تجي ويبيلك ساعتين إلا ربع على ما الاسعاف يجي و ساعتين ونص للدفاع المدني وكل هاي الوقت تلاقي اللي مسوين حادث الله يرحمهم توفوا :)

[هذلان]

السلام عليكم


طبعا مقطع الفيديو هذا تمثيل بدون ادنا شك
وتمثيل على مستوى (انتبه لمواقع الكمرات لكل لقطه راح تكتشف هالشي) و هو بغرض التنبيه عن خطوره استخدام تلفون اثناء القياده .

بالنسبه لي اكتب مسج و انا اسوق شي متعود عليه خصوصا انه مسجاتي عباره عن كلمات بسيطه .. يعني رد على سؤوال او شي من هذا القبيل .
لكن الشهاده لله اول دعمه لي في حياتي كانت بسبب الجوال .. رن نزلت راسي اخذه من عند الجير ولا المح بطرف عيني شي ابيض قريب ... برررريك طاخ
بس اشوى في الصدام الامامي :nice:
طبعا قمه الاحراج مع الشخص الي دعنته لانه الدعمه سخيفه و في فريج :secret:

[مضاد]

وف

يالطيف :(





وناس والله تشوف الشارع ولا يشوفون الكي بورد
لأنهم حافظين مواقع الحروف





هذول حريفين لمغازل :secret: يا بو خالد

[ريد قطر]

عورت قلبي على هالفلم المهم انا ما أيد الكتابة والواحد يسوق

[ريد قطر]

واضح انه تمثيل

[هذلان]

وف

يالطيف :(





،،،، ،،،،، :secret: يا بو خالد

الله يهديك

[سوق واقف]

أنا أكتب بس بدون ما أشوف كيبورد التليفون عادي أسوق واكتب يطون انتباهي على الشارع

[بوخالد911]

آنا إذا إضطررت لكتابه المسج أقف على جنب ولله الحمد



تصرف سليم + صحيح

:nice::nice::nice:

[شبح الصمت]

صراحه انا قمت اعرف اماكن الاحرف فالتلفون اكتب وما اشوف واخر شيء اشوف الرسالةاذا اوكي اعطيها send بس والله خطر يالربع بين لحظة والثانية ما يندرى شيصير،، الحين الوهقه البلاك بيري مسج والا مب مسج عيون العالم كلها فيه صراحه ..
انا ابي اخذه ومابي اخذه

[مايهمني]

انا اكتب بدون مااجوف الكيوبورد حافظه مكان ارقام واالحرروف

[براتزية برازيلية]

اعرف اكتب مسج و انا اسوق .. بس بعد هالفلم توبة و الله ..
everything can wait ..ماتسوى علينا هالمجازفة ابي اشوف احفادي
تسلم عالموضوع و الله يحفظ الجميع

[شبح الصمت]

ترى والله التلفون يلهي ومب اشوي احنا ما نستهين فالتلفون لانه يمكن يجيك مسج حلو وتبطل حلجك ومستانس اش كبره يصير وتخلي العالم تعدي من صوبك وتسلم عليهم وانت مرررررررررتاح .. وعاد مره يجيك مسج يحزن والا يكدر تحصل ويهك ينقلب وتلف على العالم وتستحمق وتسوي لك حفله والشارع فاضي .. انا عن نفسي خلاص ادمان خاطري تلفوني ما ازخه خير شر بس شاسوي للضرورة احكام ( جيب خبز - حفاظات - بيبسي - غداء - عشاء ) وهلما جرى
:tomato:

[ضوى]

ولا افكر اكتب اي مسج وانا بالسيارة اصلا مارد اذا اسوق اكتب مسج ؟

الصراحة هالفيديو وايد اثر بزوجي وعيالي لانه زوجي من النوع اللي يلهى بالتلفون ولنبهته يزعل ويقول توني اسوق يعني ؟ انا مولود ببطن السيارة ، الله يهديه اقول له الخطا لحظة ونتيجة تتالم منها طول العمر ، شاف الفيديو ووايد يتذكر صار ينتبه اكثر

احفظنا يارب

[جلمود]

هلا

هناك نووعين

ناس تكتب مسج وتنسى الشارع


وناس والله تشوف الشارع ولا يشوفون الكي بورد
لأنهم حافظين مواقع الحروف
1 من ربعي عنده هالميزة
:victory::victory::victory:








هذا بوحارب الموتر طاق طبلونه وهو يكتب مسج ,, ولا بعد يكرك وهاد السكان قابضه بركبه:omen2:
:victory: