المساعد الشخصي الرقمي

مشاهدة النسخة كاملة : نصيحتكم يالربع ابي اشتري gxr2010 وارد السعودية



sunline
29-10-2009, 12:48 AM
طالب نصيحتكم ابغي اشتري gxr2010 وارد السعودية , لقيته في المعرض جديد اصفار 8 سلندر يختلف عن مواصفات شركة عبدالغني في بعض الكماليات قيمته ب 195 الف , وضمانه في السعودية خمس سنوات , اللي عنده خلفية عن الموضوع لايبخل بالنصيحة , لأن بعض الشباب قالوا لي انه في بعض القطع في السيارة صينية الصنع

فيدوني وجزاكم الله خير

abu m7md
29-10-2009, 12:54 AM
والله يا اخوك
ترى مافيه فرق الا بالمواصفات بس
وهذا انت تقوله ضمانه بالسعوديه 5 سنوات
يعني اذا صار له شي لاسمح الله بتركبه سطحه وتوديه للسعوديه .
ويمكن تبي تبيعه ماراح يجيب لك سعر مثل وارد الدوحه وبكذى تكون خسرات ولا استفدت مع الزمن

شباب قطر ياخذون وارد عبد الغني لانه شيييييييييييييييييييييييك

وانا انصحك تاخذ من الدوحه ووارد عبد الغني افضل لك
موفق

عبودي قطر
29-10-2009, 01:15 AM
اللي سسمعناه اللي فيه قطع غيار صينيه هاي وارد البريمي
اما وارد السعوديه رووووووووووووح والقلب داعيلك موفق

وارث العز
29-10-2009, 01:55 AM
والله اذا ارخص اخذة وانت مغمظ ...

سهم متردد
29-10-2009, 08:52 AM
اذا تفكر تبيعه في يوم من الايام انصحك لاتاخذ
لان سعر وارد عبدالغني وسرعه بيعه احسن من وارد السعودية والا البريمي

الرميله
29-10-2009, 09:23 AM
خذ من الدوحه وفك عمرك
بكره بتفكر تبيعه بيقولون لك وارد السعوديه
ويقطون من سعره مليون ريال:)

الماليه
29-10-2009, 10:23 AM
ممكن شباب اعرف ايش الفرق هاذا تيوتا وهاذا تيوتا كلهم من اليابان ولا ايش نفس الباخره اللي تنزل في عمان سيارات هي نفسها تنزل في قطر الامارات السعوديه الكويت وهاذا كلام الشباب الجمارك في الميناء .
اخوي دامه ارخص اخذه وخل الفرق في جيبك تستفيد منه في شي ثاني احسن ولا يكون في جيب عبد الغني
مبروك مقدما

طبـ الود ـعي
29-10-2009, 10:36 AM
التيوتا شيك حتى لو وارد جنوب افريقيا توكل على الله اخوي وانا سمعت انه وزارة التجارة الزمت عبد الغني انه يفتح ضمان حق كل التيوتا حتى لو وارد وين والي يعرف القرار بيفيدك بالتوفيق

الدوحي7
29-10-2009, 11:08 AM
اذا ارخص توكل على الله واشتره، والتويوتا مايحتاج ضمان ولا فيه خرابات،،

yousef545
29-10-2009, 12:58 PM
وارد السعوديه على كلام المنتديات و الشباب

مرات ايجيك الـ8 سلندر بدون فتحه و بدون تيك و مسجل تجاري ( صيني ) يفرق عن وارد الدوحه

و المرايات الجانبيه لون ابيض و فيهم اشارات ( عكس وراد الدوحه اقليت و بدون اشارات )

قبضات البيبان وراد السعوديه نفس لون الموتر ( واراد الدوحه اقليت )

وارد السعوديه الرنجات صينيه و انا شفتهم الطاسه شكلها غير ( يطلبون استاندر و ايركبون عليه رنجات )

و الجناح تجاري و يفرق عن وراد الدوحه

و الربله الاقليت التجاريه على الباب نفس حركة الكزس مب موجوده في وارد الدوحه

و اذا بغيت تشتري اشتر وارد البريمي الي هو اصلي اميه بالميه و مواصفاته احلى من وارد الدوحه

يعني بالعربي انت بتشتري موتر مرقع كل شي تجاري في تجاري

و ادفع 10 الاف زياده و خذلك وارد الدوحه ولا وراد البريمي احسنلك بمليون مره

و بالمبارك مقدما

عاشق الليل
29-10-2009, 01:03 PM
خذ مني نصيحه وارد عبدالغني
انا ماخذ للبيت نفس المواصفات الي بتاخذها انت ووارد السعوديه شغلات كثيره فيه صينيه ماتنفع
وبالتوفيق

تراثكم
29-10-2009, 01:08 PM
مثل ماقال بعض الشباب هذي تيوتا وين ماكان واردها
انا شريت gxr وراد البريمي ولله الحمد ماشكيت منه أبد ولا أحتجت للوكاله وهو استعمالي اليومي وللسفرو البر.
وكان فرق في السعر وفي المواصفات كبيره عن وارد عبدالغني.

وبالتوفيق

فتى الدوحة
29-10-2009, 01:09 PM
تبي نصيحتي ، خلك من مسخرة الأرض ( عفواً : مفخرة الأرض ) وعليك بالأمريكي ( يوكن - تاهو ) أريح وأفخم وأرخص ، لأنه بكل صراحة صارت صناعة التويوتا جداً سيئة ، والله ذاك اليوم واقف عن مغسلة سيارات ومر علينا واحد راكب لاندكروزر 2009 شوي وقف الحبيب ونزل من السيارة وراح صوب الرفرف الخلفي للسيارة وقام يعطيه (بكوس = بقوس) علشان يرد الرفرف مكانه ( خبرك كله كلبات ) شفت هالمصخرة شلووون !!

kuwaiti
29-10-2009, 02:06 PM
حبيبي افضل تيوتا هو البريمي والكويت والدوحه لانها يابانيه 100%
بس المشكله شنو التيوتا القطرى مومرغوب فى الكويت والعكس ليش والسبب هو الضمان هذى المشكله
ريح راسك وشتر وارد الدوحه ماتدرى بكره يمكن تبيع

الدوحي7
29-10-2009, 02:23 PM
نفس موتري عادي، ليكون الى شفته اسود عليه مياجر،،

بوبندر
29-10-2009, 03:38 PM
حلوه ....هذا صناعه صينيه ..........كلام مايدخل العقل !!!!!!!!!!!! معليك من السوالف كان عندي 2009 وارد السعوديه............موتر ماعليه كلام 5000 قطها على عبد الغني ويفتحلك ضمان

السندان
29-10-2009, 06:36 PM
ليش وارد الدوحة كم .. وكم الفرق

sunline
30-10-2009, 02:20 AM
شكر موجه لكل اللي اهتم وطرح رايه ونصيحته , لكن السعر مب هامني كثر المواصفات , المواصفات اللي فيه عالية وموجودة مش بالطلب مثل وارد الدوحة ,على العموم استفدت من نصايحكم وجزاكم الله خير

sunline
30-10-2009, 02:22 AM
للرفع

sunline
30-10-2009, 02:23 AM
للرفع
للرفع
للرفع

sunline
30-10-2009, 02:24 AM
للرفع
للرفع
للرفع
للرفع

sunline
30-10-2009, 02:25 AM
للرفع
للرفع

فلفل حار
30-10-2009, 02:37 AM
بالدوحه بحدود الـ198 آلف تقريبـاً
وبالسعوديه آنت تقول 195 آلف ريال سعودي

مع فرق العموله مابين الريال القطري لين السعودي
توتل الفرق مابين وارد قطر والسعوديه آتوقع بحدود 15 آلف

حلووين في مخباك
بس بعد وارد الدوحه آحلـى

ويعطيكـ خيره ويكفيكـ شره ...
:)

هاوي911
30-10-2009, 05:18 AM
استخير ربك وتوكل على الله

التيوتا ماعلييييييه كلاام لو من ويين

بوحارب
30-10-2009, 05:36 AM
الله يوفقك

السندان
30-10-2009, 03:38 PM
بالدوحه بحدود الـ198 آلف تقريبـاً
وبالسعوديه آنت تقول 195 آلف ريال سعودي

مع فرق العموله مابين الريال القطري لين السعودي
توتل الفرق مابين وارد قطر والسعوديه آتوقع بحدود 15 آلف

حلووين في مخباك
بس بعد وارد الدوحه آحلـى

ويعطيكـ خيره ويكفيكـ شره ...
:)

يعطيك العافية اخوي فلفل

بس هل سعر 198الف بعد الخصم .. وذا كان هل تسوى الفرقية الواحد ياخذ وارد السعودية

من وجهة نظري ماتسوى:rolleyes2:

وشكرا لك والتوفيق لصاحب الموضوع

علامة تعجب
30-10-2009, 07:04 PM
ياخووي تبي نصيحتي تووكل على الله

alkoos
30-10-2009, 09:08 PM
البريمي وعبدالغني مواترهم اصليه والفرق ان البريمي فيه نظام الاشتغال عن بعد وعبدالغني مافيه وعبداللطيف جميل عنده مصنع بلية البلايا في جده الموتر يجيه بدي ومكينه وهو يكمل الباقي فـــ عبدالغني افضل لك واذا تبي الاشتغال عن بعد عليك بالبريمي
بتوفيق مقدما

الــهــاجـري
30-10-2009, 09:36 PM
شوف اخوي انا سعودي والعالم كلبوهم ياخذون من عبدالغني وعبداللطيف جميل يجيك في ميناء جده فااااااضي مافيه شي وهو اللي يركب المسجل والطبلون.......... وكلها صينيه فانا انصحك بعبدالغني

وشكرا

علي عليوه
30-10-2009, 10:28 PM
بصراحة شئ محير ,, الله يعينك على اتخاذ القرار

لكن عندنا بالسعودية من سنتين وجاي صار السعودي هو المفضل بالسوق

مع العلم إن عندنا ناس تجيب بريمي ,, بس قطري نادر أحد يجيبه جديد ,, مستعمل ممكن وبكثرة

وعني أنا أفضل البريمي على السعودي

وعلى فكرة ترى فيه معارض بالرياض تبيع بأرخص من 195 وأنا حصلته من اسبوع جديد بـ 190

فل الفل لون أبيض ناصع ,, بس مدري فيه شاشة وإلا لا

وأي استفسار أو مساعدة أنا حاضر

yousef545
30-10-2009, 11:28 PM
http://efi4500.yoo7.com/montada-f3/topic-t107.htm

يالربع شوفو الموضوع للي يجهلون مواصفات وارد السعوديه

انا عن نفسي بستلم موتري عقب كم يوم جي اكس اسبير علاق وارد عبدالغني

و كفايه شعار عبدالغني