الزلمات ومافيا التأمينات السيارات ( ضد الغير ) [الأرشيف]

مشاهدة النسخة كاملة : الزلمات ومافيا التأمينات السيارات ( ضد الغير )

HORK

29-10-2009, 01:01 AM

ما يحدث في شركات التأمين حاليا معاناة بكل مقاييس الكلمة
_____________________________________

من قوانيين المرور في قطر التأمين الاجباري على السيارات

ولكن لشركات التأمين وجهة نظر اخرى خاصه لزبون التأمين ضد الغير

وقد اصبحت هذه الشركات تتفنن في تعذيب والتنكيل بالمراجعين وتطفيشهم

ولا يخفى عليكم ان المراجعة السنوية لهذه الشركات

اجبارية لتجديد بوليصة التأمين على السيارة تمهيدا

لانهاء اجراءات تجديد استمارة السيارة .

____________________________

يوم امس راجعت احد هذه الشركات لنفس السبب

وقد تفاجئت بهذه المعاملة التعيسة والسيئة لزبائن ( ضد الغير فقط )

ومن المأسف ان هذه المعاملة التعبانه من اخوان عرب .

وبعد طول انتظار ومناورات ومراوغات ما طلعنا بشيء

غير مشاجرة كلاميه مع الاخوه الزلمات عرفت انهم بالعربي ما يبون اكثر

من 50 زبون ( ضد الغير ) في اليوم الواحد فقط

والباقي برع والله يساعدهم

والمصيبة اتفاق كامل بين كل شركات التأمين انك ما تقدر تروح تأمن في شركة اخرى

وهذا اتفاق خاص بين شركات التأمين بدون استثاء

المهم بعد ما طلعت من الشركة استوقفني احد الاخوة السودانيين (المخلصين)

وعرض علي تأمين فوري بمقابل 200 ريال زياده في السعر

وافقت بدل البهدلة في المرور وغرامات التأخير وبهدلة شركة التأمين

دفعت للرجل المقسوم زائد الرسوم الرسمية .

واتصل الزول فورا باحد الزلمات داخل الشركة

وكلها دقائق الا اوراق التأمين جاتني لين سيارتي وانا جالس

ورحت للمرور وجددت استمارة سيارتي

طبعا والوضع عادي لكثرين منكم لنه هذا الموقف مر علينا وايد

وندفع الاموال والامور تمشي سهالات .

بس انا مقهور الموظف الزلمه مسوي نفسه شريف مكه

ومن ورى عمله شغال على الكوميشن والرشوه .

ومن عطاه الحق او وفر له المناخ المناسب لمثل هذه الاحالات من الاحتيال

على المواطنين والمقيمين واستغلال قوانين البلد لمصلحة الشخصية .

بس انا قلت اللي في قلبي والباقي عليكم واكيد انتوا فاهمين الباقي

تصبحون على خير

أميرااالذوق

29-10-2009, 01:29 AM

مرحبا يااخوي

والله البلد صارت فوضى من هالفئات اللي ماسكه المناصب ومفتله على راحتها

ليش مايكون قانون يمنع هالشئ

والله ياخوفي يكون مرض معدي وتنتشر بينا يااهل قطر

نسال الله العفو والعافيه والله المستعان

MaRuKoO

29-10-2009, 01:32 AM

حسبي الله عليه
وشلون يرضى ياكل وياكل عياله مال حرام
حسبي الله عليه

وحيد-الشوق

29-10-2009, 01:35 AM

خلها على الله بس

شركات التأمين كلهم نصابين للأسف

مايقهرني الا شركة قطر للتأمين اذا تبي تأمن ضد الغير في المبنى الرئيسي لازم تأمين مع ركاب طبعا السعر يفرق واذا بغيت تأمن بدون ركاب روح فرع الصناعية في شارع 43 << اخس مشوار رحته

لاعبين فينا لعب وماعندنا حد يتكلم

والله عبط واستغلال واضح

بوحارب

29-10-2009, 01:36 AM

قسمن بالله مصخره وشي يبط الجبد

قول اسم الشركة هذي ولاتفتكر من حد

خلهم يطلعون على حقيقتهم هالكذابين

Abu Deeb

29-10-2009, 01:49 AM

أخوي هالمعامله السيئه واجهتها أنا بعد في الخليج للتأمين العام
وعندك نفس الشي في القطريه العامه
ومن كل الموظفين ومنهم مواطنين ومقيمين
ولاتفتكر ان السوداني لله سوى هالشي أكيد بعد أهو مستفيد
حسبي الله ونعم الوكيل علة كل من يستغل مكانه لمصلحتة الخاصه

هذلان

29-10-2009, 02:05 AM

السلام عليكم

بصراحه موضوع كبير و كلام كبير . ماتعرظت لمثل هذا الموقف ولكن اعرف ان شركات التامين ماتقدر تامن في غير شركتك الا اذا كنت تبي تامن فول ، بس كنت اتوقع انه قانون من المرور ،، مادريت انه اتفاقيه بين شركات التامين .
باي حق يقولون ماتقدر تامن في غير شركتك .. ياخي انا سيارتي تامينها في شركه ربويه و درت شركات التامين الي في الصناعيه كلهم ابي اامن في شركه اسلاميه و قالولي مايصير ،، والله كنت اعتقد انه قانون مرور ولا لو ادري انه اتفاقيه كلان على الاقل كلمت اي مسؤول في هذي الشركه و على الاقل بعرف حقي لانه هم مسوين لنفسهم قانون بدون وجه حق .

فيه شغله ثانيه ما اعرف مدى صحتها الشركه الاسلاميه للتامين اذا كنت مامن عندهم و سويت اي حادث سواء كبير او صغير .. يقولون لي انه انسى انك تقدو تامن عندهم مره ثانيه و يحطونك بلاك لست ،، هذا كلام يا اخي انا ابي ادعم شركه اسلاميه بدال ما ادعم شركه ربويه حتى لو كان اسنها قطر للتامين باي حق ترفظ انك تامن لي سيارتي ؟؟؟

يا اخي والله شي يبط الجبد انا انصحك اخوي تتصل في وطني الحبيب صباح الخير و تثير الموضوع لانه هذا حق لك و من جانب اخر استخفاف و استهزاء فيك و فيني كشخص بغض النظر مقيم او مواطن :anger1:

بوعلي 78

29-10-2009, 03:47 AM

العتب على البنك المركزي إلي ساكت عن هال مصخره وقوانين شركات التأمين إلي ماادري من وين يطلعونها!!!!

@north_star@

29-10-2009, 08:10 AM

مب بس على مستوى التأمين حتى اذا سويت حادث لا قدر الله ورحت لشركة التأمين طبعا يطرشونك على كراجات التصليح اللى يتعاملون معاها واذا قلت لهم بتصلح برع يلعبون فيك ويقولون لا هذا سعره غالى واحنا ما ندفع هالقيمة مثلا مع انه الكراج اللى يعطونك اسمه عن طريقهم على الغالب انه سعره اكثر واذا بتاخذ فلوس وتصلح برع على حسابك يقيمون الحادث على مزاجهم واذا كانت قيمة التصليح الفعلية 1000 ريال مثلا يعطونك 200 والا 300 ريال والله المستعان

الحجاجي

29-10-2009, 09:05 AM

السلام عليكم ..

الله يعينك أخوي ..

اللي صار لك من لعوزة مفتعلــة وما يبونك تقرب صوبهم بالطريقة الرسمية

يبونك تروح لهم عن طريق المناديب ( عشان فايدتهم )

/

/

في هالزمن لازم تريح نفسك ، ولا بتتعب وتضيع وقتك وشغلك
وتاخذ اجازة من شغلك وفي الآخير ما بتخلص أشغالك الخاصة ..

والمناديب السودانيين خدومين وعلاقتهم في كل مكان يخلصونك
وهذا شغلهم اللي نعرفه من زمان .. بالتالي لو عطيته شيء هذا من حقه
لانه راح وقدم الاوراق والخ .. وجاب لك المعاملة وأنت مرتاح

بالتالي انت استفدت انك خلصت شغلتك بسهولة وبسرعه
وما أنرفع ضغطك .. ولا تأخرت عن دوامك ..

/

اتمنى يكون فيه جهـة رقابية لشركات التأمين وشركات السيارات والمعارض
وكل مكان ..

اخوكم

BIG-VEGA

29-10-2009, 10:14 AM

حسبي الله عليه
وشلون يرضى ياكل وياكل عياله مال حرام
حسبي الله عليه

على قولتهم......

شو بدنا نعمل بدنا نوكل

روح-قطر

29-10-2009, 10:16 AM

بصراحه وبدون زعل من خلاهم يتجرأون الا احنا نوافقهم بالراي علشان راحتنا شوف م سواها اول مره وقامت تمشي عالكل..

وحتى بالمستشفيات الخاصه عطي الممرضه فلوس تدخلين قبل الكل..

الله يعين الجميع يارب،، لو منك اروح اشتكي عليه علشان يعرفون ان الله حق،، وانت او عيالك اولى بدل ماتقطها عليه حطها بحصاله لولدك ابرك

عضو المنتدى

29-10-2009, 11:10 AM

والله صايرة فوضي خاصه في شركات التأمين

عقدوا هالأمور وحطو شروط تعجيزية وإهانه وذلال

علشان ما تمشي شغلك إلا بالرشاوي لزلمات !!

الفساد في البلاد زاد بسببهم ولا حسيب ولا رقيب إلا على المواطن

ليش تحط خيمه وليش تبني ملحق وليش تغسل سيارتك في البيت !! .:shy:

سهم متردد

29-10-2009, 11:17 AM

الكل يعرف هل الامور والحمد لله البلد صغيير
بس هذه سياسه على كيفي يعجبك يعجبك مايعجبك عندك الطوفه

Bo Khalid

29-10-2009, 11:45 AM

هذا الزلمات ما تمادا إلا لأن القطري معطية الضوء الأخضر

الله يعين

tariq ali

29-10-2009, 11:55 AM

السلام عليكم
اخواني الواسطه في كل مكان في الجوازات في المستشفيات في المرور واحيانا اسمك يكون بروحه واسطه .
خليها على الله
تحياتي

كاتم الاسرار

29-10-2009, 12:03 PM

الله يعييييييينا منهم هاي الزمن لهم مش لنا والواحد ايش يقول اذا راضييين عليهم

بوعبدالله100

29-10-2009, 12:19 PM

بدل هالسنداره سو مثل اخوك ... ادخل مرور مدينة خليفه وبس اروح صوب المناديب بس اهم من نفسهم يعرفون الواحد ... اسلمه بيزات التامين والاستماره واعطيه بين 50 ريال ولا 100 ... واجي استلمها منه ثاني يوم .. واذا مايعجبك هالاسلوب عط الريال الي على الكونتر كاش : اشكثر يزيك وتتدسم شواربك

ابن مانع

29-10-2009, 12:51 PM

ماجات على التائمين بس
هذا الموضوع في كل الدوائر والشركات الي فيها غير القطرييييييييييييييييييين

حتى اذا جيت تدخل مناقصه قيمتها مثلاً1000000 لازم تدفع كومشن 250000 حق مدير المشروع عشان يرسيه عليك او يستعين فيك وبعضهم فوق المبلغ نسبه بعد

خلها على ربك

BURBERRY

29-10-2009, 01:00 PM

الزلمات يبي لهم العين الحمره

بـن عدوان

29-10-2009, 01:05 PM

يبيله نشتكي في وطني الحبيب ونشوف حل

Ghost

29-10-2009, 01:12 PM

من أمن العقوبة أساء الأدب

مداوي القلوب

29-10-2009, 01:57 PM

أقولها بالخط العريض

للأسف شركة قطر للتأمين بالذات سيئة لأبعد الحدود

وأنا عانيت قبل ماتعاني بموضوع التجديد

وكتبت موضوع بالمنتدى نفسه

مدعم بالصور وطريقة التعامل السيئة

ولكن للأسف للأسف

مافي أي صدى

والله أني أهم التجديد حق السنة الجاية من الحين

واتمنى أنكم تشوفون الصور اللي الحين برفق لكم الرابط الللي كتبته وكيفية تعاملهم

والله مايبيلهم إلا وطني الحبيب صباح الخير

عشان يشوفون سالفتهم

http://www.qatarshares.com/vb/showthread.php?t=290107&highlight=%DE%D8%D1+%E1%E1%CA%C3%E3%ED%E4

الرايــق

29-10-2009, 08:28 PM

انا عن نفسي رحت اجدد التامين قبل شهرين وفعلا زحمة كبيرة جدا على شركة قطر للتامين
وعلى طوووووول غيرت التامين للقرطية العامة وجددتها بدون اي مشاكل ومافي زحمة

واللي يقول ما يصير تغير شركة التامين بالنسبة لضد الغير مش صحيح !

حليتان*

29-10-2009, 09:10 PM

والله سبهلله الكل قام يقصصنا من صوب

حليتان*

29-10-2009, 09:12 PM

محمد الكعبي

29-10-2009, 09:34 PM

وزيدكم من الشعر بيت........... انا مره قالي الزلمه مسسسسسستحيل وعطاني الحل في نفس الوقت عطاني

رقم واحد خلص بعد زلمه وقالي اتصلبه يمكن يخلصك واتصلت وتفاجت انه خلص في نفس الشركه مقابل

رسوم التخليص 300ريال

ahmed jasim

29-10-2009, 09:56 PM

بس 200.. حلال على السوداني
فى ناس دافعة مليار
http://www.qatarshares.com/vb/showthread.php?t=313373

جوال 11

29-10-2009, 10:14 PM

شركات التأمين يتحكمون في السوق ولا رقيب عليهم ، حتى في تقدير السيارات التي تلغى تقدر السيارة من قبل الشركة ولا تستطيع تناقش أو تزيد من المبلغ ولا يوجد مُقدر من الدولة .
وبالنسبة لتغيير شركة التأمين لا يستطيع أحد ألا المندوب ويأخذ 200 ريال أتعاب ، وكل الشركات ليس لهم مكاتب في المرور وتضطر تتنقل لتخليص المعاملة وفي شركات التأمين موظف واحد حسب عدد من الأرقام كل يوم .
أين الرقابة على هذه الشركات ؟

فتى الجود

30-10-2009, 12:09 AM

اى تتكلم على الأجانب

من لاعب ببلادنا غيرهم
من أقل عامل ألا أكبروظيفة كلهم لاعبين بنا

ولاحول ولاقوة ألا بالله

hot2000

30-10-2009, 12:38 AM

هذا الموقف صار لي من سنه تقريبا ورفضت اني ادفع يقشيش او اطراميه مثل مايقولون لي
واشتكيت في المرور ولا سولوي شي
رحت ودفعت له الاكرامية

والسنه هذي لاعورت راسي ولا شي عطيت الدريول فلوس التامين وزياده عليها فلوس الاكرامية اللي زادت من 50 ريال الى 70 وراح دفعلي وخلص لي التامين

Abu Deeb

30-10-2009, 12:44 AM

الغلط من أي مواطن أو مقيم يقوم بدفع البخشيش أو الإكرامية
لان إذا هذا الموظف شاف ان الناس يستسهلون ويدفعون الفلوس اذا مامشا الموضوع من أول مرة
رح يكرر حركتة كل مرة الغلط من العميل أنه يوافق على هالحركة
لو الجميع إلتزم أنة مايعطيهم فلوس كان أحترموا انفسهم وماسووا هالحركات

بوطويشم

30-10-2009, 12:51 AM

السلام عليكم

يجبرونا ويذلونا

خلهم دام محد ماسكهم

الألماسي

30-10-2009, 01:17 AM

استغفرالله . .

لو الواحد يصورّهم و ينشر و يسجل و يصوّرهم بالجرم كان عرفوا ان الله حق . .

المسأله عايمه بالنسبه لهم و لا حسيب و لا رقيب . .

Abu Deeb

30-10-2009, 01:18 AM

استغفرالله . .

لو الواحد يصورّهم و ينشر و يسجل و يصوّرهم بالجرم كان عرفوا ان الله حق . .

المسأله عايمه بالنسبه لهم و لا حسيب و لا رقيب . .

صحيح اخوي لو كان في محاسبه وعقاب كان عرفوا ان الله حق

مسكين

30-10-2009, 09:01 AM

نفس قصة واحد من الزملاء دفع للمخلص وخلصوه وهو واقف بينما خذ له ثلاث أيام من قبل يسبق على الفاضي

بوبندر

30-10-2009, 09:34 AM

يخوي بعطيك رقم حسن الساعي على الخاص ...كلامه وخل يثير الموضوع في برنامج الدار