المساعد الشخصي الرقمي

مشاهدة النسخة كاملة : متى تتحول مخالفة الرادار الى النيابه ؟


بوعبدالله100
29-10-2009, 01:17 AM
سلام عليكم

من شوي صايدني هالرادار الي ماله داعي ومسمينه المتحرك خاشينه وسط الحفريات ماحصلو لهم مكان ... السالفه ومافيها .. كنت ماسك الخط اليسار وقدامي هندي طاقلي اشاره يسار واللفه الي يبي يلفها كيلو جدام !!!! وماشي ثلاثين والشارع اصلن 80 .. طفنا الرادار الاولي الي مبين للناس قلنا اوكي والهندي لحد الحين مايبي يفتح ..عطيته بهرن الي وخر وهو لحد الحين معطي اشاره يسار ... والله رفع ضغطي ورفسة حق الموتر شوي الا صايدني رادار متحرك خاشينه بوسط حفريات وكنت ماشي حول 140 150 .. اشعلي من مخالفات ... نيابه ولا بيزات والله ماتسوه هالبيزات على الفاضي والرادار مخشوش .. والسيارات الحديثه موو مثل قبل تتنافض مع السرعه الواحد يمشي 100 كنه ماشي 40 .... واعذروني على الاطاله
بوحارب
29-10-2009, 01:21 AM
يقولون اذا فوق ال 180
بوعبدالله100
29-10-2009, 01:25 AM
يقولون اذا فوق ال 180


لو نفترض اني ماشي 180 وصايدني رادار انا ماشفته لانهم خاشينه!!!!!!! اشذنبي اتمرمط نيابه ... يعني انا مار على هالرادار والله ماوقف فلاشات لعوز خلق الله
نجم سهيل
29-10-2009, 01:58 AM
السلام عليكم

أظن عالـ 160 / كم

انت وحظك .. سمعت انه اول مرة يمشونك وتدفع مخالفتك 1000 ريال

لانه صادني عالـ 192 / كم مرة من رادار متحرك ودفعت المخالفة اول مانزلت والحمدلله ماتحولت نيابة ..

هذا والله أعلم
Arab!an
29-10-2009, 02:07 AM
اكثر من 180 ..

والنيابه فقط يحددون لك مبلغ .. لا مرمطه ولا شي
هذلان
29-10-2009, 02:32 AM
اعتقد انك تتكلم عن خط الشمال (التحويله) لانه هالحركه تصير معاي دايما يمشي ٣٠ و هو ماسك اليسار واللفه قدامه بكيلو ولا بكيلويين . اتوقع حد بينتقدني و بيقولون همجي في السواقه بس انا هالنوعيه اتجاوزها من اليسار .. يعني انزل موتري حصا و اتجاوزه يفتح على طول لانه بيطير عليه غبار و احتمال حصا ،،، استحملنا استحملنا بس مافيه فايده ،، باقي نربي الهنود و الي مايعرفون يسوقون على السواقه في الشارع و هذي مش مسؤليتنا مسؤليه الشرطه .

بخصوص الرادار ياجماعه اتمنى اكون غلطان لكن انتبهو لحركه تصير


مايحطون الرادار الا مع نزول الراتب اخر الشهر .

راقبو هالشي و بتعرفون انه كلامي صحيح
حد فيكم شاف رادار متحرك العشرين يوم الي طافو ؟
ولد الشحانية
29-10-2009, 02:46 AM
خذ الكلام من عندي من 170 وانت طالع
فلفل حار
29-10-2009, 04:05 AM
حبيب قلبي
آن صادك الرادار فوق الـ199

يعني 200 بالضبط
هالكلام مضموووووووووون

والله يعينكـ لآنه عليها سجن ونيابه لو ماكان لك عذر ...!
بوعبدالله100
29-10-2009, 06:51 AM
حبيب قلبي
آن صادك الرادار فوق الـ199

يعني 200 بالضبط
هالكلام مضموووووووووون

والله يعينكـ لآنه عليها سجن ونيابه لو ماكان لك عذر ...!

مافهمتك اخوي يعني 200 نيابه ؟؟ بل من بيسرع هالكثر... لان طريقي كان 80 بس والي وسواقة الهنود تنرفز الي مايتنرفز ف زودت السرعه حول ال 140 او 150 ..
ولد الشحانية
29-10-2009, 07:00 AM
140 او 150 مخالفه بس
فلان
29-10-2009, 07:00 AM
اعتقد انك تتكلم عن خط الشمال (التحويله) لانه هالحركه تصير معاي دايما يمشي ٣٠ و هو ماسك اليسار واللفه قدامه بكيلو ولا بكيلويين . اتوقع حد بينتقدني و بيقولون همجي في السواقه بس انا هالنوعيه اتجاوزها من اليسار .. يعني انزل موتري حصا و اتجاوزه يفتح على طول لانه بيطير عليه غبار و احتمال حصا ،،، استحملنا استحملنا بس مافيه فايده ،، باقي نربي الهنود و الي مايعرفون يسوقون على السواقه في الشارع و هذي مش مسؤليتنا مسؤليه الشرطه .

بخصوص الرادار ياجماعه اتمنى اكون غلطان لكن انتبهو لحركه تصير


مايحطون الرادار الا مع نزول الراتب اخر الشهر .

راقبو هالشي و بتعرفون انه كلامي صحيح
حد فيكم شاف رادار متحرك العشرين يوم الي طافو ؟

هههههههه صادق اليوم على خط مسيعيد
sanad81
29-10-2009, 07:16 AM
لو نفترض اني ماشي 180 وصايدني رادار انا ماشفته لانهم خاشينه!!!!!!! اشذنبي اتمرمط نيابه ... يعني انا مار على هالرادار والله ماوقف فلاشات لعوز خلق الله

ذنـبـك السرعة الزايدة يالغالي
السرعة اللي تخليك انت و اللي في الشارع في خطر

مسؤوليتنا نسوق على حدود السرعة المكتوبة .. و ان زدنا عنها نتخالف بدون نقاش ..
عاد المرور كيفهم خاشينه / مظهرينه / مغطينه / كاشفينه.. هذا ترتيبهم الداخلي لحفظ القانون ...

سؤال: لو واحد ماشي 140 في شارع 80 و اذاك او اذى سيارتك؟ هل بترضى تسمعه يقول شذنبي؟؟؟

كل الود و الاحترام
براتزية برازيلية
29-10-2009, 09:23 AM
ذنـبـك السرعة الزايدة يالغالي
السرعة اللي تخليك انت و اللي في الشارع في خطر

مسؤوليتنا نسوق على حدود السرعة المكتوبة .. و ان زدنا عنها نتخالف بدون نقاش ..
عاد المرور كيفهم خاشينه / مظهرينه / مغطينه / كاشفينه.. هذا ترتيبهم الداخلي لحفظ القانون ...

سؤال: لو واحد ماشي 140 في شارع 80 و اذاك او اذى سيارتك؟ هل بترضى تسمعه يقول شذنبي؟؟؟

كل الود و الاحترام

اتفق مع رأي الأخ
يعني شفيها لو سقتوا بالعدال و بالسرعة المحددة يا انكم توصلون متأخرين 5 دقايق يا ماتوصلون كلش (اسم الله عليكم) ليش المجازفة اعوذ بالله السرعة المحددة 80 و انتوا 140 و 200 حرام و الله السرعة قاتلة الله يحفظ الجميع
][ الوحيد ][
29-10-2009, 09:25 AM
عندنا اذا كان الشارع 40 ميل ,, وانت تمشي 65 ميل ,, الشرطي اذا كان طيب بيعطيك مخالفه واذا مب طيب بيعطيك محكمه على طوووووول

(( امريكا ))