موضوع سيتم نقله الى كيوتل وفودافون بعد شهر من الان, من خدمتهم وعروضهم أفضل؟؟

[yazan]

إخواني الاعزاء...

انا اعرف مدراء بكيوتل ومدراء بفودافون واقترحت عليهم اعملهم استفتاء بين العملاء من حيث الخدمة, الاسعار, العروض,... الخ؟؟

وبعد شهر من الان سيتم نقل كل تعليقاتكم لهم واستفساراتكم وطلباتكم؟؟

ارجو التفاعل....

[omega]

أهم شيء الاسعار مرتفعه جدا .. صحيح انهم بنزلونها كل فتره ... بس هذه عروض فقط لا غير .. بعد العرض الله اعلم في الاسعار

[متهور]

ياريت في شركة فودافون تسوي خدمة النت عن طريق البروبند بس بيكون بسعر اقل من سعر كيوتل شهريا

[بابا الضحية]

اسعار كيوتل نار

وشبكة فودافون وايد ضعيفه

[الـقـاسـي]

اخوي اذا تقدر توصل لهم كلامنا صدق ..

قولهم يخافون الله شوي شفط فلوس عيني عينك .. اسعارهم نار الاثنين ..

قول لهم نبي عروض حقيقيه نفس عرض فودافون للمكالمه الدوليه كيوتل ماشفنا منها اي منافسه حقيقيه الى الان ..

مانبي عروض لها وقت محدد نبي قيمه الدقيقه تنزل بس هذا اللي نبيه يخلون الدقيقه ب 10 دراهم ولا 15 درهم المحليه وخلاص مشكورين مانبي عروض ثانيه ..

وكيوتل ياليت لو تكون عروضهم مباشره وواضحه ماله داعي اللف والدوران الواضح في عروضهم .. خل يتعلمون من السعوديه ترى مب عيب ..

[هام السحاب]

قول حق كيوتل يستخدمون نظام الثواني
الي يتلكم ثانيه نفس الي يتكلم دقيقه !!

[وطن]

الارسال ... للشركتين

اهم شي

وبعدها الاسعار

[بوالفاروق]

عن نفسي الجودة .. خدمات .. وارسال كيوتل افضل
لكن من ناحية العروض والاسعار لا ..

فودافون بس عروضهم اللي اوكيه .. والصراحة الارسال
وضعف الشبكة صار عليه ضغط بعد الريد للاسف

تحياتي

[MP3]

نبي خدمات انترنت من فودافون

ويغطون قطر بكبرها

[Reme]

الصرااااااااااااااحه كيوتل تحب تسحب فلوس من العميل يعني عن نفسي انا من اسبوعين دافعه فاتورتي اوكي

وبعد اسبوعين ونص رجعو قطعوه مره ثانيه يوم سالت قالو انتي عليج فاتوره سابقه
صج قهر وين عندي فاتوره وانا اصلا دافعتها

[غيور الدوحة]

كيوتل لحد الحين اقوى

[ولد الشحانية]

تخفيض الاسعار
وخدمات للبلاك بيري

[قطر مووطني ~]

تخفيض سعر المكالماات وعروض البلاك بيري

[القطري554]

كيوتل خدمتها أحسن لنها من زمان على الساحة .. ونتمنا فودافون يقون شبكتهم والأرسال

زعن أسعار المكلمات أنا أشوف المكلمات الداخلية لازم تكون رخيصة ما تتجاوز 20 درهم للدقيقة

وتكون أول دقيقة أو 30 ثانية مجانية فى الأتصال الداخلي ...

وعن الانترنيت أنا أشوف انا الانترنيت صار حاجة من الضروريات وبالأخص خدمة البروبند

بس الأسعار غالية 400 ريال بالشهر او تاخذ باقة تبدء من 100 ريال انا أفظل توحيد السعر

عشان ميكون فى تذمر بين فأت المجتمع مثل 250 ريال لخمة بروبند ومفتوحة بدون تحديد سقف تحميل

[السهم الجريح]

1) نبي كيوتل تسوي عروض اقوى من فودافون لانها الشركة الام في الدوحة .:anger1:

2) وياليت كيوتل يتساهلون اكثر ويسوون عروض كثيرة بلامنافس من حيث تكلفة دقائق الاتصال المحلية والدولية والرسائل كذلك وخدمات الانترنت يرخصون شوي من الاسعار لان نص المعاش يروح بس في كيوتل :anger1:

3) خدمات الفاتورة يليت الرقم ماينقطع من الف وستمائة او لوجود متاخرات ويزيدون مبلغ التامين شوي والنسبة :anger1:

4) ياليت يزيدون الدقائق والرسائل المجانية في خدمة الشهري لان باقة 200 والاقل منها ماسوى فيها شي كانها خط عادي ويليت يعدلون الباقات للاحسن:anger1:

5) ينزلون ارقام مميزة جديدة باسعار اقل .:anger1:

6) يفتتحون خدمة 24 ساعة في المراكز للاستفسارات والشكاوي نفس مركز مشيرب اظن هو المركز الوحيد الشغال طوال الاسبوع :anger1::anger1:


ويليت يكون تطوير بهالخدمات اللي ذكرتها والله ناس وااايد بترتاح والشكوى لله يالغالي والله يوفق الشركتين وجزاك الله خير ومشكور على الموضوع

[بوسلطانqtr]

السلام عليكم

اخواني لاتعبون انفسكم يعني كيوتل وفودا مايدرون باللي يقولونه الناس يدرون بكل شي وكل الكلام سامعينه وبالنسبه حق الاخ راعي الموضوع لايتعب نفسه كلها اوراق وتنركن

والله يحفضكم

[علامة تعجب]

انا اقترح على الشركتين ان يرحمو مافي الارض يرحمهم مافي السماء...

وشكرا

[أمير المحبه]

بكل بساطه

شبكة فودافون وجودها مثل عدم وجودها

اكلم رفيجي اشوي الا ينقطع الخط في وجه الرجال ونا انفضح والله

بالنسبه لكيوتل الشبكه بمليون مره احسن من فودافون

بس لو يراعون الناس في المكالمات شوي وايد احسن

وينقصون سعر الدقيقه

يريت اتوصل لهم هالكلام يالطيب

[vip1982]

والله شبكة فودافون تفشل تقعد نص ساعة تتصل خارجي ويعطيك الشبكة مشغولة .
كيوتل وايد أحسن بس أسعارهم وايد أغلى.
حرام والله مافي شركة تعطي جودة وسعر رخيص بنفس الوقت ولانحن مانستاهل يعني :weeping:

[زهرة بنفسجية]

الله يخليك يا خوي

نفسي الشركتين يخلو المسجات وكل شي بالعربي

لأنو نحنا بدولة عربية ..... الله المستعان

[معيذر جنوب]

أتمنى من كيوتل تحتسب سعرثانية مب نفس سعر الدقيقة.
لأنه حاليا لو تكلمت ثانية واحدة يحسبونها عليك دقيقة كاملة.
وإن كانت مدة المكالمة دقيقة وثانية واحدة تنحسب عليك دققتين.

[غناتي1]

عنبر اخو بلال -- بس من ناحية الاسعار اشوي فودافون احسن

قول لهم يرحمونا من الاسعار

[@ بوفيصل@]

قول حق كيوتل يستخدمون نظام الثواني
الي يتلكم ثانيه نفس الي يتكلم دقيقه !!

نفس الكلام

[قوت القلوب]

نظام الدفع فالبلاك بري تعيس جدا

الدول الثانيه ارخص بوايد وممكن يكون على خط مدفوع مسبقا مش ملتزمين بالفواتير

دبي الخدمه مفتوحه دوليا ب 80 درهم فقط
وعندنا 275ريال شهريا مع الدولي والله تووو مج

[Ross]

يعطيك العافيه اخوي على الموضوع

بس اذا تعرف ناس في كيوتل انا ابي اتكلم في نقطه انا من وجهه نظري اشوفها مهمه يعني عندك في موه من المرات جاني كشف المكالمات من كيوتل عن طريق البريد وليقت 4 اتصالات انا متصلها لواحد من الربع وكل اتصال 3 ثواني والقيمه قيمه 40 درهم يعني بقيمه رساله يعني لو بتسال 4 مكالمات وكل مكالمه 3 ثواني يعني الجواب بيطلع انك متصل على رقم مسكر يعني حتى الرقم المسكر بيحسبون عليه هاي اول شي .

وثاني شي لما كيوتل توهق العملاء وترسلي فاتوره شخص انا ما اعرفه بس تشابه في الاسماء وما انتهبت الا بعد مادري متى ويمكن كنت طول الفتره ادفع فواتير واحد ثاني ولا يمكن يكون من معارفهم يعني اذا بتبوق بوق بعقل اتمنى ان كلامي يوصل يا جماعه كافهم شفط لان احنا بشر ويقولون ( اذا اردت ان تطاع فامر بالمستطاع ) واسف على الاطاله ..

ross

[yazan]

السلام عليكم

اخواني لاتعبون انفسكم يعني كيوتل وفودا مايدرون باللي يقولونه الناس يدرون بكل شي وكل الكلام سامعينه وبالنسبه حق الاخ راعي الموضوع لايتعب نفسه كلها اوراق وتنركن

والله يحفضكم

أخي العزيز شكرا على الرد, لكن اذا رجعت لكلامي الاول رح تلاقي اني قلت بكل وضوح اني رح انقل كل الكلام زي ما رح ينكتب من الاخوان وكان هذا بناءا على طلب من مدير بكيوتل ومدير بفودافون انا اعرفهم شخصيا...
وان شاء الله رح كل الكلام يوصل وانا متابع الموضوع يوم بيوم...

وللعلم اي شركة (اذا كانت بمجال المنافسة) تهتم بأسلوب كبير لكلام العملاء..

أرجو التفاعل لمصلحة الجميع...

[yazan]

يعطيك العافيه اخوي على الموضوع

بس اذا تعرف ناس في كيوتل انا ابي اتكلم في نقطه انا من وجهه نظري اشوفها مهمه يعني عندك في موه من المرات جاني كشف المكالمات من كيوتل عن طريق البريد وليقت 4 اتصالات انا متصلها لواحد من الربع وكل اتصال 3 ثواني والقيمه قيمه 40 درهم يعني بقيمه رساله يعني لو بتسال 4 مكالمات وكل مكالمه 3 ثواني يعني الجواب بيطلع انك متصل على رقم مسكر يعني حتى الرقم المسكر بيحسبون عليه هاي اول شي .

وثاني شي لما كيوتل توهق العملاء وترسلي فاتوره شخص انا ما اعرفه بس تشابه في الاسماء وما انتهبت الا بعد مادري متى ويمكن كنت طول الفتره ادفع فواتير واحد ثاني ولا يمكن يكون من معارفهم يعني اذا بتبوق بوق بعقل اتمنى ان كلامي يوصل يا جماعه كافهم شفط لان احنا بشر ويقولون ( اذا اردت ان تطاع فامر بالمستطاع ) واسف على الاطاله ..

Ross

أخت روزالعملية ليست بسرقة ولكن يكون هناك خطأ من الكمبيوتر, حيث انه من الصعب متابعة مئات أو ملايين المشتركين من قبل اشخاص. ولكن للاسف كلامك صحيح 100% حيث يتم احتساب ثلاث او اربع مكالمات بنفس الوقت والمده تكون 3 أو 4 دقائق..

هذه نقطة مهمة جدا وتم نقلها لهم, ولكن يجب على كل عميل تقديم شكوى في حال وجود خطأ كهذا...

[yazan]

الله يخليك يا خوي

نفسي الشركتين يخلو المسجات وكل شي بالعربي

لأنو نحنا بدولة عربية ..... الله المستعان

أختي زهرة البنفسج..

انتي تقدرين تغيرين لغة المسجات من خلال اتصالك بخدمة العملاء واطلبي اللغة العربية, لأنو وجود الانجليزي مهم جدا لأنه يوجد عملاء غرب ولغتهم مو عربية وهذه متطلبات التسويق..

[yazan]

أخواني وأخواتي شكرا على تنويهاتكم واقتراحاتكم...
وأذكر اني لست الا بوسيط بينكم وبينهم..

وبالنسبة لكل الاقتراحات سجلت وسوف تصل لهم ان شاء الله, وخاصة نقطة احتساب التكلفة بالثانية وليس بالدقيقة..

وأرجو التفاعل...

[مدغشقر]

بكل اسف الخدمات حاليا لا تقارن لان فودافون وكيوتل يختلفون في الشبكات في شركة شبكتها قوية وشركة ثانية شبكتها ضعيفة وفي خدمات في شركة اكثر والشركة الثانية اقل يجب
ان تكون الشركتين متعادلين والا فلا وجه للمقارنه وتصيد عيوب الشركات

وبانتظار خدمات وعروض افضل من الحالية للشركتين :(
شكرا لكم

[l00]

يعني تتوقع علاقتك راح تأثر في شركتين اعتبرهم من اكبر الشركات قوة بالعالم ... فية مجلس إدارة فاهم الوضع ماأعتقد انة راح يستقبل اقتراحات الجمهور للتغيبر في سياساتة ورؤيتة المستقبلية للشركة

[yazan]

يعني تتوقع علاقتك راح تأثر في شركتين اعتبرهم من اكبر الشركات قوة بالعالم ... فية مجلس إدارة فاهم الوضع ماأعتقد انة راح يستقبل اقتراحات الجمهور للتغيبر في سياساتة ورؤيتة المستقبلية للشركة

طبعا رأي العملاء يأثر مو علاقتي فيهم وحتى لو كان أكبر مجلس ادارة بالعالم, والا ليش بكثير من الدول يوجد مجلس نواب عن الشعب....

[aldahnoon]

كلو ملحق يعضو
و لو الشركتين اتفقو احنا الخسرانين
و كل ما كانو مو متفقين و مو متفاهمين كل ما كان احسن
و عقبال الشركه الثالثه يا رب
و كلهم ما يتفقو مع بعض
و في الاخير احنا المستفيدين

[نيساني]

نبي خدمات انترنت من فودافون

ويغطون قطر بكبرها




كلام سليم%

[فقط قطر]

شكلك تنفخ في جربه مقطوعة......