ما رأيك فى سفر البنت وحدها ؟؟؟؟؟ [الأرشيف] - منتديات شبكة الأسهم القطرية

بابا الضحية

29-10-2009, 09:11 PM

السلام عليكم ورحمة الله وبركاته .....

ما رأيك فى سفر البنت وحدها ؟؟؟؟؟سواء للدراسه او كورس او دوره عن طريق العمل ....

انا لااؤيد سفرها !!ابداااااااااااااااااااا

اليوم اتفاجأ 3 من البنات من عائلات محترمه ومعروفه ... بعثهم العمل عندنا الى لندن لمدة شهر وسافرو لوحدهم اين الاهالي ؟؟؟ماهذه الثقه !!

وشكرا

ابو ماجد

29-10-2009, 09:20 PM

فتوى للشيخ والداعيه لكبير ابو اسحاق الحوينى

حرام سفر المراه بدون محرم

غزلان

29-10-2009, 09:21 PM

السلام عليكم ورحمة الله وبركاته .....

اليوم اتفاجأ 3 من البنات من عائلات محترمه ومعروفه ... بعثهم العمل عندنا الى لندن لمدة شهر وسافرو لوحدهم اين الاهالي ؟؟؟ماهذه الثقه !!

وشكرا

الحمد لله الى عافانا

يمه مايخافون بروحهم على الأقل حد كبير معاهم

حليتان*

29-10-2009, 09:22 PM

حرام سفر البنت بدون محرم

بابا الضحية

29-10-2009, 09:22 PM

فتوى للشيخ والداعيه لكبير ابو اسحاق الحوينى

حرام سفر المراه بدون محرم

:nice: والله مادري عنهم الاهالي شلون يرضون ؟؟؟

بابا الضحية

29-10-2009, 09:23 PM

الحمد لله الى عافانا

يمه مايخافون بروحهم على الأقل حد كبير معاهم

مدري عنهم شلون الاهالي تنام !!!انا ودي اتصل في اهل البنات والعن شكلهم :anger1:

وافق شنن طبقة

29-10-2009, 09:24 PM

عاد فيها نشدت شيخ

اصلااا حرام

وبعدين البنات الي راحو لندن ..

االشره على اهلهم ولا هم بنات ان ما يشره عليهم ..الخلل في الي مربيهم (اللهم لا شماته)

بابا الضحية

29-10-2009, 09:24 PM

حرام سفر البنت بدون محرم

اي والله حرام لااا ولندن بعد :omg: مدري الاهالي شلون يفكرون لو صار شي حق البنات لا قدر الله الذنب في رقبة الاهالي

بابا الضحية

29-10-2009, 09:25 PM

عاد فيها نشدت شيخ

اصلااا حرام

وبعدين البنات الي راحو لندن ..

االشره على اهلهم ولا هم بنات ان ما يشره عليهم ..الخلل في الي مربيهم (اللهم لا شماته)

اي والله الغلط على الاهل !!مدري عنهم

شويهينــه

29-10-2009, 09:25 PM

ماله داعي كلش البنت تسافر بروحها

وخصوصا الى الدول الاجنبيه

صج قويات اللي يسوونها

بابا الضحية

29-10-2009, 09:28 PM

ماله داعي كلش البنت تسافر بروحها

وخصوصا الى الدول الاجنبيه

صج قويات اللي يسوونها

اي والله يابنيتي مدري عنهم !!!

نرى في بنت وايد محترمه بس نزلت من عيني الحين شلون ترضى تسافر

لا حول ولا قوة الا بالله العلي العظيم

شويهينــه

29-10-2009, 09:29 PM

انزين بابا الضحيه يمكن عندهم اهل هناك؟؟

وبيروحون عندهم

روح الاطلس

29-10-2009, 09:32 PM

اشدراك انه بروحهم ؟ يمكن اهلهم معهم وبس حق الزعط مال البنات قالوا رايحين بروحنا مايبون احد يسألهم من بيروح معكم فحبوا يسدون الباب << اتوقع

بابا الضحية

29-10-2009, 09:32 PM

انزين بابا الضحيه يمكن عندهم اهل هناك؟؟

وبيروحون عندهم

الي سمعته انهم مسافرين بروحهم....

يمكن وحده عندها اهل بس الباقي !!!اكيد لا ؟؟؟

وترى في خطة التطوير بيسافرون كذا بلد ما اظن عندهم اهل في كل بلد ؟

ابو ماجد

29-10-2009, 09:33 PM

:nice: والله مادري عنهم الاهالي شلون يرضون ؟؟؟

المشكله ايجولك اللحين ايعسكرون لمده شهر خارج لبلاد تحضير للبطوله

يعنى شقول................................ اسكت ابرك

شويهينــه

29-10-2009, 09:33 PM

الله كريم بابا الضحيه

مانقول غير الله يستر علينا وعلى بنات المسلمين

بابا الضحية

29-10-2009, 09:34 PM

اشدراك انه بروحهم ؟ يمكن اهلهم معهم وبس حق الزعط مال البنات قالوا رايحين بروحنا مايبون احد يسألهم من بيروح معكم فحبوا يسدون الباب << اتوقع

لا متاكد لاني سالت قسم السفريات عندنا

لاني كنت مستغرب وسمعت بعض الزميلات يتكلمون عن السفر بروحهم

الله يهدي الاهالي بس

بابا الضحية

29-10-2009, 09:36 PM

المشكله ايجولك اللحين ايعسكرون لمده شهر خارج لبلاد تحضير للبطوله

يعنى شقول................................ اسكت ابرك

اي والله بس انا كاسر خاطري البنات شلون سمعتهم الحين الاهالي مافكرو بهال شي :(

بابا الضحية

29-10-2009, 09:36 PM

الله كريم بابا الضحيه

مانقول غير الله يستر علينا وعلى بنات المسلمين

اي والله الله يستر علينا وعليهم .......

بوعلي2

29-10-2009, 09:45 PM

الله كريم بابا الضحيه

هو الي اعرفه حرام

اذا ماعندهم محرم اعتقد لو يكلمون مفتي مثل الدكتور محمد العريفي وامثاله اهل الخير راح يفيدهم اكثر من فتاوينا واحنا ماعندنا علم بضروفهم

الخلاصه :

يتصلون لمفتي ويشرحون له ضروفهم بصدق مش بربره ومهايط وهو يفتي والله يحاسب http://www.qatarshares.com/vb/images/icons/icon11.gif

احنا مانحاسب ونتكل على الله واهل العلم وشكرا :shy:

روح الاطلس

29-10-2009, 09:46 PM

ممكن اعرف وين دوامكم ؟ ماشاء الله دوراتكم كثيرة هههههههه

روح-قطر

30-10-2009, 01:14 AM

الله يحفظهم وكلن وقناعته وحرام تتكلمون عن اهلهم

بنت^البحرين1

30-10-2009, 02:18 AM

انزين السموحة يعني.. بس سالفة في دوامكم واهلهم راضين فيهم، انت مالك دخل فيهم

بعدين البنات الله يسر امرهم وسافروا ، انت حارق قلبك شعليه؟؟ من بيسمع لك اصلا؟؟ ولو حاولت تتصل وتحاجي اهلهم ، يمكن يجيك كلام مايسرك !

عني .. ممنوع منعا باتا وغير قابل لأي مناقشة ، ان نسافر بنات بروحنا وعندنا في البيت مافي سفر الا مع ابوي او اخواني وبس غيره مافي لو تنطبق المسا على الارض مافي لاعم ولاخال

<<روز>>

30-10-2009, 02:29 AM

اللهم لا شماته والزمن ذي يخووووووف واااايد والواحد مايبي يعيب

في رايي مافي سبب يضطر الوحده تسافر بدووون رجل

doha-london

30-10-2009, 02:37 AM

الناس مذاهب وكل من له مذهبه
والله يستر على بناتنا وعلى كل من يبي الستر,,

الوفـى طبعي

30-10-2009, 02:41 AM

sara_qatar

30-10-2009, 02:44 AM

سماء الرياض

30-10-2009, 03:12 AM

اخوي انا اقول الله يستر على بنات المسلمين اجمعين

وخلهم في حالهم يعني كلامك لا يقدم ولا ياخر البنات سافروا وانتهت السالفة والي اغرفه انا اذا هم تابعين حق جهه حكومية لازم مع كل وحدة محرم والتذاكر والسكن على الدولة

سماء الرياض

30-10-2009, 03:12 AM

اخوي انا اقول الله يستر على بنات المسلمين اجمعين

وخلهم في حالهم يعني كلامك لا يقدم ولا ياخر البنات سافروا وانتهت السالفة والي اعرفه انا اذا هم تابعين حق جهه حكومية لازم مع كل وحدة محرم والتذاكر والسكن على الدولة

أمير المحبه

30-10-2009, 04:14 AM

خير الكلام ماقل ودل

ارفض وبقوه سفر البنت بيدون حد من اهلها

البنت اللي اتسافر بنفسها لابد الشيطان يلعب في راسها

الحين البعض مع اهاليهم وماينقدر عليهم

بعد اتسافر بروحها

ريد قطر

31-10-2009, 05:25 AM

المفروض البنت تسافر مع محرم واهو ما قال هالكلام الا من باب الخوف عليهم انا ما ادري شلون اتقولون عادي الواحد لما يشوف البلاوي الي اتسويها بعض البنات في السفر ايخاف احنا سافرنا مع اهلنا وكنا في بعض الاحيان نطلع بروحنا وتعرضنا لمواقف اتخوف مرة انا امشي في الشارع عند اول لفة البيت وقفت سيارة وفيها شباب طلع واحد نص جسمه من دريشة السيارة وجر شنطتي من يدي خفت ياخذني معاها الله ستر اختي جرتني ومن عقبها كرهت الطلعة
حتى لو الثقة موجودة عيال الحرام وايد

بواردي

31-10-2009, 07:19 AM

في وايد بنات عايشيين برا وخصوصا بريطانيا

يدرسون ولا محرم ولاهم يحزنون

عادي الامور سهالات

والمشكلة انهم عيال عائلة معروفة

بس ما نقول غير الله يهديهم

وكل واحد مخلي بناته برا بدون محرم

ماعنده حمية
والغير عنده معدوووووووووووووووووومة
مهما كانت الاسباب
اذا غفل عن موضوع الغيرة
مفروض ما ينسى انه حراااااااااااااااااااااااااااااااااااااااااااااااا ااااااااااااااااااااااااااااااااااااام

وبالنسبة للي يدافعون ويبررون سفر البنات بدون محرم
وعذرهم انه حرية شخصية وكلن له مذهبه ومن هالخرابيط!!!!!!!!!!!!!!!!1

اقولهم الله يستر عليكم وترجعون بالسلامة

المسلم هو المسلم
والاسلام هو الاسلام
في الدوحة او في بريطانيا او في اي مكان

اللي شفناه في مصر وهي دولة عربية يكفي

مسخرة لارقيب ولاحسيب

شلون الحال في دول الغرب

واللي يفسر الموضوع انه ثقة زايدة
يسمحلي اقوله هاي موب ثقة
هاي عدم غيرة
ومخالفة صريحة لتعاليم دينا الحنيف
انا موب متشدد او متطرف
بس هاي الامور ما فيه مزح

واقول لكل شخص مخلي اهله برا

بكرة تحصد ماااااااااااااااااااااااااااااااااازرعت
وبتشوف التربية والثقة اللي تتكلمون عنها

omar77

31-10-2009, 07:26 AM

ماله داعي كلش البنت تسافر بروحها

وخصوصا الى الدول الاجنبيه

صج قويات اللي يسوونها

هذيل ما يقولون عنهم قويات هذيل ماعندهم والي
واللي ماعندها والي عادي اتسوي اي شي

omar77

31-10-2009, 07:28 AM

اشدراك انه بروحهم ؟ يمكن اهلهم معهم وبس حق الزعط مال البنات قالوا رايحين بروحنا مايبون احد يسألهم من بيروح معكم فحبوا يسدون الباب << اتوقع

في الحالتين البنت تشوهت سمعتها

omar77

31-10-2009, 07:31 AM

:nice: والله مادري عنهم الاهالي شلون يرضون ؟؟؟

عاد فيها نشدت شيخ

اصلااا حرام

وبعدين البنات الي راحو لندن ..

االشره على اهلهم ولا هم بنات ان ما يشره عليهم ..الخلل في الي مربيهم (اللهم لا شماته)

اي والله حرام لااا ولندن بعد :omg: مدري الاهالي شلون يفكرون لو صار شي حق البنات لا قدر الله الذنب في رقبة الاهالي

الفلوس عمت اعيونهم
عافانا الله

بواردي

31-10-2009, 07:54 AM

اخوي انت احين ليش زعلان احين ومعور راسك

خلهم يسافرون بروحهم شفيها - اننت عليك من اهلللك بس
بس تفكيرككم كله غلط
دام الثقه موجوده من اهلهم

الله يحفظهم محد له خص بالعكس عادي

والوحده بتعرف تحافظ على نفسها وسمعتها واسم عايلتها

الله يوفقهم انشاء الله ويروحون ويرجعون بالسلامه

الدين النصيحة

ولنا خص ونص

دام هي قطرية ومسلمة

فهي برا ما تمثل نفسها بس

وبخصوص تفكيرنا الغلط!!!!!

هاي مو بتفكيرنا

هاي تعاليم دينا الحنيف
وعاداتنا وسلومنا
وعادات كل مسلم يغار على بناته وخواته

حـــنـــان

31-10-2009, 08:09 AM

كلام اللة فوق الكل وواضح,,,, لايجوز سفر المراءة الشابة لوحدها

بواردي

31-10-2009, 09:07 AM

بابا الضحية:victory: موضوع مهم وحساس جدا

تحية للاخوان على ردودهم الطيبة
وياليت كل واحد مخلي بناته برا يرااااااااجع حساباته

يعني عشان الدراسة نخالف الدين

لابارك الله في الدراسة اذا هي سبب نخلي عرضنا وشرفنا في بلاد الغرب بدون حسيب ولا رقيب

:nice:
ابو ماجد
الوفى طبعي
غزلان
امير المحبه
شويهينة
<< روز >>
وافق شنن طبقه
ريد قطر
حنان
omar77
amaf353 لاتنسى مباراة اليوم الساعة ثمان مع خيتافي
اذا ما جيت بنسجلك غياب:omen2:

:nice:

شجرة الدر

31-10-2009, 09:20 AM

حرام وعيب بدون نقاش ،،

يعطيك العافيه ،،

kuwari

31-10-2009, 11:39 AM

حرام سفر المراه بدون محرم

هبة ريح

31-10-2009, 12:08 PM

العالم هالايام ماعادت اتفرق بين الحلال والحرام

واستغرب من اللي يمنع والا ينتقد المره انها تسوق السيارة او تشتغل مختلط
وهله يسافرون بروحهم برى!!!!!!!!!!!!!! شرايكم؟؟؟؟؟؟؟؟؟؟؟؟؟؟؟؟؟؟؟؟؟

وماتدرون عن الناس وظروفهم ساعات الوحده مايكون عندها محرم
ومضطرة انها تدرس برى لاسباب يمكن ان التخصص اللي تبيه مب موجود
او الدورة اللي بتسافر لها تستفيد منها في مجال عملها
انا عني اذا عندي بنات نو وي مستحيل يسافرون بروحهم
حتى لو كانوا متربين احسن تربية ومافي مثلهم وكل انسان له وجهة نظر
بس ابيكم تردون على سؤالي؟؟

موضي قطر

31-10-2009, 01:50 PM

اشكرك اخوى على طرحك للموضوع
وانا ادرس فى القاهره
والله والله العظيم معنا بنات قطريات من قبائل معروفه
بدون حجاب ولا عبايه
يلبسون جينز وتيشرتات ومصخررررررررره مصريات مايسونهااا خلها ع ربك بس

أرجوك قول انك كنت تتغشمر :rolleyes2: ماصدق اسافر من دون ولي أمر وافصخ

عبايتي بعد يارب عافيهم ولا تبلانااا:weeping:

طموحي عالي

31-10-2009, 04:46 PM

يمه ياقلبي انا رايحه مع ابوي وخايفه ومرتبكه لان مامي مو معانا

طموحي عالي

31-10-2009, 04:50 PM

وماتدرون عن الناس وظروفهم ساعات الوحده مايكون عندها محرم
ومضطرة انها تدرس برى لاسباب يمكن ان التخصص اللي تبيه مب موجود
او الدورة اللي بتسافر لها تستفيد منها في مجال عملها
انا عني اذا عندي بنات نو وي مستحيل يسافرون بروحهم
حتى لو كانوا متربين احسن تربية ومافي مثلهم وكل انسان له وجهة نظر
بس ابيكم تردون على سؤالي؟؟

اوكي والله ادور شي ثاني تخصص ثاني

انا عندك مثلا ماكملت جامعه بسبب ان جامعتنا اهنيه لوعه وماعندي حد يقعد معاي اربع سنين عشان جيه شلت الفكره لين ربي ييسرها ((ومن ترك شي لله بدله الله خيرا منها)) يعني عادي والحياه ماشيه لازم ادرس يعني

اوكي في بنات يروحون

بس ليييييييييش فصخ العبايه والترصرص

اصلا انا اعرف ناس بالويكند او اجازة الصيف يسافرون بروحهم وهم بنات قالوا وشوا عمرنا فوق 25 سنه لي اللي فوق 25 ماعادت بنت والا شنو

والله حاله:(

قطري وأفتخر

31-10-2009, 10:02 PM

ما لهم عاااااااااازه

الله يهدي أهلهم ويعافينا

بصراحه شي يحزن ,,,

راعية السيكل

01-11-2009, 11:36 AM

طبعا خطأ والله لو بنتي تقعد في البيت افضل

ابن السيد

01-11-2009, 11:57 AM

يالربع هالموضوع ما فيه نقاش ترا
دام الدين قال شي خلاص انتهى اهني ما في ايش رايك
لان الله لن يفرض علينا الا ماهو نافع لنا ولن يحرم الا ما هو ضار لنا
وعموما الله يحفظ كل بنات المسلمين من كل الشرور
وسلامتكم

بنت قطر202

01-11-2009, 02:46 PM

مايخافون يسافرون بروحهم؟؟؟؟

eXpert*

01-11-2009, 02:55 PM

تعليقي في المرفق

بنت العلي

01-11-2009, 03:00 PM

اخوي ...الله يستر عليهم وماله داعي تتكلمون عن اهاليهم جذي ومحد يعرف بظروفهم وكل واااحد عليه من نفسه واهله اشتبون في الناس

بابا الضحية

01-11-2009, 07:03 PM

شاكر مرور الجميع والله يهدي الجميع

قناص الخليج

02-11-2009, 08:51 PM

مافيها شيء يغيرون جو وحريه يازمن الحرية

الله لايبلنا

كلاسيك قطر

02-11-2009, 10:01 PM

لازم شباب انه البنت اتسافر معها المحرم

ومايجوز اتسافر ابرحها

نظرة شجاع

02-11-2009, 11:27 PM

اكيد اخوها وابوها ناقصين مرجله بلا شك ... ومهما كانت ظروف البنت ماتروح بدون محرم اذا الحج وهو حج ماتروح بدون محرم وكيف للدراسه او الى يقولون ماحصلت تخصص لها ...؟ يعني تبرير موقف ..؟
البدايه اختلاط عمل وعقب سواقه سيارة وعقب سفر بدون محرم مدري وين يبون يوصلون هالبنات .. هل هو البحث عن حقوق المراة ...../....؟

بوغانم995

03-11-2009, 09:10 AM

ســفر البنت من الناحيه الشرعيه لا يجوز ألا بمحرم هذا أذكانت تريد الحج . فما بالك بالندن وماأدراك الندن . ممكن وحده مجربة تشرح لنا وبصدق ماهي المصاعب في بلد مثل لندن ........بس في بنات في مصر وأمريكا .
ممكن .

làst çhàncè

03-11-2009, 07:40 PM

حسبي الله ونعم الوكيل , أين دور الأم والاب كيف يهمل شرع الله بسفر المراة بدون محرم

بابا الضحية

03-11-2009, 08:39 PM

بارك الله فيكم

والله عجبني خوفكم وحرصكم على عدم سفر البنت من غير محرم

في في

05-11-2009, 03:01 PM

في الدين حرررررررررررررررام......

بابا الضحية

05-11-2009, 10:03 PM

شاكر مرور الجميع والله يهدي الجميع

meme~qatar

06-11-2009, 11:46 AM

مستحيل البنت تسافر بروحها
وحتى المتزوجة بعد
والعيوز بعد

The MooN

06-11-2009, 12:16 PM

ولــــــــــــــــــــــــــــــــــــــــــــــــ ـــي
انا على بلدي وللدراسة اهلي ما رضو وانا ما برتاح لحالي
شلون مع بنات وعلى بلد اجنبي؟
اصلا قد ما كانت البنت قوية وواثقة بس وجدوها بروحها يطمع الناس فيها :(
الله يستر