اسعار الباترول ٢٠١٠ والمواصفات بالداخل ( مقنول من المشرف سعودي في نيسان ارابيا )

[gxr o.z]

السلام عليكم ورحمة الله وبركاته
الموضوع منقول والكلام ١٠٠% صحيح وكلام مشرف له علاقة مع شركة نيسان..
"السلام عليكم ورحمة الله وبركاته

تم اعتماد سعر الباترول 2010 بالتدرج من 200 الف ريال سعودي(يعني يبدأ من 200 الف)

طبعاُ هالكلام عندنا بالسعوديه تأكد وباقي دول الخليج راح يكون مقارب لسعر نفسه



الليله او بكره راح انزل لكم المواصفات كامله الي راح تنزل بالباترول2010 "
الحين مواصفات الباترول
تقديراً مني لجميع اعضاء منتدانا وكما عودناكم دائماً بالسبق في اي معلومه قبل اي موقع اخر
راح انزل لكم انواع الفئات الي راح تنزل بالسوق(الشرق الاوسط) وبعض مواصفاتها

ولانه مافيه حفظ حقوق راح انزل المواصفات كامله ان شاء الله قريباً بعد وضعها في برنامج نستطيع من خلاله حفظ الحقوق او على الاقل التقليل من اللطش

الفئات

1_ (EX(5.6L v-8 وهذا اول نوع او اقل نوع مع انه مميزاته ومواصفاته اكثر من خيال

قوة مكينته 320 حصان خمس سرعات اوتو فقط راح ينزل

دفع رباعي مستمر

ومواصفاته الاخرى كثيره راح انزلها لاحقاً




2- ( SE (5.6L V-8 (TYP 1 يختلف عن الاول بالمواصفات الاضافيه وراح يكون في هالنوع الدف لوك الخلفي اختياري (RR Diff lock)



3- ( SE (5.6L V-8 (TYP 2 يزود عن النوع الي السابق بالمواصفات ومنها انه راح يجي منه فتحه



4- (SE (5.6L V-8 (TYP 3 نفس قوة المكينه للفئة السابقه لكن مواصفاته الاضافيه كثيره منها على سبيل المثال الكاميرا الخلفيه والبلوتوث (يعني اكيد راح يفرق سعره واجد عن الفئه الي قبله)




5 - (LE (5.6L v-8 Typ-1 ومن هالنوع تبدى مكينة 400 حصان وسبع سرعات للقير مع امكانيه تحويل القير الى نظام العادي (manual -Mood) دفع رباعي مستمر

مزود بمواصفات كثيره تفرق عن الفئات السابقه ومنها على سبيل المثال off-road monitor function



6 - (LE (5.6L v-8 Typ-2 يختلفت عن الفئه الاولى من نوعه بمواصفات كثيره

منها على سبيل المثال الجنط راح يكون 20 انش ( 20"alloy wheel)




7 - (LE (5.6L v-8 Typ-3 يختلف عن سابقه بالمواصفات الاضافيه فقط وهي كثيره منها الجلد




8 - (city option) وهذا راح يكون افخم نوع ومواصفاته التكنولوجيه حديثه وغير مسبوقه

ورا ح ينزل جلد اسود فقط والجنوط متلك يعني من النوع اللامع اوالبراق (20 " metalic paint wheel)


باقي اللمواصفات بالتفصيل ان شاء الله راح انزلها قريباً او احد الاداريين


...
انا اشوف ٢٠٠ الف على ستاندر...حرام الصراحه
والموصفات اف ورد مونتر وكل هذي الأشياء كلها فالبرادو يعني لا تستبعدون الكروزر ٢٠١١ يجيكم ٤ كاميرات مثل البرادو ٢٠١٠ ونظام اوفرود جديد ....
لحد الأن الموصفات قريبا جدا واتوقه تويوتا مجهزة شي خطير ...
تحياتي

[kuwaiti]

الواحد يقط 200 الف وهو مرتاح مادام هل مواصفات فى السياره مو مثل التيوتا مافيه مواصفات

[السندان]

الله المستعان .. الاسعار تبدأ من 200ألف هذا في السعودية
يعني اسعارنا تبدأ من 220ألف

خلك على مجنونك لا يجيك اللي اجن منه

[ابن قطر]

ما في عقب التويوتا


vxr ,gxr

[نيساني]

يسلموووعلى النقل عزيزي!

[راعي النيسان]

رغم اني من محبين النيسان وبشكل متعصب ،، بس سالفة السعر واااااااااايد مبالغ فيها اذا ما قارنا بينها وبين التوياتا ،، واذا على 200 الف ،، وخاطري بالمكينة والعزم ،، اجل اتوكل على الله واطلب الكرورز وارد امريكي ماكينه 5.7 هذا لو كان الخيار محصور بينها وبين النيسان .. لكن لو صار هذا الكلام وابتداء سعر النيسان بسعر 200 ألف .. اتوقع انه النيسان راح يتعرض لضربة قاضية من جهتين..

الجهة الأولى وكلاء التويوتا بالخليج راح يطلبون ماكينه 5.7 خصوصا انه اهو الكرت اللي يضاربون ويراهونون عليه ولحد الحين احنا كلنا نعرف انه ماكينه الكرورز الجديد أصغر من ماكينه النيسان الحالية (باختصار اهي نفس الماكينه السابقة بس معدل عليه بشي بسيط) ،، وبالتالي راح يرغمون انه الناس يشترون مرة ثانية الكرورز لانه لبوا لهم طلبهم واهو تغيير سعة الماكينه واعطاء قوة أكبر وسرعة أكبر ،، يعني ليش تروح للنيسان دام احنا وفرنا لك اللي تبيه ؟ وما استبعد انه وكلاء التويوتا بالخليج يجيبون الكرورز بالمكينة الأصلية الـ 5.7 في هذه الأيام واتوقع اذا صدقت التوقعات راح نشوف عروض بيع خيالية لموديلات الكروزر الحالية ويابلاش لانه راح يتعرضون لخسارة اذا ما جابوا الموديل الاصلي بالمكينه الـ 5.7 ،، وشرط راح يكون بيع سعر الكروزر الجديد بالمكينة الجديدة نفس اسعار الحين لانه يبون يحكرون للنيسان ،، وابقى قابلني لو لقيت احد ياخذ نيسان بـ 200 الا اللي خاطره فيه وبس .

الجهة الثانية ،، واهي جهة المشتري أو العميل اللي يدور سيارة مناسبة بسعر مناسب ،، اعتقد في حالة ثبات الاسعار بما هي عليه سواء لدى الكروزر والنيسان في حدود 200 الف وطالع ،، اتوقع انه المشتري راح يكون له خيار ثاني بأنه ينظر لسيارات ثانية أرقى واكشخ من النيسان والتويوتا والكلام على البورش والرنج والبي أم فإذا قارنا اسعارهم راح نلاقيها قريبة من أسعار النيسان والتويوتا ،، فليش اروح حق التويوتا والنيسان دام اني اقدر افرق بالسعر بشي بسيط واشتري لي موتر كشخه ورزة ،، واتوقع انه السوق راح يكون فيه خيارات ارخص من النيسان والتويوتا والرنج والبورش كذا بوايد للي يحب الفوريل ،، سواء كان اليوكن او التاهو أو حتى الفورد أو اضعف الايمان المستيوبيشي :victory:

نهاية الكلام هالاسعار ماخوذ خيرها وصدقوني الناس ما عادت تشتري مثل قبل خذ وقط فلوسك بالارض ،، الناس صار عندها وعي و200 الف مبلغ مو بسيط ،، يكفي انك تظبط الحسبه وتشوف الفوايد والاقساط راح تكون كم ؟؟ والسوال اذا جيت ببيعه بعد كم سنة هل راح يجيب نص سعره او لا ؟ وتأكيدا لكلامي راح اعطيكم مثال بسيط صاير مع النيسان هاليومين ..

كلنا نعرف انه الماكسيما 2010 نزلت بالوكالة ،، سعرها كان 140 الف ،، والحين خلوها 135 الف ،، واذا انت صامل راح يمشون لك السيارة على 130 الف .. كل الناس متوقعه انه السعر يكون أكثر شي في حدود 90 الف لكن الصدمة انه السعر كان فوق المتوقع ،، وبالتالي السيارة ما صار لها سووق ولا راح يصير لها سوق لانه سعرها بالحيل غالي واذا كان لابد لابد اني اشتري سيارة بالمواصفات هذه فاتوقع انه الاوريون او الهوندا أكورد ستة سلندر خيار ناجح وموفق مقارنة بالتاريخ الشهير لخرابات الماكسيما واللي مالها نهاية والعن مافيها حركة احتراق السنسر الداخلي بالسيارة بشكل مفاجئ،، وتعال صلح بالوكالة وادفع مو اقل من 10 الاف ريال للتصليح ... واذا كانا نقول بالسابق للتويوتا خلوها تصدي ،، راح نقول حق النيسان بعد خلوه يولي واصبر على مجنونك لا يجيك اللي أجن منه .. :nice:

[ابوصالح1]

خلهم يصورون مع النيسان واظنه وارد اميركا وكل ماكثرت التكنلوجيا كثر الخراب والمشاكل 200 الف في استاندر اخذ جي اكس ار تويوتا وبس لن يتغلبوا على التويوتا مثل عام التسعينات

[Khalid_Qatar]

http://farm4.static.flickr.com/3212/3120374357_30c54b7f21.jpg

[السهم الثابت]

يسلموو على المعلومات بس صراحة حلووو والفي اكس ار احلا منة

[عضو قديم]

نيسان بترول = بو رقله

يعني اقط 200 الف على موتر لازال يعاني من مرض الرقله !!!!!!!

[الـقـاسـي]

والله كلها مافيها خير لا التويوتا الجديد ولا النيسان الجديد ..
شكلنا بنحول على وكاله ثانيه ..

[ولد النوخذة]

بالتوفيق

[bo yousef]

اذا النيسان الاستاندر ب200 ازيدها شوي واخذلي vx-r ابركلي وانا مرتااح ولا اخذلي موتر على كلام اخوي (عضو قديم) يعااني من مرض الرقله <ههههههه