أوقفـــوا التحـــرش الجنســـي عـــن أطفـــالكـــــم..أرجوكــــــم [الأرشيف]

مشاهدة النسخة كاملة : أوقفـــوا التحـــرش الجنســـي عـــن أطفـــالكـــــم..أرجوكــــــم

زهرة الربيع

30-10-2009, 10:05 PM

السلام عليكم ورحمه الله وبركاته

أخواتي وأخواني... أمهات وأباء ..موضوعي واضح من عنوانه موضوع حساس جدا

ومهم للغايه ومحزن في نفس الوقت..

موضوعي يهم الأمهات أولا... ثم الأباء...

وقد ركزت على الأمهات لأنهم هم الأساس في التربيه

والرعايه والأهتمام بأطفالهم فلـــــــــــــذات أكبادهم

ولأنني أم فأنا أشعر بهذا الموضوع وأحزن كل الحزن

عندما أرى أهمال بعض الأمهات في رعايه أطفالهم

وأستغرب بشده عندما أرى هذا الشئ بعيني!!!

ياأمهات هذه رساله خاصه لكم أرجوكم اٌقرؤها...

أحداث رأيتها بعيني ودارت أمامي ..

أتعلمون أين؟!!!!!!... ومتى؟!!!!!!!.. وكيف؟!!!!!!!

يتحرش الغريب جنسيا بأولادكم بفـــــــــــــلذات أكبادكم!!!!

وأنتم نائمون في العسل!!

سوف اسرد الأحداث التي أصابتني بحاله نفسيه وحزن ..عميق جدا.

تعودت منذ أن دخلت أبنتي المدرسه أن أوصلها أنا شخصيا صباحا

ثم أرجع الظهر لأخذ أبنتي الحبيبه ولا أقبل ابدا ذهابها مع السائق والخادمه

مهما كانت الظروف وهذا من باب حرصي وخوفي

عليها.. منذ فتره بسيطه كنت كالعاده ذاهبه لأخذ أبنتي من المدرسه

وأنتظر في السياره حتى سماع الجرس..

يظل سائقي في الخارج وأنا في السياره

في هذه الأثناء وأنا أنتظر رأيت سياره بجانبي

يوجد فيها خادمتان وطفله كفيفه والسائق طبعا

وكانت البنت تجلس بالخلف مع الخادمات ..

فتره بسيطه نزلوا الخادمات من السياره ودخلوا الى المدرسه

وتركوا الطفله مع السائق .

وياخوفي من السائق الهندي..

وأناأنتظر فجأه رأيت الفتاه الكفيفه في ثواني صارت بجانب السائق وأندهشت!!!!!!!

ماذا يفعل هذا الهندي ؟؟؟

وبدأت أرى تصرفات تثير الشك من حركات السائق

بصراحه أنفجر بركان في رأسي فتحت باب السياره ونزلت أليه ..

وبداء الحوار بيننا...

... أفتح الباب وعطني البنت ...

أيش هذي المسخره اللي أنت تسويها

... ماما مافي شي أنا يلعب بس

... يالي ماعندك ذمه البنت المسكينه عميه

وماتشوف والله أبلغ عليك الشرطه وببلغ أهل البنت

... ماما خلاص أرجوج ماما أنا مايفعل هذا مره ثانيه...

في هذه الأثناء رن جرس المدرسه وأرجعوا الخادمات

وأخذت منهم رقم الأم علشان أبلغها بالمأساه ..

أحترقت أعصابي بلغت الأم وأحضرت ألى المدرسه

واستلمت بنتها بس بعد ما أنفجرت فيها ..

لاحول ولا قوه ألا بالله.. رجعت البيت وأنا في حاله نفسيه مايعلمها ألا الله..

هذه قصه وحدث من أحداث مؤلمه أنا شفتها بعيني

سببت لي حاله كأبه...معقوله في أمهات فيهم هذا الآهمال البشع.. !!!!!!!!!!!!!!!!

ياأمهات اتقوا الله...أتقوا الله...أتقوا الله ...

تعالوا الظهر لأي مدرسه وشوفوا المصايب بعينكم

شوفوا أطفالكم ايش أيصير فيهم وفي غيابكم .. !!!!

كيف تسمحون لأطفالكم الذهاب الى المدارس مع خادمات وسائقين!!!!!!

لاذمه ولا ضمير عندهم كم من أحداث ومصايب سمعناها عن التحرش الجنسي

يتعرض لها أطفال في عمر الورود حرام والله العظيم حرام...

ترك أطفالكم بهذه الطريقة في أيدي غير أمينه..

كم من طفل أصيب بحاله نفسيه بسبب الأعتداء عليه

من سائق أوطباخ أو زراع ...

وكم من فتاه صغيره تم الأعتداء عليها وضاعت وكان بسبب من ياترى................؟

بســــــــــــــــــــــــــــــــــــــبب أهمال ألأمهات.....

هذه رســــــاله خاصه لجميع الأمهات

اللي يهمهم حياة أطفالهم وأنهم يعيشون

حياه سليمه نفسيا وجسديا مثلهم مثل

باقي الأطفال آسوياء أصحاء وأتمنى من الله

عز وجل أن رسالتي توصل...

كاتم الاسرار

30-10-2009, 10:22 PM

جزاج الله خير والله

صدقتي في كلامج بس من يسمع الكلام

anything99

30-10-2009, 10:31 PM

جزاك الله خير على التبيه والقصة المؤلمة .. من كثر ما اشوف واسمع الوساس ذبحني .. المصيبة لما السايق يوصل البنات وبدون خادمة .. الله يستر علينا وعلى جميع المسلمين

alrheeb2020

30-10-2009, 10:33 PM

والله قهر ..

احين حتى اليهال على 9-10-11 يسوون هالحركات ..!!!

والله اني انقهر لما اجوفهم يسوون الحركات الوسخه ..

وغيرها من بلاوي ..

ماقول الا الله يهديهم ..

ابن مانع

30-10-2009, 10:33 PM

بيض الله ويهج على هالنصيحه الي كثير منا مهمل فيها

الله يستر علينا وعلى عيالنا

خبير أقتصادي

30-10-2009, 10:38 PM

الدريول عبارة عن قنبلة موقوتة داخل أسرة
ودائما ما تنفجر بوجة الأطفال الذين يدفعون ثمن راحة الوالدين و ترفهم العظلي
ياليت الداخلية تشدد بحكاية صرف فيز الدريول لأي أسرة ألا بلجنة لبحث الحالة و أخذ تعهدات

alqtri

30-10-2009, 10:40 PM

والله قهر ..

احين حتى اليهال على 9-10-11 يسوون هالحركات ..!!!

والله اني انقهر لما اجوفهم يسوون الحركات الوسخه ..

وغيرها من بلاوي ..

ماقول الا الله يهديهم ..

دوم القنوات الفاسده الله يعزك

شوف قنوات ام بي سي بكل اشكالها وشوف المصخره اللي صايره فيها

وبعض البيوت تلاقيه فاتح قنوات مالها اي داعي فيها من الافلام الجنسيه والخليعه

وشبه عاريه ماتبيهم يسون هالشي الله يستر من هالقنوات والله الله يستر بس

بخصوص صاحبة الموضوع في بعض البيوت يخلون الخدامه تسوق السياره

تودي البنات وتجيبهم بدال الهندي خادمه مسلمه تسوق السياره توصلهم كلهم وترجع البيت

احس انه هذا الشي احسن حل للبنات بكل اعمارهم

بالتوفيق للكل

غزلان

30-10-2009, 11:05 PM

جزاك الله خير على النصيحه
والله السوالف وايده وفي المقابل الغافلات اكثر
مره رايحه الجامعه جدامي سياره فيها خدامه وطفله صغيره شكلها بالروضه يادوب تبين اشوف السواق كل ماوقفت السياره من الزحمه يلتفت وراه اتاريه يطلب من البنت تبوسه فجأ الا البنت تقوم تبوسه وهو يضحك يامال الوجع تمنيت لو انا الى اسوق كان دعمت السياره من القهر حتى يوقف واشوته بجوتي ونتوا بكرامه

مأساااه اهمال بعض الأمهات :(

زهرة الربيع

31-10-2009, 12:29 AM

شاكره لكل من نور موضوعي المحزن.... وبيض الله وجيهكم جميعا... الموضوع يا أخواتي وأخواني
كبير جدا ومحزن للغايه.... نعمه الأمومه نعمه كبيره في كثير أنحرموا منها وهذي حكمه رب العالمين
وفي ناس رب العالمين رزقهم نعمه الأنجاب وصاروا أمهات... وللأسف مايستحقون هذه النعمه لأنهم
غير جديرين بها.... أطفالنا مالهم أي ذنب ياعالم أنهم يتعرضون لمثل هذه الأمور والجرائم البشعه .. غير ذنب واحد وهو أهمـــــــــــــــــــــــــــــــــــال الأمهات الغافلات....
واللي تسبب لهم حالات نفسيه صعبه جدا لايمكن علاجها بسهوله...أطفالنا أمانه... أمانه... أمانه راح ننسأل عليهم يوم القيامه....كيف أم تترك طفل أو طفله في عمر الزهور مع سائق أو خادمه بدون رقابه
ياعالم!!!!!!!!!!!!!!!!!!!!!!! أي نوع من الأمهات هذي؟

هبوب الشمال

31-10-2009, 12:58 AM

هالسوالف قدام كل مدرسه ابتدائيه واعداديه وثانويه

ياليت الشرطه اوىالعضيد يوقفون عند بدايه ونهايه الدوام عند بوابات المدرسه

جان ما شفت غير الامهات مرتزين في الشموس

حسبي الله ونعم الوكيل

ولد النواخذه

31-10-2009, 01:02 AM

يؤسفني ان اسمع بعض الردود الي تقول ان هالشئ صار عادي هل فعلا وصلت الامور لهالسوء؟!؟! يالله بسترك وشكرا للتذكير والنصيحه عزيزتي

بومحمد المطاوعه

31-10-2009, 01:25 AM

الله يجزيج خير ع التنبيه

وطرحج للموقف الي صار امامج

الصراحه عوار قلب يخلون بنت كفيفه

بروحها مع الخدم

في هالزمن كل شي يصير من ورى راس الخدم

يعطيج العافيه اختي

ريد قطر

31-10-2009, 01:36 AM

كلامج صح بس اذا كانت الام مضطرة تشتغل واذا كان دوامها متـأخر والابو نفس الشي مضطرة تعتمد على الخدامة اتجيبها ومعظم الأمهات جذيه

تغلبية

31-10-2009, 02:10 AM

كلامج صح بس اذا كانت الام مضطرة تشتغل واذا كان دوامها متـأخر والابو نفس الشي مضطرة تعتمد على الخدامة اتجيبها ومعظم الأمهات جذيه

في هذي الحالة تخلي البنت في البيت أستر لها .. وأسلم

B-GMC

31-10-2009, 02:27 AM

امـ حمد

31-10-2009, 02:34 AM

تسلمين اختي على النصيحه

ياليت كل الأمهات يخافون على عيالهم مثلج
جان ما صار مشاكل

العصامي

31-10-2009, 03:53 AM

ياآباء ياأمهات ارجوكم انتبهوا واهتموا لأبنائكم
فكلكم راع وكلكم مسؤول عن رعيته
وهذه القصه ليست سوى غيض من فيض من القصص اليوميه التي تاتينا بها وسائل الاعلام من الداخل ومن الدول الخليجيه المجاوره
والتي تبين عواقب اهمال الاطفال والثقه العمياء التي نعطيها للعاملين لدينا.
وشكرا على الموضوع.

زهرة الربيع

31-10-2009, 04:53 AM

موضوع جميل وصح لسانج

بس اختي ما تتوقعين انج من زود شكج في الموضوع تخيلج انه يسوي شي يمكن كان يلعبها مثل ما قال ويجوفها مثل بنته ترى هم بشر يحبون نفسنا مو اذا رفيجي باس بنتي وعطاها عيديه استانس واذا باسها الهندي ادوس في بطنه وافضحه المسكين يمكن تسفر والسبه شكوكج, احسنوا الظن ولا تلتهون عن عيالكم.

وجزى الله كاتبه الموضوع خير الجزاء

شاكره لج مرورج العطر.... ياأختي الموضوع مب موضوع شك واني أنا شكيت بالهندي
الموضوع اللي شفته ماكان بهذي الصوره الطريقه ماكانت شريفه مع البنت ولولا الحياء
كنت وضحت بس أعتقد شرحي كان واضح ومفهوم مافي داعي لشرح التفاصيل الدقيقه واللي
اشوفه كل يوم عند باب المدارس لو بكتبه يبغلي مجلد للشرح وذكر الأحداث المؤلمه اللي
أشوفها ويشوفها غيري من الأمهات والأباء اللي يحضرون لأخذ أبنائهم من المدارس
ولو كل أم أهتمت وراعت الله في أولادها ماكان وصل الحال الى ماهو عليه الأن من مصايب
مالها أول ولا أخر

زهرة الربيع

31-10-2009, 05:01 AM

ريد قطر;5019293]كلامج صح بس اذا كانت الام مضطرة تشتغل واذا كان دوامها متـأخر والابو نفس الشي مضطرة تعتمد على الخدامة اتجيبها ومعظم الأمهات جذيه [/QUOTE]

ياأختي الله يعطيج العافيه... الأمهات الموظفات واللي يضطرون للذهاب لأعمالهم الحل
الوحيد لهم أهلهم خلي عيالج عند أهلج أو أهل زوجج أسلم وأستر وأحفظ لهم من مصايب
عجيبه وغريبه[COLOR="Red"] حرااااااااااااام يتعرضون لها في هذا السن حراااااام... لكن أني أخلي بنتي
ولا ولدي عند خادمه أو سائق هذي مصيبه... ]مثل ما البنت تتعرض للتحرش الجنسي ترى
حتى الولد والمصيبه كبيره في الأثنين[/COLOR

s o s o

31-10-2009, 05:22 AM

يااللـــــــــــــــــــــه
خوفتيني الصراحـــــــــــه
خلاص والله بنكسل الدريول وانا بطلع ليسن
استغفر الله العظيم

اهل قطر

31-10-2009, 06:30 AM

السلام عليكم ورحمة الله
جزاك الله خير على هالموضوع
للاسف اخواتنا هداهم الله ان كفاهم احد المسؤوليه فرحوا بها ولا نعلم مقدار الثقه بهم وتركنا لهم الحبل على الغارب
صادف يوم من الايام ان ذهبت الى اللولو هيبر ماركت اول ما فتح الصبح
الا كل دريوم يدز له جاري فيه ياهل والخدامه تتلقط
وهو قايم بدور الاب
واليهال صغار ما يدركون شيء , وهو ضحك وتلمم وسوالف مع الي في الجاري
يومها لقيت اكثر من 10 حالات
وقتها عرفت السر
وصلوا العيال المدرسه وهالياهل في البيت في كبدهم خذوه معاهم ومروا يتمشون
ولا حسيب ولا رقيب

روح-قطر

31-10-2009, 06:34 AM

اذا المستشفى يطرشونهم مع الخدامه ماعرف شنو عذرهم..

الله يعين ويحنن قلوب هالامهات على عيالهم..

طلعة الروح

31-10-2009, 06:44 AM

ماعرف بشنو ارد من هول الصدمه...............
بس كله بذمة الامهات والاباء انشالله
اللي هاملين عيالهم بهالعمر وقاطين مسؤولية تربيتهم عالخدم
حسبي الله ونعم الوكيل شهالقلب هذا
صراحه في وايد امهات مهملات اييبون ويقطون البيبي عالمربيه
لين ما يحبها الياهل ويناديها يمه ويحبها اكثر من امه الصجيه
والام عادي مستانسه ومنشغله بحياتها انا اقول ليش تيبونهم اذا منتوا قد تربيتهم ولا بس عشان محد ينقد عليكم ويقول وعليييه ماعندهم عيال يعني حتى بالعيال بتفاشرون الحمدلله والشكر هذي مسؤوليه خطيره مب بس تعال جيبهم وقطهم

شيخة الجزيرة

31-10-2009, 09:31 AM

اختي كلامج صحيح وبيض الله وجهك على تصرفك السليم

لكن في حالات كثييييييييييييره ومن سنييييييييييييين ومحد يدري عنهم.

100% الشذوذ إلي ظهر في المجتمع والجنس الثالث هذي من تعليم الخادمات والسائقين... فآبائنا وأجدادنا رحمة الله عليهم ماسمعوا ولا شافوا هالمناكر وكان المجتمع على أيامهم نظيييييييييييف.

كلكم راع وكلكم مسؤول عن رعيته.

جربوا روحوا المدرسة قبل لا ينفتح الباب واسمعوا صوت المحادثات... والله تحسون انكم في قفص دجاج من قا قا قا قا "حديث الخادمات الفلبينيات" تتلفت يمين ويسار يادوب تحصل كم ام قطرية وكم ابو قطري.

الله يرحمنا برحمته.

ساحل الشمال

31-10-2009, 09:49 AM

الله يجزيكم خير على هالموضوع الحساس والحقيقة ان المسئولية مشتركة وعامه على الجميع بداية من الدولة ممثلة بوزارة الداخلية ومراقبة تصرفات السائقين والخادمات عند المدارس او الجامعات او المستشفيات ،وكذلك الام والاب والاهل عليهم المسئولية الكاملة والمباشرة ، وكذلك مسئولية المجتمع ووجود الغيرورين من امثال الاخت الكاتبة حفظها الله ، والمجتمع مطالب بحماية الايناء من هذه الاعتداءات المستمرة .

مرتبش

31-10-2009, 10:56 AM

مشغولين الامهات في السهرات والسوالف والمناسبات الاجتماعية
والاباء مشغولين اكثر في الطلعات والسفرات والبر والبحر

واليهال لهم الله

شوفو بنفسكم كم ام او اب يلعبون عيالهم في المجمعات... ولا قطري او قطرية رغم اليهال كلهم قطريين

زهرة الربيع

31-10-2009, 11:09 AM

شاكره للجميع من كل قلبي مشاركاتكم ومداخلاتكم في الموضوع.... اللي حسيت بشعور غريب في كتابته
هذه المشكله كبيره جدا.... وحلها الوحيد هي بيد الأهل نفسهم وحرصهم على أطفالهم ومراقبتهم لكل صغيره
وكبيره تصير داخل البيت وخارجه.... والحذر ... الحذر... الحذر من الأهمـــــــــــــــــــــــــال... لأن الأهمال
يسبب مصايب أطفالنا في غنى عنها والأهالي في غنى عنها بعد ولأن علاج مثل هذي الأمور يبغيلها
سنين طويله والله أعلم تجيب فايده أولأ

لله الحمد

31-10-2009, 11:13 AM

صدقتي باللي كتبتيه

بقولكم سالفه بعد مستوية مع رفيجي لانه في النجدة مادري الفزعه

محصل سيارة داخل بيت مهجور .. دش عليهم لقى دريول .. وصبي

في عمر 8 او 9 سنين ..

الدريول يفعل فيه الفاحشة .. ضرب الدريول لييي ما برد غليلة شوي

وعقب سأل الصبي .. شيسوي فيك الدريول ؟

قال كل يوم نروح هالمكان ويفصخني ..

اذا بنروح نجيب خبر للبيت

يمكن السالفه جريئة .. ولكن لعلها تكون عبرة لبعض المشاهدين

اتقووووووا الله ..في اعيالكم فتحوا عيونكم .. يا امهات

جرح الزمان

31-10-2009, 11:18 AM

هذه نعمة من نعم الله علينا فيجب ان نحافظ عليها وأن نشكر المولى عز وجل على نعمه

هذه أمانه أمانه أمانه ( ثقيله) نحن مؤتمنين عليها فلنحافظ على هذه الامانه ولنحاسب انفسنا على التقصير

هذا الطفل / الطفله قد يكون ولد صالح يدعوا لنا بعد ان نفارق الدنيا وتنقطع اعمالنا او يكون العكس

اخواني واخواتي الموضوع محتاج وقفه مع النفس ومحاسبه وتغير سلوك

بنتكم

31-10-2009, 11:38 AM

امانه امانه امانه ,,, كلامج بالصميم والله يهدي الامهات اللي موكلين كل شي لهمـ :weeping:

والله شي يحزن شي يحزن الله يرحمنا برحمة ويقدرنا ع تربية اولادنا ع اكمل وجه

الله عليهم اللي مايخافون الله في هـ الاطفال

ماقصرتي اختي ورد وشوك ع حرصج وتنبيهج يعطيج ربي العافيهـ

miss-qatr

31-10-2009, 12:11 PM

شيخة الجزيرة

31-10-2009, 01:37 PM

جزااك الله خير اختي على هالتنبيه

وفعلاً اتحسين انتكاسه جايه لأغلب الأسر القطريه ..صار دور الأم مقتصر على الحمل والولاده والإشراف وترك التربيه للخدم

ماادري من زود الرفاهية اللي جات المجتمع فجأه !!!! ولا عدم تحمل المسؤوليه !!

حتى لو قلنا يقلدون الغرب ..... في هذي غلطانين

شوفو الأجانب واعيين أكثر لهذه المسأله لأنها منتشره عندهم ويناقشونها ويحاولون يوعون عيالهم فيها ولهم مؤسسات تحارب هالنوع من الإساءه

أنا مااقول انهم أحسن منا بالعكس احنا بدينا ممكن انكون أحسن منهم

لكن للأسف بعض الأمهات شعارهم (( راحتي وبسسسس)

صحيح كلامك اختي

شوفوا المدارس الأجنبية وشوفوا من ياخذ عيال الأجانب.

يا الأم يا الأب... على الرفاهية الي محصلينها في الدوحة وعلى لارواتب الخيالية وعلى المناصب إلي محصلينها.... حزة الظهر تحصلهم شايلين عيالهم بنفسهم.

لاقالوا الشغل ما خلص ولا قالوا الشغل أولى من العيال.

واقعي وصريح

31-10-2009, 01:59 PM

محد فاضي لا ابو ولا ام

والله المستعان

جزاج الله خير اختي الفاضلة

المخباط

31-10-2009, 02:20 PM

اذا الام والاب مشغوليين ما يقدرون يجيبون عيالهم
مالهم الا باصات المدارس على الاقل آمان عليهم

المها قطر

31-10-2009, 03:16 PM

صدقتي اختي ورد وشوك
والله شفت بعيني في رمضان اللي طاف دريولية اثنين واحد يتزلق في ولد صغير من جنسية عربية وناديت الدريول انت وشو تسوي مع الولد قال هذا بيت انا يشتغل وقمت ناديت الولد انت وين تبيتكم قال بيتنا هنا قريب\
وفية واحد بنقالي يتلصق في الصبي شكيت فيهم قلت لة روح بيتكم الحين قال حاضر...
ودخلت سوبر ماركت وبعد ما اخذت اغراضي طلعتومريت نفس الطريق اللي ورا المؤدي لسوبرماركت فاميلي فود سنتر

0
الا الولد الصغير داخل السيارة مع البنغالي
عند سوبرماركت (الفاميلي فود سنتر) واحد من الدريولية يسوي نفسة يغسل السيارة ليبعد الشبهة وواحد داخل السيارة مع الولد والله ماعرفت وشلون اتصرف لان الوقت ليل ورمضان...رجاء عدم ترك الاطفال يطلعون بروحهم وارجو من الامهات عدم خروج الاطفال سواء بالليل او النهار لاي سبب كان

الجووري

31-10-2009, 04:08 PM

جـــــــزااااااج الله خير على اللي سويتيه وكثر الله من امثااااالج

انا صادفت موقف بصالون الاطفال وانتي بمدرسه ونوهت على اللي شفته عل وعسى من معتبر والله يهدي امهات واباء الاطفال اللي مالهم ذنب

زهرة الربيع

31-10-2009, 04:41 PM

جزااك الله خير اختي على هالتنبيه

وفعلاً اتحسين انتكاسه جايه لأغلب الأسر القطريه ..صار دور الأم مقتصر على الحمل والولاده والإشراف وترك التربيه للخدم

ماادري من زود الرفاهية اللي جات المجتمع فجأه !!!! ولا عدم تحمل المسؤوليه !!

حتى لو قلنا يقلدون الغرب ..... في هذي غلطانين

شوفو الأجانب واعيين أكثر لهذه المسأله لأنها منتشره عندهم ويناقشونها ويحاولون يوعون عيالهم فيها ولهم مؤسسات تحارب هالنوع من الإساءه

أنا مااقول انهم أحسن منا بالعكس احنا بدينا ممكن انكون أحسن منهم

لكن للأسف بعض الأمهات شعارهم (( راحتي وبسسسس)

أختي معاج حق نعم وللأسف الشديد صاروا الأجانب هم اللي يوعون ويفهمون أطفالهم
لمثل هذه الأمور وبطرق علميه مدروسه وهذا بسبب كثره المصايب والحالات النفسيه
اللي أنتشرت عندهم....
لكن أحنا العرب...(( خير أمه أخرجت للناس)) للأسف الشديد والمحزن أن أبسط الأمور
صرنا مب قادرين عليها وهي تربيه أطفالنا وحمايتهم ورعايتهم رعااااااايه صحيحه
سليمه أحنا المسلمين شوفوا الى وين وصلنا!!!!!!!!!!!!!!!!!!!!!!

خوي الشوق

01-11-2009, 10:22 AM

وايد ناس وجوهم مب وجوه اعيال وياليتهم ماتزوجو خساره فيهم العيال وجزاج الله خير صاحبة الموضوع وكثر الله من امثالج

وتبقى الدنيا حلوه

01-11-2009, 10:53 AM

لاحول الله ...

PARIS

01-11-2009, 03:27 PM

لاحول ولا قوة الا بالله العلي العظيم ........الله يحفظ اولادنا واولاد المسلمين.................