المساعد الشخصي الرقمي

مشاهدة النسخة كاملة : خبر سار : قاعات اعراس بأسعار رمزية


إنسان عادي
31-10-2009, 02:52 AM
أعتقد هالخبر بيفرحنا كلنا وخصوصا انا ، لاني بودع العزوبية اخيرااااااااااا :victory:

الخبر هو :


إنشاء قاعات بأسعار رمزية للأفراح



كشف الشيخ جاسم بن جبر آل ثاني مدير إدارة حماية المستهلك بوزارة الاقتصاد والتجارة عن حلول عملية لمواجهة غلاء قاعات الأفراح من شأنها ان توفر هذه المرافق بأسعار مناسبة للمواطنين.

وقال الشيخ جاسم في تصريح لبرنامج الدار: ان حماية المستهلك تبحث حاليا مع مؤسسات المجتمع المدني كالجمعيات الخيرية والنوادي الرياضية سبل قيام هذه المؤسسات بإنشاء قاعات الأفراح في أماكن مختلفة بالدولة وتأجيرها بأسعار رمزية للمواطنين مشيرا الى ان الامر بحاجة الى اصدار التراخيص وتحديد الأراضي التي ستقام عليها هذه القاعات.


المصدر : الراية (http://raya.com/site/topics/article.asp?cu_no=2&item_no=480760&version=1&template_id=18&parent_id=17)
ســـهم
31-10-2009, 02:57 AM
طيب تصدق لو قلت لك اني قارئ كتاب قبل عدة سنوات

انه سينشى صالات افراح وتكون تحت اسم شركه مساهمه قطريه ولكن لم ترى النور !!

هل هناك اشخاص اعترضوا على هذا الطرح لمصلحتهم الخاصه وتوقف انشاء هذه الشركه ام لا

الله أعلم

عموما دولتنا كريمه واحنا نستاهل والله يوفقهم .. :)
إنسان عادي
31-10-2009, 03:01 AM
طيب تصدق لو قلت لك اني قارئ كتاب قبل عدة سنوات

انه سينشى صالات افراح وتكون تحت اسم شركه مساهمه قطريه ولكن لم ترى النور !!

هل هناك اشخاص اعترضوا على هذا الطرح لمصلحتهم الخاصه وتوقف انشاء هذه الشركه ام لا


:secret:
العنيـــــد
31-10-2009, 03:10 AM
.
.
.


طيب تصدق لو قلت لك اني قارئ كتاب قبل عدة سنوات

انه سينشى صالات افراح وتكون تحت اسم شركه مساهمه قطريه ولكن لم ترى النور !!

هل هناك اشخاص اعترضوا على هذا الطرح لمصلحتهم الخاصه وتوقف انشاء هذه الشركه ام لا

الله أعلم

عموما دولتنا كريمه واحنا نستاهل والله يوفقهم .. :)


يجـوز أخوي سهـم أن كان ضايــع الكتاب وتوه لاقيـنة..
التوعيــة معميــة قصيرة النظر..
عيل وينهم عنااا هااااااااااا:anger1:
والله الموفق لما هو أصح وأنفع

.
.
.
سيزن
31-10-2009, 03:10 AM
إنشاء قاعات بأسعار رمزية للأفراح



كشف الشيخ جاسم بن جبر آل ثاني مدير إدارة حماية المستهلك بوزارة الاقتصاد والتجارة عن حلول عملية لمواجهة غلاء قاعات الأفراح من شأنها ان توفر هذه المرافق بأسعار مناسبة للمواطنين.

وقال الشيخ جاسم في تصريح لبرنامج الدار: ان حماية المستهلك تبحث حاليا مع مؤسسات المجتمع المدني كالجمعيات الخيرية والنوادي الرياضية سبل قيام هذه المؤسسات بإنشاء قاعات الأفراح في أماكن مختلفة بالدولة وتأجيرها بأسعار رمزية للمواطنين مشيرا الى ان الامر بحاجة الى اصدار التراخيص وتحديد الأراضي التي ستقام عليها هذه القاعات.

المصدر : الراية (http://raya.com/site/topics/article.asp?cu_no=2&item_no=480760&version=1&template_id=18&parent_id=17)


يعني وش كثر تأخذ من الوقت.... اصدار التراخيص وتحديد الأراضي ...غير بنيناها .


شكل هذا الكلام , من نوع البندول .


على كل حال نتفائل خير ان شاء الله .


وشكرا اخوي إنسان
روح-قطر
31-10-2009, 08:06 AM
عاد سبحاااااااااااااان الله امس كنا نتناقش انا وزوجي بهالموضوع قالي رفيجي راح يسال عن القاعه الملكيه قالوا له 86000الف انا ماصدقت بصراحه على ايامي قاعه سلوى ب40000الف..

قالي من فتره اتصلت وحده بوطني الحبيب وقالت انتوا طالبون البنات يخفون عالشباب من ناحيه الطلبات والمهر ليش ماتشوفون صرفه للقاعات..

يعني استغربت بصراحه اذا الملكيه ب86000اجل اللي بالدوحه والفنادق بكم؟؟

وعالطاري رفيجتي تقول اخطبت لولدها وحده من السعوديه تقول القاعه والشاي والقهوه والبوفيه طبعا ما تعدى 35000..

وحتى البطاقات تقول 300 بطاقه ب100 ريال..

نسمع ما نشوف:(
ابن مانع
31-10-2009, 08:40 AM
وعالطاري رفيجتي تقول اخطبت لولدها وحده من السعوديه تقول القاعه والشاي والقهوه والبوفيه طبعا ما تعدى 35000..

وحتى البطاقات تقول 300 بطاقه ب100 ريال..

نسمع ما نشوف
كلام صحيح 100 في 100
jajassim
31-10-2009, 09:03 AM
طيب تصدق لو قلت لك اني قارئ كتاب قبل عدة سنوات

انه سينشى صالات افراح وتكون تحت اسم شركه مساهمه قطريه ولكن لم ترى النور !!

هل هناك اشخاص اعترضوا على هذا الطرح لمصلحتهم الخاصه وتوقف انشاء هذه الشركه ام لا

الله أعلم

عموما دولتنا كريمه واحنا نستاهل والله يوفقهم .. :)

نعم ، توجد :secret:
ولد النواخذه
31-10-2009, 09:08 AM
عاد وين عرسنا وخلصنا وان شاء الله يفيد الي ماعرس
محمد الكعبي
31-10-2009, 10:24 AM
ياكثر صالات الافراح بس العروس وين؟:shy:
روح-قطر
31-10-2009, 10:59 AM
العروس موجوده في بيت اهلها ههههههههههههههه
محمد الكعبي
31-10-2009, 11:10 AM
عاد سبحاااااااااااااان الله امس كنا نتناقش انا وزوجي بهالموضوع قالي رفيجي راح يسال عن القاعه الملكيه قالوا له 86000الف انا ماصدقت بصراحه على ايامي قاعه سلوى ب40000الف..

قالي من فتره اتصلت وحده بوطني الحبيب وقالت انتوا طالبون البنات يخفون عالشباب من ناحيه الطلبات والمهر ليش ماتشوفون صرفه للقاعات..

يعني استغربت بصراحه اذا الملكيه ب86000اجل اللي بالدوحه والفنادق بكم؟؟

وعالطاري رفيجتي تقول اخطبت لولدها وحده من السعوديه تقول القاعه والشاي والقهوه والبوفيه طبعا ما تعدى 35000..

وحتى البطاقات تقول 300 بطاقه ب100 ريال..


نسمع ما نشوف:(

هذا كله مقدور عليه

بس المشكله يقولك ماتشوف العروس الا بعد الملكه:rolleyes2:
روح-قطر
31-10-2009, 11:24 AM
شددددددددددددددددددددخل عقب الملجه بالله ما ارتحت لها طلقها خيرررررررررر في شوفه شرعيه طالب بها ولا تتقاعس:)
استغفرالله
31-10-2009, 12:19 PM
دايما اخبارك سارة

مشكور على الخبر
الـقـاسـي
31-10-2009, 01:18 PM
اي متى عاد هالقاعات نشوفها ..
وليف قطر
31-10-2009, 01:36 PM
وعـــــــود


وحتى لو سووا قاعات بأسعار رمزيه

بيصير عيب ان حد يسوي عرس فيها

تتذكرون فندق شيزان اللي في بن عمران

كانت زحمه فيه :victory: ومافيه حجز :victory:

واليوم صار قديم و رخيص .. وبالتالي صار عيب ومال هنود :secret:



:rolleyes2:
ام رويشد
31-10-2009, 01:47 PM
وعـــــــود


وحتى لو سووا قاعات بأسعار رمزيه

بيصير عيب ان حد يسوي عرس فيها

تتذكرون فندق شيزان اللي في بن عمران

كانت زحمه فيه :victory: ومافيه حجز :victory:

واليوم صار قديم و رخيص .. وبالتالي صار عيب ومال هنود :secret:



:rolleyes2:

صح كلامك محد بيسوي فيها الا فئة قليلة بيقولون مالت فقاره
المحاميه
31-10-2009, 03:03 PM
الله يهداك انا شايفه الحلقه وقال احنا مانبي حلول سريعه .. نبي حلول جذريه .. وهالحلول تاخذ وقت.. يعني بتاخذ سنوات ..

ان شاء الله يمر الوقت بسرعه وتصير عندنا قاعات باسعار سنعه !!!
الهاجرية
31-10-2009, 03:49 PM
ان شاء الله نشوف هالقاعات باسرع وقت
لان الاسعار خيالية صراحة الشيراتون وصل 180 الف
ذبحوا خلق الله بهالاسعار كلها 4 ساعات ويخلص العرس
دار بومشعل
31-10-2009, 04:09 PM
يعطيك العافية
روح-قطر
31-10-2009, 04:45 PM
ول ول ول ليش 180000 رايحه جوله اوروبيه الله يرحم 40000الف
روح-قطر
31-10-2009, 04:46 PM
مع اني احس الفنادق ما تاثرت لا بازمه ور ارتفاع الاسعار اعراس وضيوف ومؤتمرات يعني شي يغطي النهيبه مو زينه
حليتان*
31-10-2009, 05:36 PM
المشكلة ان الناس ادور العالي

عشان الناس يقولون عرس فلان وسوه فلان
PARIS
31-10-2009, 10:12 PM
والله ايش الي حادهم عزيمة عشاء بالبيت والسلام ............الله يساعد الجميع .........آآآآآآآآمين
إنسان عادي
01-11-2009, 12:49 AM
والله ايش الي حادهم عزيمة عشاء بالبيت والسلام ............الله يساعد الجميع .........آآآآآآآآمين


الحين باقي لي العروس .. خلاص العرس بسويه في الفريج
ومن غير طبول ومصاريف ,, عشا والسلام ختام واستانس انا وزوجة المستقبل بهذي الاموال
الدوحي7
01-11-2009, 01:04 AM
مته علشان ادور لي بنت الحلال
الملكي 111
01-11-2009, 01:07 AM
تصدق لو يسوون القاعه بـ 10,000 بعد ماراح توفر الكثير

اقولك ليش

ليش طمعوا فينا اصحاب القاعات....؟ من مفوشر الحريم واللي يسوونه في الاعراس

من اسراف وتبذير على اشياء شكليه فقط على شان يقولون بيت فلان ماقصروا في عرسهم

وياليتها تنقال لااا حامض .

يعني اللي بتوفره منا بيقولون لك الحريم هاته منا على شان نحط ونحط ونحط :weeping:

خلها على ربك ايلين يتم هالمشروع يبيله كم طعش سنه الله يكون في عونهم المقبلين

على الزواج .
إنسان عادي
01-11-2009, 01:23 AM
تصدق لو يسوون القاعه بـ 10,000 بعد ماراح توفر الكثير

اقولك ليش

ليش طمعوا فينا اصحاب القاعات....؟ من مفوشر الحريم واللي يسوونه في الاعراس

من اسراف وتبذير على اشياء شكليه فقط على شان يقولون بيت فلان ماقصروا في عرسهم

وياليتها تنقال لااا حامض .

يعني اللي بتوفره منا بيقولون لك الحريم هاته منا على شان نحط ونحط ونحط :weeping:

خلها على ربك ايلين يتم هالمشروع يبيله كم طعش سنه الله يكون في عونهم المقبلين

على الزواج .

:weeping:
بوحارب
01-11-2009, 03:04 AM
الحين باقي لي العروس .. خلاص العرس بسويه في الفريج
ومن غير طبول ومصاريف ,, عشا والسلام ختام واستانس انا وزوجة المستقبل بهذي الاموال

الله يوفقك :)وعقبالي اخذ الثانية والثالثة والرابعة >>>> قربف:eek5:محد قالي اتكلم عن التعدد قدام الداخيلة :weeping:
[DieT]
01-11-2009, 05:05 AM
حتي لو سوا القاعات بالاسعار الرمزيه

بيطلعون بسالفه انا اسوي مثل فلانه لا ابي احسن .. الخ

المشكله في التفكير والعقليات

..
دلة الرسلان
01-11-2009, 06:34 AM
نسمع جعجعة ولا نرى طحنا

الموضوع ما يبغي ذيك الدراسات والتفكير العميق !! يا ناس الدول المحيطة بنا تنشىء القاعات

باسعار رمزية او بالمجان للناس للمساهمة في التخفيف من اعباء الحياة يعني الموضوع

بسيط أذا كان هناك توجه لحل مشاكل المجتمع وكانت النظرة للمصلحة العامة وليست مكاسب

فئة قليلة همها الربح وبس .
الخارجية
01-11-2009, 09:16 AM
في كل شي احتكار ... كيوتل ... شركة عبدالغني