تسجيل الدخول

مشاهدة النسخة كاملة : :::الجفــــــــــــــــا::: احم


The Master
31-10-2009, 10:19 PM
احم احم ثم احم

قد تتناثر علينا الاتربه...في اعبقه الانوار...وتتلاشى الخزعبلات...في حلقات مفرغه من الملازمات...فهل نحن من قوم احبوا المعتلات...ام قد انتهينا ولا هم يحزنون(بخصوص يحزنون..احم)

بالذمه ماقلتوا شسالفه؟؟؟
ما استغربتوا اني اكتب بالفصحى...عشان تعرفون بس...يبا لكتبنا كتبنا...(ولا كلمه راكبه مع الثانيه ولا جمله لها معني...يقول اعرف...عطه فورورد بس فورورد..احم)
بس نصيحه اقروها كنكم تقدمون برنامج الاتجاه المعاكس ترا تصلح...احم

حبيت اتفنتق شوي....المهم

ندخل في الموضوع....
اليوم جايب لكم موضوع حساس...جدا جدا حساس
مانطول في المقدمات...(كفايه اللي كاتبه فوق..احم)

وراح تعرفون الموضوع من الامثله

الامثله..اسمائهم فلان وعلان...وكل مثال موضوع لحاله...(للتوضيح فقط)


فلان...طرش مسج لعلان...علان كان مشغول وقتها...قرى المسج...وقال لما اخلص بارد على فلان...فلان للحين ينطر...علان خلص من شغله...وانشغل بشي ثاني...فلان يقول وينه علان ليه للحين مارد علي...علان نسى موضوع فلان والمسج...فلان يقول...مادري اطرش له مسج ثاني ولا تصل فيه؟؟...لا لا يبا كيفه مارد علي...ماراح اتنزل اطرش له او اتصل به مره ثانيه...علان...ساااهي ومشغول ومايدري عن شي...

فلان منبطح على السرير...يلعب الجوال...يشيك على الاسماء...قري اسم علان من زمان ما كلمه...امممم عطه مسح...ليش؟؟...يبا من صجك...لا يطرش مسجات ولا يدق...ليه احتفظ برقمه...مسوي لي زحمه...علان دايما يطرش مسجات ويتصل لفلان لكن محد يرد...علان عنده الرقم القديم لفلان...

فلان...قاعد في السياره ينتظر...قاعد يشيك على الرسايل...قرى اسم علان...حن قلبه...وتذكر سوالف وعلوم مع علان...قال خلني اتصل به...هون...وقال...دامه مايتصل خله يولي...ماراح اتصل به...كرامتي وعزتي ماتسمح لي اتصل...علان...مشغول في الدنيا ولاهي...ويمر في ظروف صعبه...ويبغي وقفة خوي معاه...

قاعدين في مجلس...ضحك سوالف...جا طاري علان...واذكروه بالخير...فلان انقلب وجهه...وقام ينقد في علان...ماعليكم منه تراه عيار...ومن تحت لتحت...قدامكم يسوي نفسه انه رجال...وماتدرون من وراكم وش يسوي...علان رجال فيه الخير...يتصل على الشباب لكن علاقته مع فلان مش ذاك الزود ومايتصل عليه...

حيالله فلان...يحييك ويبقيك...اخبارك مع علان...خله يولي زييين...افا ليه...يبا قاطع هذا...لا يسأل عن حد ولا شي...شايف نفسه على وشو...جاته كم بيزه سوى نفسه تاجر...لاني باتصل به ولا ابغي اكلمه...ترن ترن...هلا ومرحب...فلان...من علاااان؟...اي علاان اخبار علووووم...يالله حيهم علاااان عاش من سمع صوووتك ياولد...حيالله ذا الرجال...وينك ياخوي ماتبين...اشتقنا لك...مشتاق لك اكثر يا فلان.."بثانيه طاح حطب شهور"

فلان...هلا...جاك مسج...اي اي ياخي هذا من واحد مزعجني غثييييث ياولد...كيف؟...دايما يتصل يسأل...ويطرش مسجات...ملوع كبدي...لزقه لزقه مايفج...هو رجال طيب وفيه خير...اووه اشوفك ماسك الجوال...بترد عليه بمسج...لا لا من صجك...ها اجل ليه؟...خويي الروح بالروح ولزيمي صار لي 3 شهور اطرش له مسجات كل يوم واتصل عليه ومايرد علي حتى مره شفته في مجمع اصوت عليه فلان فلان سافهني؟؟!!!

الووووو...حبييييي فلااااان...هلا ومرحب علان...اخبار يا عديل الروح...طيب الله يسلمك...ياخي انت حبي الوحيد...يا مرحبا بك...بغيت سلف 2000 ريال...تامر امر...طيب دامه راعي مصلحه ليه ما تسفهه؟؟؟...شاسوي خويي ويعزني...متى اخر مره قعدتوا مع بعض؟؟...من 4 شهور...لانه هو دايما يسافر سياحه...فا ما اللومه...تعال الا اخبار اخوك؟؟...مادري عنه...متى اخر مره كلمته؟؟ يمكن سنه...انت قاطعه؟؟؟...لا لا بس...مره وحده جاني قال لي محتاج ابغي فلوس...عشان عياله...ماقمت اتصل فيه ولا ارد عليه...ياخي هالناس مايتصلون الا حق حااااجه!!!!...

فلان قاعد يختار اسماء للي بيطرش لهم مسج العيد...امممم لا لا هذا خله يولي ماعمره طرش لي مسج...لا لا هذا ماراح اطرش له لانه ماطرش لي مسج رمضان...لا لا هذا مسجاته سخيفه مايعرف يطرش شي عدل...لا لا هذا لما انا طرشت له مره وحده مسج الجمعه مارد علي...لا لا هذا وهذا...لا لا هذا وهذا...يالله خلصنا...باطرش الحين وعسي ربي يكتب لي اجر اللي يباركون للناس في العيد ويشاركونهم فرحتهم؟؟!!

فلان قاعد في المكتب يتعبث بالجوال...ها فلان مسجات ها يالتعبان...لا لا من صجك قاعد اشوف الارقام...وش تفكر فيه...واحد كان من اعز الناس لي وكان خوي روووحي صار لنا 10 سنين ربع...طيب الحين...صار لي فوق السنه ونص ماكلمته...ليييه؟...طرشت له مسج مارد علي من ذيك السنه...ومايطرش لي مسجات لا حق عيد او غيره...وكان في سوء تفاهم بسيط...

ترن ترن...هلا ومرحب...فلااان...هلا...عظم الله اجرك في علان...وشو؟؟؟ شتقول انت...اليوم علان توفى في حادث...لا لا مستحييييل...تعوذ من ابليس يا فلان...مايصير مايصيرررر...صار لي سنه ابغي اشوفه ماشفته بس عشان ما اتنزل واتصل فييييه...مشتاااق له...ابغي اقعد معااااه...ابغي اشووووفه...
فلان الحين ماراح ينفعك الندم...دام شي كنت تقدر تسويه وهو حي ليه ماسويته؟؟؟
انفعتك كرامك؟؟؟ انفعتك عزتك؟؟؟ انفعك كبرك وغرورك؟؟؟ في وصلك وقربك وسؤالك؟؟؟
تخيل لو كان علان
امك ابوك اخوك اختك عمك عمتك...هلك جماعتك ربعك

طبعا ماتسوي عليك...
لو تفكر فيها تراها كبسه زر وحده...وكم كلمه تطيح فيها حطب حتى وان كان مبني من سنين...ترا الكلمه الطيبه صدقه...وتشرح الصدر...والسؤال عن الناس يفرحهم...ويحسسهم بالانتماء والاهميه والوصال...

لا تكبرووون المواضيع في راااسكم...وتقولون ليه وليه وليه...ياخي خذ الجوال واتصل...لا تفكر واجد...لا تقول ياخي هو يبغيني خله يتصل او ماني بقاط نفسي عليه...انت سو اللي عليك واللي يرضي ضميرك ويريحك والباقي على الله...وصدقني انت الربحان في النهايه...

ودايما تعذر لخويك الاعذار...واحسن الضن...ولا تاخذ الاحكام من تصرف واحد او اثنين...خلك حكيم وعاقل...

اتمنى رسالتي اوصلت...
الموضوع شوي طويل...بس لازم يكون كذلك...
وهالكلام اوجهه لنفسي اولا...عسى ربي يصلحنا يارب...واقدمها لكم عسى ربي يصلح احوالنا ويجعلنا من اللي يوصلون الناس بالخير يارب...

اخوكم The Master
علي
عاشقة الطاووس
31-10-2009, 11:16 PM
بصراحة اسلوبك روووووعه ... خليتني صج صج صج اعيش بالقصه واتخيل كل مشهد فيها


القصه ما زالت مأثره فيني .. ويارب ما اكون في موقف فلان :weeping:



اهنيك على طريقة الطرح :victory:
طلعة الروح
31-10-2009, 11:20 PM
دامه مايتصل خله يولي

هالجمله صرنا نسمعها بكثره هالايام الناس صاير فيها كبر وعزة نفس على اللي يسوى واللي مايسوى...........
موضوع واقعي وع الجرح واكيد ناس وايد عاشوا او يعيشون هالمرحله بشكل أو بآخر
واتمنى انهم ينزلون من هالبرج العاجي في النهايه هم بقرارة انفسهم عارفين انهم على خطأ وانه ماينفع غير العمل الطيب خصوصا مع الناس اللي نحبهم ويحبونا بصدق وبدون مصلحه.............

تقبل مروري
Mozanee
31-10-2009, 11:25 PM
المقدمة تخوف أنا قلت اشلون بفهم!!!! زين اللي غشمرة ..:anger1:

بالنسبة اللي كرامته تنئح عليه أنا دايما أطرش حق ربعي رسالة ورا رسالة

وما أحصل رد من بعضهم وأقول معليش التمس لأخيك سبعين عذر يمكن مشغولة

وأرد أطرش وما أزعل ولا أحط في خاطري ...:telephone:

وذكرت عن التناقضات عند بعض البشر تلاقي يجافي أقرب الناس له ...ويعامل الناس

بمزاجيه .


موضوع ملئ ب... لا مهاترات والموتافيزيقات وما وراء الطبيغة ...أكيد مافهمت شي ؛

وحدة بوحدة :tease: ..ماشالله موضوع مميز كالعادة
joody6005
31-10-2009, 11:31 PM
ترن ترن...هلا ومرحب...فلااان...هلا...عظم الله اجرك في علان...وشو؟؟؟ شتقول انت...اليوم علان توفى في حادث...لا لا مستحييييل...تعوذ من ابليس يا فلان...مايصير مايصيرررر...صار لي سنه ابغي اشوفه ماشفته بس عشان ما اتنزل واتصل فييييه...مشتاااق له...ابغي اقعد معااااه...ابغي اشووووفه...
فلان الحين ماراح ينفعك الندم...دام شي كنت تقدر تسويه وهو حي ليه ماسويته؟؟؟
انفعتك كرامك؟؟؟ انفعتك عزتك؟؟؟ انفعك كبرك وغرورك؟؟؟ في وصلك وقربك وسؤالك؟؟؟
تخيل لو كان علان
امك ابوك اخوك اختك عمك عمتك...هلك جماعتك ربعك


من اكثر العبارات المؤثره بالقصه وهذه حقيقتنا اليوم

احسنت وبارك الله فيك ابدعت ثم ابدعت ثم ابدعت

الله يجعله في ميزان حسناتك
روح-قطر
01-11-2009, 12:37 AM
احمممممممممممممممممممممممممممممممممممممممممممممممم ممممم السالفه لمن ههههههههههه..

كنت انتظرك تنزل الموضوع علشان اتكلم،، صديقاتي 3خوات المهم انا من نوعيه اشره وينج وليش ما اتصلتي وقاطعه وهالحركاااات عودوني اني ما اشره واخلي الامور عاديه كل شي تمام الحين طيب وين المشكله..

الله يسلمك كنت ضايقه قلت لها بمر عليج وكانت عندها كم شغله طلعنا وقضيناها ورجعنا لبيوتنا عقبها اختها تتصل فيني وتسولف عادي واسالتني سؤال انتي زعلانه على قولتك فلانه قلت لا تقول هي تسال المهم اتصلت فيها ما ترد حرقت جوالها ماااااااااااااااااااااااااترد طرشت مسجات ردت نفسيتي تعبانه ومابي اتهاوش فطنشتهاااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااا..


المهم هو الاكيد باذن الله بيطيح الحطب لانه عشره سنين يوم طاح الحطب قالت لي انا زعلت لانج ما سالتي عني صج بطت جبدي خخخخخخخخخخخخخخخخخخخخخخ قبل هم يقولون لا تشرهين ويوم ماشرهت زعلوا والمشكله اني ما سالت يمكن 5 ايااااااااااااااااااام بس..

يعني بهالحاله مو مساله كرامه ولا يحزنون بس القصد المعامله بالمثل..

عاد شوف الصدفه الغريبه وقلت لها اليوم طلعت جوال من فتره ما استخدمته فتحته الا مسجات بيني وبينها اقول لها ليش ما اتصلتي قالت مشغوله قلت لها خفي علينا وراج الديوان.. وطرشت لي هالمسج..

(( ساكتب على حجر وحشتيني،، واتمنى ان يسقط على راسك،، لتعلمي كم هو مؤلم غيابك))..

قالت اجل شكلنا ما بنخلص من المحاسب خخخخخخخخخخخخخ

وهاذي كل السالفه:)

وتسلم مع انك تاخرت وتصافينا وزرنا بعض ههههههههههههههههههه
The Master
01-11-2009, 08:48 AM
بصراحة اسلوبك روووووعه ... خليتني صج صج صج اعيش بالقصه واتخيل كل مشهد فيها


القصه ما زالت مأثره فيني .. ويارب ما اكون في موقف فلان :weeping:



اهنيك على طريقة الطرح :victory:

هلا ومرحب اختي عاشقه الطاؤس
اشكرك واحييك على هالكلام الطيب والمشجع...والحمدلله ان الاسلوب اعجبك...والاهم من ذلك كله...هو تاخذين تلفونج وتشوفين من مقصره من صوبه وتطرشين مسج او اتصال للسلام...احم

وهالمواقف اللي انذكرت هي واقع...وتصير كل يوم...لنا او لغيرنا...
فا انا ذكرتها للتذكير...وايقاظ العقول والقلوب...لتدارك المواقف...ولازم يعرفون ان الوصل واجب...والدنيا كلها ايام...ماتدري متى تموت...فا ما سوت عليك كبر راسك او عنادك...

عساج ماتفقدين غالي يارب...والله لا يحطج في هالمواقف يارب...

من يشوف الناس بعيون الابداع فا هو مبدع اختي...اشكرك على ثنائك الجميل والطيب...بارك الله فيج

ويامرحبا بج
ولاهنتي على التواجد الجميل
هتـان قطر
01-11-2009, 09:12 AM
الماستر يعطيك العافية على النصيحة ..اللي الكل محتاجها

انت عرضت علينا عينات كثيرة ونشوفها شوف العين واحيانا

احنا نعيشها..ولكن دايما تستوقفني عينه وحدة بالذات..

الشخص الواصل في اصحابة..القاطع في اقاربه !!!!

كم شخص بينا اصحابة بالعشرات وما شالله عليه متواصل معهم

بشكل رائع وهذا شي طيب..ولكن لو سألته كيف حال عمتك او خالتك

او اي قريب له خصوصا النساء..هل بيكون متواصل معهم مثل ما هو

متواصل مع ربعه ..؟؟

اعرف ناس علاقاتهم الاجتماعية واندماجهم بالمجتمع ممتاز

ولكن علاقتهم بارحامهم ..مقطوعة..!!!

يا ناس الرحم ..ثم الرحم ..ثم الرحم..

"فهل عسيتم إن توليتم أن تفسدوا في الأرض وتقطعوا أرحامكم أولئك الذين لعنهم الله فأصمهم وأعمى أبصارهم"
فقرن الله عز وجل في هذا الاستفهام الإنكاري بين الفساد في الأرض وقطيعة الرحم لأنهما من جنس واحد، وتوعد قاطع الرحم بالعمى واللعن والطرد من رحمته تعالى.

وقد جاء أيضًا في الحديث أنه أول ما خلق الله الرحم تعلقت بعرش الرحمن وقالت: هذا مقام العائذ بك، فقال لها: ألا ترضين أن أصل من وصلك وأقطع من قطعك ؟ قالت : بلى ، قال : فذلك لك.
شجرة الدر
01-11-2009, 01:59 PM
مساء الخير ،،the master وصلت الرساله وبطريقه ووايد حلوه ،، إنشاء الله في ميزان حسناتك ،،

سبحان الله الدنيا ماتسوى عند الله جناح باعوضه ،، واحنا كل منا يدور على الثاني الزله ،،

بس اتوقع لهالرساله اثرها لكل من يقرأها ،،

جزاك الله خير ،،
black@white
01-11-2009, 02:37 PM
اسلوب وطريقه سرد رائعين
قصه فلان وعلان تمر علينا جميعا في حياتنا باختلاف المواقف
والمؤسف ان الواحد يتعالى على صديق او قريب يكن له الحب ويتمنى وصله فيتجافاه ويبحث عن البعيد
ما اصعب ان يفقد انسان اي شخص في حياته سواء يحبه اولا يسال عنه ام جفاه
المحزن فقدان هذا الشخص من الحياه وعدم القدره للوصول اليه والاعتذار له

(احزنتني القصه)
روح الاطلس
01-11-2009, 03:12 PM
اسلوبك حلو بس تكفى لا عاد تستخدم كلمة احم << تنرفز
(بوعوف)
01-11-2009, 04:00 PM
انا افضل الاتصال ، لانه فيه تواصل انساني ،ما احب المسجات الا للمناسبات
ومشكور ذا ماسترعلى الموضوع بجد حلو واسلوب رائع
The Master
02-11-2009, 03:00 AM
هالجمله صرنا نسمعها بكثره هالايام الناس صاير فيها كبر وعزة نفس على اللي يسوى واللي مايسوى...........
موضوع واقعي وع الجرح واكيد ناس وايد عاشوا او يعيشون هالمرحله بشكل أو بآخر
واتمنى انهم ينزلون من هالبرج العاجي في النهايه هم بقرارة انفسهم عارفين انهم على خطأ وانه ماينفع غير العمل الطيب خصوصا مع الناس اللي نحبهم ويحبونا بصدق وبدون مصلحه.............

تقبل مروري

هلا ومرحب اختي طلعة الروح
تشكرين على هالاضافه الجميله...وصدقتي في ماقلتي...بارك الله فيج...
مرورج مقبول اختي بدون طلب...

يامرحبا بج
ولاهنتي على التواجد
تغلبية
02-11-2009, 03:17 AM
ارحم الله والديك يالشيخ ... موضوع معانيه كبيرة ... واسلوبه مؤثر
وكل المواقف حيه .. ومن الصميم وفي الصميم

:

تصدق يا راعي اصطراليا
وقفتني أعبقة الأنوار !! وشرت عندها
ياربي .. اش يقصد الكاتب؟؟؟؟ .. فوق تحت
عصرت مخي ابي اعرف اعبقة .. فسرتها ممرات الأنواربس علشان اكمل الموضع.. اشدخل... مادري :nice:
The Master
02-11-2009, 11:24 AM
المقدمة تخوف أنا قلت اشلون بفهم!!!! زين اللي غشمرة ..:anger1:

بالنسبة اللي كرامته تنئح عليه أنا دايما أطرش حق ربعي رسالة ورا رسالة

وما أحصل رد من بعضهم وأقول معليش التمس لأخيك سبعين عذر يمكن مشغولة

وأرد أطرش وما أزعل ولا أحط في خاطري ...:telephone:

وذكرت عن التناقضات عند بعض البشر تلاقي يجافي أقرب الناس له ...ويعامل الناس

بمزاجيه .


موضوع ملئ ب... لا مهاترات والموتافيزيقات وما وراء الطبيغة ...أكيد مافهمت شي ؛

وحدة بوحدة :tease: ..ماشالله موضوع مميز كالعادة

هلا ومرحب اختي موزاني...
احم احم...اهم شي المقدمه...خذت شهر وانا اكتب فيها...(اي هين...عطه فورورد بس فورورد...احم)

ماشاء الله...احسنتي اختي في الاضافه الجميله...والتعقيب المثري...عسى ربي يهدي الجميع...وينور عقولهم للصح...
واتمنى الجميع كذلك يستفيد من صبرج وتعاملج مع الناس...بارك الله فيج...وجعلج ماتفقدين غالي يارب

احم...اهم شي المهاترات الموتافيزيقات...

التميز في حضورج اختي...
ويامرحبا بج
ولاهنتي على التواجد الطيب
The Master
02-11-2009, 11:27 AM
ترن ترن...هلا ومرحب...فلااان...هلا...عظم الله اجرك في علان...وشو؟؟؟ شتقول انت...اليوم علان توفى في حادث...لا لا مستحييييل...تعوذ من ابليس يا فلان...مايصير مايصيرررر...صار لي سنه ابغي اشوفه ماشفته بس عشان ما اتنزل واتصل فييييه...مشتاااق له...ابغي اقعد معااااه...ابغي اشووووفه...
فلان الحين ماراح ينفعك الندم...دام شي كنت تقدر تسويه وهو حي ليه ماسويته؟؟؟
انفعتك كرامك؟؟؟ انفعتك عزتك؟؟؟ انفعك كبرك وغرورك؟؟؟ في وصلك وقربك وسؤالك؟؟؟
تخيل لو كان علان
امك ابوك اخوك اختك عمك عمتك...هلك جماعتك ربعك


من اكثر العبارات المؤثره بالقصه وهذه حقيقتنا اليوم

احسنت وبارك الله فيك ابدعت ثم ابدعت ثم ابدعت

الله يجعله في ميزان حسناتك

هلا ومرحب جووودي
يا مرحبا بج...وياهلا

اهم شي اعجبك الموضوع...والاسلوب...والحمدلله كله من فضل ربي...
والابداع بتواصلكم...ومن يشوف الابداع فا هو مبدع...

امين يارب...والله يجزاك خير على الكلام الطيب...

يامرحبا بج دوووم وكل يوووم...
لاهنتي على التواجد
The Master
02-11-2009, 11:44 AM
احمممممممممممممممممممممممممممممممممممممممممممممممم ممممم السالفه لمن ههههههههههه..

كنت انتظرك تنزل الموضوع علشان اتكلم،، صديقاتي 3خوات المهم انا من نوعيه اشره وينج وليش ما اتصلتي وقاطعه وهالحركاااات عودوني اني ما اشره واخلي الامور عاديه كل شي تمام الحين طيب وين المشكله..

الله يسلمك كنت ضايقه قلت لها بمر عليج وكانت عندها كم شغله طلعنا وقضيناها ورجعنا لبيوتنا عقبها اختها تتصل فيني وتسولف عادي واسالتني سؤال انتي زعلانه على قولتك فلانه قلت لا تقول هي تسال المهم اتصلت فيها ما ترد حرقت جوالها ماااااااااااااااااااااااااترد طرشت مسجات ردت نفسيتي تعبانه ومابي اتهاوش فطنشتهاااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااا..


المهم هو الاكيد باذن الله بيطيح الحطب لانه عشره سنين يوم طاح الحطب قالت لي انا زعلت لانج ما سالتي عني صج بطت جبدي خخخخخخخخخخخخخخخخخخخخخخ قبل هم يقولون لا تشرهين ويوم ماشرهت زعلوا والمشكله اني ما سالت يمكن 5 ايااااااااااااااااااام بس..

يعني بهالحاله مو مساله كرامه ولا يحزنون بس القصد المعامله بالمثل..

عاد شوف الصدفه الغريبه وقلت لها اليوم طلعت جوال من فتره ما استخدمته فتحته الا مسجات بيني وبينها اقول لها ليش ما اتصلتي قالت مشغوله قلت لها خفي علينا وراج الديوان.. وطرشت لي هالمسج..

(( ساكتب على حجر وحشتيني،، واتمنى ان يسقط على راسك،، لتعلمي كم هو مؤلم غيابك))..

قالت اجل شكلنا ما بنخلص من المحاسب خخخخخخخخخخخخخ

وهاذي كل السالفه:)

وتسلم مع انك تاخرت وتصافينا وزرنا بعض ههههههههههههههههههه

هلا ومرحب اختي روح-قطر
شرفتي ويامرحبا بج...

اشفيييييييها اللي تنطر...لا واخرتها تقول انتهت السالفه...احم

الحمدلله اهم شي طاح الحطب...وهذا حال او نهايه كل صداقه طيبه...وصالحه

الا اهم شي الحجر...في قول اخر حصاه....وفي رواية اخرى صلال...(عطه فورورد بس فورورد...احم)

يامرحبا بج اختي
ولاهنتي علي التواجد الطيب...والاهم ان عرفنا انكم تصالحتوا...نعم نعم...اهم شي انكم تصالحتوا...نعم نعم...الا باسأل صدق تصالحتوا ولا تمويه؟؟؟ احم
نمزح
The Master
02-11-2009, 11:52 AM
الماستر يعطيك العافية على النصيحة ..اللي الكل محتاجها

انت عرضت علينا عينات كثيرة ونشوفها شوف العين واحيانا

احنا نعيشها..ولكن دايما تستوقفني عينه وحدة بالذات..

الشخص الواصل في اصحابة..القاطع في اقاربه !!!!

كم شخص بينا اصحابة بالعشرات وما شالله عليه متواصل معهم

بشكل رائع وهذا شي طيب..ولكن لو سألته كيف حال عمتك او خالتك

او اي قريب له خصوصا النساء..هل بيكون متواصل معهم مثل ما هو

متواصل مع ربعه ..؟؟

اعرف ناس علاقاتهم الاجتماعية واندماجهم بالمجتمع ممتاز

ولكن علاقتهم بارحامهم ..مقطوعة..!!!

يا ناس الرحم ..ثم الرحم ..ثم الرحم..

"فهل عسيتم إن توليتم أن تفسدوا في الأرض وتقطعوا أرحامكم أولئك الذين لعنهم الله فأصمهم وأعمى أبصارهم"
فقرن الله عز وجل في هذا الاستفهام الإنكاري بين الفساد في الأرض وقطيعة الرحم لأنهما من جنس واحد، وتوعد قاطع الرحم بالعمى واللعن والطرد من رحمته تعالى.

وقد جاء أيضًا في الحديث أنه أول ما خلق الله الرحم تعلقت بعرش الرحمن وقالت: هذا مقام العائذ بك، فقال لها: ألا ترضين أن أصل من وصلك وأقطع من قطعك ؟ قالت : بلى ، قال : فذلك لك.

هلا ومرحب اختي هتان قطر....
ويعافيك يارب...ويامرحبا بك...

اشكر لك تواجدك وطرحك لنقطه مهمه...واحسنتي بذلك...

وهذا واقع...لكن هم بعد اللوم ينصب على اهاليهم كان الاب او الام...ما علموهم الوصل للارحام...او يشوفون الاب او الام مطنشين فا هم يطنشون...سواتهم...

وهذا لا يخليهم من المسؤوليه...فهم يتحملونها كذلك...كلن له عقله...ويعرف الصح من الغلط...

هداهم الله...واصلحهم يارب...

يامرحبا بج
ولاهنتي على التواجد الجميل والمثري
The Master
02-11-2009, 12:04 PM
مساء الخير ،،the master وصلت الرساله وبطريقه ووايد حلوه ،، إنشاء الله في ميزان حسناتك ،،

سبحان الله الدنيا ماتسوى عند الله جناح باعوضه ،، واحنا كل منا يدور على الثاني الزله ،،

بس اتوقع لهالرساله اثرها لكل من يقرأها ،،

جزاك الله خير ،،

هلا ومرحب اختي شجرة الدر...
تشمرين على الكلام الطيب...والحمدلله الموضوع وطريقة سردي اعجبتكم...والاهم انها توصل لاكبر فئه من الناس...عساها تقتنع..وتصلح نفسها واللي معاها...

في ميزان حسنات الجميع يارب...وفي من اوصلها للغير...وكانت نيته الاصلاح بين الناس...

وجزاك يارب...
ويامرحبا بك
ولاهنتي على التواجد الطيب
روح-قطر
02-11-2009, 03:39 PM
لا تصالحنا او بالاصح تعتابنا وانتهت المشكله لانها صداقه سنين بس المشكله باللي نعرفهم من فتره وما يطرشون الا بالعيد والا رمضان هاي اللي شالحل معاهم..
The Master
02-11-2009, 06:17 PM
اسلوب وطريقه سرد رائعين
قصه فلان وعلان تمر علينا جميعا في حياتنا باختلاف المواقف
والمؤسف ان الواحد يتعالى على صديق او قريب يكن له الحب ويتمنى وصله فيتجافاه ويبحث عن البعيد
ما اصعب ان يفقد انسان اي شخص في حياته سواء يحبه اولا يسال عنه ام جفاه
المحزن فقدان هذا الشخص من الحياه وعدم القدره للوصول اليه والاعتذار له

(احزنتني القصه)

هلا ومرحب اختي ابيض واسود...
يا مرحبا بج...واشكرج على الاطراء...كلج نظر...والحمدلله...كله بفضل ربي...

اكيد...كلامج صحيح...ماتعرف قدر الشخص الا لما يروح...وتعرف انك ماراح تصله من جديد...

الله يبعد عنك كل حزن اختي...وعن جميع المسلمين يارب...

يامرحبا بج
ولاهنتي على التعليق الطيب...
The Master
03-11-2009, 11:14 AM
اسلوبك حلو بس تكفى لا عاد تستخدم كلمة احم << تنرفز

هلا ومرحب روح الاطلس...
اولا تشكر على المرور...والمدح...من ذوقك...

وعن الاسلوب...ابشر ان شاء الله...نحاول...
واهم شي خذ اللي يفيدك واترك اللي مايفيدك...
مع ان في المقال...مافي كلمه احم...الا في المقدمه...خاصه لما انكت...اما لما اكون جاد ماراح تشوفها...فا اكبر احتمال انت قصدك مواضيع ثانيه...بس اقول لك اياها...لما اكون جاد ماراح تشوف احم...

ونصيحه ياخوي...كلمة "تكفى" تراها تهز رياجيل...ومب في اي مكان او زمان تنقال...لها هيبتها ومكانها...فا لا تستصغرونها...وتستعملونها في اي وقت...

ويامرحبا بك
وانتقادك على العين والراس...
ولاهنت
The Master
03-11-2009, 11:18 AM
انا افضل الاتصال ، لانه فيه تواصل انساني ،ما احب المسجات الا للمناسبات
ومشكور ذا ماسترعلى الموضوع بجد حلو واسلوب رائع

هلا ومرحب اخوي بوعوف
العفو...وتشكر على الكلام الجميل المشجع...والروعه بتواصلك اخوي...

اكيد الاتصال افضل بكثير...وانا افضل الهذره عن المسجات...بس ياخوي صرنا في زمن خويك ماتدري وش عنده يمكن مشغول ولا نايم...فا اسهل واسرع واضمن واسنع طريقه للتواصل تكون بالمسجات...

بس في العيد ما اتعامل...ادق عليهم واحد واحد...مشكلتهم ان كانوا نايمين ولا مشغولين...احم(مشكله الغثى احم...عطه فورورد بس فورورد)

يا مرحبا بك
ولاهنتي على الاضافه الجميله
The Master
03-11-2009, 11:23 AM
ارحم الله والديك يالشيخ ... موضوع معانيه كبيرة ... واسلوبه مؤثر
وكل المواقف حيه .. ومن الصميم وفي الصميم

:

تصدق يا راعي اصطراليا
وقفتني أعبقة الأنوار !! وشرت عندها
ياربي .. اش يقصد الكاتب؟؟؟؟ .. فوق تحت
عصرت مخي ابي اعرف اعبقة .. فسرتها ممرات الأنواربس علشان اكمل الموضع.. اشدخل... مادري :nice:

هلا ومرحب اخوي تغلبية
ووالديك يارب...بارك الله فيك...والشيخ ابوك وانت اولده...
الحمدلله انه اعجبك...ومن الصميم...لانه واقع نعيشه...وماهو من وحي خيال...او قصه نتخيلها...
ودامها من القلب...بتوصل للقلب(اشفيييييييه الحنان...احم...عطه فورورد بس فورورد)

اي اعبقه...الله يسلمك...كلمه كبيره ياخوي...لازم تجيب ترجمان والصحاح...وغيره من الكتب عشان بس تعرف وش المقصد من اعبقه...(اي هين...اذا انت مب عارفها...احم...مشكله التأليف...قال كلمه وتوهق...احم)

اهم شي انك الفت عشان تكمل الموضوع...احم

يامرحبا بك
ولاهنتي على التواجد الجميل خيو
The Master
05-11-2009, 09:45 AM
للفائده لا اكثر
The Master
08-11-2009, 06:46 PM
احم احم
حبينا نرفعه...
The Master
17-02-2010, 01:11 PM
نرفع الموضوع...
تجديد للمواضيع...ولتعم الفايده...احم