حد دفع تأمين البيئه وهل فيه حد بدا يخيم؟

[Thamer_Qat]

ما اشوف اي خبر وبصراحه احاتي ما القى لي مكان زين بسبب التزامي مع قوانين البيئه الله يهديهم ويفكونا

[الوفي]

وانا نفسك ابي حد يخبرنا :telephone:

[الحبتور]

والله يالغالي العالم خيمت ..
وروح سيلين وشوف بعينك ..

[هذلان]

الحمد لله ماعاد باقي الا تمديدات الكهرب :)

[alqtri]

يقولون اللي بيخيم قبل التصريح وتصيده البيئه قالو بيشيلونه

وشكلهم كله كلام فاضي الشمال مافيه مكان حق خيمه صوب المكان اللي خذنا فيه تصريح

ولين الحين محد رد علينا ولا جاتنا اي رساله على الجوال علشان استلم رقم التصريح

والعالم خذت الاماكن وماخلت حق حد شي حتى قالو ممنوع الكباين شوفو الشمال وبحر الشمال كيف كله كباين

الله يعينا بس :)

[قطري 22]

بالتووووووووووووووووووووووووفيق

[بو الجوري]

هلا شباب :..
أنا سألت البيئه :.. اليوم وقالولي عادي تقدر تخيم الحين :..
وإنتظر المسج :.. وروح إدفع وبياخذون إحداثيتك عقب :..

المهم إنه عادي التخييم من اليوم لو تبي :..

بالتوفيق :..

[stocker]

السلام عليكم ورحمة الله وبركاته

يالربع رووحوا حطوو خيامكم الناس انصبت من يوم الخميس

الصراحه والله خربطه لا تنظيم ولا اعلان للناس وين الخبير

[بو الجوري]

ترا الاعلان موجود فجريدة اليوم :..

يقولون إنصبوا :.. لين ما يكملون اجراءات التراخيص :..

[VIP-QATAR]

والله ياخي هالسنة البيئة خبر خير

يعني مب حالة تسألهم يقولون ماندري

اذا انتو ماتدرون عيل من الي يدري

واذا التزمت بالقوانين

غيرنا مب ملتزمين والمشكلة انهم مايكلمونهم

العالم من الجمعة مخيماتهم بارزه

احنا اليوم رايحين نخيم والله يعين

[حمد بن خالد]

انصب خيامك ورتب امورك

وانتظر الإعلان في الجرايد عشان تروح تاخذ تصريحك

وموفقين

:)

[alqtri]

العالم من يوم الخميس ناصبين خيامهم في الشمال مالك مكان تحط خيمه يقولك

انا توني جاي من عندهم ويقولون بعد ماتنصب الخياب بعشر ايام بتوصلك الرساله علشان تاخذ التصريح

وتدفع التامين 10 الف ريال قطري

بالتوفيق ان شا ءالله

[Thamer_Qat]

يعني اطرش لهنود يبنون خيمة الناطور على الأقل

مشكورين عموما وموفجين انشالله

[حمد بن خالد]

يعني اطرش لهنود يبنون خيمة الناطور على الأقل

مشكورين عموما وموفجين انشالله

طرشهم وخلهم يقومون المخيم كله وتوكل على الله

امس احنا قومنا المخيم ونعرف ثلاث شلل خلصوا مخيماتهم أمس

وموفقين وربي يحفظكم ويحفظنا

[ابن السيد]

الجمعة نصبنا الخيم والسناح
ما بقى الا الجلسه والمحول واهم شي السوني طبعا

[commanding]

في ناس يقولون ان هناك مناطق ممنوعة ويعتبرونها مناطق محمية بس وين يا جماعة هذي الأماكن ؟