Are satisfied at your work?comment plz

[دلوليانوز]

الموضوع

بإختصار

:omen2:
نبي انعرف مدى رضي كل شخص عن مكان عملة؟


هل المكان حلو للراتب؟ هل المكان مريح؟ هل العلاقات بالشغل تمام مع الكل؟

نبي ذكر الاسباب؟ذكر موقع العمل؟ هل تنصح فيه؟ هل يشجع الشباب ام يدمرهم؟ هل يطور الموظف ام مكانك سر؟

هل اشتغلت في تخصصك؟ هل مرتاح مع المدير ( رب العمل) الـ BOss?

[اسعاف]

اكتب عنوانك بالعربي نشارك

[دلوليانوز]

كلم الاداره الحين...الموضوع طلع من يدي
^_^

[rayyani4ever]

بصراحه الدوام حلو.. رااااااااحه.. بس عنصرية هنود:anger1:.. مسوين لهم شله و شكلهم شغالين "حش" و "عقار" طول اليوم:rolleyes2:.. الله المستعان..!!

[الرويـس]

اللهم ادم علينا هالنعمه

[BIG-VEGA]

الحمدلله
مرتاح
بس لو يعطوني ترقيه يكون احسن
والدورات يغيرون عن دبي ...زهقوني

ورئيسي كندي خان (اصله من الافغان) :nice:
طيب لابعد الحدود ... ان شاء الله مايطيرونه

خبرك بني ادم ... لازم الطمع

[دلوليانوز]

بصراحه الدوام حلو.. رااااااااحه.. بس عنصرية هنود:anger1:.. مسوين لهم شله و شكلهم شغالين "حش" و "عقار" طول اليوم:rolleyes2:.. الله المستعان..!!

ما نقدر ع الهنود..." مافيا قطر"

خلهم بس راضيين عليك..لا يزعلون:victory:

[دلوليانوز]

اللهم ادم علينا هالنعمه

شكلك مب مرتاح..بس المعاش زين


فضفض يا عزيزي

[دلوليانوز]

الحمدلله
مرتاح
بس لو يعطوني ترقيه يكون احسن
والدورات يغيرون عن دبي ...زهقوني

ورئيسي كندي خان (اصله من الافغان) :nice:
طيب لابعد الحدود ... ان شاء الله مايطيرونه

خبرك بني ادم ... لازم الطمع


انت من اللي يشتغلون في عصابة غاز ولا عصابه بترول..
يالله ع الاقل في سفره..والترقيه يبيلها دزة ووااااو عووود
:victory:

[Media]

الحمدلله المكان الذي أعمل به ممتاز وبه تقدير للقطري ولكن للأسف في بعض الاحيان يكون الاجنبي له الكلمه فوق القطري، ولكن هذا ليس في كل الاحوال، كما ان الواسطه تلعب دورا في بعض المواضيع.

اعتقد ان هذا الشئ موجود بأغلب الاماكن في الدولة وليس في مكان عملي فقط، ولكن بشكل عام انا مرتاح من مكان عملي من ناحية الراتب، والتطوير والثقه.

وفقكم الله:)

اخوكم Media

[دلوليانوز]

الحمدلله المكان الذي أعمل به ممتاز وبه تقدير للقطري ولكن للأسف في بعض الاحيان يكون الاجنبي له الكلمه فوق القطري، ولكن هذا ليس في كل الاحوال، كما ان الواسطه تلعب دورا في بعض المواضيع.

اعتقد ان هذا الشئ موجود بأغلب الاماكن في الدولة وليس في مكان عملي فقط، ولكن بشكل عام انا مرتاح من مكان عملي من ناحية الراتب، والتطوير والثقه.

وفقكم الله:)

اخوكم media


يا خوي ما عادت تفرق...قطري او مواليد قطر..يفترض عقدهم واحد..بينما الاجنبي الخارجي هاي وضعه مختلف

الله يديم هالراحه...ويرزق غيرها بعد فيها

[الخير كله]

نو كمن؟؟؟؟؟

[بنت^البحرين1]

الراتب مأساوي، لكن الحمدلله الوالد مايقصر لأني ماعتمد نهائيا على راتبهم

غير مرتاحة لكني مطنشة لكل شي لاني ماخذه الوظيفة تغيير جو على نفسي مو أكثر.. يعني أدخل اقط الشنطة ان في ورقتين ثلاث خلصتهم وعقب افتر بكوبتي على مكاتب البنات لين حزة أذان الظهر( لحد يقول ماعندج امانة.. لا موجودة واخلص شغلي) بس ذي الموجود

المدير ؟ مب قايلة الله لا يربحه .. لكن رب العالمين فوقه على كل شي يسويه لنا احنا في دايرته من تخطيطات ومؤمرات مع ذراعه اليمين العيمية( جاسوسة الإدارة)


عموما انا توني جديدة العهد بالعمل أساسا لاني توني في ابريل الماضي فقط متوظفة .. فلذلك أتبع معاهم سياسة الحقران والحقران والحقران.. حد قالي شي مب عاجبني؟؟ اسوي روحي ماسمع واكمل في شي ثاني وخلاص.. لان اعتقد بانتحر ان تميت وراهم وراهم خاصة انهم مايتعبون ولايتملوون ويدورون هالسوالف


وبسسسسسسسس

عساكم على القوة

[بنت العلي]

انا مب مرتاحة في شغلي لاني جيت على شي وقاعده اسوي شي ثاني وكملت السنه وزيادة وانا اسوي شغل مب شغلي وغير هااااي مايقدرون يطرشوني دورة في الدوحة حق 4 ايام بس الاجانب حق شهور واسابيع يطرشونهم خارج قطر ....

مادري لين متى هالاجانب بيقعدوون ياكلون حقنا واحنا قاعدين نتفرج عليهم

[الألماسي]

نو كمن؟؟؟؟؟


اسمها كومنـت

[طلعة الروح]

للاسف ما اشتغلت في مجال تخصصي كان ودي اكون نفس اللي يكملون حياتهم العملية بمجالاتهم التخصصيه واستفيد منه بس مب بيدي ...

ما راح اتكلم عن الراتب الراتب زين بس آآآآآآآه يا راحة البال مب مرتاحه من منصبي ولا من الستاف اللي ناشبين لي

بصراحه اكرف كرااااف وضغط ولا يبين بعينهم اجانب واحسهم خايفين آخذ مناصبهم واحسهم يبون يضغطون علي لين ما اغتث واهج يمكن هاي مجرد احساس لاني مب راضيه عن الشغله هذي بالأساس وحاطه في بالي انها مؤقته يعني لا جو العمل يساعد ولا الموظفين..

مجال عملي خدمة العملاء ومانصح حد فيه بتشوفون المرض بعينه والزهق من هالمجال...

[دلوليانوز]

من 16 مشاركة اشوف 2 الى 3 عاجبه شغله

و 12 الى 14 كاره المكان اللي هو فيه

والمصيبه الكبيره..هي الرزق...اللي صار هالايام عباده..للشغل..وتنازلات عن اشياء وايد..مقابل البقاء في العمل وخوف من ضياع المستقبل

الله يرزقني..ويريحكم يا رب

لا زلنا في البدايه...ننتظر مشاركاتكم

[دلوليانوز]

امم....الكل راضي

[Most Wanted]

سؤالك صعب؟؟!!

لو تسال اي واحد مديره راضي عنه أكيد بيقول لك اي انا مرتاح وفوق الراحه بعد والعكس صحيح لو المسؤول مب راضي عليك تكره الشغل وسيرته وتتمنى اليوم اللي تطلع منه..

انا الحمدالله وصلت لقناعه في داخلي ان مافي احد مرتاح من شغله لو هو مب مقتنع وانا كنت جذي لين وصلت لين هالقناعه...

الحمدالله مرتاح في دوامي ومعاي ناس صار لي معاهم فوق الــ12 سنه مثل أخواني وتربطين معاهم علاقه مميزه...
وأقول حق اي واحد مب مرتاح ارضى باللي عندك وقول الحمدالله على الحال اللي انت فيه

وسلامتكم....

[امل الحب]

الموضوع

بإختصار

:omen2:
نبي انعرف مدى رضي كل شخص عن مكان عملة؟

راضية ولله الحمد كفاية راحة البال رغم اني احيانا اكرف بمايعادل 12 ساعة :rolleyes2:


هل المكان حلو للراتب؟ هل المكان مريح؟ هل العلاقات بالشغل تمام مع الكل؟

الراتب حلو .. شبه مريح لان في كم شخص لاعبين لعبتهم بالاعصاب بس بشكل عام مريح.. زمالة تبي شي كلمني ماتبي شي اسكت ابرك لي ولك ..

نبي ذكر الاسباب؟ذكر موقع العمل؟ هل تنصح فيه؟ هل يشجع الشباب ام يدمرهم؟ هل يطور الموظف ام مكانك سر؟

الهنود وماادراك مالهنود .. :) لو يشلونهم بنكون بألف خير .. نعم انصح فيه .. مشجع للتطوير والتدريب .. مدير الادارة يقول خذوا دورات قد ماتبون بس الشغل يمشي يعني دورة وتتابع الشغل او تداومين مسا او تتابعين حتى لو برا..

هل اشتغلت في تخصصك؟ هل مرتاح مع المدير ( رب العمل) الـ boss?

تخصصي "هندسة الكمبيوتر" واضافة عليه البزنس والتسويق والتعامل مع الجمهور .. مرتاحة والله يكثر من امثاله الي يحرصون على القطريين ويتابعون تطويرهم ويكلفونهم بأمور يتعلمون منها

[دلوليانوز]

سؤالك صعب؟؟!!

لو تسال اي واحد مديره راضي عنه أكيد بيقول لك اي انا مرتاح وفوق الراحه بعد والعكس صحيح لو المسؤول مب راضي عليك تكره الشغل وسيرته وتتمنى اليوم اللي تطلع منه..

انا الحمدالله وصلت لقناعه في داخلي ان مافي احد مرتاح من شغله لو هو مب مقتنع وانا كنت جذي لين وصلت لين هالقناعه...

الحمدالله مرتاح في دوامي ومعاي ناس صار لي معاهم فوق الــ12 سنه مثل أخواني وتربطين معاهم علاقه مميزه...
وأقول حق اي واحد مب مرتاح ارضى باللي عندك وقول الحمدالله على الحال اللي انت فيه

وسلامتكم....

انا لحين ما عندي وضع...احمد او اتشكى منه:weeping:

[دلوليانوز]

تخصصي "هندسة الكمبيوتر" واضافة عليه البزنس والتسويق والتعامل مع الجمهور .. مرتاحة والله يكثر من امثاله الي يحرصون على القطريين ويتابعون تطويرهم ويكلفونهم بأمور يتعلمون منها

الهنود هم مافيا قطر..يا عزيزتي محد يقدر عليهم

وكذا الدنيا..تعليقاتك..كلها صح

[الخارجية]

اتمنى ان تكتب العنوان باللغة العربية .. لوكنت تعلم أن لغة أهل الجنة هي اللغة العربية .. واتمنى أخي الكريم أنك تعتز باللغة العربية

[بنت ابوها 19]

مكاني ممل

شغلي راضيه فيه وراتبي راضيه فيه

لكن مافي شغل طول اليوم قاعده
احس قادره ابدع اكثر
لكن محد معطيني مجال ..


:(


من قلب كارهه شغلتي لانها ممله
يليت احصل لي شغله كرف شوي
لانه من النوع الي اتحرك وايد ماحب القعده

[دلوليانوز]

اتمنى ان تكتب العنوان باللغة العربية .. لوكنت تعلم أن لغة أهل الجنة هي اللغة العربية .. واتمنى أخي الكريم أنك تعتز باللغة العربية

حبيبي الخارجية..اشلونك

خلنا بالهم..عندكم وظايف:victory:

[دلوليانوز]

مكاني ممل

شغلي راضيه فيه وراتبي راضيه فيه

لكن مافي شغل طول اليوم قاعده
احس قادره ابدع اكثر
لكن محد معطيني مجال ..


:(


من قلب كارهه شغلتي لانها ممله
يليت احصل لي شغله كرف شوي
لانه من النوع الي اتحرك وايد ماحب القعده

يا رب...يا الله..يا شيخه انتي في جنة..اشتبين احسن من جذي
هم ما يبونج تشتغلين..تمام..والمعاش حلو...تمام..واشتبين احسن من جذي..الناس ادور الراحه
قولي الحمد لله غيرج مب ملاقي..لا وتبي الكرف...
الله يهداج:omen2:

[غير البشر]

والله حاليا مادري صار لي سنتين ماداومت :secret:

[دلوليانوز]

والله حاليا مادري صار لي سنتين ماداومت :secret:



شعــــــــــــــور متبادل حبيبي

[براتزية برازيلية]

نبي انعرف مدى رضي كل شخص عن مكان عملة

هل المكان حلو للراتب؟ الراتب لا بأس به مع انه قليل قارنة بغيره من الشركات المشابهة
هل المكان مريح؟ هل العلاقات بالشغل تمام مع الكل؟ و الله الهنود مأذيني (بعيدا عن العنصرية بس هم عنصريين و حاقدين ع الابيض و الاسود) !! بس الصبر جميل و نحتسب الاجر و دوم اقول لنفسي انا جاية اشتغل مو لازم علاقتي مع الزملاء تكون جيدة و اكون في حالي طول فترة الدوام نبي ذكر الاسباب؟ذكر موقع العمل؟ هل تنصح فيه؟ هل يشجع الشباب ام يدمرهم؟ هل يطور الموظف ام مكانك سر؟ ما عندي اجابة لهلسؤال
هل اشتغلت في تخصصك؟ هل مرتاح مع المدير ( رب العمل) الـ BOss? الBOSS طيب و محترم و التخصص لا تعليق

موفقين جميعا

[دلوليانوز]

نبي انعرف مدى رضي كل شخص عن مكان عملة

هل المكان حلو للراتب؟ الراتب لا بأس به مع انه قليل قارنة بغيره من الشركات المشابهة
هل المكان مريح؟ هل العلاقات بالشغل تمام مع الكل؟ و الله الهنود مأذيني (بعيدا عن العنصرية بس هم عنصريين و حاقدين ع الابيض و الاسود) !! بس الصبر جميل و نحتسب الاجر و دوم اقول لنفسي انا جاية اشتغل مو لازم علاقتي مع الزملاء تكون جيدة و اكون في حالي طول فترة الدوام نبي ذكر الاسباب؟ذكر موقع العمل؟ هل تنصح فيه؟ هل يشجع الشباب ام يدمرهم؟ هل يطور الموظف ام مكانك سر؟ ما عندي اجابة لهلسؤال
هل اشتغلت في تخصصك؟ هل مرتاح مع المدير ( رب العمل) الـ boss? الboss طيب و محترم و التخصص لا تعليق

موفقين جميعا


طبع الهنود واااااااااااحد في كل الشركات؟؟.بس بعد يتمون احسن انواع العماله..كراافين ويجي منهم..اما حقودين..شي وراثي
والله يعنينج ويعيني...ويرزقك ويرزقني ..يا رب

[برق لمع]

العنوان حتى بالانجليزي غلط لازم يكون كالاتي are you..........الخ

[دلوليانوز]

العنوان حتى بالانجليزي غلط لازم يكون كالاتي are you..........الخ


انا كنت قاصد هالحركه..حبيبي علشان تكرمني بتعليقك

هو المفروض
Are you satisfied @your work?

خطأ في الكوبي بيست والله:nice:



يعني هل نحن مرتاحون في اعمالنا او لا؟

[الحجاجي]

اخوي ..

النفس البشرية طماعه دائماً

وماترضى بالقليل والنصيب ..

/

لكن نردد الحمدلله على كل حال ..

/

وجوابي ..

لا لست مرتاح في عملي / والأسباب كثيرة / تبدأ بالمكان وتنتهي بالراتب .

/

وترى يقال أنه شيء صحي الواحـد يغير وظيفته كل سنتين


وحياك الله

[بنت ابوها 19]

يا رب...يا الله..يا شيخه انتي في جنة..اشتبين احسن من جذي
هم ما يبونج تشتغلين..تمام..والمعاش حلو...تمام..واشتبين احسن من جذي..الناس ادور الراحه
قولي الحمد لله غيرج مب ملاقي..لا وتبي الكرف...
الله يهداج:omen2:

الحمدالله على كل حال
بس ابي ابدع ابي انجز مب قادره بالعكس جي قاعده اظلم عمري وهم يظلموني

شبيكون تقيمي .. بالراحه ولاشي :(

الحمدالله على كل حال احسن من غيري :)

[ريم المدينة]

بتكلم عن المكان اللي سويت تريننغ فيه...

المدير والمدير المباشر طيب ومحترم وحليو بس زملاء العمل احباط من قلب...

وحساسيد... قررت اني ما اكمل فيه بعد التخرج لانه ملل ومافي سستم والتقييم عالمزاااج...

والله يعينا عالجاي...

[دلوليانوز]

اللي يقول ملل...واللي يقول حسد....واللي يقول مزاج...يبه كل الشركات جذي...حالهم مايل
والقوانين بالمزاج..نظام مافيات...للبترول والغاز

ونظام محسوبيات ومزاج في الحكومه


الدنيا خربانه من بيصلحها..
خلها ع ربك