ارجوا النصيحة من اهل الخبرة هل اشتري ارض في الوقت الحالي ؟

[BoFahed]

السلام عليكم يا اخوان

بعد سنوات من انتظار ادارة الاراضي والاسكان شفت اني اشتري ارض وابني بيت العمر بروحي ابركلي بالمبلغ اللي عندي وقرض من البنك ولا اقعد انتظر بنك التنمية ولا اتقيد بشروطهم كلها 7 سنوات واحرر القرض .

السوال يا اخوان هل اسعار الاراضي تشوفونها مناسبة ولا بتنزل مثل ما صار في اول 2009 لما انزلت لين 50% وارتفعت لين الاسعار الحالية بعض الشباب يقولوني اذا مب محتد انتظر احسن لانه الحين كلها مضاربات والوحدات العقارية بالاف بتنزل هالسنة كل هذا تخليني متردد تعرفون يا اخوان باخذ قرض .

ابي رايكم اتوكل على الله ولا انتظر الاسعار بتنزل وبتزيد العروض

[ملتزم]

انصحك تشتري الان الاراضي ارتفعت من20 الى 35% وانا شفت هذا الشي

[BoFahed]

انصحك تشتري الان الاراضي ارتفعت من20 الى 35% وانا شفت هذا الشي

صادق اخوي انا اشوفها دايما ترتفع بس الخوف انها مضاربات وعقب تهبط بقوة

[اشدعوه]

اذا بتشتري وتبيع .. لاتشتري
اما
اذا بتشتري وبتنساها اشتر

[MP3]

نصيحه مني

انطر ولاتشتري الاراضي نازلة ومحد يرفعها الا التجار الفوت مايسوى 50 ويعطيك اياه ب 130

لاتحط عليك قرض وتبلش نفسك واستخير واصبر ان الله مع الصابرين

باجر بتشوف مفاجأت من بروة وغيرها من الشركات بتكسر اللعب هاي كله

[باحث علم]

فيه توزيع اراضي بشكل واسع قريبا
في الخيسة وفي الوجبة وفي الوكره وفي غيرها من المناطق

علي العبدالله في اخر تصريح قال انه راح ( يصفر ) طلبات الاراضي
يعني كل قطري مقدم على ارض بيحصلها خلال السنة المقبلة

انا اشوف ان الاراضي بتنزل بشكل كبير
والله اعلم

[بوحارب]

لو انه مكانك والله من بكرة اشتريلي ارض

والله يوفقك اخوي بوفهد

[مستانس]

انا واحد فكرت نفس تفكيرك باالضبط وعن نفسي انا بصبر لين بعد المده المحدده الي هي 31/3/2010 لان الارضي ارتفعو 20و30% وبعد هل المده كل شي بينزل وذيك الحزه بشتري واصبر لين ما ينزلون الاسامي مره ثانيه وابني البيت وانا سمعت ان الكشف الثالث بينزل اخر السنه ونا بصبر ما عندي مشاكل صبرت سنين ما اقدر اصبر شهور هذي فكرتي وكل واحد وظروفه طبعن.

[BoFahed]

اذا بتشتري وتبيع .. لاتشتري
اما
اذا بتشتري وبتنساها اشتر

تسلم اخوي



نصيحه مني

انطر ولاتشتري الاراضي نازلة ومحد يرفعها الا التجار الفوت مايسوى 50 ويعطيك اياه ب 130

لاتحط عليك قرض وتبلش نفسك واستخير واصبر ان الله مع الصابرين

باجر بتشوف مفاجأت من بروة وغيرها من الشركات بتكسر اللعب هاي كله

اخوي انا قلت جذي ونزلت الاسعار من 240 في ام صلال لين 80 وما شريت والحين ب 120 اخاف يصير نفس الشي




فيه توزيع اراضي بشكل واسع قريبا
في الخيسة وفي الوجبة وفي الوكره وفي غيرها من المناطق

علي العبدالله في اخر تصريح قال انه راح ( يصفر ) طلبات الاراضي
يعني كل قطري مقدم على ارض بيحصلها خلال السنة المقبلة

انا اشوف ان الاراضي بتنزل بشكل كبير
والله اعلم

مع احترامي للمسئولين بس الدنيا علمتني اني مدا اصدق كلام الجرايد خلونا ننتظر كم سنة وقالولنا في الاخر مالكم ارض لكم قرض بس لو قالولنا من اول ما قدمنا عندهم ايام الفوت ب30و 40 بس الحمد لله على كل حال




لو انه مكانك والله من بكرة اشتريلي ارض

والله يوفقك اخوي بوفهد

تسلم يا غالي يا زعيم المنتدى والله ناوي بس اشوف نصيحة الاخوان




انا واحد فكرت نفس تفكيرك باالضبط وعن نفسي انا بصبر لين بعد المده المحدده الي هي 31/3/2010 لان الارضي ارتفعو 20و30% وبعد هل المده كل شي بينزل وذيك الحزه بشتري واصبر لين ما ينزلون الاسامي مره ثانيه وابني البيت وانا سمعت ان الكشف الثالث بينزل اخر السنه ونا بصبر ما عندي مشاكل صبرت سنين ما اقدر اصبر شهور هذي فكرتي وكل واحد وظروفه طبعن.

تسلم الشيخ بس انا اخوي لي قرض فقط وانا صابر اكثر من 5 سنوات واسمي ما انزل

[سوق واقف]

لا أنصحك أخي العزيز
فالتوزيعات على قدم وساق في إدارة التخطيط العمراني
ترى مب نفس قبل الحين

سهالات اصبر شوي

[BoFahed]

لا أنصحك أخي العزيز
فالتوزيعات على قدم وساق في إدارة التخطيط العمراني
ترى مب نفس قبل الحين

سهالات اصبر شوي


الله يسمعك منك اخوي ودمت سالم

[عنابي 2010]

لوسمحتوا يالربع الاراض لابتتوزع راح تشمال فئه قرض بدون ارض؟

[حقل الشمال]

اذا مضطر توكل على الله

[BoFahed]

اذا مضطر توكل على الله

والنعم بالله شاكر مرورك اخوي

[الـعــضــيـد]

السلام عليكم

اناشوف اذا عندك كاش اشتر اخوي وتوكل على الله الكاش هذا قوته ترى
البنيان والله بتلعب لعبه في المقاول بيخلصها لك باقرب وقت

وارضك الثانية (الحكومية بذن الله بتفرغ لها بعد كم سنه وتبنيها وتأجرها وبتكون لك ذخر ولا بعد مدخول ثاني)
والله يوفقك اخوي بس قبل كل شي ( صل صلاة الأستخاره) وان عزمت توكل على الله

[ماجستك]

صار لي كم يوم اقرا موضوعك بس مب عارف انصحك

بس في قلبي اقول لاتشتري

التوزيعات بدت..والطلبات قلت..والدليل الاجار نزل من 15000 للفله الى 9000

نصيحتي اصبر والله ايفرجها ان شاء الله..ولا تنسى صلاه الاستخاره...الله ايوفقك

[technical]

شوف الله يسلمك , سعر الفوت يعتمد على شغلتين اساسيتين . الخدمات الموجوده وسعر الأجار في السوق لنوع الترخيص التابع للعقار او الأرض .اسعار المساكن وايجاره راح تنزل لأسباب ما له علاقه بالتمويل لكن لأسباب العرض والطلب . كيف ؟ الحين عشان تكون على بينه روح وشوف بعينك الشغل الحاصل صوب روضه الحمام . الأراضي لما تجهز هناك راح تطلع كميات من الأسر نحو هذه المناطق الجديده وراح تفضى عقارات وراح تنزل اجارات المساكن , شايف معاي الصوره !

ولا تعتمد كثير على الي يقول فيه توزيعات قويه , اهتم بس بالاراضي الي عليها خدمات وذي جاي منه همجه تابعه لمشاريع قديمه (روضه الحمام ) .

وبالتوفيق

[$بنت شيوخ$]

كل واحد يقول كلااام انا هاي الي مايعجبني

[MP3]

^
^
^
الناس أرااء وكلن له وجهة نظر

[ابومحمد س]

انصحك تشتري لانك ما بتخسر كثير ان طاحت الاسعار , لانها ان طاحت فمن المستحيل انها تصل للمستوى اللي وصلته في بداية الازمة الاقتصادية.

لكن ان صبرت ولم تشتري واستمرت الاسعار بالصعود فانت راح تخسر كثير واحتمال انك ما تقدر تشتري.

توكل على الله واشتر والله يوفقك .

[الـخـور]

اخوي اذا بتاخذ قرض من البنك انصحك انك ماتستعجل وراح اقولك الاسباب

ترى اذا خذت قرض وعليك ديون وجيت تبي تقدم على قرض بنك التنمية الكامل مليون وميتين
ماراح يوافقون عليه لان بيشوفون عليك التزامات

انصحك اخوي تنتظر لان الارتفاعات الي تصير حاليا مضاربة بالعقار لا اكثر والا اقل

اذا تبي صج تعرف هل العقار يسوى والا مايسوى شوف اسعار الاجارات وكمية الفلل المعروضه للاجار
اهني بتعرف ان فعليا العقار مايسوى وان في تلاعب بالاسعار فقط