معقولة

[العلم الوكاد]

:omg:السلام عليكم ورحمة الله وبركاته

اخواني بصراحة ترددت كثير قبل لا اكتب هالموضوع لاني بصراحة تعبت بس الشكوى لله
قلت على الاقل اكتب شوي انفس عن نفسي الالم والحسرة اللي احس فيها

انا شاب قطري الجنسية مخلص ثانوية عامة علمي بمجموع 80% واجيد استخدام الكمبيوتر وعندي عدد من الدورات منها دورة اعداد القادة وطولي 180سم و وزني 70 كجم ومواليد 1991 وربي ما خليت مكان ما قدمت فيه وتعبت وانا الف بس بصراحة رغبتي في المجال العسكري

وقدمت على عدة جهات مثل

معهد تدريب الشرطة
قوة الامن الداخلي
جوازات المطار
الحرس الاميري
سلاح الجو الاميري
سلاح البحرية الاميري
مكتب التجنيد
كيوتل
وزارة البيئه
كهرماء
شركة الحفر
قطر للبترول

واماكن اخرى

بس نسيت اقول لكم حاجة مهمه اني ما عندي واسطه الا واسطة رب العالمين

بصراحة كنت كلي حماس واستعداد لخدمة بلادي ومساعدة والدي لاني اكبر ابناءه وتفاجئت ان الواقع مرير
ويقولون ما فيه بطاله تكفون يا اخواني وخواتي اللي يقدر يساعدني الله يرحم والديه ويفتح ابواب الرزق والبركة له

ترشيح وما فيه امل معقوله حتى وظيفة عاديه او تجنيد مو لاقي ناس قدموا بعدي وماخذوا اسبوع واعرفهم شخصيا...نسيت اقول لكم اني اجتزت المقابلات والفحوص الطبية

ورحم الله والدي كل من قرأ رسالتي وساعدني حتى لو بالدعاااااااااااااء

عسى ان يستجيب الواحد الاحد

ودمتم

[مشتاقة لقطر]

الله يهونها لك وييسر لك امورك يارب

كل تاخيرة وفيها خيرة ممكن ربي خاش لك الاحسن عقب لا تستعجل

[لوردغاليري]

ممكن ترسل رقمك ع الخاص ولاتنسى السي في
وبحول الله وقدرته اقدر اساعدك
الله يوفقك يارب

[أسد الجزيرة]

ترى من يومين قريت انه اللخويا فتحوا باب التجنيد للقطريين و مواليد الدوحة لحق قبل لا يسكرون

و بالتوفيق ان شاء الله

[العلم الوكاد]

مقدم عليهم من شهر 7 واليوم راد منهم يقولون للحين ما صار شي

[alshahwani]

السلام عليكم

اخوي العلم الوكاد خل ايمانك بالله قوي ومثل ما قالت اختي مشتاقة لقطر

بما معناه كل تأخيرة فيها خيرة

قال الله تعالى (وفي السماء رزقكم وما توعدون) صدق الله العظيم

عليك بالمحافظه على الصلوات الخمس والدعاء والصدقه والاستغفار ومجالس الذكر

وابتعد عن اللي يغضب رب العالمين

الله يوفقك

اخوك الشهواني

[سويسرا]

الله يوفقك يا خوي

[MP3]

الله يوفقك يارب

ويفتحها عليك من اوسع ابوابه