اللي عنده خبره في شتاء لندن

[كايد الوكره]

السلام عليكم ورحمه الله وبركاته


الاسبوع القادم بإذن الله سأسافر لــ مدينه الضباب لندن ,
وهي اول زياره لي لــ بريطانيا

قرأت الكثير عن لندن واهم المناطق السياحيه فيها ,

لكن عندي سؤال , من بعد الساعه الثامنه مساءً المجمعات التجاريه تغلق , مثل الهارودز - السيلفردجز - ويست فيلد ... الــخ......

السؤال بنظركم من بعد الثامنه إلى 11 والنصف , وين اقدر اروح او اتمشى من غير خوف غير باكاديلي !!!

وسلامتكم

[قطري !]

تروح وترجع بالسلامه



طبعا بيكون الوقت شتاء وبارد ويزداد بالبروده


لاكن لاتعتقد ان بردهم نفس بردنا ,,, بردهم ومطرهم اكثر حنيه من بردنا


اي جكيت تلبسه يدفيك ...


اما المجمعات مثل ماقلت تسكر في وقت مبكر , فيه جلسات مقاهي ومطاعم عربيه في اجوارد رود تصلح انك تعشا هناك لاكن ما انصحك تمشي فيها ..

تعرف اخوانك العرب المغتربين بعضهم فيهم الحرامي ..



اذا عندك ربع ولا اصدقا تجمعون في شقه بروحكم افضل


و اذا تبي حديقة السفاري للحيوانات في شمال لندن على طريق m1

[ســـهم]

كايد الوكره

عندنا سفراء دائمين " شتويين في لندن

بدور

و

وطن

شوف مواضيعهم في http://www.qatarshares.com/vb/showthread.php?t=259456

وبالتوفيق ..

[بدور]

كايد الوكره

عندنا سفراء دائمين " شتويين في لندن

بدور


شوف مواضيعهم في http://www.qatarshares.com/vb/showthread.php?t=259456

وبالتوفيق ..

موضوعي الشتوي يا سهم اختفت الصور بسبب موقع التحميل لشبكة الاسهم خرب تقريري لانه تم اغلاقه

بس بكرر الموضوع هالشتا :omen2: بتقرير شتاء 2010 ان شاء الله:rolleyes2:


الاخ كايد اجمل وقت للسفر الى لندن في الشتا

بعد الساعه 9 واغلاق المتاجر مالك الا المقاهي وتجلس تتعشى مع ربعك في ايجور روود

ومثل ما قال الاخ لاتتمشى في الاماكن الداخليه خلك على الشارع وقريب من المقاهي والمطاعم

الحراميه العرب :secret: بدون ذكر الجنسيات انتبه منهم حتى لو يكلمونك حاول ما تكثر معاهم

لا جنسيتك ولا مكان سكنك ولا تدخل معهم بنقاش.... او تجلسون في بهو الفندق مع ربعك او تتجمعون في شقه

اهم وقت بلندن فترة الصباح الى الساعه 9 بالليل وبعدها ينهد حيلك وتنام :(

[شيط ويط]

السلام عليكم ورحمه الله وبركاته


الاسبوع القادم بإذن الله سأسافر لــ مدينه الضباب لندن ,
وهي اول زياره لي لــ بريطانيا

قرأت الكثير عن لندن واهم المناطق السياحيه فيها ,

لكن عندي سؤال , من بعد الساعه الثامنه مساءً المجمعات التجاريه تغلق , مثل الهارودز - السيلفردجز - ويست فيلد ... الــخ......

السؤال بنظركم من بعد الثامنه إلى 11 والنصف , وين اقدر اروح او اتمشى من غير خوف غير باكاديلي !!!

وسلامتكم


عندك الاخت بدور .. يقولك (مفتاح) لندن عندها :secret: ماشاء الله عليها ..

ان شاء الله تفيدك في الموضوع ..

تروح وترد بالسلامة ان شاء الله :nice:

[بدور]

عندك الاخت بدور .. يقولك (مفتاح) لندن عندها :secret: ماشاء الله عليها ..

ان شاء الله تفيدك في الموضوع ..

تروح وترد بالسلامة ان شاء الله :nice:

ههههههه الله يقطع ابليسك مع عيونك طفا النت واطلعت رساله لي من كيوتل :eek5::eek5:

[غزلان]

جربتها مره وحده بالشتا

برد برد في الليل بس مب كل يوم احيانا يكون على خفيف

احلى شي فيها الهدوء من زحمة العرب بالنسبه لبعد ماتسكر المجمعات نرجع للأوتيل ونجلس بغرفنا لين الصبح

فيه مجمع جديد اسمه وست فلد كل انواع القهاوي فيه وايد حلو بالصيف انروح له الصبح نشرب كوفي ونتمشى فيه ..

[كايد الوكره]

قطري !
ســـهم

بدور

شيط ويط

غزلان


شكراً لكم جميعاً ,
انا بكون بروحي في السفره , ربعي في مانشستر , وانا ساكن في كمبرلاند
ان قريت عن اهم الأماكن السياحيه , ودونت الكثير منها

يعني مالنا ألا ادجوارد رووود للسهر ,
هل فيه شاشات لـ متابعه الدوري الاسباني , " ع الجزيره " في القهاوي

شكلي من الساعه 10 بسهر في لوبي الفندق

الموضوع مفتوح إلى يوم الخميس اللي يبي يضيف " يضيف "

[بدور]

ما فيه شاشات ولا شيء الا جلسات وعشا وكوفي وشاي :omen2: وشيشه

خلك مع ربعك في مانشستر وايد حلوه وبتستانس معاهم :victory: وشوف المباريات عندهم

او تجلس في لوبي كمبرلاند مع الاضاءات البنفسجيه وتتفرج على الرايح والجاي لان غرفهم :secret:والممر يذكرني بالمستشفيات :nop:

ما عندنا اضافه لندن ما تصلح الا للحريم تسوق ودواره في المجمعات ماشاء الله علينا:looking:omenomen

طيب ليش ما تأجل سفرتك الى شهر12 صج بتستانس :whistling:شوف استعدادهم

لاعيادهم وناسه مع انهم مستعدين من الحين روح تطمش :omen2:

[سماء الرياض]

الله على لنـــدن ذكرتنا بالذي مضــى

تروح وترجع بالسلامة

[شيط ويط]

ههههههه الله يقطع ابليسك مع عيونك طفا النت واطلعت رساله لي من كيوتل :eek5::eek5:

دام طفا واطلعت لج رسالة معناته تجاوزتي (حدود الاستخدام) للخدمة :secret:

عليج فواتير لازم تدفعينها لكيوتل :shy:

[Level]

شتاء لندن جميل جداً ولكنه متقلب اعمل حسابك برد موت وبرد شوي وبرد يشلخ العظم هذي كلها في يوم واحد

:):)

ولاتشيل هم بعد ماتسكر المجمعات عليك باللوبيات اذا كنت من محبي قعدة اللوبي بس بروحك وقاعد في لوبي فندق شكلك ماينفع كلش يبي لك حد يعقر وياك

:):)

عليك بلوبي فندق جميرا ولوبي فندق الدورشيستر بعد ماتسكر المجمعات

وبالنسبه للمباريات كل قهاوي ادجور روود حاطينها يعني شيش وتابع او اشرب كوفي وتابع وتعشا مره وحده

ومب شرط تقعد في لندن اذا ماعندك شغل روح لمانشستر بما انه عندك ربع هناك راح تنبسط

[وطن]

بالنسبة لليالي لندن

:)

الصراحة من الهياته طول النهار الواحد يرد البيت الليل تعبان ويحط راسه ويرقد

او اذا ما طلعنا بالنهار
بالليل نروح السينما ولا نتمشى على ريولنا
المشي جميل في البرد وفي الليل
او نتقهوى في مكان

حاسب من التمشي في الدواعيس اللي عند اجوار رود لان فيها اكراد وحراميه
خلك ع الشوارع الكبيرة العامة اللي فيها محلات وناس وايد
اامن لك
خصوصا انك ما تعرف وايد في لندن :)

وبالسلامة ان شاء الله
وان شاء الله تستمتع

[وطن]

شتاء لندن جميل جداً ولكنه متقلب اعمل حسابك برد موت وبرد شوي وبرد يشلخ العظم هذي كلها في يوم واحد

:):)

ولاتشيل هم بعد ماتسكر المجمعات عليك باللوبيات اذا كنت من محبي قعدة اللوبي بس بروحك وقاعد في لوبي فندق شكلك ماينفع كلش يبي لك حد يعقر وياك

:):)

عليك بلوبي فندق جميرا ولوبي فندق الدورشيستر بعد ماتسكر المجمعات

وبالنسبه للمباريات كل قهاوي ادجور روود حاطينها يعني شيش وتابع او اشرب كوفي وتابع وتعشا مره وحده

ومب شرط تقعد في لندن اذا ماعندك شغل روح لمانشستر بما انه عندك ربع هناك راح تنبسط

ايه والله قعدات اللوبيات يبي لها حد عشان العقره هاهاهاهاهاها

من زماااااااااااااااااان عنها والله

[Moo500]

I am recommended to visit the canary wharf area

[وطن]

i am recommended to visit the canary wharf area

شيل اللي بالأحمر عشان تصير الجمله صح


كناري وارف منطقه ماليه
يعني اللي حلو فيها المباني للي يبي يشوفهم بس
لكنها منطقه كلها موظفين وبعد الدوام تمووووووت

ومافيها مجمعات وايد اللي فيها شي بسيط

هذا من زيارتي لها كم مره

[كايد الوكره]

يعطيكم ألف عافيه يالربع وماقصرتم

انا رايح لــ بزنز تريب , واول يومين بيكون اجازه عندي يبدأ الشغل من يوم الإثنين , لمده 4 أيام
وبعدين يومين إجازه ,

انا اللي همني هو , من الإثنين إلى الخميس , وين اقدر اسهر بعد الساعه 7 ,
كل يوم قهاوي الواحد بيمل + انا مو راعي قهاوي , حدي وايت موكا إكسترا كراميل " سفاري "


على العموم , جزاااااااااااااااااااكم الله خير ,

[رعبوبه]

اتروح وترجع بالسلامه

[جوال 11]

كايد الوكره
تروح وترجع بالسلامة ومثل ما نصحك الأعضاء حاول في الليل تكون في شقة أو الفندق مع الشباب حيث أنك ذاهب لعمل ، لأن يوم السبت الماضي كانت مظاهرات معادية للأسلام في أحدى المدن الشمالية والحمد لله المسلمين تناصحوا في بينهم بعدم الخروج في ذلك اليوم وخاصة الطلبة والطالبات وليس لدي أي معلومة عن المدن الآخرى .

[MoneyMaker]

يومين ماتكفي صراحه في لندن

الاوربيين عندهم الحياه الليليه غير اللي عندنا عشان كذا ممكن تكون لندن شوي ممله في الليل خاصه اللي مايسوق سياره
عشان كذا عند جيمس ستريت قريب منك جرب مطاعهم وخاصه مطعم sea bass

نصيحي بعد تروح o2 areana تقدر بالقطار بس شوي بعيد من السنتر يبيلك تروح بدري عشان ترد قبل الساعه 11
فيه سينمات ومطاعم ومسارح وعروض سيرك مرات وعروض متاحف عالميه


هم فيه مكان بعد حق المشي في الليل لو تروحه صدقني عمرك ماراح تنساه بتشوف منظر لمدينة لندن من تله مرتفعه اسمها (برايم روز هلز)
صدقني راح تدعي لي (لاتنسى ماتكون الكيمرا وياك)
primrose hill

بالنسبه للشيشه تقدر تروح ريم كافيه
عندهم معسل عنب ولا احلى منه في لندن كلها

تروح وترجع بالسلامه

[كايد الوكره]

^
^
^

يالغالي انا ما اشيش

تسلم يالغالي , وانا بكون في لندن مو يومين , بكون فيها 10 ايام

بالنسبه o2 areana كم ساعه بالقطار !!!

برايم روز هلز حدد مكانها بالضبط

.
.

الموضوع بيكون مفتوح , وانا بكره مسافر , اي استفسار ترى بسدح الرد في الموضوع

[MoneyMaker]

www.theo2.co.uk
يسمونه الدووم

[نووور]

كلهم يسكرون بعد الساعه 8 وبعضهم 7 باليل بتوقيت لندن