المساعد الشخصي الرقمي

مشاهدة النسخة كاملة : مجلس الشورى؟؟؟؟؟؟


بوطويشم
02-11-2009, 12:30 PM
السلام عليكم

مجلس الشورى هل له فايده ولا هي مناصب وبس؟؟؟؟

وطبعاً الشورى شي ضروري لكن ما شفت شي واقعي

يعني ليش ما يتكلمون عن المجلس الأعلى للتعليم وظلم جامعة قطر والبوقات عيني عينك

وارتفاع الأسعار وعن الشوارع الحلوة وكثرة الأجانب بشكل غير طبيعي ولا ذي مب من تخصص مجلس الشورى؟؟؟

ارجو الأجابة

ارجو عدم التجريح بأي شخص وذكر أسامي

والألتزام بأدب الحوار

ننتظر ردودكم
بوطويشم
02-11-2009, 03:30 PM
نبي رايكم

:rolleyes2:
طلعة الروح
02-11-2009, 05:37 PM
عجبني الموضوع وحبيت ارفعه
بالنسبه لمجلس الشورى كل سنة فاخين رقاد على القضايا والمشاكل اللي تصير واذا ناقشوا القضيه يكون نقاش بدون حلول مطروحه او عمليه
وللي عنده اعتراض يقولنا شنو القضايا اللي تمكن المجلس من حلها المجلس فعلياً....

شكرا
قناص الخليج
02-11-2009, 08:18 PM
مجلس الشوري يقدم ويناقش اقترحات ولكن يظل دوره للشورى فقط وطبعا قراراته غير الزامية

والله تبي الصج انا يوم اشوف مجلس الامة الكويتي اقول الحمدالله على مجلس الشورى

مانبي الديموقراطيه الى تعطل البلد وتوقفه مثل الحاصل بالكويت
الخارجية
02-11-2009, 08:37 PM
من فيهم يقدر يقول ((( لا )))
(بوعوف)
02-11-2009, 08:44 PM
مجلس الشوري يقدم ويناقش اقترحات ولكن يظل دوره للشورى فقط وطبعا قراراته غير الزامية

والله تبي الصج انا يوم اشوف مجلس الامة الكويتي اقول الحمدالله على مجلس الشورى

مانبي الديموقراطيه الى تعطل البلد وتوقفه مثل الحاصل بالكويت

صادق اخوي قناص ، نبغي ديمقراطية من دون تعطيل للحكومة
هامور
02-11-2009, 09:26 PM
صادق اخوي قناص ، نبغي ديمقراطية من دون تعطيل للحكومة

لن يكون هناك تعطيل للحكومة مادامت حكومة نظيفة ووطنية وواثقة من عملها

ولاننسى لابد من وجود برلمان مخلص بالدرجة الاولى مش كل تفكيره مصلتحه الشخصية او توجه الحزبي او القبلي
yosif1
02-11-2009, 09:38 PM
مجل الشؤرى العام لة موقف قوية
مثل قانون الموارد البشرية الذي اوصى بعدم استثناء موظفي الديوان الاميري وصدور القانون
بقائمة واحد للموظفين الهيئات الاشرافية والتشغيلية بس للاسف الحكومة رفضت المقترح
حمود قطر
02-11-2009, 09:38 PM
لا مجلس شورى ولا بطيخ .. اخوووي كلمة الحق تنقال ..

مجلس الشورى القطري الموجود حاليا ( مجرد واجهة بلد ) لا أكثر ولا أقل ..

يمين يمين .. يسار يسار .. نفس الهنوود .. وسم طال عمرك .. تامر أمر .. وبس

هذا مجلس الشورى القطري الحالي ( من السبعينات وهو على هالحال ) ..

ننتظر البرلمان المنتخب :nice:
المتألق
02-11-2009, 09:41 PM
مجلس الشورى نفس المجلس البلدي ..!!
مالي ومال الناس
02-11-2009, 09:57 PM
اتفقوا بأن اللي ينتقد في الاعلام من القهر اللي يشوفه ... يستحق سحب الجنسيه

سلم لي على الديموقراطيه

واتفقوا بأن البيبسي اذا زاد نص ريال بيكون هناك تضخم على الشعب

سلم لي على التفكير

وهلم جرا
طلعة الروح
02-11-2009, 10:05 PM
اتفقوا بأن اللي ينتقد في الاعلام من القهر اللي يشوفه ... يستحق سحب الجنسيه

سلم لي على الديموقراطيه

وهلم جرا

لوصحت نبوئتك..

انا اقول سلم لي على الدستور

الماده 38

(لا يجوز إبعاد أي مواطن عن البلاد، أو منعه من العودة إليها)

فما بالك بسحب جنسيته

هذول من اولها ساحبين على نصوص الدستور القطري الصريحه خوش مجلس والله
مرشد الاخوان
02-11-2009, 10:14 PM
يأخي خلهم على هذا الحال و اردء إن شاء الله

أنت أول شووووووف مستوااااااااهم التعليييمي والمهني ... ان شاء الله سوف تقتتنع بهم ....... وبعدين الله سوف يحاسب كل واحد على ما أتمنى عليه



الله يكون فى عونا ...... ولا يكون فى عووووونهم
مستثمره جديده
02-11-2009, 10:25 PM
تذكرت المقوله الشهيره

الشور شورك يايبه والقول قولك يايبه

http://www.ee77ee.com/vb/imgcache/17620.jpghttp://www.ee77ee.com/vb/imgcache/17621.jpghttp://www.ee77ee.com/vb/imgcache/17620.jpghttp://www.ee77ee.com/vb/imgcache/17620.jpg
بوطويشم
03-11-2009, 10:26 AM
مشكورين على ردودكم

ومثل ماقلتو نبي مثل مجلس الأمة بس همها يكون قضايا الشعب
s o s o
03-11-2009, 10:43 AM
صادق اخوي قناص ، نبغي ديمقراطية من دون تعطيل للحكومة

الديمقراطيه موجوده بس تحتاج تفعيل

والتفعيل الي معطله الشعب
الألماسي
03-11-2009, 10:53 AM
والتفعيل الي معطله الشعب


ممكن شرح أكثر لـِ طرق التفعيـل . .!

:)
s o s o
03-11-2009, 11:09 AM
ممكن شرح أكثر لـِ طرق التفعيـل . .!

:)

صلي على النبي اخوي الالماسي وقول بسم الله الرحمن الرحيم

مجلس الشورى دوره يوصل رغبات الشعب وافكار الشعب والي يعترض عليه الشعب
حلو الكلام ؟
تعال عاد للشعب
الشعب اكثر شي يسويه(وبجميع فئات افراده) يشتكي وطني الحبيب وكله ثقه ان الامير قاعد يسمع شكوته وبيحلها له ..هذا تفكير عام والمجالس اكبر دليل
ومايدرون ان الدوله فيها تسلسل حكومي وان الامير الله يحفظه مب قاعد يسمع الاذاعه وبس ..بل ينتظر ان يرى شعبه الي عطاه دستور رائع جدا متمسك فيه ويخطو الخطوات الواجبه عليه ليحظى بحقه في التمتع بالديمقراطيه .
ولكن للاسف تعال قول كلمة دستور بتحصل ان الكل يتعلق في الماده الاولى ويخلي باقي المواد !!
والابيقولك انا مالي في السياسه ..والابيقولك انت معارض ..!!
بسئلك اخوي الالماسي
هل عمرك سمعت عن موظف رفع قضيه على جهة عمله لما احالته للبند المركزي ؟
هل عمرك في قطر سمعت مثلا ان مواطن رفع قضيه مثلا على الطيران القطري ؟
او مثلا التعليم العالي ؟
اوكهرماء ؟
او هل قريت في جريده عمرك اسم مطعم تم اغلاقه ؟
اوهل سمعت ان مواطن اشتكى على اجنبي نتيجة صوت الاستريو العالي في ايام الكريسمس ؟
خلنا من هذا
عمرك شفت اوحضرت في قطر مظاهره ضد العري والسفور ؟
اومظاهره ضد الخمور ؟
اومظاهره ضد الاحتفال بالكريسمس مثلا ؟

بالطبع لا
وهنا يكون تعطيل الديمقراطيه لان الدستور كفلك الحق الكامل في ممارسة كل ماسبق وسئلت عنه
بس الشعب للحين خـــــــــايف او يمكن بليــــد
ينتظر دائما من يساعده ولايسعى ابدا في مساعدة نفسه

والااشرايك اخوي الفاضل ؟
الألماسي
03-11-2009, 11:53 AM
صلي على النبي اخوي الالماسي وقول بسم الله الرحمن الرحيم



عليه الصلاه و السلام



مجلس الشورى دوره يوصل رغبات الشعب وافكار الشعب والي يعترض عليه الشعب
حلو الكلام ؟



لا مب حلو . . و السبب الرئيسي مجلس الشورى لا يمت للواقع لأنه من " النخبه " و لا يدرون بالمواطن المسكين . . اذا صار إنتخاب لكل حادثه حديث . .



هل عمرك سمعت عن موظف رفع قضيه على جهة عمله لما احالته للبند المركزي ؟



اي



هل عمرك في قطر سمعت مثلا ان مواطن رفع قضيه مثلا على الطيران القطري ؟



اي


او مثلا التعليم العالي ؟


اي


اوكهرماء ؟



اي


عمرك شفت اوحضرت في قطر مظاهره ضد العري والسفور ؟
اومظاهره ضد الخمور ؟
اومظاهره ضد الاحتفال بالكريسمس مثلا ؟




المظاهـرات " ممنوع " :)


بس الشعب للحين خـــــــــايف او يمكن بليــــد
ينتظر دائما من يساعده ولايسعى ابدا في مساعدة نفسه



الشعب ما يخـاف و لا بليـد مثل ما ذكرتي . . الشعـب مغلوب على امره في غياب " البرلمان "
المثال الحي بالنسبه و القريب منــّا " برلمان الكويت " يحــّـل " و " يقيل " و " يستجوب " وزراء . .!
تهقين بنوصل لـهـ المرحلـه . .!!
أتمنى ذلك . .

الشعب حالياً امانه بأعناق من لهـم " سلطه رابعه " . . هنا يكمن دور هـ السلطه للتأثير لحين بزوغ شمس " البرلمان " . .

:)
The Master
03-11-2009, 11:54 AM
اسحببببببببب يا سوسو
منتي بهينه...احسنتي...وكلامج منطقي...
ومثل ماقلتي للحين يبغي لهم وقت يستوعبون وش اللي يصير من حولهم وانهم يقدرون ياخذون حقهم بالقانون...لكن دايما متواكلين...وينتظرون من غيرهم الحلول...احتمال انهم مايقدرون او مايبغون المشاكل...وهذا شي طيب وشين...
وتجي فئه تاخذ حقها بيدها...كنه الدوله لهم...وفاكرين نفسهم بيدنا نسوي اللي نبغيه ومحد بياخذ حقي الا انا نفسي...وهنا غلط...

لكن تبقى وجهة نظرك اختي امريكيه...اقصد فيها النظام المتبع في امريكا خاصه من ناحيه رفع القضايا...وخبرج حنا مسالمين...ونحاسب على الصغيره والكبيره...

المهم نرجع للموضوع...

ننتظر البرلمان اللي قالوا انه بيصير...
امممم بس وجود الشورى مش واجهة للبلد...وانما قانون يفرض على الدول وجود هيئه لمناقشه امور البلد...وشي ثاني...اممممم لو تشوفون الاعضاء مع الاحترام للكل...كلهم تعيين بالاسم...فا من بيقول لا...
حط نفسك مكانهم...وبتعرف....لكن هذا لا يخليهم من المسؤوليه...
ماتفرق مستوى التعليم...ياما ناس مادخلوا جامعات وانجحوا في مجال تخصصهم...

عسى ربي يسخر شيوخنا وحكامنا لما فيه مصلحه الناس ورضا رب العباد...

لكن يبقى التفكير القديم او العقليات القديمه موجوده وهي اللي تأثر...
وماينلامون....فكر الديموقراطيه...يبغي له وقت...لكن بحدود...

وعن مشاكل اهلنا في الكويت...اممممم مافي نجاح بدون مشاكل...
واللي صاير في الكويت عارفين وش سالفته...فا مش مجال مقارنه ابد...

على العموم...
خلهم يفتحون البرلمان...نرشح عمرنا...احم

ولاهنت على الموضوع
شلبي
03-11-2009, 12:01 PM
عليه الصلاه و السلام




لا مب حلو . . و السبب الرئيسي مجلس الشورى لا يمت للواقع لأنه من " النخبه " و لا يدرون بالمواطن المسكين . . اذا صار إنتخاب لكل حادثه حديث . .




اي




اي


اي



اي




المظاهـرات " ممنوع " :)



الشعب ما يخـاف و لا بليـد مثل ما ذكرتي . . الشعـب مغلوب على امره في غياب " البرلمان "
المثال الحي بالنسبه و القريب منــّا " برلمان الكويت " يحــّـل " و " يقيل " و " يستجوب " وزراء . .!
تهقين بنوصل لـهـ المرحلـه . .!!
أتمنى ذلك . .

الشعب حالياً امانه بأعناق من لهـم " سلطه رابعه " . . هنا يكمن دور هـ السلطه للتأثير لحين بزوغ شمس " البرلمان " . .

:)

شكرا لك

جزاك الله خيرا
شلبي
03-11-2009, 12:24 PM
اليوم

الشرق


لقاء مع نائب رئيس مجلس الشورى

بقلم جابر الحرمي:
يتفضل حضرة صاحب السمو الشيخ حمد بن خليفة آل ثاني امير البلاد المفدى فيشمل برعايته الكريمة اليوم الثلاثاء افتتاح دور الانعقاد العادي الثامن والثلاثين لمجلس الشورى. ويخاطب سموه الدورة الحالية فى الجلسة الافتتاحية بكلمة شاملة تتناول مختلف القضايا المحلية والعربية والدولية.
ومن جانب اخر أكد سعادة السيد عيسى بن ربيعة الكواري نائب رئيس مجلس الشورى


أنّ المجتمع القطري مهيأ لانتخابات برلمانية، بدليل نجاح تجربتيّ المجلس البلدي المركزي والاستفتاء الشعبي على الدستور، نافياً أن يكون المجلس يتلقى توجيهات بشأن القضايا التي يطرحها على أجندة أعماله، وأن ما يدور في الجلسات من نقاش يدور في إطار الموضوعية والتجرد والشفافية والنزاهة لتحقيق المصلحة الوطنية.
وقال في حوار مع الشرق قبيل انطلاق دور الانعقاد الثامن والثلاثين لمجلس الشورى صباح اليوم إنّ الدورة الحالية ستشهد العديد من القضايا المحلية أبرزها الاقتصادية والوضع التعليمي في الدولة، مؤكداً أنه لاحجاب بين الشورى والمواطنين، إذ أنّ الأعضاء يحرصون على رصد ملاحظات المواطنين واحتياجاتهم وينقلونها إلى المجلس بشفافية، وتتم دراستها وطرحها للنقاش.
وأكد أنّ الإعلام البناء ركيزة الدولة وليس نداً للشورى بل غير وارد على الإطلاق، وأنّ المجلس يتقبل النقد بصدر رحب وشفافية متناهية.
ولفت الانتباه إلى أنّ المناقشات الخلافية بين الأعضاء حول الموضوعات خلال الجلسات تتسم بتغليب المصلحة العامة، وتدور بموضوعية وتجرد.
ونوه أنّ السمعة الدولية التي تحظى بها قطر تدفع بالمشاركات الخارجية إلى الأمام، وتعزز من مشاركات أعضاء الشورى في المحافل، مبيناً أنّ الريادة التي حققتها الدولة تضعنا أمام مسؤوليات جمة.
تفاصيل الحوار
نائب رئيس مجلس الشورى عيسى بن ربيعة الكواري في حوار مع الشرق: المجتمع القطري مهيأ لانتخابات برلمانية.. وليس بين الشورى والمواطنين حجاب
مناقشة الوضع التعليمي أبرز الموضوعات المطروحة في الدورة الجديدة
لا نتلقى توجيهات حول مناقشة أي موضوع في جلسات الشورى
الموضوعات الاقتصادية فرضت نفسها بقوة لأنها تتعلق بحياة المواطنين
الشورى أبدى رأيه في قانون المرور ورفعه لمجلس الوزراء الموقر
الإعلام ليس نداً للشورى وهذا غير وارد.. ونتقبل النقد بصدر رحب
الأعضاء ينقلون قضايا المواطنين للمجلس من خلال الاحتكاك المباشر بهم
السمعة الدبلوماسية لقطر تعزز مشاركاتنا الخارجية وتضعنا أمام مسؤوليات




اعتقد ان هذا اللقاء يكشف بان المطالبات من خلال المنتديات وبعض المقالات وفي برنامج وطني الحبيب صباح الخير آتت أكلها


نعم نحن مهيأون

نعم نحن نطالب بالدعوة الى انتخابات شورية
s o s o
03-11-2009, 01:05 PM
عليه الصلاه و السلام





لا مب حلو . . و السبب الرئيسي مجلس الشورى لا يمت للواقع لأنه من " النخبه " و لا يدرون بالمواطن المسكين . . اذا صار إنتخاب لكل حادثه حديث . .

عيبنا انا احنا دايما نعول على الجاي وياعالم هل بيتحقق او لا
ونحط وجهات نظر معينه في عقولنا ونؤمن بها ونعيش على اساسها
يعني اخوي الالماسي اذا قياسك لاشخاص النخبه اذا فالاعلى منهم مايحصلون لما هم فيه لانهم بعد مايدرون بالمواطن ...ينفع هالكلام ؟



اي

متى ووين ؟




اي

متى ووين ؟

اي

متى ووين ؟


اي

متى ووين ؟



المظاهـرات " ممنوع " :)

المادة (44)

حق المواطنين في التجمع مكفول وفقا لأحكام القانون.


اشلون انت خليتها ممنوع ؟؟!!





الشعب ما يخـاف و لا بليـد مثل ما ذكرتي . . الشعـب مغلوب على امره في غياب " البرلمان "
المثال الحي بالنسبه و القريب منــّا " برلمان الكويت " يحــّـل " و " يقيل " و " يستجوب " وزراء . .!
تهقين بنوصل لـهـ المرحلـه . .!!
أتمنى ذلك . .

الشعب حالياً امانه بأعناق من لهـم " سلطه رابعه " . . هنا يكمن دور هـ السلطه للتأثير لحين بزوغ شمس " البرلمان " . .

:)

ولامغلوب على امره ولاشي هو بس عايش الدور باافراده السلبيين
ومثل ماقلت لك سابقا لاتنتظرون الجاي وتهملون الموجود
واذا هذا هو دوركم كشعب (مجرد الاعتماد على البرلمان ) فالبرلمان ماراح يكون لهاي دور
لانه بيكون مافي شعب يحركه .
حركوا اعضاء مجلس الشورى واثبتوا لهم ان في شعب يحاسب ويراقب
وعقب انتظروا البرلمان
واذا انتوا على هالحال وهذا تفكيركم مااعتقد بنوصل اي مكان ولابنحظى بأي فرصه في الديمقراطيه الحقيقيه .


الشعب هو السُلطه الرابعه هذا ان لم يكن كل السُلطه
ومن رايي نقوي شعلة مجلس الشورى بقوة دور الشعب علشان مانحترق بشمس البرلمان وايد احسن
انا لست ضد البرلمان ولكن ضد الشعب السلبي الذي لايستحق البرلمان
حمود قطر
03-11-2009, 01:10 PM
صلي على النبي اخوي الالماسي وقول بسم الله الرحمن الرحيم

مجلس الشورى دوره يوصل رغبات الشعب وافكار الشعب والي يعترض عليه الشعب
حلو الكلام ؟
تعال عاد للشعب
الشعب اكثر شي يسويه(وبجميع فئات افراده) يشتكي وطني الحبيب وكله ثقه ان الامير قاعد يسمع شكوته وبيحلها له ..هذا تفكير عام والمجالس اكبر دليل
ومايدرون ان الدوله فيها تسلسل حكومي وان الامير الله يحفظه مب قاعد يسمع الاذاعه وبس ..بل ينتظر ان يرى شعبه الي عطاه دستور رائع جدا متمسك فيه ويخطو الخطوات الواجبه عليه ليحظى بحقه في التمتع بالديمقراطيه .
ولكن للاسف تعال قول كلمة دستور بتحصل ان الكل يتعلق في الماده الاولى ويخلي باقي المواد !!
والابيقولك انا مالي في السياسه ..والابيقولك انت معارض ..!!
بسئلك اخوي الالماسي
هل عمرك سمعت عن موظف رفع قضيه على جهة عمله لما احالته للبند المركزي ؟
هل عمرك في قطر سمعت مثلا ان مواطن رفع قضيه مثلا على الطيران القطري ؟
او مثلا التعليم العالي ؟
اوكهرماء ؟
او هل قريت في جريده عمرك اسم مطعم تم اغلاقه ؟
اوهل سمعت ان مواطن اشتكى على اجنبي نتيجة صوت الاستريو العالي في ايام الكريسمس ؟
خلنا من هذا
عمرك شفت اوحضرت في قطر مظاهره ضد العري والسفور ؟
اومظاهره ضد الخمور ؟
اومظاهره ضد الاحتفال بالكريسمس مثلا ؟

بالطبع لا
وهنا يكون تعطيل الديمقراطيه لان الدستور كفلك الحق الكامل في ممارسة كل ماسبق وسئلت عنه
بس الشعب للحين خـــــــــايف او يمكن بليــــد
ينتظر دائما من يساعده ولايسعى ابدا في مساعدة نفسه

والااشرايك اخوي الفاضل ؟


احنا شعب طيب وعنده عزة نفس في أشياء وااااايد ..

يمكن للحين ما تعودنا على المطالبات بالصراخ والقوانين والمحاكم ورفع قضايا ضد الدولة

للمطالبة بالحقوق ..

ولكن عندي سؤال وأتمنى الإجابة عليه من قبلك ..

عندما انتفض المواطن القطري ( قضية تخفيض الرواتب في كهرماء وغيرها ... )

ماذا حدث ؟؟ غير انه اجهزة الامن بادرت الى المكان وفككت المسيرة السلمية ..

علما بأنها كانت مظاهرة أو بالأحرى مطالبة بالحق والرد على الموظفين المظلومين ..

ولم يكن فيها ضحايا او اعمال ارهابية او تخريبية ..........

وهل نقلت وسائل الاعلام الحدث ؟؟ وهل قامت تلفزيون قطر بتصوير الذي حدث ..؟؟
ســـهم
03-11-2009, 01:13 PM
اعضاء مجلس الشوري لايمثلون الشعب لانهم نصبو بغير انتخاب وانما تشريف او مكافئه

والآن اغلبهم يجهز عدة المقناص مش فاضين وماعندهم قرارات في الأصل

وحتى لو كان عندهم قرارات فهي تكون مجرد سوالف هامشيه لاينظر اليها بأهتمام ..
s o s o
03-11-2009, 01:17 PM
احنا شعب طيب وعنده عزة نفس في أشياء وااااايد ..

يمكن للحين ما تعودنا على المطالبات بالصراخ والقوانين والمحاكم ورفع قضايا ضد الدولة

للمطالبة بالحقوق ..

ولكن عندي سؤال وأتمنى الإجابة عليه من قبلك ..

عندما انتفض المواطن القطري ( قضية تخفيض الرواتب في كهرماء وغيرها ... )

ماذا حدث ؟؟ غير انه اجهزة الامن بادرت الى المكان وفككت المسيرة السلمية ..

علما بأنها كانت مظاهرة أو بالأحرى مطالبة بالحق والرد على الموظفين المظلومين ..

ولم يكن فيها ضحايا او اعمال ارهابية او تخريبية ..........

وهل نقلت وسائل الاعلام الحدث ؟؟ وهل قامت تلفزيون قطر بتصوير الذي حدث ..؟؟


اووووووووه انت كنت معانا اخوي حمود ؟؟:victory:

كان يوم عجيب الصراحه
احنا يمكن للكثيرين ماقدرنا نسوي شي ولاحلينا القضيه
لكن الي مايعرفه الكثيرين ان احنا (موظفين كهرماء) سوينا اعظم شي وهو :


كشفنا النقاب عن حقيقة الديمقراطيه القطريه

يعني صرنا على المكشوف وعرينا الشعارات الرنانه
لكن من يفهم
s o s o
03-11-2009, 01:19 PM
اعضاء مجلس الشوري لايمثلون الشعب لانهم نصبو بغير انتخاب وانما تشريف او مكافئه

والآن اغلبهم يجهز عدة المقناص مش فاضين وماعندهم قرارات في الأصل

وحتى لو كان عندهم قرارات فهي تكون مجرد سوالف هامشيه لاينظر اليها بأهتمام ..

السبب الي خلاهم يجهزون عدة المقناص والثرثره في السوالف الهامشيه ؟
ســـهم
03-11-2009, 01:23 PM
السبب الي خلاهم يجهزون عدة المقناص والثرثره في السوالف الهامشيه ؟


مادري هل هذا سؤال موجه لي ام لا

ولكن السبب هو ان هذه العضويه اتتهم كمكافئه فقط من قبل الأمير

اي انها لم تاتي بتدرج المناصب الواحد تلو الآخر ..
s o s o
03-11-2009, 01:27 PM
مادري هل هذا سؤال موجه لي ام لا

ولكن السبب هو ان هذه العضويه اتتهم كمكافئه فقط من قبل الأمير

اي انها لم تاتي بتدرج المناصب الواحد تلو الآخر ..


السؤال لك اخي الكريم ولكل مواطن له وجهة نظرك

طالما اختيارهم كان مكافأه فاكيد مكافأه على مجهود معين يخدم البلد

والامير الله يحفظه له نظره فيمن يختار

فهل ترى ان الاختيار كان غير موفق بالنسبه لاعضاء مجلس الشورى ؟
الألماسي
03-11-2009, 01:35 PM
ولامغلوب على امره ولاشي هو بس عايش الدور باافراده السلبيين
ومثل ماقلت لك سابقا لاتنتظرون الجاي وتهملون الموجود
واذا هذا هو دوركم كشعب (مجرد الاعتماد على البرلمان ) فالبرلمان ماراح يكون لهاي دور
لانه بيكون مافي شعب يحركه .
حركوا اعضاء مجلس الشورى واثبتوا لهم ان في شعب يحاسب ويراقب
وعقب انتظروا البرلمان
واذا انتوا على هالحال وهذا تفكيركم مااعتقد بنوصل اي مكان ولابنحظى بأي فرصه في الديمقراطيه الحقيقيه .



يا سوسو . .
شلون حكمتي على فشل التجربه البرلمانيّه قبل موعدها . .!
عموماً " البرلمان " بيكون منتخب و تعيين . . مو . .!
حيلنا بيكون ع المنتخبين طبعاً و القوه و الفيتو بيكون " صوتج " الا اذا بتفزعين لولد عمج اذا رشّح نفسـه . .!! :)

عطيني قضيّه وحده تناولها " مجلس الشورى " تهم المواطن القطري وجابت نتيجه . .!
مافيه . . طبعاً و لسبب بسيط جداً ان التعيين دائماً ما يكون " للنخبـه " :)

سين سؤال لج:
ذكرتي " الديمقراطيـه " الحقيقيّه . . ممكن تفسير منطقي لها . . !


الشعب هو السُلطه الرابعه هذا ان لم يكن كل السُلطه



السلطه الرابعه أعني بها " الاعلام " بكافه اشكاله :)


ومن رايي نقوي شعلة مجلس الشورى بقوة دور الشعب علشان مانحترق بشمس البرلمان وايد احسن



37 سنــه و مجلس الشـورى موجود . . العيب بالأجيال . . والا بالاليّه ياترى . .!!
حدثي العاقل بما يعقل مس سـوسـو . .



انا لست ضد البرلمان ولكن ضد الشعب السلبي الذي لايستحق البرلمان



إذن أنا اول هـالشعب و انتي تقولين اني ماستحق البـرلمان . . يعني إنتي ضد الدستور :)

ذكرتي سلفاً ان " المظاهرات " غير ممنوعه . .!
انتي قريتي القانون . .!
"المادة (44)
حق المواطنين في التجمع مكفول وفقا لأحكام القانون."

طيب روحي سوي مظاهره . . مو انتي ضد وجود الخمر في البلد . . روحي لمعرض تلفت اللي بسوق العلي و سوي لج لوحه كبيره واكتبي عليها " لا للخمور في قطر " و تظاهري بأي مكان . . و عطينا اخر الأخبار من قلب الحـدث . . :)

اختي الكريمه . .
اي مظاهره " سلميّه " لازم تاخذين إذن و تصريح من الجهات الرسميّه قبل ما تتظاهرين . .
بمعنى مو اي مظاهـره " ستعطى " الإذن و التصـريح . .

:)
ســـهم
03-11-2009, 01:38 PM
السؤال لك اخي الكريم ولكل مواطن له وجهة نظرك

طالما اختيارهم كان مكافأه فاكيد مكافأه على مجهود معين يخدم البلد

والامير الله يحفظه له نظره فيمن يختار

فهل ترى ان الاختيار كان غير موفق بالنسبه لاعضاء مجلس الشورى ؟

انتي تبين تحوّرين الموضوع ؟

القصد انها مكافئه اي انها مناصب تشجيعيه على ماقدموه للوطن

اممممممم

تقريبا نقول مناصب اسميه بدون قرارات
الخبــره
03-11-2009, 01:40 PM
لوصحت نبوئتك..

انا اقول سلم لي على الدستور

الماده 38

(لا يجوز إبعاد أي مواطن عن البلاد، أو منعه من العودة إليها)

فما بالك بسحب جنسيته

هذول من اولها ساحبين على نصوص الدستور القطري الصريحه خوش مجلس والله


مالعلاقة بين الاثنين اخي الكريم

حتى سحب الجنسية يكون بناء على القانون

هذا النص اللي في الدستور عام وجاء قانون الجنسية وحدد متى تسحب الجنسية او تسقط

بالاضافة ان نص الدستور في حال كان المواطن صالح ولا توجد عليه مشاكل

وبدال ما تقول سلم لي ع الدستور

سلم لي ع اللي جابلك المعلومة
الخبــره
03-11-2009, 01:43 PM
المادة (44)

حق المواطنين في التجمع مكفول وفقا لأحكام القانون.


اشلون انت خليتها ممنوع ؟؟!!

اخت سوسو الرجال يمكن خانه التعبير يمكن قصده الرجال ان لازم تصريح من وزير الداخلية

فهي ليست ممنوعه ولكن ركزي على اللي تحته خطيين وبتعرفين
s o s o
03-11-2009, 01:51 PM
يا سوسو . .
شلون حكمتي على فشل التجربه البرلمانيّه قبل موعدها . .!
عموماً " البرلمان " بيكون منتخب و تعيين . . مو . .!
حيلنا بيكون ع المنتخبين طبعاً و القوه و الفيتو بيكون " صوتج " الا اذا بتفزعين لولد عمج اذا رشّح نفسـه . .!! :)

عطيني قضيّه وحده تناولها " مجلس الشورى " تهم المواطن القطري وجابت نتيجه . .!
مافيه . . طبعاً و لسبب بسيط جداً ان التعيين دائماً ما يكون " للنخبـه " :)

سين سؤال لج:
ذكرتي " الديمقراطيـه " الحقيقيّه . . ممكن تفسير منطقي لها . . !



السلطه الرابعه أعني بها " الاعلام " بكافه اشكاله :)



37 سنــه و مجلس الشـورى موجود . . العيب بالأجيال . . والا بالاليّه ياترى . .!!
حدثي العاقل بما يعقل مس سـوسـو . .





إذن أنا اول هـالشعب و انتي تقولين اني ماستحق البـرلمان . . يعني إنتي ضد الدستور :)

ذكرتي ان سلفاً ان " المظاهرات " غير ممنوعه . .!
انتي قريتي القانون . .!
"المادة (44)
حق المواطنين في التجمع مكفول وفقا لأحكام القانون."

طيب روحي سوي مظاهره . . مو انتي ضد وجود الخمر في البلد . . روحي لمعرض تلفت اللي بسوق العلي و سوي لج لوحه كبيره واكتبي عليها " لا للخمور في قطر " و تظاهري بأي مكان . . و عطينا اخر الأخبار من قلب الحـدث . . :)

اختي الكريمه . .
اي مظاهره " سلميّه " لازم تاخذين إذن و تصريح من الجهات الرسميّه قبل ما تتظاهرين . .
بمعنى مو اي مظاهـره " ستعطى " الإذن و التصـريح . .

:)



اقولك ليش حكمت على فشلها اخي الكريم

لان الشعب هو الشعب نفس الفكر ونفس الشكوى والمستقبل راح يثبت لك هالشيء
واكبر دليل للي يقرأ بين السطور تأجيل البرلمان الى 2012 هذااذا ماتأجل اكثر
عندهم امل ان الشعب يكون اكثر فاعليه
وبخصوص الاعضاء النخبه في رد سابق وسؤال اتمنى تجاوب عليه اخوي الالماسي

الديمقراطيه الحقيقيه وبأختصار هي مشاركة الشعب في القرار
وشعب ماله غير الشكوى اعتقد ماعنده وقت يشارك في اي قرار

وبخصوص التجمع المكفول لابد 3 مواطنين يكتبون طلب
انا بروحي ماينفع
الحين انا وانت وشوفلنا حد ثالث واذا ماوافقوا من حقنا نتظلم طالما احنا مش ضد الدستور
وبنسوي التجمع السلمي المعبر عن الرأي الشعبي


وعلى فكره مب شرط فاعليه الشعب بالمظاهرات فقط
وين الجمعيات والمؤسسات الاهليه الي تخدم المواطن ؟
انا قلت رابطه انحذف الموضوع
وتقولي مجلس الشورى من النخبه !!
هذا الخوف من الوهم هو الي مخلينا محلك سر

وعلى فكره
انت ماجاوبت على اسئلتي في ردي السابق عليك
ليش؟
s o s o
03-11-2009, 01:54 PM
انتي تبين تحوّرين الموضوع ؟

القصد انها مكافئه اي انها مناصب تشجيعيه على ماقدموه للوطن

اممممممم

تقريبا نقول مناصب اسميه بدون قرارات

لاوالله ابدا ماابي احوره ..بس اكلمك بالمنطق

والحين انت تقول مكافئه على ماقدموه للوطن !!

وبعدين قلت مناصب اسميه بدون قرارات

شوشتني

ياريت توضح اكثر اخوي سهم
s o s o
03-11-2009, 01:56 PM
المادة (44)

حق المواطنين في التجمع مكفول وفقا لأحكام القانون.


اشلون انت خليتها ممنوع ؟؟!!

اخت سوسو الرجال يمكن خانه التعبير يمكن قصده الرجال ان لازم تصريح من وزير الداخلية

فهي ليست ممنوعه ولكن ركزي على اللي تحته خطيين وبتعرفين


فرق كبير بين ممنوع ومكفول

وعموما شكرا جزيلا
ســـهم
03-11-2009, 02:04 PM
يا اخت سوسو الله يرضى عليج

يعني تبين توضيح اكثر من كلمة " مناصب اسميه "

بالعربي ماعندهم قرارات يتخذونها ولو كانت هناك قرارات تكون غير ملزمه يعني تطرح امامهم

القرارات وتتخذ سواء قالوا نعم للقرار وهي الكلمه الدارجه والمعروفه

او قالوا لا

تعبت ابي اروح ارقد اتمنى الفكره وصلت ..
s o s o
03-11-2009, 02:11 PM
يا اخت سوسو الله يرضى عليج

يعني تبين توضيح اكثر من كلمة " مناصب اسميه "

بالعربي ماعندهم قرارات يتخذونها ولو كانت هناك قرارات تكون غير ملزمه يعني تطرح امامهم

القرارات وتتخذ سواء قالوا نعم للقرار وهي الكلمه الدارجه والمعروفه

او قالوا لا

تعبت ابي اروح ارقد اتمنى الفكره وصلت ..


هي واصله من زمان بس ابيك تكون معاي على الخط وحده وحده
وانت الي بنفسك تقول هالكلام الي معناه :

انهم في هذه الحاله لاحول لهم ولاقوه ومثلهم مثلنا وموضوع النخبه هذا نخليه على جنب
ونحاول نعرف من الي همش اعضاء الشورى والشعب
ســـهم
03-11-2009, 02:13 PM
هي واصله من زمان بس ابيك تكون معاي على الخط وحده وحده
وانت الي بنفسك تقول هالكلام الي معناه :

انهم في هذه الحاله لاحول لهم ولاقوه ومثلهم مثلنا وموضوع النخبه هذا نخليه على جنب
ونحاول نعرف من الي همش اعضاء الشورى والشعب


سوسو

اختصارا للحديث

ديموقراطيه = انتخابات

...
الألماسي
03-11-2009, 02:14 PM
اقولك ليش حكمت على فشلها اخي الكريم

لان الشعب هو الشعب نفس الفكر ونفس الشكوى والمستقبل راح يثبت لك هالشيء
واكبر دليل للي يقرأ بين السطور تأجيل البرلمان الى 2012 هذااذا ماتأجل اكثر
عندهم امل ان الشعب يكون اكثر فاعليه
وبخصوص الاعضاء النخبه في رد سابق وسؤال اتمنى تجاوب عليه اخوي الالماسي

الديمقراطيه الحقيقيه وبأختصار هي مشاركة الشعب في القرار
وشعب ماله غير الشكوى اعتقد ماعنده وقت يشارك في اي قرار

وبخصوص التجمع المكفول لابد 3 مواطنين يكتبون طلب
انا بروحي ماينفع
الحين انا وانت وشوفلنا حد ثالث واذا ماوافقوا من حقنا نتظلم طالما احنا مش ضد الدستور
وبنسوي التجمع السلمي المعبر عن الرأي الشعبي


وعلى فكره مب شرط فاعليه الشعب بالمظاهرات فقط
وين الجمعيات والمؤسسات الاهليه الي تخدم المواطن ؟
انا قلت رابطه انحذف الموضوع
وتقولي مجلس الشورى من النخبه !!
هذا الخوف من الوهم هو الي مخلينا محلك سر

وعلى فكره
انت ماجاوبت على اسئلتي في ردي السابق عليك
ليش؟


صوت الشعب راح يوصل بالعضو الممثل لهم في " البرلمان " القادم بإذن الله . . و المشاركه الفعليّه و الحقيقيّه للشعب تكمن بوجود ممثلهم وجهاً لوجه امام الحكومه . .

لا تتوقعين ذاك التغيير الجذري في عمليّه المشاركه الشعبيّه على حد قولك بعد 2012 و لكن نلتمس العذر لهم لأن التجربه جديده و تختلف اختلاف كلي عن المجلس البلدي طبعاً . . فلا نشبّه الثرى بالثريا . .

:)
abdulla999
03-11-2009, 02:26 PM
هههههههههههههههه
في شئي اسمه مجلس شورى اول مرة اسمع عنه
طلعة الروح
03-11-2009, 03:05 PM
مالعلاقة بين الاثنين اخي الكريم

حتى سحب الجنسية يكون بناء على القانون

هذا النص اللي في الدستور عام وجاء قانون الجنسية وحدد متى تسحب الجنسية او تسقط

بالاضافة ان نص الدستور في حال كان المواطن صالح ولا توجد عليه مشاكل

وبدال ما تقول سلم لي ع الدستور

سلم لي ع اللي جابلك المعلومة

والله اخوي انا رديت على الاخ رمز الوفا من الناحيه المنطقيه وكنظره عامه للنص الواضح والصريح اللي يقولك مايجوز نفي المواطن من بلاده وابعاده عنها هاذي رقم واحد فالأولى واللي حتى الياهل بالروضه يستنتجه انه جنسيته اتم محفوظه وهاي اللي يقوله العقل بغض النظر عن قانون الجنسية اللي ما اطلعت على استثناءاته ،وبخصوص تعليقه بأن مجلس الشورى اتفقوا انه اي واحد يتظلم ويتشكى بالاعلام يستحق سحب الجنسيه بالله عليك شنو هالتناقض ووين الديموقراطيه اللي ينادون فيها جات عالمواطن الفقير لي انقهر وتكلم اسحبوا جنسيته عسى ماشر وين صارت هذي وشحقه عيل فاتحين اذاعات وقنوات خاصه لشكاوي المواطنين عيل كل واحد يكتم بروحه ويموت وخلصنا هذي ولو هاي اللي تقول عنه قانون الجنسية وفيه هالماده واهو القانون المعمول به سلم لي عليه يا خبره
الألماسي
03-11-2009, 03:15 PM
،وبخصوص تعليقه بأن مجلس الشورى اتفقوا انه اي واحد يتظلم ويتشكى بالاعلام يستحق سحب الجنسيه بالله عليك شنو هالتناقض ووين الديموقراطيه اللي ينادون فيها جات عالمواطن الفقير لي انقهر وتكلم اسحبوا جنسيته عسى ماشر وين صارت هذي وشحقه عيل فاتحين اذاعات وقنوات خاصه لشكاوي المواطنين عيل كل واحد يكتم بروحه ويموت وخلصنا هذي ولو هاي اللي تقول عنه قانون الجنسية وفيه هالماده واهو القانون المعمول به سلم لي عليه يا خبره


طيب شرايك بالتجربه الكويتيّه . .!
بوطويشم
03-11-2009, 08:25 PM
مشكورين على ردودكم

وان شاء الله مع افتتاح الدورة الثانية اليوم انشوف تطور
مساهم عادي
03-11-2009, 08:43 PM
تذكرت المقوله الشهيره

الشور شورك يايبه والقول قولك يايبه

http://www.ee77ee.com/vb/imgcache/17620.jpghttp://www.ee77ee.com/vb/imgcache/17621.jpghttp://www.ee77ee.com/vb/imgcache/17620.jpghttp://www.ee77ee.com/vb/imgcache/17620.jpg

:nice::nice::nice::nice::nice::nice::nice::nice:

وغير هذا .... قرارتهم اغلبها ان ماكانت كلها بالإجماع.....
قلوبهم متوالفة :) ماشاء الله عليهم
طلعة الروح
04-11-2009, 02:48 AM
:nice::nice::nice::nice::nice::nice::nice::nice:

وغير هذا .... قرارتهم اغلبها ان ماكانت كلها بالإجماع.....
قلوبهم متوالفة :) ماشاء الله عليهم

اهاااا شيصيرون لهم بنات ابو الريش:nice:
طلعة الروح
04-11-2009, 02:54 AM
طيب شرايك بالتجربه الكويتيّه . .!

على كل الازمات والمشاكل اللي تمر فيها التجربة الديموقراطية الكويتية الا انها قاعده تمشي بمسارها الصحيح لاتنسى انه كل بدايه لها صعوباتها واخطائها ولازم نعطيها فرصه كافيه قبل مانحكم عليها في اعتقادي اي انسان بالخليج ينظر الى هذي التجربه من بعيد او من قريب راح ينظر اليها من باب الاحترام والتقدير...
بوسياف
04-11-2009, 03:03 AM
السلام عليكم جميعا
ياليت الأخوان والأخوات يركزون على الي يبونه أو يتمنون أن مجلس الشورى يطبقة
أن بأعتقادي أسهامات مجلس الشورى كانت جداً ضعيفه والقرار الوحيد الي نزلوه اهو ان حزام الأمان الزامي
عيني عليهم باردة .
المفترض مجالسهم مفتوحة وقضايان يطرحونها أول بأول ، ومهما كانت ولا ليش بالله عليكم تم تعيينكم، في أمور كثير مصيرية ومهمه ولشرايح كبيرة من المجتمع القطري نتداولها في الأعلام وكل مكان ، وانتوا خبر خير دافين بخامس .
اتمنى ان تعرفوا بالنهاية أنها امانه تسألون عنها يوم القيامة يوم لاينفع لا والد ولا ولد .
وتحرصون على قضايانا كانها قضاياكم ..
وبعدين شنو فايدة حضوركم وتواجدكم لو ماكان لكم اي تفعيل أو اسهامات حتى لو بالكلام ...

تقبلوا التحية جميعاً
نحن ننتظر البرلمان الي نتمنى بأذن الله يكون خادم وفي للمواطن والوطن
بوطويشم
04-11-2009, 11:58 AM
مشكورين على الردود

وان شاء الله انشوف برلمان في الدوحه همه قضايا الشعب
بوسياف
05-11-2009, 02:16 AM
اقولك ليش حكمت على فشلها اخي الكريم

لان الشعب هو الشعب نفس الفكر ونفس الشكوى والمستقبل راح يثبت لك هالشيء
واكبر دليل للي يقرأ بين السطور تأجيل البرلمان الى 2012 هذااذا ماتأجل اكثر
عندهم امل ان الشعب يكون اكثر فاعليه
وبخصوص الاعضاء النخبه في رد سابق وسؤال اتمنى تجاوب عليه اخوي الالماسي

الديمقراطيه الحقيقيه وبأختصار هي مشاركة الشعب في القرار
وشعب ماله غير الشكوى اعتقد ماعنده وقت يشارك في اي قرار

وبخصوص التجمع المكفول لابد 3 مواطنين يكتبون طلب
انا بروحي ماينفع
الحين انا وانت وشوفلنا حد ثالث واذا ماوافقوا من حقنا نتظلم طالما احنا مش ضد الدستور
وبنسوي التجمع السلمي المعبر عن الرأي الشعبي


وعلى فكره مب شرط فاعليه الشعب بالمظاهرات فقط
وين الجمعيات والمؤسسات الاهليه الي تخدم المواطن ؟
انا قلت رابطه انحذف الموضوع
وتقولي مجلس الشورى من النخبه !!
هذا الخوف من الوهم هو الي مخلينا محلك سر

وعلى فكره
انت ماجاوبت على اسئلتي في ردي السابق عليك
ليش؟

الأخت سوسو

مادري ليش انتي متناقضة ويا عمرج ...
أنا كنت اشوف المظاهرة عند كهرماء والأمن شلون كان يتصرف وياهم
وهم انتي تقولين موجودة وين الحرية ؟

ولا تروحين بعيد عندج الحين المجلس البلدي ... الأخوان والأخوات مع انه تجربة أولية ماقصروا ، لكن منو الي عطاهم وجه حتى موااضيع كثبرة تنطرح وبالمقابل موضوع بعد فترة يتم النظر فية...

تدرين أختي سوسو ومع أحترامي الكبير لج ولطرحج ,,,
احنا ماراح نطبق البرلمان ولا الخطط الي تطمح الدولة لتنفيذها ،، تدرين ليش,,,,
لان فيه فئة من أهل قطر نفسج في التفكير يشوفون كل شئ مايليق علينا
لانكون مذيعين في قنواتنا ولا ونطور تعليمنا بنفسنا وهم مانعرف شلون نتعامل ويا التطور الخ...

اختي سوسو ولاتزعلين منو أنتي لخاطر تحكمين على شعب على صغره ما قصر وخرج دكاتره
ومعلمين ومهندسين ,, أنتي لو تتأملين الشعب حالياً من جيل الثمانينات وأنتي طالعة
لوجدتي الأغلبية منهم من حملت الشهادات واصحاب الخبرات ...

يالربع تكفون لانطيح عزوم بعض وموب كل شئ نشكك في قدراتنا , الحمدلله وبتوجيهات سمو الأمير احنا قادرين ننتج ونشارك وننافس , وقبل كل شئ أهل قطر وعلى الرغم من التطورات الي استوت في السنوات الأخيرة ,, لازال كما هو في عراقته وفي أخلاقة وطموحة ...

هاي رسالة للأخوان والأخوات كلهم بدون أستثناء ...
وياليت تقرونها بتمعن..

أعتذر عن الأطالة
JAKOOR
05-11-2009, 07:17 AM
اخوي ليت موضوعك يكون واضح

اذكر شي من الانجازات للمجلس وما يطلبه المواطن من المجلس

اما طرح الموضوع بشكل عام هكذا لن تعم الفائده المنشوده بحيث راح تكون الردود عامه ايضا [ ليس الا صوره ـ ما من فايده ـ رقود ـ صباح الخير ـ]

اتمنى الرقي للجميع
الألماسي
05-11-2009, 08:58 AM
على كل الازمات والمشاكل اللي تمر فيها التجربة الديموقراطية الكويتية الا انها قاعده تمشي بمسارها الصحيح لاتنسى انه كل بدايه لها صعوباتها واخطائها ولازم نعطيها فرصه كافيه قبل مانحكم عليها في اعتقادي اي انسان بالخليج ينظر الى هذي التجربه من بعيد او من قريب راح ينظر اليها من باب الاحترام والتقدير...


46 سنـه و لازالت في البـدايّه . .!
المرحب
05-11-2009, 01:23 PM
يا جماعة الخير


ماذا راح نجني أو نستفيد من تجربة البرلمان في الكويت أو غيره من البلدان ؟؟؟

















تحيـــــــــــــــــاتي ...
عضو المنتدى
06-11-2009, 07:13 PM
مجلس الشوري يقدم ويناقش اقترحات ولكن يظل دوره للشورى فقط وطبعا قراراته غير الزامية

والله تبي الصج انا يوم اشوف مجلس الامة الكويتي اقول الحمدالله على مجلس الشورى

مانبي الديموقراطيه الى تعطل البلد وتوقفه مثل الحاصل بالكويت

بالعكس أخوي

أحنا عندنا مشاريع متعطله خاصة الشوارع والجسور والحفريات المهملة صارلها

أكثر من خمس سنوات .. وعندنا مدن خارج الدوحة مهملة .

وعندنا مشاريع متهالكه ومتغيرت من 25 سنة مثل سوق السمك والغنم و ...وغير وغير

أحنا ما عندنا جهة تحاسب على هذا التعطيل وتطور المنشأت البلد ,

على الأقل في الكويت فيه من يحاسب .
طلعة الروح
06-11-2009, 07:22 PM
46 سنـه و لازالت في البـدايّه . .!

كنت اتكلم عن البرلمان الكويتي الأخير:shy:
ابيض و اسود
06-11-2009, 08:02 PM
الشورى = تشاور فقط

والتشاور فقط بعيد كل البعد عن (الحساب)

ولكي يكون هناك حساب لا بد من (برلمان)

والبرلمان = حرية رأي

ولكي يكون هناك حرية رأي فلا بد من قانون يكفل هذه الحرية

والبند الخامس في التعليمات الموجودة خلف كل جواز قطري يقول:

٥- يبقى هذا الجواز ملك لدولة قطر، ويمكن سحبه أو إلغاء مفعوله إذا اقتضت الأنظمة المرعية لذلك !

فكيف تكون هناك حرية بلا قانون يحميها !
QAT999
06-11-2009, 08:11 PM
الشورى = تشاور فقط

والتشاور فقط بعيد كل البعد عن (الحساب)

ولكي يكون هناك حساب لا بد من (برلمان)

والبرلمان = حرية رأي

ولكي يكون هناك حرية رأي فلا بد من قانون يكفل هذه الحرية

والبند الخامس في التعليمات الموجودة خلف كل جواز قطري يقول:

٥- يبقى هذا الجواز ملك لدولة قطر، ويمكن سحبه أو إلغاء مفعوله إذا اقتضت الأنظمة المرعية لذلك !

فكيف تكون هناك حرية بلا قانون يحميها !



:thumbup1::thumbup1:
لله الحمد
06-11-2009, 08:20 PM
الشورى = تشاور فقط

والتشاور فقط بعيد كل البعد عن (الحساب)

ولكي يكون هناك حساب لا بد من (برلمان)

والبرلمان = حرية رأي

ولكي يكون هناك حرية رأي فلا بد من قانون يكفل هذه الحرية

والبند الخامس في التعليمات الموجودة خلف كل جواز قطري يقول:

٥- يبقى هذا الجواز ملك لدولة قطر، ويمكن سحبه أو إلغاء مفعوله إذا اقتضت الأنظمة المرعية لذلك !

فكيف تكون هناك حرية بلا قانون يحميها !






كلام مختصر .. يستحق الاشادة والتصفيق

بخصوص الكلام في الجواز .. الدولة الوحيدة احنا في الخليج

المكتوب فيها جذيه
طلعة الروح
07-11-2009, 11:30 AM
كلام مختصر .. يستحق الاشادة والتصفيق

بخصوص الكلام في الجواز .. الدولة الوحيدة احنا في الخليج

المكتوب فيها جذيه

يا اما الدستور عندنا يناقض نفسه بنفسه ولا يناقض ويتعارض مع القوانين الاخرى بالدوله بحيث انه كل واحد فيهم يعمل باتجاه معاكس ولا شرايكم..
QAT999
07-11-2009, 12:12 PM
هل الخطأ فى القانون أما الخطأ فى تنفيذ القانون
أما المشكله من يطبق عليهم القانون !!
لله الحمد
07-11-2009, 12:14 PM
يا اما الدستور عندنا يناقض نفسه بنفسه ولا يناقض ويتعارض مع القوانين الاخرى بالدوله بحيث انه كل واحد فيهم يعمل باتجاه معاكس ولا شرايكم..


الدستور ماشي صح .. ولكن البعض من ذوّي النفوذ واللي عروقهم في الماي

يستغلون نفوذهم لمصلحتهم الخاصة والضغط على الغلابه :secret:
طلعة الروح
07-11-2009, 12:27 PM
والبند الخامس في التعليمات الموجودة خلف كل جواز قطري يقول:

٥- يبقى هذا الجواز ملك لدولة قطر، ويمكن سحبه أو إلغاء مفعوله إذا اقتضت الأنظمة المرعية لذلك !

فكيف تكون هناك حرية بلا قانون يحميها !


اذا كان المقصود بسحب الجواز سحب عين هذا الجواز وليس سحب صاحب الجواز معه فلا توجد مشكله من هذا القرار اذا اقتضى ظرف من الظروف ذلك وهاي اللي اتوقع المقصود به، ولكن اذا كان المقصود سحب الجواز وصاحبه معاً فهنا لا بد من وقفه وتساؤل لانه بذلك يناقض نص الدستور القائل بعدم جواز ابعاد المواطن عن بلده والابعاد السياسي يتروالي يستوجب سحب الجنسيه وهني يصير تعارض خطير...
طلعة الروح
07-11-2009, 12:31 PM
الدستور ماشي صح .. ولكن البعض من ذوّي النفوذ واللي عروقهم في الماي

يستغلون نفوذهم لمصلحتهم الخاصة والضغط على الغلابه :secret:

يفترض انه الدستور ماشي صح وكلامك صحيح في ناس مستغله الوضع تصعد وتدوس راس الدستور لانه مافي برلمان عملي ولا جهه تفضحها وتحاسبها على جرايمها...
شكرا على الاضافه عزيزي
bluelion
08-11-2009, 12:09 AM
والله اخوي انا رديت على الاخ رمز الوفا من الناحيه المنطقيه وكنظره عامه للنص الواضح والصريح اللي يقولك مايجوز نفي المواطن من بلاده وابعاده عنها هاذي رقم واحد فالأولى واللي حتى الياهل بالروضه يستنتجه انه جنسيته اتم محفوظه وهاي اللي يقوله العقل بغض النظر عن قانون الجنسية

الموضوع ما يحتاج يهال... لأن استنتاجهم غلط...

مايجوز نفي المواطن من بلاده وابعاده عنها يعني اذا واحد مواطن مايجوز نفيه وابعادة.
إذا تم سحب الجنسية يصبح غير مواطن ويجوز نفيه وابعادة.
s o s o
08-11-2009, 08:20 AM
الدستور ماشي صح .. ولكن البعض من ذوّي النفوذ واللي عروقهم في الماي

يستغلون نفوذهم لمصلحتهم الخاصة والضغط على الغلابه :secret:

هذا الكلام باطل باطل باطل

بالتلاته