أرجو المساعده من الخبرا ءأدخل وشوف التصميم ونريد تعديل الأخطاء.

[سوق واقف]

السلام عليكم ورحمة الله وبركاته

ما خاب من أستشار ...أريد تعديلاتكم على الخريطة وراح أقبل أرائكم بصدر رحب ....

مساحة الأرض الف متر
مساحة الفيلا 1062
مساحة الملحق 80 متر

* * *
1- الدور الأول
http://img103.herosh.com/2009/11/02/385989361.jpg (http://www.herosh.com)


* * * **
2- الدور الثاني
http://img101.herosh.com/2009/11/02/680911410.jpg (http://www.herosh.com)

نستقبل آرائكم ....

[Khalid_Qatar]

اخوي

حاول تخلي الحمامات ( الله يعز الجميع انشالله ) فوق بعض

لا تخلي حمام فوق غرفه او صاله يعني حاول تضبط شوي الي يبين لي الي فوق مجلس الحريم

٢ فوق الغرفه او المجلس الي للحريم

وبس الباقي عليك وعلى الشباب

وبالتوفيق

[السندان]

اهم مافي السلم يكون العتبة الوحدة لاتقل عن 30سم ( يعني الدعسة) وانت عندك السلم دائري انتبه لل30سم يجب ان تكون في الزاوية الضيقة
وارتفاع كل درجة عن الاخرى يكون 15سم

بالتوفيق

[موضي قطر]

الله يوفقك اخوي

[سوق واقف]

اخوي

حاول تخلي الحمامات ( الله يعز الجميع انشالله ) فوق بعض

لا تخلي حمام فوق غرفه او صاله يعني حاول تضبط شوي الي يبين لي الي فوق مجلس الحريم

٢ فوق الغرفه او المجلس الي للحريم

وبس الباقي عليك وعلى الشباب

وبالتوفيق

جزاك الله الف خير يالغالي
لقينا الأخطاء السبعه فيها ... نريد تعديل البيت أولا ...

[سوق واقف]

اهم مافي السلم يكون العتبة الوحدة لاتقل عن 30سم ( يعني الدعسة) وانت عندك السلم دائري انتبه لل30سم يجب ان تكون في الزاوية الضيقة
وارتفاع كل درجة عن الاخرى يكون 15سم

بالتوفيق

إن شاء الله يالغالي

بس عطني الأخطاء وطريقة التصميم ...:weeping:

[بو الجوري]

هلا أخوي بومحمد :.. إنت قصدك الارض 1200 مب 1000 :)

الصراحه البيت عووود :.. ومافي حوش :.. حرام والله :..

وحسب علمي إنت ما تحتاج هالعدد من الغرف فالبيت :..

عالعموم :.. أنا عالوعد :.. وأنتظرك :.. شيك الخاص :)

[سوق واقف]

هلا أخوي بومحمد :.. إنت قصدك الارض 1200 مب 1000 :)

الصراحه البيت عووود :.. ومافي حوش :.. حرام والله :..

وحسب علمي إنت ما تحتاج هالعدد من الغرف فالبيت :..

عالعموم :.. أنا عالوعد :.. وأنتظرك :.. شيك الخاص :)


لا الأرض 1000 متر

[بو الجوري]

اها 1000 متر :.. بس بعد لو تلاحظ ماعندك حوش عدل :.. !!!
و تحت 3 سيتينج وغير الصاله ومجلس الحريم والمطعم !!!! أنا أشوفهم وايد :..
ومساحاتهم كبيره :.. يعني البناء بيكلفك وايد :..

إن شاء الله راوني المخطط عالطبيعه :.. وباراويك مخططي :)
وبنتكلم عقب :..

موفق بإذن الله :..

[الحزين999]

مرحبا أخوي سوق واقف

مخطط جميل بس يبي له مراجعة اكثر .. ياليت ماتستعجل وتفكر اكثر :)

بس فيه شغله ياليت توضحها

مساحة الأرض الف متر
مساحة الفيلا 1062
مساحة الملحق 80 متر


هل تقصد مساحة الفيلا 1062 فوت ؟

[بو الجوري]

مرحبا أخوي سوق واقف

مخطط جميل بس يبي له مراجعة اكثر .. ياليت ماتستعجل وتفكر اكثر :)

بس فيه شغله ياليت توضحها

مساحة الأرض الف متر
مساحة الفيلا 1062
مساحة الملحق 80 متر


هل تقصد مساحة الفيلا 1062 فوت ؟

أخوي :.. مساحة الفلا 1062 متر مربع :.. لاتنسى إنها دورين :..
يعني تقريبا 500 تحت و 500 فوق :)

[ام رويشد]

خسارة ماطلعت الصورة ...عشان نستفيد من افكاركم اتلاحق عمري :)

[الحزين999]

اهااااااا تسلم على التوضيح أخوي بو الجوري :)

يعني راح تاخذ من مساحة الارض 580 متر مربع حلو راح يضل عنده مساحة حلوه للحوش :)

[سوق واقف]

اهااااااا تسلم على التوضيح أخوي بو الجوري :)

يعني راح تاخذ من مساحة الارض 580 متر مربع حلو راح يضل عنده مساحة حلوه للحوش :)

أنا ذبحت الحوش باقي من الحوش 9 أمتار فقط

بصغر الفيلا شوي ..:shy:

[الحزين999]

الله يوفقك يارب .. بس لاتنسى تروينا التعديلات بعدين على شان نستفيد منك يالغالي :)

[classic2004]

اخوي انا ماعندي خبرة بالبنيان بس فيه كم ملاحظة
بالنسبة للصالة مافي الله يعزك حمام يعني اللي يبي يروح الحمام يضطر ان يدخل الغرفة صح ؟
انا في التصميم اللي بغيته سويت غرفتين تحت وبينهم حمام
انا ما دققت بس كان غرفة الخدامة في نص البيت صراحة احس اهل البيت بيتضايقون
المجلس والصالة ماخذين المساحة لو تقلل احسن
والغرف انا احس يكونون 5 فوق و2 تحت احسن
وانت ابخص هاي ملاحظات والاعضاء اكيد خبرتهم اكبر
وبالتوفيق

[*¤ بن قطر¤*]

السلام عليكم ورحمة الله و بركاته ,,,

بصراحه .. التصميم يحتاج الى اعادة نظر لعدة أسباب و منها:

1- وجود صالات جلوس كثيره في الدور الاول مما أدت الى أكل مساحة الفيلا

2- و جود عدد 4 مداخل للفيلا و هذا من وجهة نظري خطأ فيرجى تقليص العدد

3- لا يوجد مطبخ داخلي Open Kitchen مما يعطي للمنزل اضافه جماليه

4- اعد النظر في الدور العلوي من حيث توزيع الغرف .. و اعطاء الخصوصيه لكل غرفة نوم

5- Master bed Room لا يوجد فيها اي تميز .. و يجب تكبير مساحة الحمام أعزك الله و غرفة التبديل.

6- حاول تقليص مساحة الصاله العلويه ... و يمكن استبدالها بــ Home Theater سينما منزليه.

و أخيرا ,,, لا تستعجل وخذ و قتك في التصميم ,, انا عن نفسي أخذت سنه كاملة و بعد اكتشفت أخطاء :shy:

أرجو تقبل ملاحظاتي بصدر رحب ,, ولك مني أجمل التحايا

[اسيرالدوحه]

السلام عليكم اخوي ..

اخوي عندك مساحات ضايعة كثيرة ...

مدري ليش مكثر من الصالات فالبيت ؟؟

وبعدين ... أكبر خطأ انك تحط الحمامات في واجهة البيت ...

الدرج اللي فالنص ... ماكل عليك مساحة كبيرة ... فكر في اعادة تصميمه ...

مدري ليش مكثر من حركة الدوران فالحائط ... حاول انك تقلل منها ...

مداخل البيت كثيرة ... قلل منها .... مدخلين فقط ... مدخل رئيسي فالواجهة .. ومخل فالخلف .. للملحق ...

ليش مافكرت تستفيد من البنت هاوس ... مثلا خلي غرفة الخدامة فالبنت هاوس ....

فكرة عمل البانتري فالطابق العلوي ... فكرة جيدة وممتازة .... ويكون معزول ... مايكون مفتوح عالصالة ... عشان الروايح ....

غرفة الاوتي ... انا حطيتها بجانب غرفة الخدامة فوق فالبنت هاوس ... لسهولة استخدامها وعشان يكون الاوتي سهل عليها وبجانب غرفتها ... ومنعا للاعذار .... (مقدرت اشوف وين مكان الغرفة فالخريطة)

غرفة الماستر ... اشوفها اخوي عادية ... مافيها شي مميز ... مثل ما ذكر الاخ اللي سبقني ...

الغرف ايضا ... احس توزيعها غلط ... يفضل لو يكون في تناسق فالتوزيع ...

الدرج الرئيسي .. لو يكون بجانب حائط يكون احسن ... راح يوفر عليك عند عمل الدربزين ...

يُستحسن عمل مخزن آخر (غير عن اللي فالمطبخ) ... والبنت هاوس مكان مقترح له ...

شرفة ... هل ناوي تسوي شرفة .... (بلكونه) ... حتى ولو منظر زينة ... خسارة فلوس عالفاضي ...


الخلااصة اخوي ...

تقدر تصغر مساحة البيت .. والابقاء على عدد الغرف ... وتضيف بنت هاوس ...

خريطة البيت ... حلوة ... ولكن ... أرجو انك تنتبه للنقاط اللي ذكرتها لك ...

وفي الآخر ... الموضوع راجع لك ...

[سوق واقف]

الله يوفقك يارب .. بس لاتنسى تروينا التعديلات بعدين على شان نستفيد منك يالغالي :)

يوفق الجميع ... بإذن الله راح أنزل الخرايط بعد التعديل وبعد راح تساعدوني :eek5:

[سوق واقف]

اخوي انا ماعندي خبرة بالبنيان بس فيه كم ملاحظة
بالنسبة للصالة مافي الله يعزك حمام يعني اللي يبي يروح الحمام يضطر ان يدخل الغرفة صح ؟
انا في التصميم اللي بغيته سويت غرفتين تحت وبينهم حمام
انا ما دققت بس كان غرفة الخدامة في نص البيت صراحة احس اهل البيت بيتضايقون
المجلس والصالة ماخذين المساحة لو تقلل احسن
والغرف انا احس يكونون 5 فوق و2 تحت احسن
وانت ابخص هاي ملاحظات والاعضاء اكيد خبرتهم اكبر
وبالتوفيق

ومنكم نستفيد يالغالي أشكرك ملاحظة مهمه صحيح :victory:

[سوق واقف]

السلام عليكم ورحمة الله و بركاته ,,,

بصراحه .. التصميم يحتاج الى اعادة نظر لعدة أسباب و منها:

1- وجود صالات جلوس كثيره في الدور الاول مما أدت الى أكل مساحة الفيلا

2- و جود عدد 4 مداخل للفيلا و هذا من وجهة نظري خطأ فيرجى تقليص العدد

3- لا يوجد مطبخ داخلي open kitchen مما يعطي للمنزل اضافه جماليه

4- اعد النظر في الدور العلوي من حيث توزيع الغرف .. و اعطاء الخصوصيه لكل غرفة نوم

5- master bed room لا يوجد فيها اي تميز .. و يجب تكبير مساحة الحمام أعزك الله و غرفة التبديل.

6- حاول تقليص مساحة الصاله العلويه ... و يمكن استبدالها بــ home theater سينما منزليه.

و أخيرا ,,, لا تستعجل وخذ و قتك في التصميم ,, انا عن نفسي أخذت سنه كاملة و بعد اكتشفت أخطاء :shy:

أرجو تقبل ملاحظاتي بصدر رحب ,, ولك مني أجمل التحايا

أفكار جميلة وللعلم راح أحط ك لمقتراحتك عندي وعقب بصمم نموذج ثاني وعقب بنزل لكم الخرايط ونعدل مع بعض أيضا ...

[سوق واقف]

السلام عليكم اخوي ..

اخوي عندك مساحات ضايعة كثيرة ...

مدري ليش مكثر من الصالات فالبيت ؟؟

وبعدين ... أكبر خطأ انك تحط الحمامات في واجهة البيت ...

الدرج اللي فالنص ... ماكل عليك مساحة كبيرة ... فكر في اعادة تصميمه ...

مدري ليش مكثر من حركة الدوران فالحائط ... حاول انك تقلل منها ...

مداخل البيت كثيرة ... قلل منها .... مدخلين فقط ... مدخل رئيسي فالواجهة .. ومخل فالخلف .. للملحق ...

ليش مافكرت تستفيد من البنت هاوس ... مثلا خلي غرفة الخدامة فالبنت هاوس ....

فكرة عمل البانتري فالطابق العلوي ... فكرة جيدة وممتازة .... ويكون معزول ... مايكون مفتوح عالصالة ... عشان الروايح ....

غرفة الاوتي ... انا حطيتها بجانب غرفة الخدامة فوق فالبنت هاوس ... لسهولة استخدامها وعشان يكون الاوتي سهل عليها وبجانب غرفتها ... ومنعا للاعذار .... (مقدرت اشوف وين مكان الغرفة فالخريطة)

غرفة الماستر ... اشوفها اخوي عادية ... مافيها شي مميز ... مثل ما ذكر الاخ اللي سبقني ...

الغرف ايضا ... احس توزيعها غلط ... يفضل لو يكون في تناسق فالتوزيع ...

الدرج الرئيسي .. لو يكون بجانب حائط يكون احسن ... راح يوفر عليك عند عمل الدربزين ...

يُستحسن عمل مخزن آخر (غير عن اللي فالمطبخ) ... والبنت هاوس مكان مقترح له ...

شرفة ... هل ناوي تسوي شرفة .... (بلكونه) ... حتى ولو منظر زينة ... خسارة فلوس عالفاضي ...


الخلااصة اخوي ...

تقدر تصغر مساحة البيت .. والابقاء على عدد الغرف ... وتضيف بنت هاوس ...

خريطة البيت ... حلوة ... ولكن ... أرجو انك تنتبه للنقاط اللي ذكرتها لك ...

وفي الآخر ... الموضوع راجع لك ...

أفكار رائعه يالغالي ....

[Khalid_Qatar]

الدرج الي في الزاويه

المقاس لستاندر ١٢٠ يعني ١٢٠ في ٢ = ٢٤٠ وحط بينهم ٢٠ سم فضاوه يعني عرض الممر بيكون ٢٦٠

ولاتنسى بتركب درابزين او غيره بياكل مساحه من الدرج يمكن ٥ سم يعني بتنقص المساعه من ١٢٠ الي

١١٥ حاول تكبر مساحه الدرج يستحسن ١٥٠

لكن انت الظاهر مب معتمد عليه مخليه حق خدمات ومعتمد على الي بالصاله :)

صدقني راسك بيعورك مع الافكار

انا صارلي شهرين وزياده كل يوم اعدل ودايخ حدي وبالاخير اعدل على خريطه حق اخوي

ماجا دوري لين الحين لكن بالنهايه بسوي كوبي منها وبسوي نفسها بدون عوار راس :)

بالتوفيق وجايين لك الربع بالافكار الباقيه

[بوحارب]

:con2:

[موضي قطر]

حبيت ارفع موضوعك مرة ثانية أخوي سوق واقف

[بو الجوري]

أخوي بومحمد علومك ؟ وينك أنتظرك أنا :) ؟ ؟

المهم مثل ماقالوا الشباب :.. الماستر الرئيسيه لازم تكون مميزه :..
يعني أنا مسوي كل الغرف ماستر :.. لكن غرفتي أكبر وفيها درسنج رووم وحمام أكبر :..
وداخل الغرفه غرفه 3*3 للقعده أو للكمبيوتر :.. :)

والصاله اللي فوق تكفي طقم كنب وزياده :.. والمطبخ اللي فوق يطل على الصاله (صغير) لأنه مابيكون حق طباخ وقلاي :)
بيكون حق الشاي وتحضير حليب اليهال وأشياء خفيفه :..

على العموم :.. كلمني عشان تشوف المخطط :)

[PLATINUM]

والله موضوع جدا جميل وبتستفيد منه

وبتشوف افكار وايد
وممكن تتشتت شوي وتدوخ شوي ويفتر مخك شوي

موضوع التصميم يعتمد بالدرجه الاولى عليك انت وعلى احتياجك الحالي والمستقبلي

لاتسوي اشياء مالها داعي وتندم عليها عقب

وجهة نظري انا اشوف البيت وايد وايد وايد عوود

والارض صغيره على مثل هالبيت حتى مافي مجال توقف سيارتك داخل

مجلس الحريم ماله داعي صدقني بيكون شبه مهجور

الحريم قعدتهم في الصاله وانت بدال الصاله عندك اربع

صغر البيت شوي قلل من الصالات
مجلس الرجال لو تسويه منفصل احلى اذا صغرت البيت بتصير عندك مساحه

ترى الحوش مهم ويريحك نفسياا

لي عوده انشاالله
وعندي مجموعه تصاميم قاعد اختار من بينها واعدل عليها وانشالله بانزلها لكم عشان تفيدوني

وبالتوفيق انشااءالله

[بو الجوري]

والله موضوع جدا جميل وبتستفيد منه

وبتشوف افكار وايد
وممكن تتشتت شوي وتدوخ شوي ويفتر مخك شوي

موضوع التصميم يعتمد بالدرجه الاولى عليك انت وعلى احتياجك الحالي والمستقبلي

لاتسوي اشياء مالها داعي وتندم عليها عقب

وجهة نظري انا اشوف البيت وايد وايد وايد عوود

والارض صغيره على مثل هالبيت حتى مافي مجال توقف سيارتك داخل

مجلس الحريم ماله داعي صدقني بيكون شبه مهجور

الحريم قعدتهم في الصاله وانت بدال الصاله عندك اربع

صغر البيت شوي قلل من الصالات
مجلس الرجال لو تسويه منفصل احلى اذا صغرت البيت بتصير عندك مساحه

ترى الحوش مهم ويريحك نفسياا

لي عوده انشاالله
وعندي مجموعه تصاميم قاعد اختار من بينها واعدل عليها وانشالله بانزلها لكم عشان تفيدوني

وبالتوفيق انشااءالله

يعطيك العافيه :.. :nice:

وترا دامك ناوي تفتح الصالات على بعض :.. يعني ماله داعي مجلس حريم :..
والرجال خلهم برع :.. مجلس مواجه الشارع مساحته تقريبا 9*6 أو اللي تشوفه مناسب :..

[سوق واقف]

أفكار رائعه الصراحه ومنكم نستفيد

[اسيرالدوحه]

اخوي ...

بعطبك نصيحة ...

تراك راح تتشتت من الافكار ... والمقترحات ...


أهم شي ... تحدد شنو تبيه فالبيت ..

يعني على سبيل المثال ...

الطابق الارضي ... مجلس رجال مع مطعم ومغاسل وحمام ..

مجلس حريم بدون مطعم مع مغاسل وحمام ...

غرفة او غرفتين مع الحمامات ...

صالة ...

الطابق الاول ...

مثلا 4 غرف ... كل غرفة بحمام وغرفة ملابس ...
غرفة نوم رئيسية ... بملحقاتها ..
صالة ...

البنت هاوس .. (لو تبي تسوي بنت هاوس)

....

الملحق ..

مطبخ مع مخزن
.....

كم درج تبي ....

ولما تحدد اللي تبيه .... تعطيه للمصمم ...

وهو يشتغل على التوزيع ...

وممكن تعدل بعدين على حسب التوزيع ...


بالطريقة هذي ... الخريطة راح تكون فيها عيوب فالتوزيع اكثر شي .. بدلا من عيوب فالتصميم ...


اتمنى لك التوفيق والله يعينك ...

[سوق واقف]

اخوي ...

بعطبك نصيحة ...

تراك راح تتشتت من الافكار ... والمقترحات ...


أهم شي ... تحدد شنو تبيه فالبيت ..

يعني على سبيل المثال ...

الطابق الارضي ... مجلس رجال مع مطعم ومغاسل وحمام ..

مجلس حريم بدون مطعم مع مغاسل وحمام ...

غرفة او غرفتين مع الحمامات ...

صالة ...

الطابق الاول ...

مثلا 4 غرف ... كل غرفة بحمام وغرفة ملابس ...
غرفة نوم رئيسية ... بملحقاتها ..
صالة ...

البنت هاوس .. (لو تبي تسوي بنت هاوس)

....

الملحق ..

مطبخ مع مخزن
.....

كم درج تبي ....

ولما تحدد اللي تبيه .... تعطيه للمصمم ...

وهو يشتغل على التوزيع ...

وممكن تعدل بعدين على حسب التوزيع ...


بالطريقة هذي ... الخريطة راح تكون فيها عيوب فالتوزيع اكثر شي .. بدلا من عيوب فالتصميم ...


اتمنى لك التوفيق والله يعينك ...

يالغالي أشكرك ... أنا حددت الي أبغيه حق المهندس بس الي طلبته منه طلع شيء وايد ضخم والحين آخذ الأفكار منكم وبصغر الي سويته وبقلل من الصالات مثلا والدور الثاني بقلل عدد الغرف ...

[ماجستك]

اخوي واجهه الفيلا مش متناسقه

يعني اذا انت واقف برع مقابل الفيلا بتشوف فوق على اليمين دريشه حمام صغيره وعلى اليسار دريشه غرفه

المفروض البيت ايكون متناسق ليعطي منظر جمالي من الخارج

وفيه مساحات ضايعه واااابد وهذا يعني خساره فلوس عالفاضي

اذا بتاخذ استشاري عطني خبر لان فيه استشاريين في الدوحه (للاسف) مال رشاوي

الله ايوفقك

[عابر سبيل]

تحية يا سوق واقف..
ما ادري الصورة موب واضحة
و لا الشوف ضعيف...

تتكرم علينا واتحط الخريطة بملف مرفق
يمكن ايكون عندي ملاحظات اضافية..

ع العموم...
الشي الرئيسي من وجهة نظري حق غرف النوم..
ان حجمها ما يكون اصغر من 4.5 * 4.5
او شي من هالقبيل..

الغرف الصغيرة..لو هالايام يمكن اتشوف لعيال اصغار
و بتمشي معاهم..لابد تحسب احساب قدام..
فكل ما كانت غرف النوم رحبه و شوي واسعه..
كان هالشي مريح و ايخليكم ما تضيقون من البيت لما
يكبرون العيال و اتزيد حاجاتهم
و تكبر ديكورات غرفهم..

و ثانيا..
مكان السلم الدائري اعتقد انه اكبر مصدر
مخرب عالطابق التحتي..و مخرب المساحات..

انا اشوف لو ترده ورى جنب السلم الثاني
و تحول الغرفتين (اللي بينهم حمام مشترك)
من مكانهم الحالي الى الجانب الايسر من البيت..
هالشكل ( لو تخيلت)
بتكون عندك الصالة اكبر..
و نسق/ترتيب الطابق التحتي بيكون مرتب
و ما فيه مساحة ضايعة
او صالات متشتته...

و اخيرا..
داك بتسوي بيت العمر(على قولة القايل)
فكر بعد بالاصنصير:victory:

اتمنى ان الفكرة اوصلت!

[سوق واقف]

بإذن الله كم يوم وبنول لكم الكروكي الجديد بعد التعديل ونشو فالأخطاء عقب

[سوق واقف]

كم المساحة المناسبة للغرف في الدور الثاني

[هدوء العاصفة]

حسب اللي تبيه نقول 350 متر مربع زين ؟

[هدوء العاصفة]

قول حق الاستشاري سوي لي اللي ابيه بس لاتتجاوز 700 متر مربع بالكثير

مب على كيفه يمخمخ ويوزع مساحات

تراها كلها بتطيح فوق راسك

[سوق واقف]

تسلمووون والله ما قصرتوا وبيض الله وجيهكم

[هذلان]

السلام عليكم

موفق خير و منزل مبارك ان شاءالله

الشباب ماقصرو و خبرتي في البنيان ماتساعد اضيف على مقترحاتهم الا نقطه من واقع تجربه واحد من ربعي

الدرج الدائري مزعج في تصميمه و حساس في تنفيذه و مكلف في الدرابزين و الرخام .
و اذا اصريت عليه اشرط على المقاول يستخدم خشب جديد غير مستعمل .
و الشغله الثانيه بحكم انه دائري فا انت ماتقدر تركب الدرج و تستخدو الجهه القريبه من الدرابزين لان العتبات صغار و متقاربين .
و مكلف في الدرابزين ايضا و العرض فيه مايبين بالاضافه انه احتمال السقوط كبير و انت راكب الدرج .
اتمنالك السلامه انت و هل البيت .
هذي ملاحظات قالها واحد من ربعي توه ساكن بيته عن الدرج الدائري

طبعا هو شكله اجمل و يعطي فخامه للصاله .. تقدر تسوي بدايته داذري بعدين يكمل بشكل مستقيم

[ريد قطر]

منزل مبارك ان شاء الله تصميمك حلووووو وآرائهم أحلى
موفق