بالله ايش يسمونه هذا ؟

[المتضرعه لله]

فيه منتوجات تنزل بالملحقات بالجرايد

او توجد بالشاهين

او الرونق

او رامز

باسعار رخيصه رخص الماء


ولان الاغلبيه يجهلها ويجهل مكانها لانه مب متعود يمكن على زيارة هالمواقع يشوفها بالمنتدى وباسعار ضعف الاضعاف بل اربع مرات من سعرها الحقيقي في مكانها الاصلي

هو محتاجها وعاجبته يفكر انها جايه طلبيه من بلاد الواق واق

يشتريها

بعد مده يتفاجأ بأن هناك مثيلها بالمكان الفلاني


اقول للمشتري الله يعوضك خير اسال وفتش ودور قبل مايطيح الفاس بالراس

واقول للتاجر خاف الله وفرت له الحاجه اخذ تعبك المعقول ولنقل ثمنها مضاعف مره وليس اربع

مدري ايش يسمونه هذا بالتجاره

جشع

طمع

بيع على بيع

ام له مسمى لم يوجد بعد


والله من وراء كل مقصد


:)

[الذيب2009]

صدقت يا خوي والامثله الواقعيه كثير بس من يخاف ربه ؟؟؟

[الدمعه]

ان بعض الظن اثم ..

يمكن التاجر فعلا يطلبها من برا ومعروفه المواقع اللي يطلبون منها ..واذا حصل فيه تشابه في شكل

السلعه مب معناه انهم يشترونه من هنيه لا ومن اماكن الناس تتردد عليهم وايد.. وخصوصا الرونق ..

بس فيه ناس ماتحب تشتري من هالاماكن .. تبغي شي من برا حق الزبو والفشره وفي نفس الوقت

يكون للحين مانزل في اسواقنا ...

يعطيج العافيه..

[براتزية برازيلية]

اختي مو كل الناس تجيبها من المصدر عشان يبيعوها برخيص في اللي يجيبونها من تجار اخرين بأسعار معينة يعني مايصير نظلمهم و ثانيا اللي ينباع في المحل كلام ثاني لأن المحلات تجيب بال1000 حبة لسلعة معينة فيشترونها بثمن التراب اما التجار العاديين يشترون درزن فأكيد مو برخص سعر ال1000 حبة!
تحياتي

[بو(أحمد)]

بالتوفيق؟؟؟؟؟؟؟؟؟؟؟؟؟؟؟؟؟

[ثرية]

بارك الله فيك

[محمد الجفيري]

أنا أسميها شطارة

والله أعلم التاجر
كان فنان في عرض السلعة
وكان فنان في توجيها بأسلوب معين
وخذ من وقته وروج لها
وأعلن عنها في الموقع
اتوقع ان الامر عادي
بصراحة انا من الناس الي ما يدخلون هالاماكن

مب علشان شي علشان لكن احسها اماكن قديمة ومالي أي بارض

لو شفت اعلان في المنتدى بضعف السعر والسلعة عاجبتني

بشتريها من المنتدى

والله يوفق الجميع
وفي النهاية هذا رايي اتمنى ان ما تزعلين لكن انا اقول رايي بصراحة

وانا احب افيد اخواني في قطر وحتى لو كان ربحهم مضاعف

[nouar]

اختي دمعة

انا معاك في قولك ...
صحيح حسب الكمية المطلوبه بتفرق في الكمية المطلوبه :)

[SmartMan]

في حالة توفر السلعة في السوق :

يفترض في حال الأعلان عن سلعة دخل المنتدى ...يجب أن يكون سعرها أقل من سعر السوق ...منطقياً

يتوجب على التاجر بأن يحدث تغييراً في سعر السلعة ...لتتحقق رغبة الزبون في طلب شراء السلعة

وإذا لم يخفض في سعر السلعة توجب عليه بأن يقدم عروض تسويقية مثل تقديم هدية مجانية أو توصيل

السلعة للزبون مجاناً على الأقل !

[جنيه ذهب]

والله انا اشوف ان تجار المنتدى البعض منهم مب الكل ما يرضى بالقليل لازم اضعاف اضعاف وتتفاجا ان تاجر ثاني يبيع نفس السلعه بفرق جامد اقل ليه يعني هالمبالغه نسميه طمع او جشع بس ما اقول الا الله كريم

[المتضرعه لله]

شكرا للجميع على المشاركه والتي تحكي واقع

يعلم الله انني لم اكتب هالموضوع من فراغ

يعني حاجه بالشاهين 8 ريالات وتنباع بالمنتدى 35 ليه ؟

صندوووق بالرونق 160 وينباع 500 ليه ؟

لا ومن لعجله جاء عليه السعر واسم الرونق

الصراحه صعبت على نفسي

طيب ياناس ياخذون 300 نقول الزحمه نقول الطريق البترول نقول لكن 500 لييييييييييه


واللي بثمان ريالات تصير بخمس وثلاثوووووووون ليه يعني كم تكررت الثمانيه اربع مرات؟

حرام ياناس ترى احنا مب بنوووك متنقله

نقدر نروح الشاهين والرونق ونطلب من الوسيط والتوصيل مجانا وبسعر ولا احلى


ياليت يكون هناك موضوع نسميه تكسير الاسعار ونحط فيه صور واسعار السلع خدمه مجانيه لاهل المنتدى :)

دمتم بخير والله يعطي الجميع الرزق الحلال

[قطري 22]

بالتووووووووووووووووووووفيق

[لوردغاليري]

اختي مو كل الناس تجيبها من المصدر عشان يبيعوها برخيص في اللي يجيبونها من تجار اخرين بأسعار معينة يعني مايصير نظلمهم و ثانيا اللي ينباع في المحل كلام ثاني لأن المحلات تجيب بال1000 حبة لسلعة معينة فيشترونها بثمن التراب اما التجار العاديين يشترون درزن فأكيد مو برخص سعر ال1000 حبة!
تحياتي

صح كلامج وجزاج ربي كل خير

[خالد88]

بالتووفيق


انا مع الناس اللي واقفه مع التجااره

التجااره شطاااااااااره

ترى بكل مكاان وحتى المحلات يصير فيهم جي
يشترون برخص التراب بس يبيعونه لكم بشي خياااااااالي

احنا مانعرف الفرق

بس التجار اللي يسافرون برى يعرفووون المحلات شتسوي هني

وهذي شطاااااااااااااره


وانا اغلب بضاعتي يدويه اعمال انا اسوويها اخترااعااتي افكاااااري
هواايه وابي اطلعهااا

وهم الحمد لله اللي شااف اغرااضي يروح يشووفها برى العكس اللي تقوولوونه

ان بالمنتدى كل شي ا غلى من السوووق

اللي شاف اكسسواراتي يروح محلات بودوار اللي بالستي سنتر
ترى نفس الشغل
واللي شرى من عندي الاساور السلاسل اللي فيها شريطه
موجوده كوووبي منها ب 85 ريال وانا بعتها للنااس ب 35 اتوقع او 30


لحد يظلم تجاار المنتدى
هذا كله نصيييييييب
وبعدين عن اختلاق اسعار السلعه بين اعضاء المنتدى
سبحاان الله مثلا ابسط مثال انا لاحظته باف الشعر تناافسوو عليه لدرجه كبيرررررررره
بس موضوعين يكونون تحت بعض ربك يبي يرزق هالشخص يبعث له زبوون واهو اغلى من اللي تحته


وانا ابسط مثال حي
اسوي مداليه السياره على 60 ريال وصارت على 50 ريال
في بعض المناافسين سووها على 25 و 35 والله يعلم صج او جذب
بس للعلم للحين عندناا زباااااااين الحمد لله ونص قطر ماخذه مناااا

هذا نصيب والزرق الله اللي يوزعه مو الانسااان


اترك التاجر يتااجر
واترك الشاري يشتري
واترك البائع يبييييع


والسموحه ع االاطااااااااااااله

ويعطيكم العافيه


تحياتي
بنوته مزاجيه

[مسك قطر]

ما قصرت اخوي خالد على هاي الطرح الجميل ..

ولكن عندي اضافه متواضعه .. الشطاره في اختيار السلعة الغير متوفرة وتلقى رواجا .. وليس اللعب بعقول الناس .. وصدقت في انه الرزق عالخالق .. الله يجزيك خير

[همسه]

فديتج فهمت من كلامج ان تبين يصير في المنتدى حماية مستهلك وتحديد الاسعار

اذا في الواقع ماتطبق هالكلام تبين يتطبق في منتدى كل تاجر حر يعرض فيه سلعته بالسعر اللي يعجبه

مب منطقي هالكلام

والمشتري حر يشتري او لا

التجاره شطار

ولا تخافين الناس مب اغبياء يعرفرون وين الغالي و وين الرخيص

فديت روحج لانظلم الناس و نوصفهم بالطماعين و الجشعين

:)

[excited]

الرونق


رامز



الشاهين



وبضيف عليهم


سوبر ماركت كابيان


سوبر ماركت مانيلا


مري عليهم وبتشوفين العجب



انا مثلج كنت اشتري من النت ومن البنات ومرة شريت كريم ماجيك ومعاه الصابونه مالته (150 ريال ) وحصلته بسوبر ماركت مانيلا (الكريم 40 ريال والصابونة ب 5 ريال )


والتجارة شطارة :secret:

[مشتاقة لقطر]

حبيبة قلبي الله يعوض عليج ..

خلينا اقو ل لج اللي صاير؟؟ ببعض الاحيان

فيه ناس جديدة عاالتجارة وتجي تشتري من ناس هنيه ..وتسوي اعادة بيع بسعر اغلى

فشي طبيعي انه يرتفع السعر ...

واقول لج والله شاهد .. انه مرات نشتري الشي من السعودية والا مصر او البحرين ونشحن واخرتها يطلع موجود بالاماكن الللي ذكرتي ..

مثال كنت اشتري التونيك الماليزي للشعر .. من السعودية على ما اظن ..

واخرتها طلع بسوبرماركت احذا سوق الذهب

والامثلة كثيرة .. العصا المضيئة .. كنت اشحنها وشحنها اغلى من قيمتها .. لانها ثقيلة لقيتهم مرة كاتبين بالرونق رحت دورت قالو خللص قلت اكيد احد التاجرات خذت كل الكمية ..

يعني احنا التاجرات بنات مثلكم.. وهالبنات ما يجون هالاماكن اللي ذكرتي ..ولا يدرون انها فيها هالمنتج برخص التراب ..

وخليني امدح شوي .. فيه ميزة لتجار وتاجرات المنتدى ..

ان ينبهونا لاشيا جديدة واستخدامات وافكارجديدة .. لان لو احنا شفنا هالشي بالسوق .. ما نشتريه ..

بس بسبب تسويقهم المفيد حبينا المنتج واشتريناه منهم ..

وبعد باعطيج مثال .. بس لاتعصبين علي انا كنت اشحن اطقم مكاتب ماركات من مصر .. وطلبيات ولوعة ووزن وغثا التاجرة المصرية .. وطمعها حتى اللزق والبخشيش مال الحمالي والله حاسبته علي ..

وسبحان لقيتها عند العقرب بسعر ارخص عنها فعرضت الي عنده وجاتني الطلبات مع ان سعري اغلى من سعره .. لان انا سوقتهابطريقتي .. واسلوبي .. ووقتي وجهدي ..

بس الحين وقفت البيع لان هو عارضها .. والناس ملللللللللللللووو الماركات ..

و
بخصوص الشنطة اللي لقيتيها بالرونق ؟ 160 ريال حلو سعرها ؟؟ بالنسبة لج ؟؟

اللي يقول مثلا انه ماخذها من الصين 15 ريال ؟؟ شتسوين ؟؟ بتقولين نصاااااابين ؟؟

طبعا لا ..؟؟ هذا مثال خيالي من عندي .. لاحد يقول اني اتهم الرونق او غيره ..

وفيه منتج ينباع .. عند تاجرة كانت تاخذهمن الكويت ب100 او 200 مش متذكرة ..وتبيعه 300

طاحت على الموقع الاصلي تخيلي بكم لقته ؟


1 $ هنيه شتقولين ؟؟

وكملت البيع بسعر 300 ريال

والامثلة كثيرة جدا جدا .. بس انتي
لاتوقفين على الوحدة .. غاليتي .. باقول لج نصيحة اخت انا اتبعها قبل لا اشتري اي شي يعجبني او اي بضاعة .. ولكل واحد بالمنتدى .. اذا عجبك شي .. خذ لك لفة على كل صفحات السوق كمن صفحة عالاقل يمكن تلقى اقل ..او اجدد ..

واذا مالقيتو فيه منتديات ثانية .. قطرية بها اسعار اقل .. من هالمنتدى .. وتنوع اكثر ..
واذا لكم خلق للشحن والتحويل بتلقون بمنتديات خليجية اقل ..

واذا لكم خلق مجازفة وكميات اكبر بعد فيه ارخص بمصانع موقع علي بابا .. الصينية..
وبالنهاية قرارك هو اختيارك ..

[رعبوبه]

والله صدقت تمنيت ان يكون ردي اول شخص بس حسافه ردي بيظهر بالصفحه الثانيه
درر وكنض تطرح لنا امثال

مثل اللي اتبيع طاولة ام مراوح ب100 ولا اتنزل الريال هذا الكلام من واحد شاريه منها اتقول انصدمت ان لقيتها باللو لو ب10 ريالات صج قهر اتقول بالمبلغ اللي شريته اشتري منه 10 حبات ووزعها على الاهل بدال ماخذ وحده بس
وكلامك

[رعبوبه]

وبعد تذكرت سالفو رفيجتي اتقول وان اتصفح شفت المناكير اللي شرايتهم اختي لابناتها قوطي بالهبل اشوفها وحده اتبيعها بالنت الحبه ب100 الملونه بالالوان فاقع .......قلت لاختي من صجج اتخسرين فلوسج على يهال قالت : ببمب كن غلاتهم قالت ليش بكم .. قالت :ب10 ريالات من اللولو

صج طماع

[رعبوبه]

الرونق


رامز



الشاهين



وبضيف عليهم


سوبر ماركت كابيان


سوبر ماركت مانيلا


مري عليهم وبتشوفين العجب



انا مثلج كنت اشتري من النت ومن البنات ومرة شريت كريم ماجيك ومعاه الصابونه مالته (150 ريال ) وحصلته بسوبر ماركت مانيلا (الكريم 40 ريال والصابونة ب 5 ريال )


والتجارة شطارة :secret:





ضيفي عليهم اللولو

وكارفور

الميره

[براتزية برازيلية]

الرونق


رامز



الشاهين



وبضيف عليهم


سوبر ماركت كابيان


سوبر ماركت مانيلا


مري عليهم وبتشوفين العجب



انا مثلج كنت اشتري من النت ومن البنات ومرة شريت كريم ماجيك ومعاه الصابونه مالته (150 ريال ) وحصلته بسوبر ماركت مانيلا (الكريم 40 ريال والصابونة ب 5 ريال )


والتجارة شطارة :secret:



ضيفي عليهم اللولو

وكارفور

الميره


عزيزاتي لا تتكلمون في حاجات انتوا مو فاهمين فيها و ممكن بكلامكم هذا تقطعون ارزاق ناس محتاجة ماتدرون عنهم و لا انتوا عايشين ظروفهم ثاني حاجة بوضح لكم شي بمثال بسيط السالفة مافيها نصب و لا حاجة احين خلينا نقول عن بف الشعر في بنات كانوا يبيعونها ب100 ريال صح? و في اللي يحصلونها باللولو و الرونق ب20 ريال.. طيب ليش اختلاف السعر?? لأن المصدر مختلف!!!! البنت شايرتها من تاجرة باعتها لها ب70 ريال مثلا و هي جات هنا باعتها ب100 يعني ربحها ثلاثين و مو صافي بعد اكيد بعد تحمل تكاليف الشحن و الجمارك و بتكون طالبة بالكثير درزنين او 50 علبة..اوكي? نيجي للمحلات.. المحل يشتري البف من مصدرها و المصادر ما تبيع بال50 حبة لازم مو اقل من 1000 او احيانا مو اقل من 3000 حبة و أنا عارفة هاشي لأني تاجرة.. فلما تشترون البف مثلا من المصدر يحسبون الحبة ب5 ريالات غير الشحن طبعا.. فيبيعونها لكم المحلات ب20 او30.. عرفتوا??
و بالنهاية كل واحد يقرر لنفسه تبون تشترون ماتبون بكيفكم انتو احرار ماجوكم عند البيت و قالولكم اشتروا!!!! و لاتظلمون و تتهمون بالجشع و النصب دامكم مب فاهمين في التجارة وشكثر الشغلة متعبة مو مثل ما تتصورون
بارك الله فيكم

[حسبي الله]

الله العالم

[fooz55]

أنا معاكم الصراحة مرة اختي كانت بتشتري شغلة من المنتدي 100 ريال وسبحان الله بنفس اليوم رحت معاها الرونق ولقت الشي اللي تبيه 6 ريالات فرق شاااااسع
ومرة وحدة الله يستر عليها من المنتدى نفسة تبيع شغلة 120 ريال هم بعد لقيتها بـ4 ريالات حتى طرشت لها ايميل وقلت لها حراااام تضحكين على عقول الناس احنا مو قاعدين على تل فلووووووس ؟؟ غصب اصيرغنية
لا بعد غير التوصيلة 30 ريال يعني مبلغ محترم يطلع لهم .........................؟؟؟؟ لا تعليق
والله يوفق الجميع

[المزن الرياني]

كان زين جات على كذا

اللي يضحكني أسعار بعض مواضيع الاكل
أسعار فلكيه طافت فنادق ال7نجوم بحجه طباخ بالبيت ونظيف ومادري شنو

واللي يضحكني اللي يطلبون الرقم
ويخليني أحمد ربي على نعمه العقل

[حـــنـــان]

صدقت واللة... في بعض التجار عماهم الجشع غير استغلال جهل المستهلك ...شوف عينى تاجرة عالنة عن مشد رافع للصدر وتبي تبيعة ب 150 ريال وهو نفسة موجود في سناء 18 ريال ... وبودرة السمر كيك المعروفة تبيعها 35 ريال او اكثر وعند فتول ب 12 ريال .. لين قلنا لهم موجود وباسعار ارخص ردو ان اللى عندهم الاصلي ....اغلب السلع اللى تنباع في النت موجودة داخل الدوحة وباسعار ارخص
اللة يهديهم انشاللة

[المتضرعه لله]

أنا أسميها شطارة

والله أعلم التاجر
كان فنان في عرض السلعة
وكان فنان في توجيها بأسلوب معين
وخذ من وقته وروج لها
وأعلن عنها في الموقع
اتوقع ان الامر عادي
بصراحة انا من الناس الي ما يدخلون هالاماكن

مب علشان شي علشان لكن احسها اماكن قديمة ومالي أي بارض

لو شفت اعلان في المنتدى بضعف السعر والسلعة عاجبتني

بشتريها من المنتدى

والله يوفق الجميع
وفي النهاية هذا رايي اتمنى ان ما تزعلين لكن انا اقول رايي بصراحة

وانا احب افيد اخواني في قطر وحتى لو كان ربحهم مضاعف

اهلا بالجميع في موضوعي المتواضع :)

شكرا لكم على التواجد والتعليق واسمحوا لي سوف اعلق على البعض

الجفيري يقول شطاره اوكي اخوي شطاره ماشحنها ؟
شطاره مادفع عليها جمارك ؟
شطاره ماتعب بتخزينها ؟

وين الشطاره لما ياخذها من محل لنقول مثل الرونق ووصلها المندوب بحساب

ثمنها لنقل لنقل مثلا 160 ليه ماخذا اربع ميه مثلا ثلاث ميه ميتين وخمسين ليه 500 ريال

الحقيقه مااسميها واجملها واحليها بشطاره الا اسميها غش ونذاله

[المتضرعه لله]

صدقت واللة... في بعض التجار عماهم الجشع غير استغلال جهل المستهلك ...شوف عينى تاجرة عالنة عن مشد رافع للصدر وتبي تبيعة ب 150 ريال وهو نفسة موجود في سناء 18 ريال ... وبودرة السمر كيك المعروفة تبيعها 35 ريال او اكثر وعند فتول ب 12 ريال .. لين قلنا لهم موجود وباسعار ارخص ردو ان اللى عندهم الاصلي ....اغلب السلع اللى تنباع في النت موجودة داخل الدوحة وباسعار ارخص
اللة يهديهم انشاللة

قمة الجشع والطمع

اوكي انتوا لقيتوا بضاعه واعلنتوا عنها احسب ماياتي :

قيمتها + مشوارك مع البترول + واخذ بعد ضعفها وراح تطلع بمبلغ وقدره اما تروخ تخمس على كيفك اتق الله في نفسك ترى هذا جاك بعد سهالات لين عندك والله يحاسبك عليه بعد

حنان ردك في محله بوركتي

[المتضرعه لله]

أنا معاكم الصراحة مرة اختي كانت بتشتري شغلة من المنتدي 100 ريال وسبحان الله بنفس اليوم رحت معاها الرونق ولقت الشي اللي تبيه 6 ريالات فرق شاااااسع
ومرة وحدة الله يستر عليها من المنتدى نفسة تبيع شغلة 120 ريال هم بعد لقيتها بـ4 ريالات حتى طرشت لها ايميل وقلت لها حراااام تضحكين على عقول الناس احنا مو قاعدين على تل فلووووووس ؟؟ غصب اصيرغنية
لا بعد غير التوصيلة 30 ريال يعني مبلغ محترم يطلع لهم .........................؟؟؟؟ لا تعليق
والله يوفق الجميع

خووووش رد تسلمين يالغاليه

العالم الجديد فيه حاجه تنباع بقسم الملابس هناك بــــ6 ريالات هنا تنبعا بـــــــ:secret:

اضربوا 6*5 وزودو عليه ريالين يعني 32 :)

[المتضرعه لله]

عزيزاتي لا تتكلمون في حاجات انتوا مو فاهمين فيها و ممكن بكلامكم هذا تقطعون ارزاق ناس محتاجة ماتدرون عنهم و لا انتوا عايشين ظروفهم ثاني حاجة بوضح لكم شي بمثال بسيط السالفة مافيها نصب و لا حاجة احين خلينا نقول عن بف الشعر في بنات كانوا يبيعونها ب100 ريال صح? و في اللي يحصلونها باللولو و الرونق ب20 ريال.. طيب ليش اختلاف السعر?? لأن المصدر مختلف!!!! البنت شايرتها من تاجرة باعتها لها ب70 ريال مثلا و هي جات هنا باعتها ب100 يعني ربحها ثلاثين و مو صافي بعد اكيد بعد تحمل تكاليف الشحن و الجمارك و بتكون طالبة بالكثير درزنين او 50 علبة..اوكي? نيجي للمحلات.. المحل يشتري البف من مصدرها و المصادر ما تبيع بال50 حبة لازم مو اقل من 1000 او احيانا مو اقل من 3000 حبة و أنا عارفة هاشي لأني تاجرة.. فلما تشترون البف مثلا من المصدر يحسبون الحبة ب5 ريالات غير الشحن طبعا.. فيبيعونها لكم المحلات ب20 او30.. عرفتوا??
و بالنهاية كل واحد يقرر لنفسه تبون تشترون ماتبون بكيفكم انتو احرار ماجوكم عند البيت و قالولكم اشتروا!!!! و لاتظلمون و تتهمون بالجشع و النصب دامكم مب فاهمين في التجارة وشكثر الشغلة متعبة مو مثل ما تتصورون
بارك الله فيكم


والله يالغاليه احنا مب فاهمين الا حااااااااااااااااااااااااااااااسين وشااااااااااااااااايفين وفيه اشياء واجد ماجبنا سيرتها

ومع هذا فيه تاجرات هم 100% وترفع لهم التحيه

[المتضرعه لله]

بالتووفيق


انا مع الناس اللي واقفه مع التجااره

التجااره شطاااااااااره

ترى بكل مكاان وحتى المحلات يصير فيهم جي
يشترون برخص التراب بس يبيعونه لكم بشي خياااااااالي

احنا مانعرف الفرق

بس التجار اللي يسافرون برى يعرفووون المحلات شتسوي هني

وهذي شطاااااااااااااره


وانا اغلب بضاعتي يدويه اعمال انا اسوويها اخترااعااتي افكاااااري
هواايه وابي اطلعهااا

وهم الحمد لله اللي شااف اغرااضي يروح يشووفها برى العكس اللي تقوولوونه

ان بالمنتدى كل شي ا غلى من السوووق

اللي شاف اكسسواراتي يروح محلات بودوار اللي بالستي سنتر
ترى نفس الشغل
واللي شرى من عندي الاساور السلاسل اللي فيها شريطه
موجوده كوووبي منها ب 85 ريال وانا بعتها للنااس ب 35 اتوقع او 30


لحد يظلم تجاار المنتدى
هذا كله نصيييييييب
وبعدين عن اختلاق اسعار السلعه بين اعضاء المنتدى
سبحاان الله مثلا ابسط مثال انا لاحظته باف الشعر تناافسوو عليه لدرجه كبيرررررررره
بس موضوعين يكونون تحت بعض ربك يبي يرزق هالشخص يبعث له زبوون واهو اغلى من اللي تحته


وانا ابسط مثال حي
اسوي مداليه السياره على 60 ريال وصارت على 50 ريال
في بعض المناافسين سووها على 25 و 35 والله يعلم صج او جذب
بس للعلم للحين عندناا زباااااااين الحمد لله ونص قطر ماخذه مناااا

هذا نصيب والزرق الله اللي يوزعه مو الانسااان


اترك التاجر يتااجر
واترك الشاري يشتري
واترك البائع يبييييع


والسموحه ع االاطااااااااااااله

ويعطيكم العافيه


تحياتي
بنوته مزاجيه

بنوته مزاجيه تسلمين يالغاليه

انا معك شغله مسوينها بيدهم مب موجوده بالسوق وبسعر ارخص لا والله الا بشتريها وبشجعهم وبالعكس بدعمهم باعلاني وتعريفي لصديقاتي واهلي بهذا المنتج اما بضاعه شراها جاهزه بسعرها من محل لا دفع بها جمارك ولا شحن ولا يحزنون ويحطون عليها ثلاث اضعاف ويعطينيها لا والله الا هو الغش بعينه

احيي التاجر اللي تعب وجاب بشي فريد ومب تارس المحلات

معليه يااختي هو تعب نفسه وفتش واشهر المنتج والمنتج اعجبني اوكي ياخذ سعره مضاعف طيب وزيد عليه حتى ثمن بتروله مب يضاعفه ويدفعني بعد حق التوصيل


تسلمين على المشاركه

[المتضرعه لله]

ما قصرت اخوي خالد على هاي الطرح الجميل ..

ولكن عندي اضافه متواضعه .. الشطاره في اختيار السلعة الغير متوفرة وتلقى رواجا .. وليس اللعب بعقول الناس .. وصدقت في انه الرزق عالخالق .. الله يجزيك خير

مسك قطر

تسلمي على الرد الطيب :)

[المتضرعه لله]

فديتج فهمت من كلامج ان تبين يصير في المنتدى حماية مستهلك وتحديد الاسعار

اذا في الواقع ماتطبق هالكلام تبين يتطبق في منتدى كل تاجر حر يعرض فيه سلعته بالسعر اللي يعجبه

مب منطقي هالكلام

والمشتري حر يشتري او لا

التجاره شطار

ولا تخافين الناس مب اغبياء يعرفرون وين الغالي و وين الرخيص

فديت روحج لانظلم الناس و نوصفهم بالطماعين و الجشعين

:)

عزيزتي شكلج ابد مافهمتي الموضوع وحشى ان اصف الناس بما تلفظتي به مشكوره :)

[qatr_vip]

مثلا
يمكن تاجر شرا من تاجر وتاجر شرامن تاجر وتاجر الخ.... وزاد السر وين راح يوصل سعره (هذا مب عذر)
او مثلا يمكن مثل ماقالي حد الهنود في السوق قلته
هذي السلعه ومجوده في المحل الثاني ارخص
قال انا الي عندي من عند المصنع الي جنبه
علشان كذا سعري انا اغلا
ومثلا
ومثلا
ومثلا
مالها حل اللى انه احنا نتقي الله

[AL_MUTAEM]

موضوع جدا مهم واشكر الاخت صاحبة الموضوع على الطرح المتميز ..

لفت نظري بالموضوع صفات لا نود وجودها بين الاخوه والاخوات ولكن هذا عرض وطلب ..

انا بصدق وبصراحه اشتري من المواضيع الموجوده بالمنتدى واشكر كل من يعرض بضاعته او سلعته سواء تم شرائها من الخارج او من محل بالدوله او مصنوعه منزليا وهذا ما افضله ..

ولكن لا يوجد جشع او طمع ولكن هناك من تعب وبحث عن سلعه معينه وتم شراء كميه منها لكي يبحث عن دخل اخر وهذا ليس بعيبا ولا بحرام ..

واستغرب اختي العزيزه من الارقام الموجوده بالموضوع هل هناك سلعه بـ6 وتباع هنا بارقام كبيره وهل المشتري يرى نوعية الماده او طريقة التصنيع وهو مقتنع بالسعر فما دخل البائع بذلك ...؟

فليسمح لي الجميع ..

عندما تودين صبغ غرفة وتتصلين بكذا شركة ديكور فالاول سعره 10.000 والثاني تحاولين كسر السعر وتخفيضه والثالث كذلك فهل هنا نقول لصاحب الشركة الاولى انه طماع وغشاش او هذا وعرض وطلب ..

اسمحولي على الاطاله .

[المتضرعه لله]

موضوع جدا مهم واشكر الاخت صاحبة الموضوع على الطرح المتميز ..

لفت نظري بالموضوع صفات لا نود وجودها بين الاخوه والاخوات ولكن هذا عرض وطلب ..

انا بصدق وبصراحه اشتري من المواضيع الموجوده بالمنتدى واشكر كل من يعرض بضاعته او سلعته سواء تم شرائها من الخارج او من محل بالدوله او مصنوعه منزليا وهذا ما افضله ..

ولكن لا يوجد جشع او طمع ولكن هناك من تعب وبحث عن سلعه معينه وتم شراء كميه منها لكي يبحث عن دخل اخر وهذا ليس بعيبا ولا بحرام ..

واستغرب اختي العزيزه من الارقام الموجوده بالموضوع هل هناك سلعه بـ6 وتباع هنا بارقام كبيره وهل المشتري يرى نوعية الماده او طريقة التصنيع وهو مقتنع بالسعر فما دخل البائع بذلك ...؟

فليسمح لي الجميع ..

عندما تودين صبغ غرفة وتتصلين بكذا شركة ديكور فالاول سعره 10.000 والثاني تحاولين كسر السعر وتخفيضه والثالث كذلك فهل هنا نقول لصاحب الشركة الاولى انه طماع وغشاش او هذا وعرض وطلب ..

اسمحولي على الاطاله .

اهلا بك وشكرا لك على المشاركه الطيبه

ووجهة نظر نحترمها

لكن ماذكر هنا صح من ارقام والواقع يقول صح واللي انا متاكده منه

في

الرونق

الشاهين

العالم الجديد


وصدقني ماراح اذكر السلع ايش هي لانها فعلا قطع رزق ولله الحمد ماني منزله الموضوع لقطع رزق لكن ليتقي الله البعض وياخذ حقه وتعبه بما يرضي الله


ولك كل التقدير

[AL_MUTAEM]

شاكر لك الرد اخي الكريم ..

ولكن بوسع اي شخص يبحث عن سلعه معينه ان يقدر السعر بينه وبين نفسه فاذا رأى السعر المعروض بحدود رؤيته ولا يكفل نفسه عناء البحث بمحلات او اماكن معينه لأي سبب كان سواء ظروف العمل او حتى بعض الاخوات لايستطيعون الخروج على راحتهم لارتباطهم باعمال المنزل فبعد التواصل مع التاجر او التاجره بشرط وجود التوصيل ..

خلاصة القول الجميع معه حق من تاجر للسلعه والباحث عن السلعه وكاتب الموضوع وانا وغيري ممن ردوا عليه باختلاف وجهات النظر ..

[Coffee]

في حالة توفر السلعة في السوق :

يفترض في حال الأعلان عن سلعة دخل المنتدى ...يجب أن يكون سعرها أقل من سعر السوق ...منطقياً

يتوجب على التاجر بأن يحدث تغييراً في سعر السلعة ...لتتحقق رغبة الزبون في طلب شراء السلعة

وإذا لم يخفض في سعر السلعة توجب عليه بأن يقدم عروض تسويقية مثل تقديم هدية مجانية أو توصيل

السلعة للزبون مجاناً على الأقل !

:nice:
اتفق معاك هندرت برسنت 100/100

[انا حره]

صرنا مانصدق الاسعار لفافات الشعر خذيتها من المنتدى ب 55 ريال والمندوب له 15 ريال

ولقيتها بمنتدى ثاني والله نفس الشي ب20 ريال والله حرام

مثل بف الشعر اولا قامووو يبيعونه ب300 حرام عليكم شهالاستغلال

واخر شي الناس كشفتهم قامو ياخذونه من المواقع الامريكيه ارخص وقامو الناس يشترون التقليد ارخص وهو نفس الفعاليه ب30 ريال و20 ريال ويووم خسروو قامو سووو عليه عرووض 4 ب100 ريال

ولا اشتري شي وخذ البف هديه

[الغلا101]

شكرا لك

[كازانوفا]

شغل التجارة مش شطاره للاسف هذا المفهوم غلط والكل فاهم انه التجار والتجاره احلى شي وانهم على حق من كثر ما هم تعبانيين كيف يلف ويدور على الزبون عشان يقنعه على بيع سلعته عشان لا تقعد على قلبه وغير الحلفان بالله كذب وما ادراكم ايش يعني يحلف الانسان بالله كذب اظن الكثير عارف
وانا وحده من الناس ما احب اجادل كثير مع صاحب المحل عشان لا يقعد يحلف ويقنعني
على العموم كل واحد قال رائيه مشكوره صاحبة الموضوع

[فقط قطر]

والله كلامك صحيح 100%
الجشع.....ومايسوي....

[xxqataryxx]

أنا أسميها شطارة

والله أعلم التاجر
كان فنان في عرض السلعة
وكان فنان في توجيها بأسلوب معين
وخذ من وقته وروج لها
وأعلن عنها في الموقع
اتوقع ان الامر عادي
بصراحة انا من الناس الي ما يدخلون هالاماكن

مب علشان شي علشان لكن احسها اماكن قديمة ومالي أي بارض

لو شفت اعلان في المنتدى بضعف السعر والسلعة عاجبتني

بشتريها من المنتدى

والله يوفق الجميع
وفي النهاية هذا رايي اتمنى ان ما تزعلين لكن انا اقول رايي بصراحة

وانا احب افيد اخواني في قطر وحتى لو كان ربحهم مضاعف

:nice::nice::nice::nice::nice::nice::nice::nice::n ice:

[مزايين]

كلامك صح

في بضايع شفتها في المنتديات ولقيتها في محلات بالدوحة والسعر في المنتديات يكون بالأضعاف

وهل شي يخلي الواحد ثقته تضعف في المشترى من المنتديات

[سوق واقف]

موضوع جميل ... ولكن ....لي عودة بإذن الله .....تحياتي

[FHN]

التجارة اخلاق قبل ماتكون شطاره ..
انا جربت بنفسي فيه كريم يبيعونه في المنتدى ب50 ريال واكثر مع انه ينباع في سوبرماركت مانيلا اللي في سوق العسيري ب9 ريال بس ضحكت لما قال لي السعر قلت الحمدلله اني ماشريته من المنتدى، مع اني مااكذب عليكم انا احب بعض تجار المنتدى واحس انهم على درجه عالية من المصداقية والاخلاق تعاملت معاهم وبتعامل معاهم دايما لانهم يستحقون الثقه.

[الكل يحبها]

انا اشوفها شطاره من البائع وبكيفه والمشتري محد طقه على يده وقاله اشتر يدور شوي وبيلقى,,,,

[غناتي1]

هذا اللي يسمونه

استغلال -- واستغفااااال

[فقط قطر]

لو الواحد شاري بضاعة من الخارج ومش موجودة في السوق....قلنا محتكر الشيء...ولا حول ولاقوة الا بالله...واذعنا لسعره غصب...

بس يروح يجيبها لي من رامز والا كارفور والا اللوللو....وغيرهم...ويضاعف السعر اضعاف مضاعفة...هذا استغلال واستخفاف بالناس.... و الجشع بعينة...والقهر يقول لك ان التجارة شطارة...وما اقول الا حسبي الله ونعم الوكيل فيه.....

[بوجاسم 75]

مطلوب فرض رقابة شديدة على هؤلاء التجار الجشعين

[المغروره]

اخوووووووووووووي تعبنا وتكلمنا ولغوا موضوعنااااااا يكسبون على حساااب الناس
بذمتهم ان شالله مابي اقول شي اسكت احسن دام المنتدى راضي بكيفهم
تحياااتي لك