دختور......*

[ام سلمى]

مرحبا هل ديرتي ((( ادري تضحكون من كلمه دخــــــــــــتور ))))

لو سمحتو بغيت مساعدتكم انا راسي ذبحني فيه الم غير طبيعي خصوصا اذا حطيت راسي عالمخده برقد والله اني اتم احيانا 4 ساعات اتقلب من الالم والبندول صار مايسوي شي.....


من يعرف(( دكتـــــور )) زين لها المشكله ي
فيدني الله يفرج عليه دنيا واخره..

[شبح الصمت]

اختي اول شيء خطاج الشر واجر وعافيه وافضل طريقة صدقيني انج تسوين حجامه وتشوفين اول شيء لانه شيء لها فوائد وايد انا ما اعرفها وانشاء الله اخواني وخواتي بارك الله فيهم بيفيدونج .. عسى الله يشفيج وطهور باذن الله تعالى

[ام سلمى]

استغفر الله

[عليان]

الدكتور سامح بدران عيادة الدوحه وهو رايح يسوي لج mri بس صري عليه يسوي لج الأشعه بأسرع وقت ممكن ويكتب على الورقه very urgent ومن بعدها تروحين حق الدكتور محمد عند قسم الأشعه مع إن المفروض الدكتور سامح يوصي عليج عند الدكتور محمد عشان يسوي لج الأشعه بأسرع وقت ممكن ... وإذا ما فييج الا العافيه فيمكن يكون له علاقه بالغده الدرقيه ... وهنيه سوي فحص الغده الدرقيه ! وما تشوفين شر ان شاء الله

[الخارجية]

أختي يمكن النظر عندج قاعد يقل شيكي وهذا سبب في بعض الالم عندج .. عندي صديق عنده نفس المشكلة دار كل المستشفيات في قطر مافي فايدة قص تذكرة والحين الرجال في لندن يكشف ..والرجال ما يقدر يرقد كلش

[ام سلمى]

من يعرف حجامات اقدر اروح لهم او يجوني

[هتـان قطر]

من يعرف حجامات اقدر اروح لهم او يجوني


اعرف محجمة ممتازة والله حط البركة بيدها ولا ازكيها على الله

اغلب عايلتنا مجربينها ولله الحمد هو الشافي من قبل ومن بعد

شفوا من بعد التحجيم..

ام عمر ..بيتها في الدفنه

وهذا تلفونها 5499289

[شبح الصمت]

اعرف محجمة ممتازة والله حط البركة بيدها ولا ازكيها على الله

اغلب عايلتنا مجربينها ولله الحمد هو الشافي من قبل ومن بعد

شفوا من بعد التحجيم..

ام عمر ..بيتها في الدفنه

وهذا تلفونها 5499289


جزاج الله الف خير اختي هتان انج حطيتي الرقم يمكن في يوم الواحد يحتاجه .. والله يشفي جميع مرضانا ويبعد عنهم المرض وطهورين باذن الله تعالى

[ام سلمى]

مشكورة حبوبه ماقصرتي

[هتـان قطر]

مشكورة حبوبه ماقصرتي

ام سلمى اغتنمي فرصة هالايام لانها ايام تحجيم

تبدا من اليوم الثلاثاء الى نهاية الشهر الهجري

ولان عندها التحجيم بالحجز والمواعيد انصحك من الحين

تتصلين فيها وتحجزين موعد..وما تشوفين شر ان شالله

[بوطويشم]

السلام عليكم

عندج الحجامه + الدكتور السليطي ناسي اسمه

فمستشفى حمد

والله يشافيج ان شاء الله

[الماليه]

اختي ام سلمي ماتشوفين شر ان شاء الله
انصحك اختي تسوين فحص شامل للجسم عن طريق الدم لاني انا فيني نفس الشي وطلع الكرسترول عالي وكذالك الضغط عالي وكنت احس بصداع وحس ان راسي بدم ينبض في الراس وهاذا كله من الكرسترول
كان عالي والحين الحمدلله اوكي شيكي انتي وبلغينا ايش صار ويك وماتشوفين شر ان شاء الله

[النائب]

عليك بالرقية الشرعية عند مطوع من المشايخ اللي عندهم ترخيص والله يشفيك ويشفى جميع مرضى اللمسلمين.

[ام سلمى]

لاخلا ولاعدم

[مستثمره جديده]

شيكي على الجيوب الانفيه لانها هي اساس الصداع القوي .. انصحج تروحين عيادة عبدالعزيز الجفيري ..

واذا بتحجمين روحي لمحل الحجامه اللي بسوق واقف عند ام منذر فيه قسم للسيدات ..

ماعليج شر ان شاءالله وطهور اختي

[ام سلمى]

ابشركم الغالين رحت للحجامه ام عمر اللي دلتني عليها ختي هتان الله يعطيها العافيه وحجمتني احس اني احسن شوي واعتقد ان الالم جاي من الرقبه

[كلاسيك قطر]

السلام عليكم

عندج الحجامه + الدكتور السليطي ناسي اسمه

فمستشفى حمد

والله يشافيج ان شاء الله


مشكوووور يالغالي لاتفضحني اخوي ههههههههههههاي

المهم اختي
ماتشوفين شر انشاءالله

وانا كنت نفس حالتج من تقريباُ سنه

وجاؤ اخوي وداني عند ايراني ضربني ابرى

وثاني يوم صحصحت اتقولين ماشاءلله خير يركض

ومادري شسم الدكنور هو ايراني عند سوق النجاده

[كلاسيك قطر]

ابشركم الغالين رحت للحجامه ام عمر اللي دلتني عليها ختي هتان الله يعطيها العافيه وحجمتني احس اني احسن شوي واعتقد ان الالم جاي من الرقبه

او اوب الحمد الله ع سلامتج والله والعشى ع احسابي بكره

[هتـان قطر]

ابشركم الغالين رحت للحجامه ام عمر اللي دلتني عليها ختي هتان الله يعطيها العافيه وحجمتني احس اني احسن شوي واعتقد ان الالم جاي من الرقبه


خطاك الشر ام سلمى ..وان شالله شوي شوي بتتحسنين

الله يشفيك

[حقــبان]

جزاج الله الف خير اختي هتان انج حطيتي الرقم يمكن في يوم الواحد يحتاجه .. والله يشفي جميع مرضانا ويبعد عنهم المرض وطهورين باذن الله تعالى

جزاج الله خير

[المرحب]

أم سلمى


أجر وعافيه وتخفيف ذنوب إن شاء الله

عليك بالحجامه وربي يعافيك إن شاء الله









تحيـــــــــــــاتي ...

[ام لولوه]

الله يشفيج يارب العرش العظيم ويشفي بنتي
والله ماعندي خبره في هالموضوع

[طواش]

مع ضرورة الكشف الطبي على الدم والعينين والرقبة وإتخاذ اللازم من علاج .

أسألك سؤال :

هل إتجاه رأسك عند نحو الجنوب ؟؟؟

إذا كنت تنامين ورأسك بإتجاه الجنوب فهذا ما يسبب لك الألام .

حيث أن الخلل المغناطيسي الذي يحدث في الأرض يؤدي إلى انعكاس في التركيب الكهربائي

للمخ مما يؤدي للشعور بالألم وعدم الراحة.

وقد حدث لي ما حدث لك وذلك عندما قمت بتغيير إتجاه رأس السرير إلى اتجاه الجنوب .

فأصبحت لا أهنأ بنوم ولا أرتاح من صداع وألم في الرقبة ، فقمت بالقراءة عن موضوع

إتجاهات النوم فوائدها ومضارها ، وارتحت فعلا عندما توجهت برأس السرير نحو الشمال لا

الجنوب .

ولله في خلقه شؤون .