الميرة : كبر اللقمة ياعنتر - طلبك مجاب ياعنتر ( بنشوف)

[الرويـس]

باختصار شديد

الميرة تطلب رضاكم

http://files.mothhelah.com/img/Puh27462.jpg

http://files.mothhelah.com/img/rLI27462.jpg

ولكن هل تتوقف مسألة الرضا لدى المستهلك
في توفير السلعة المطلوبة فقط
ماذا عن الخدمة ؟؟؟ وحط خط احمر

وانا مار على احد الافرع لقيت كاشير او اثنين بس
اللي شغالين في ظل العدد الكبير للمستهلكين في الجمعية حينها
والباقي off وعلى مايبدو انه اجراء احترازي توفيري
استعدادا للحرب المزعومة
التي سوف يخوضها سكان الارض على المصادر المهمة
للمياة <<< هالمعلومة سمعتها مرة من ولد وزيرتنا :secret:

طبعا دعابة :shy:

ولكن اي يكمن الرضا لديك من مؤسسة الميرة ؟؟؟
هل يقف عند مستوى توفير السلعة فقط ؟؟
وكيف ؟؟

[العصامي]

عن نفسي احس فيه تغيير ايجابي لما اصبحت شركه وافضل بكثير من السنوات اللي راحت لما كانت جميعات تعاونيه.

[روح-قطر]

بااااااااااااالعكس صاااااااااااااارت غاااااااااااليه وااااااااااايد وطبعا لاني 24ساعه بالجمعيه

واي رضا ادخل الجمعيه فيها حفر ولا تقولون من اشغااااااااااااااال غير بعد الثلاجات تلوع الجبد وكله تسريب ماي

وغير الاغراض مو مرتبه والكاشير صادق بس 2 او 3 مع ان بدايه شهر ويدرون ان المستهلك يجي بهالوقت

ومره واحد ماسك الدور ومسكين كان اخر واحد يوم جا دوره سكرت الكاشير قال لها دوري قالت مالي شغل روح كاشير ثاني خله الجاري وخذ عياله وطلع شنو هالاسلوب عالاقل مشيه واذا جا واحد عقبه قولي له قبل لا تخلصين بسكر او وانتي تمشين اغراضه حطي كلوز وانتهت احس سخااااااااااافه ومافي رقابه كلش واستهتار

[هتـان قطر]

من يوم ما غيروا عرباناتهم وان حاسه انه فيه تغيير للافضل...:):)

وما زلنا نتأمل منهم السعي نحو القمة ويحاولون يجذبون المواطنين

لهم ويسحبون البساط من تحت كارفور والميغامارت وغيرهم من المجمعات الكبرى

اما اذا تموا على ما هم عليه...للاسف ما راح يتغير شي وبيظلون محلك سر

[حـــنـــان]

انا خاطري يوفرون لى الكافي اللى بالنارين وداخلة بسكوت وكارامل اللى غرطاسة برتقالى القدييييم ياللة ياللة في السنة يجبون كرتون واحد منة ..بالنسبة للترولى مالهم ثقييييل من غير ماحط فية شي وان حطيت فية الاغراض ثقل اكثر كانى قاعدة ادز سيارة يقطع النسم..بس اهم شي الكافي يوفرونة

[الرويـس]

عن نفسي احس فيه تغيير ايجابي لما اصبحت شركه وافضل بكثير من السنوات اللي راحت لما كانت جميعات تعاونيه.

حلو حلو
جميل
:)
تغير ايجابي في ايش مثلا ؟

[الرويـس]

بااااااااااااالعكس صاااااااااااااارت غاااااااااااليه وااااااااااايد وطبعا لاني 24ساعه بالجمعيه

واي رضا ادخل الجمعيه فيها حفر ولا تقولون من اشغااااااااااااااال غير بعد الثلاجات تلوع الجبد وكله تسريب ماي

وغير الاغراض مو مرتبه والكاشير صادق بس 2 او 3 مع ان بدايه شهر ويدرون ان المستهلك يجي بهالوقت

ومره واحد ماسك الدور ومسكين كان اخر واحد يوم جا دوره سكرت الكاشير قال لها دوري قالت مالي شغل روح كاشير ثاني خله الجاري وخذ عياله وطلع شنو هالاسلوب عالاقل مشيه واذا جا واحد عقبه قولي له قبل لا تخلصين بسكر او وانتي تمشين اغراضه حطي كلوز وانتهت احس سخااااااااااافه ومافي رقابه كلش واستهتار

أشوى ،زين ان اليوم 26 ساعة
يعني في وقت حق باقي الامور

ارتفاع الاسعار قد نجد او لانجد لها مبررات ، ومع ذلك في المقابل
لابد من حصول المستهلك على كامل حقوقه من خدمة اولا ومن ثم
توفير السلعة

يعني كان الاجدر من ادارتهم الموقرة توفير قائمة تتيح للمستهلك
التعبير عن استيائه من بعض الخدمات ( المزمنه) وكتابة مايمكن
كتابته ،ومن ثم او بتزامن مع توفير سلعة معينه

طيب ماذا لو طلبنا توفير سلعة منافسة لسلعة ما هي في الاصل متوفره في الجمعية ؟؟ :telephone:
كالسلع المتوفرة في بعض دول الجوار باسعار وبجودة افضل

[شيط ويط]

يعطيهم العافيه .. خطوة جيدة ولازم الكل يتفاعل معاها .. صراحه في سلع كثيرة لا اجدها عندهم .. يمكن محتاجين لموردين اكثر للتعامل معاهم ..

[الرويـس]

من يوم ما غيروا عرباناتهم وان حاسه انه فيه تغيير للافضل...:):)

وما زلنا نتأمل منهم السعي نحو القمة ويحاولون يجذبون المواطنين

لهم ويسحبون البساط من تحت كارفور والميغامارت وغيرهم من المجمعات الكبرى

اما اذا تموا على ما هم عليه...للاسف ما راح يتغير شي وبيظلون محلك سر

وكبروهم بعد :telephone:

كارفور وطخته لايعلى عليهم في مسألة التوفير المالي
والتوفير السلعي بحكم اتساع رقعتهم ومدى امكانية وصولهم
لموردين على مستوى أوسع ، طبعا الميرة كذلك بس مع قليل من التحفظ
في انتقاء مورديهم

كارفور وغيرها تتميز انها توفر سلع غير مطلوبه ، وفجأة تلاقين عليها طلب قوي وبترقب
ومن ثم يتواجدون لها زباين باستمرار :discuss:
يعني تحسين ان فكر التسويق عندهم مختلف عن غيرهم
وان كان هناك عيوب

[الرويـس]

انا خاطري يوفرون لى الكافي اللى بالنارين وداخلة بسكوت وكارامل اللى غرطاسة برتقالى القدييييم ياللة ياللة في السنة يجبون كرتون واحد منة ..بالنسبة للترولى مالهم ثقييييل من غير ماحط فية شي وان حطيت فية الاغراض ثقل اكثر كانى قاعدة ادز سيارة يقطع النسم..بس اهم شي الكافي يوفرونة

الكافي اللي ايش ؟؟ :telephone:
انزين دامج تحبينه شلون ماتعرفين اسمه ؟

ثقافة المستهلك بعد يبي لها قعده :( لانها في صلب الموضوع

بصراحة الصورة اللي كانت في توقيعج كانت مخالفة
وتوقعت مصيرها :whistling:

[الرويـس]

يعطيهم العافيه .. خطوة جيدة ولازم الكل يتفاعل معاها .. صراحه في سلع كثيرة لا اجدها عندهم .. يمكن محتاجين لموردين اكثر للتعامل معاهم ..

مثل ايش اخوي شيط ويط

[حـــنـــان]

الكافي اللي ايش ؟؟ :telephone:
انزين دامج تحبينه شلون ماتعرفين اسمه ؟

ثقافة المستهلك بعد يبي لها قعده :( لانها في صلب الموضوع

بصراحة الصورة اللي كانت في توقيعج كانت مخالفة
وتوقعت مصيرها :whistling:

اي صج ليش ماحفظت اسم الكافي اسنين وانا اكل فية :discuss: كل اللى حفظتة الكافي بو قرطاس برتقالى ...ههههه وايييد كوافي قراطيسهم برتقالية :shy:لين وفرو بعد سنة باحفظ اسمة

[الرويـس]

اي صج ليش ماحفظت اسم الكافي اسنين وانا اكل فية :discuss: كل اللى حفظتة الكافي بو قرطاس برتقالى ...ههههه وايييد كوافي قراطيسهم برتقالية :shy:لين وفرو بعد سنة باحفظ اسمة

ان شاء الله
:rolleyes2:

[بوحارب]

الله يرحم ايام الجمعيات

طبعا انه اقول هالجلمة لأنه الوالد دايما يمدح الجمعيات ويطيح ذم في الميرة اللي ما منها الا الفلس

[حـــنـــان]

ان شاء الله
:rolleyes2:

:pardon::pardon:

[روح-قطر]

ابي فااااااااااااااااااااااااااااااااااااااااااانفير

[الرويـس]

ابي فااااااااااااااااااااااااااااااااااااااااااانفير

الكافي الي قرطاسه ذهبي وهو اصابع يكون فيه 5 او6 ؟ :rolleyes2:

طلبك مجاب ياعنتر :telephone:

[PathFinder]

للأسف المنتج اللي غير موجود في الميرة هو التكييف في اكبر فرع اللي في المنصورة, لهم اكثر من سنة وعندهم مشاكل بالتكييف وحاطين ورقة انهم يتفهمون المشكلة ويعملون على حلها ومن الكلام الفاضي... معقولة مشكلة تكييف تاخذ أكثر من سنة بدون حل, مرة رحت قسم المكسرات ووجدت السوس لاعب لعبته داخل احد الاكياس على طول بلغت المسؤول وسحبو كل الكمية وانا واقف.. ولكن التكييف له اثر على المنتجات ورضا الزبائن..

[OTOsan]

ان فمي قد البلوووطه :)

عجبني العنوان ودشيت .. بس مالي في الميره خير شر لان المجمعات ماخلت شي!

يعطيك العافيه ،،

[@north_star@]

ولا مرة دخلت الميرة وحصلت كل اللى ابيه يعني تشتري شوي من عندهم وتروح على مكان ثاني تكمل مشترياتك ومافي حد يحطلك اغراضك بالاكياس واسعارهم مرتفعه وانا اشوف انه الجمعيات اللى كانت زمان احسن بمليون مرة

[eastqatar]

بالنسبة للجمعيات أو الميره

النظام على ما اعتقد ما تغير - يعني اول كل شركه او وكيل لمنتج له عدد من الارفف ليعرض فيه بضاعته

والحين نفس الفكره ، و النقطه الثانيه الحياه مثلاً من عشر اسنين ارخص من الحين يعني انا اول كنت ادش

الجمعيه بألف ريال ادحب قاري و نص الى قاريين الحين تاخذ اشوية بهانس تطلع بخمسميه و انت طالع

بس لو اقارن الميره بالجمعيه اقول الجمعيه اخير و ابرك كفايه الكوبونات الرمضانيه

وكارفور و المخازن و لولو وغيرها غطوا من زمان على الميره من ناحيه السعر

[ضوى]

الصراحة من صارت الجمعية قرب البيت وانا مستسهلة الروحة والحمد لله كل اغراضي القاها هناك عدا الخضرة مو دياما احصلها لذلك اسبوعيا اخذها من المخازن اما باقي الماجلة فمن الميرة وماشوف شئ تغير عادي يمكن شوية السلع زادت عن قبل كنت احصل اشياء في التموين ماحصلها في الميرة بس الحين موجودة وان شاء الله مانحتاج نروح لمجمعات عشان تسوق ماجلة

[جوال 11]

عن نفسي احس فيه تغيير ايجابي لما اصبحت شركه وافضل بكثير من السنوات اللي راحت لما كانت جميعات تعاونيه.

صارت دمارعندما أصبحت شركة والدليل مرتين تسرق الأموال وأستبعاد القطريين عن الأدارة والأشراف على مجمعات الميرة والأرباح بالقطارة والأسعار غالية والسرقات من العاملين تشتري كرتون دجاج يكون ناقص -1 ونقترح عليهم عدة أقتراحات ولا حياة لمن تنادي .

[cartier]

بااال للحين في حد يروح الجمعيات

شلي حادكم الفملي والميجا وكارفور يبيعون ويشترون هالجمعيات

اي تذكرت ابوي من ايام اتصلي قالي ابي كويكر

مريت دكان السعودي ما لقيته رحت جمعية معيذر

والله ذكرتني في بارادات دخان

دخلت انصدمت ويوم سئلت قالو مافي

[غناتي1]

خل يغيرون في الاسعار اول شئ -- صارت بعض الدكاكين ارخص

[الرويـس]

الله يرحم ايام الجمعيات

طبعا انه اقول هالجلمة لأنه الوالد دايما يمدح الجمعيات ويطيح ذم في الميرة اللي ما منها الا الفلس

الله يحفظه

ومسالة المدح والذم مسالة تخضع لمدى الفائدة
التي يستفيد منها المستهلك

:)

[الرويـس]

للأسف المنتج اللي غير موجود في الميرة هو التكييف في اكبر فرع اللي في المنصورة, لهم اكثر من سنة وعندهم مشاكل بالتكييف وحاطين ورقة انهم يتفهمون المشكلة ويعملون على حلها ومن الكلام الفاضي... معقولة مشكلة تكييف تاخذ أكثر من سنة بدون حل, مرة رحت قسم المكسرات ووجدت السوس لاعب لعبته داخل احد الاكياس على طول بلغت المسؤول وسحبو كل الكمية وانا واقف.. ولكن التكييف له اثر على المنتجات ورضا الزبائن..

وهذا اللي نتكلم عنه ، مستوى الرضى لا يتوقف في توفير السلعه فقط
حتى مستوى (الابتسامه) مطلوب :)



ان فمي قد البلوووطه :)

عجبني العنوان ودشيت .. بس مالي في الميره خير شر لان المجمعات ماخلت شي!

يعطيك العافيه ،،

شكلك مسلطن على سوالف المقاطع المنحوته في
الذاكره :)
بنزيدك افا عليك


بس قول لي وش اللي يستوقفك في المجمعات بشكل عام ؟ سواء رضا او عدم رضا ؟


ولا مرة دخلت الميرة وحصلت كل اللى ابيه يعني تشتري شوي من عندهم وتروح على مكان ثاني تكمل مشترياتك ومافي حد يحطلك اغراضك بالاكياس واسعارهم مرتفعه وانا اشوف انه الجمعيات اللى كانت زمان احسن بمليون مرة

سجل ملاحظاتك في اللسته :)

[فتى الجود]

أسوء أدارة للمجمعات التمونية

الميرة بدون منازع

تعال وقارن بينها وبين كارفور او المخازن اللولو

والله مافي مجال مقارنة حتى مع دكاكيين الفرجان
*نص الأغراض ماعليها بار كود مما يجعلك عند الكاشير
يا ترجع السلعه
أو تنطر يروح العامل يجيب لك السعر

يعنى الوقت اللى قضيتة في الأختيار ضاع هباءً منثورااً

*الأغراض أغلى سعراً

*الأغراض غير مرتبة ولاتعرف من وين تبدي

[ريد قطر]

[

b]حلوة الفكرة بس يا ليت ما يرفعون أسعارهم من وقت للثاني قمنا نشتري من السوبرماركت الله يخلي راعي الدكان والله ارخص منهم ويوصله للبيت
بالنسبة لي احب اشتري من الفاملي فوود فيه أشياء أكثر كل شي اتحصله عندهم حتى الأشياء الغريبة بس متروس هنود:( كل أغراضهم موجودة [/b]

[طارق]

بالنسبة للجمعيات أو الميره

النظام على ما اعتقد ما تغير - يعني اول كل شركه او وكيل لمنتج له عدد من الارفف ليعرض فيه بضاعته

والحين نفس الفكره ، و النقطه الثانيه الحياه مثلاً من عشر اسنين ارخص من الحين يعني انا اول كنت ادش

الجمعيه بألف ريال ادحب قاري و نص الى قاريين الحين تاخذ اشوية بهانس تطلع بخمسميه و انت طالع

بس لو اقارن الميره بالجمعيه اقول الجمعيه اخير و ابرك كفايه الكوبونات الرمضانيه

وكارفور و المخازن و لولو وغيرها غطوا من زمان على الميره من ناحيه السعر


والله انك صادق
زمان كانت الألف الف - الحين الألف في الجمعيه كأنها مئه

الله يرحم ايام الجمعيه

[الرويـس]

بالنسبة للجمعيات أو الميره

النظام على ما اعتقد ما تغير - يعني اول كل شركه او وكيل لمنتج له عدد من الارفف ليعرض فيه بضاعته

والحين نفس الفكره ، و النقطه الثانيه الحياه مثلاً من عشر اسنين ارخص من الحين يعني انا اول كنت ادش

الجمعيه بألف ريال ادحب قاري و نص الى قاريين الحين تاخذ اشوية بهانس تطلع بخمسميه و انت طالع

بس لو اقارن الميره بالجمعيه اقول الجمعيه اخير و ابرك كفايه الكوبونات الرمضانيه

وكارفور و المخازن و لولو وغيرها غطوا من زمان على الميره من ناحيه السعر

مسالة الأسعار لها ضروفها ومجال النقاش فيها واسع
وقد يحتكم لضوابط انا وانت قد لا نعلمها

غير انها في مجملها ( مرتفعه) فعلا
بس يوم تبي تقول لهم وش راح تقول ؟ ووايش راح يردون عليك ؟