وصلني خبر من الصحه الان << وزير الصحه القطري يتطعم ضد انفلونزا الخنازير من غير رأيه

[غير البشر]

السلام عليكم ورحمه الله وبركاااته

اسعد الله صباحكم بكل خير

قبل قليل جاني خبر ان وزير الصحه القطري سعاده عبدالله القحطاني اخذ التطعيم

الخاص بانفلونزا الخنازير وكذللك مدير الصحه العامه الشيخ محمد بن حمد ال ثاني


اشرايكم ياجمااعه ننتظر لين نشوف النتايج :secret:


او حد منكم ممكن يغير رأيه :nice:

[رمــش الغلا]

:eek5:

من وين المصدر

[غير البشر]

:eek5:

من وين المصدر



بدون مصدر مايمدي يكتبون :secret:

هههههههههههههههههههههههههههه


قبل ربع ساعه :rolleyes2:

[بوخالد911]

بنصبرررر

وبنشوووف ..

تسلم يالعرباوي الاصيل للخبر الفرش

[ابن الغبيراء]

الله يحفظ الجميع

[::.Silent.::]

الله يحفظ الجميع

آمييييييين

[PARIS]

الله يحفظهم ........... ويحفظ جميع المسلمين......... ويكون التطعيم فعاااااااال وماله اي آآآآآآآآثار جانبية ونفتك من كابوس انفلونزا الخنازير............

[برشلوني قطر]

يعطيك العافيه

[هدهد سليمان]

ننتظر لين نهاية السنه ونشوف السالفه .. لكن هل هو فعلا المصل المعهود ولا حق الانفلونزا الموسميه يا غير البشر؟!

[alqtri]

اعتقد اشاعه من اشاعات البلاك بيري :d

واللي بيموت مكتوب له ان كان من انفلونزا الخنازير او الضفادع يعني مافي اي مفر من الموت اللي مكتوب عليك

مادري على شنو الناس متخوفه لهالدرجه كنها ما تأمن بشي اسمه موت وخايفين من الموت

يالله بحسن الخاتمه ان شاء الله والله يحفظ الجميع

حتى الخطيب في صلاة الجمعه من شهر قال الاعلام والجرايد والتلفزيونات مخوفه العالم بشكل كبير على الفاضي

قال عمرك مكتوب وانت في بطن امك ومافي اي حد بيموت قبل يومه

بالتوفيق ان شا ءالله للكل وفي حفظ الرحمن :)

[شبح الصمت]

اخوي هي خبربوش والا خبر خوووش يعني بالعربي صحيح والا اشاعة بلاك بيري ترى يا كثر اشاعته البلاك بيري اشوي بيقولون شفنا كائنات غريبه وصحون طائرة ..
:omen2::omen2:

[حمود قطر]

اي نعم والبارحة الوزير المصري للصحة تطعم بإنفلونزا الخنازير

[المهاجر]

هذا رابط تطعيم وزير الصحه




http://www.qnaol.net/qnaar/local_news/misc/pages/vaccinh1n1doha3nov2009.aspx


المصدر وكاله الانباء القطريه

الدوحة في 03 نوفمبر /قنا/ دشن المجلس الأعلى للصحة اليوم المرحلة الأولى من حملة التطعيم ضد أنفلونزا "a/h1n1" حيث تلقى سعادة السيد عبدالله بن خالد القحطاني وزير الصحة العامة الأمين العام للمجلس أول جرعة تطعيم ضد هذا المرض.وستكون هذه المرحلة من التطعيم موجهة إلى حجاج بيت الله الحرام الذين ينوون تأدية فريضة الحج هذا العام.
وفي هذا الإطار تلقى سعادة الشيخ خالد بن ناصر بن حمد آل ثاني من جانبه أول جرعة تطعيم كأول حاج يتلقى المصل المستخدم ضد مرض h1n1.
وكان المجلس الأعلى للصحة قد بذل جهودا كبيرة حتى تصل دفعة أمصال التطعيم في وقتها المحدد وقبل سفر الحجاج إلى البقاع المقدسة بوقت كاف.
ويأتي تطعيم سعادة وزير الصحة كأول شخص يتلقى المصل في إطار حرص المجلس الأعلى للصحة على أهمية التطعيم للوقاية من هذا المرض وللتأكيد على أن المصل المستخدم آمن ويتميز بدرجة عالية من السلامة خاصة بعد اعتماده من قبل هيئات ومؤسسات الدواء العالمية.



يعطيك العافيه اخوي غير البشر

وتسلم على نقل الخبر

[MP3]

الله يحمي ويشفي جميع المسلمين

[hamoor4ever]

خل يتطعم بكيفه ، نفسه وهو حر فيها

[لاداعي]

يعطيك العافيه اخوي غير البشر..

[غزلان]

انا لين الحين خايفه من التطعيم

[علي1]

اعتقد اشاعه من اشاعات البلاك بيري :d

واللي بيموت مكتوب له ان كان من انفلونزا الخنازير او الضفادع يعني مافي اي مفر من الموت اللي مكتوب عليك

مادري على شنو الناس متخوفه لهالدرجه كنها ما تأمن بشي اسمه موت وخايفين من الموت

يالله بحسن الخاتمه ان شاء الله والله يحفظ الجميع

حتى الخطيب في صلاة الجمعه من شهر قال الاعلام والجرايد والتلفزيونات مخوفه العالم بشكل كبير على الفاضي

قال عمرك مكتوب وانت في بطن امك ومافي اي حد بيموت قبل يومه

بالتوفيق ان شا ءالله للكل وفي حفظ الرحمن :)

حفظك الله ردك في قمة الجمال والروعه والله الناس هم الي مسوين رعب النفسهم

ولا كيف ناخذ تطعيم من مادة من الخنزير الي محرم شرعآ نخالف كلام الله عشان خوف من الموت الله الحافظ والله كلام في قمة الروعة يا
alqtri

[ام حبيبتي]

شاللي يثبت انه هو المصل ؟؟؟؟؟؟؟؟؟؟ المفروض ياخذونه عالهوااااء مباشره ويطلعون العقار نفسه وهم يسحبونه في الابره .... ويكون دكتور انجليزي موجود لانه الانجليز مايخافون من احد ويقولون الصج

[غير البشر]

يعطيك العافيه اخوي غير البشر

وتسلم على نقل الخبر



الله يعافيك يا الغالي قلت لكم مايمدي يكتبونه هههههههههههههههههههه :shy:

[غير البشر]

ننتظر لين نهاية السنه ونشوف السالفه .. لكن هل هو فعلا المصل المعهود ولا حق الانفلونزا الموسميه يا غير البشر؟!


الكلام الي مكتوب انفلونزا الخنازير لكن المحتوى مادري هههههه يمكن حاطين ماي :shy:





اعتقد اشاعه من اشاعات البلاك بيري :d

واللي بيموت مكتوب له ان كان من انفلونزا الخنازير او الضفادع يعني مافي اي مفر من الموت اللي مكتوب عليك

مادري على شنو الناس متخوفه لهالدرجه كنها ما تأمن بشي اسمه موت وخايفين من الموت

يالله بحسن الخاتمه ان شاء الله والله يحفظ الجميع

حتى الخطيب في صلاة الجمعه من شهر قال الاعلام والجرايد والتلفزيونات مخوفه العالم بشكل كبير على الفاضي

قال عمرك مكتوب وانت في بطن امك ومافي اي حد بيموت قبل يومه

بالتوفيق ان شا ءالله للكل وفي حفظ الرحمن :)



اخوي هي خبربوش والا خبر خوووش يعني بالعربي صحيح والا اشاعة بلاك بيري ترى يا كثر اشاعته البلاك بيري اشوي بيقولون شفنا كائنات غريبه وصحون طائرة ..
:omen2::omen2:



ماعندي بلاك بري والله عندكم واحد سلف بس شرط يكون بولد :shy:



يعطيك العافيه اخوي غير البشر..



الله يعافيك يا الغالي :nice:

[الخير كله]

بالعون ما صدقتهم .................
تهقون تطميعهم نفس اللي لنا؟؟؟؟؟؟؟
اذا تعالجو بمستشفاكم صدقوا انهم بياخذون تطعيم الفقارىالله يحفظ قطر وشعب قطر
وسلامتكم

[ولد شرق]

شاللي يثبت انه هو المصل ؟؟؟؟؟؟؟؟؟؟ المفروض ياخذونه عالهوااااء مباشره ويطلعون العقار نفسه وهم يسحبونه في الابره .... ويكون دكتور انجليزي موجود لانه الانجليز مايخافون من احد ويقولون الصج

سبحان الله
الاتجليز الحين صاروا مايخافون ولا يكذبون؟
مادري اختي وين مصدر هالكلام؟ التوراه ولا الانجيل المحرّف؟

بسكم ياعرب تخرع من الاجانب وبعدين اتقولون ليش البلاد كلها اجانب ومادري ايش
كلام متنافض دام الاجانب مايكذبون عيل كفو عليهم اذا اترسوا البلاد دام انهم يدفعون بعجلة التنمية بكل صدق واخلاص

[شيط ويط]

انا صراحه اذا كنت افكر اتطعم ماراح انتظر حد يتطعم عشان اصدق .. اعتقد المسألة مسألة قناعات ..

[مسكين]

حتى لو تطعموا هذا شي راجع لهم


لاهم أطباء وقرارهم مايمثل أي شي بالنسبة لي

[ولد الشقب]

لالالالالالالالالالالالالالالالالالالالالالالالالا لالالالا
ماقتنعت اخذهااااااا

[سهم مديون]

ياليت نسمع تصريح مباشر من سعادة الوزير حول صحة تطعيمه !:eek5:

[alanood]

متأكد نفس التطعيم؟؟!!!!!!!:secret:
بالمناسبه توفت امس وحده من محافظة الجيزه عمرها 23 راحت لمستشفى خاص بعلاج الامراض الصدرية وغلطوا فالتشخيص في 28 اكتوبر وعطوها ادوية انفلونزا عاديه
والله يرحمها وبهذه الحاله يرتفع معدل الوفيات في مصر الى 6 حالات سببها هذا المرض بارادة الله
تعددت الأسباب والموت-الذي تفرون منه ملاقيكم-واحد

[alqtri]

ياناس والله مكبرين الموضوع وايد اشوف

والاعلام خدم مرض انفلونزا الخنازير خدمه مب طبيعيه هذا المرض يقولك موجود من ايام الحرب العالميه الثانيه

الحين لو تبحثون عن احصائيات الموتى من الانفلونزا الموسميه العاديه تلاقونها اكثر من انفلونزا الخنازير

اللي بيقرا ردود بعض الناس بيقول ان هذا المصل يحمي الواحد من الموت

ماتدرون في ناس تاخذ المصل وتعيش وناس غيرها تاخذ المصل وتموت كل شي مكتوب عند رب العالمين

صراحه اللي اشوفه في بعض الردود كنهم خايفين من الموت او انه هالمرض بيقضي على الدوحه كلها

اذكرو ربكم اللي بيموت مكتوب له يموت ان كان بمرض او من غير مرض ومثل ماقال الشاعر ؟

تزول عن الدنيا فإنك لا تدري *** إذا جن عليك الليل هل تعيش إلى الفجر
فكم من صحيح مات من غير علة *** وكم من سقيم عاش حيناً من الدهر
وكم من فتى أمسى وأصبح ضاحكا *** وأكفانه في الغيب تنسج وهو لا يدري
فمن عاش ألفاً وألفين *** فلابد من يوم يسير إلى القبر

موفقين ان شاء الله ويبعد عنكم وسواس الخنازير :)

[بوحمد1]

يعطيك العافية ع الخبر الحلو :)

اللي اعرفه ان ضرر هذا اللقاح يكون على مدى 5 الى 10 سنوات وبصراحة حتى لو اعيش بروحي بجزيرة ولا اخذ هذا اللقاح :)

[بندرصالحي]

ننتظر لين نشوف النتايج

[ودي أكون]

طمنونا ع وزيرنا ^^

[الـعــضــيـد]

فـــديــــتــــك

غير البشر مصادرك موثوق فيها انا عن نفسي اثق بك لاني ادري انك واصـــــل


تحياتي لك :telephone: لانك ماتحب :omen2:

[سداوي&مدريدي]

تسلم على الخبر يالغالي

وانا لين الحين ماتطعمت

:omen2:

[قطري وأفتخر]

اذا تأكد الخبر احتمال أطعم

[الصيـاد]

شاللي يثبت انه هو المصل ؟؟؟؟؟؟؟؟؟؟ المفروض ياخذونه عالهوااااء مباشره ويطلعون العقار نفسه وهم يسحبونه في الابره .... ويكون دكتور انجليزي موجود لانه الانجليز مايخافون من احد ويقولون الصج



واضيف شهود من المنتدي

قالوا وقالوا ما ينفع نبي صورة مثل الوزير المصري وبعدين بنحطة تحت الاختبار نراقب

حالتة الصحية

[]ام جاسم[]

شاللي يثبت انه هو المصل ؟؟؟؟؟؟؟؟؟؟ المفروض ياخذونه عالهوااااء مباشره ويطلعون العقار نفسه وهم يسحبونه في الابره ....

وانا مع اختي بللي قالته و شفت الوزير يتطعم بس اش يثبت لي انه ماخذ مصل الانفلونزا القناعه من قبل تجي اول ماطلع المصل وطعمنا عيالنا وتمينا بين اي ولا ليش ماطلعو وتطعمووو وشلو الرهبه من قلوب الكثير من الناس

[هامور]

ام جاسم[;5039564']وانا مع اختي بللي قالته و شفت الوزير يتطعم بس اش يثبت لي انه ماخذ مصل الانفلونزا القناعه من قبل تجي اول ماطلع المصل وطعمنا عيالنا وتمينا بين اي ولا ليش ماطلعو وتطعمووو وشلو الرهبه من قلوب الكثير من الناس

كان لي موضوع من فترة الوزير اولا
وطلبت ان يتم كذا امام شاشات التلفزيون ووسائل الاعلام

[هامور]

http://www.qatarshares.com/vb/showthread.php?t=306524

[العنود55]

صديقه لي في امريكا تطعمت معنها حامل ولما تطعمت قالولها احتمال ترتفع حرارتج بس الحمدلله مارتفعت حرارتها ولا صادها شي وتقولي عيالي عندهم موعد تطعيم بنص الشهر . والصراحه بستخير وا ن ارتحت بتطعم ان شاء الله .

[نورالهدى]

انا صراحه اذا كنت افكر اتطعم ماراح انتظر حد يتطعم عشان اصدق .. اعتقد المسألة مسألة قناعات ..

وهذا رايي

[مبتدئة]

شاللي يضمن أنه نفس اللقاح اللي بيعممونه على الناس!

وبعدين صج كلنا آآخرتنا الموت .. بس الواحد يموت موتة ربه ولا تتدهور حالته ويتعذب ويعذب اللي معاه

بسبب لقاح جديد ما يعرفون اثاره الجانبيه للحين ويبون يعممونه على الناس!

[Breakaway]

يمكن الدكاترة حنفي و حسب الله هم من اقنعوه!

[أمل الإمارات]

ماعتقد اذا شفتوا هالفيديو بتاخذون التطعيم

http://www.************/watch?v=TtQRPTqP2HM

[أمل الإمارات]

الفيديو على اليوتيوب

[ام حبيبتي]

سبحان الله
الاتجليز الحين صاروا مايخافون ولا يكذبون؟
مادري اختي وين مصدر هالكلام؟ التوراه ولا الانجيل المحرّف؟

بسكم ياعرب تخرع من الاجانب وبعدين اتقولون ليش البلاد كلها اجانب ومادري ايش
كلام متنافض دام الاجانب مايكذبون عيل كفو عليهم اذا اترسوا البلاد دام انهم يدفعون بعجلة التنمية بكل صدق واخلاص



اي نعم الانجليز مايكذبون ولايخافون عيل جيب لي امريكي يخاف منك ؟؟؟ مستحييييييييل والله لو شنو ... انا ماقلت لك جيب لي * عربي * العرب على قولتك اللي المفروض يمشون عالقرآن اهم اهل الكذب والخوف وكل شي فيهم عكس القرآن .. والا من زمان جان تحررت فلسطيييييييييييييين

[Revamp]

السلام عليكم ورحمه الله وبركاااته

اسعد الله صباحكم بكل خير

قبل قليل جاني خبر ان وزير الصحه القطري سعاده عبدالله القحطاني اخذ التطعيم

الخاص بانفلونزا الخنازير وكذللك مدير الصحه العامه الشيخ محمد بن حمد ال ثاني


اشرايكم ياجمااعه ننتظر لين نشوف النتايج :secret:


او حد منكم ممكن يغير رأيه :nice:

اهاااا اشوف cnn اقطعوا البرامج وحطوا نقل مباشر للحدث المهم