احذروا من دلال الاراضي!

[سعادة الوزير]

السلام عليكم ورحمة الله

نصيحتي لكم .. احذروا كل الحذر من الدلالين .. تراهم هم الي يرفعون اسعار الاراضي بشكل جنوني والسبب ايهام الناس بان وتيرة الارتفاع لازالت موجوده وسريعه وضرورة الاسراع في شراء الاراضي قبل ان ترتفع اكثر!! .. هناك قصص كثيرة عن دلالين (وهم معروفين بالمناسبة) باعوا اراضي على سعر الفوت 100 و 120 في اماكن معروف ان سعر الفوت فيها مايتعدى ال 70!! .. طبعا صارت قدام عيني معاي ومع الكثير من الي اعرفهم .. يقعد الدلال يلف ويدور وينسج قصص ان هالمنطقه بتولع وان فلان بن فلان توه شاري بلوك اراضي هني بسعر مادري كم (وهو كذاب طبعا!!) والحق عليها الحين قبل لاتتحسف بعدين!! .. والنتيجه ان المشتري مسكين يصدق ويبيع له كم سهم ويشتريها بسعر اعلا بكثيييييير من سعر السوق .. وهذا طبعا يساعد على الارتفاع مجددا!!

نصيحتي لكم يا ناس .. اشتروا مباشرة من المالك ولاتصدقون كلام الدلال ابدااااااااااااااااااااااااا ابدااااااااااااااااااااااااااااااا

[عزيز]

السلام عليكم

جزاك الله خير اخوي سعاده الوزير والله صدقت اخوي عمري ماشفت دلال يطلع رزقه بالحلال لازم يخرج عمولته بالكذب والغش والخداع

الله يهديهم ان شاء الله

يعطيك العافيه اخوي علي النصايح والتوجهيات جعله الله في ميزان حسناتك اخي العزيز :)

[sulai6i]

يا ويلهم من الله


ما اقول غير


الله يهديهم ... وانشالله تنزل الأسعار

[العنان]

مشكور اخيو سعادة الوزير على النصيحه, بس عندي استفسار اذا بغيت اشتري ارض من شخص ولا من دلال ولا مكتب عقارات شلون اعرف ان سعر الفوت اللي قال لي عنه صحيح مب زياده عن المفروض , يعني ماخليه ينصب علي في سعر الفوت...

[حمد]

انزين ممكن اعرف ...

كم سعر الفوت في العزيزيه

وبوهامور

والمعموره

وشاكر لك اخوي

حمد

[bu shhab]

السلام عليكم

اخوي سعادة الوزير

عندي سؤال بس اللحين لين الدلال يزيد السعر وش يستفيد

تاليها ، بياخذ الزياده ولا شلون اولها لتاليها هو دلال الشيك بيطلع باسم البايع

يعني هو وش عليه صحيح ما اقولك كل الدلالين ممتازين في منهم يطلع مليون فرقيه

بس عفوا النصاب الاول بيكون البايع لا انه متفق وياه


عموما الله يهدي الجميع

شكرا على الموضوع

[سعادة الوزير]

اخوي بوشهاب كلامك صحيح .. لكن الدلال يستفيد كونه يخلي الشاري يستعجل ويشتري ارض يمكن مالها سوق بسعر اكبر من سعرها الاصلي .. بهالطريقه يرفع من سعر الاراضي في كل المنطقه المحيطه بهالارض .. ثاني شي اكثرهم يطلعون اشاعات وكلام عن بعض المناطق انه بتصير فيها مشاريع وبترتفع قيمتها فالناس يتهافتون على شراء الاراضي هناك .. ايضا مما يرفع قيمتها كثيييييييرا عن قيمتها الاصليه .. الدلال الي يستفيده بالدرجه الاولى هو كثر حجم البيع .. كل مااكثرت مبيعاته كل مازاد ربحه .. ثاني شي عمولته تزيد كل مازاد المبلغ .. طبعا انا ما اقول كل الدلالين .. لكن اقول 99 بالميه منهم للأسف.

[saham]

one of the real state brokers told me one day

the first people will go to hell are
lawyers and brokers

[الأستشاري]

أرتفاع الأراضي سببها ليس الدلالين ...............

السبب الرئيسي يرجع الى قلة المعروض من الأراضي ....... بدليل لا توجد هناك أي مخططات أراضي مفرزه للبيع . وأتحدى أي شخص أدلني على مخطط أراضي للبيع؟؟؟؟؟
لأن الحكومه شرت كل الأراضي المملوكه للأشخاص ومن الطبيعي الأسعار راح ترتفع .... ومتوقع أن ترتفع بشكل كبير في الأشهر الجايه .

الحل هو ......
أن تقوم الحكومه ببيع الأراضي للشركات العقاريه كي تتطور ها وتبيعها على من يرغب ... حتى تهدء الأسعار ...
ويتساوى العرض مع الطلب. مثل ماهو موجود في السعوديه والكويت والأمارات .

[سعادة الوزير]

والله كلامك يالأستشاري عين العقل .. وكذلك الحل الي ذكرته .. عساك على القوة :)