ياجماعة احنا وين؟ في قطر الحضارة والا في ......

[Sharshooooor]

ياجماعة اول مرة اشوف الفوضى والاجراءات بهالطريقة

كنت في بلدية الريان اليوم

تبهدلت اخر بهدلة

تقديم الطلب في فله 9
دفع الرسوم في فلة 5
طباعة الطلب في فلة 7
توقيع الطلب في فلة 9 بس الطابق الثاني
توقيع الطلب في فلة 10 الطابق الثاني
فرز وتسليم المعاملة في فلة 7

وانا ناسي فلتين بعد مريت عليهم بس مادري ليش :nice:

ليش كل هذا ( حد غاصبهم على هالفلل يأجرونها غصب )

وليش كل هالتعقيج والادهى من هاي كله انك تمسك لاين في كل فله حرام عليهم والله

ولا الفوضى ان في فله 5 مكان دفع الرسوم مسكرين المكيفات وماكو لاين واللي بيتزاحم يوصل للشباك عند الموظف هو اللي يخلص قبل وخذ وخل الناس تتهاوش مع بعضها بس يفتكون ويخلصون
وحاطين موظف واحد بس

خافوا الله في المراجعين وللاسف والكل عارف هالشي ان كل موظف نفسيته اخييس من الثاني
وانا مالومهم لان مكانهم للاسف مقرف

المفروض تكون في سهولة بالاجراءات وماتضيع من وقتنا طول اليوم عشان نراجع معاملة صغيرة ماتستاهل كل هالتعقيدات
لو معاملة كبيرة كم يوم يبيلي اخلصها عيل؟

تارك لكم التعليق بتجاربكم مع البلدية او اذا في حد يشتغل هناك يفيدنا ليش كل هالتعقيدات

تحياتي لكم

[حقل الشمال]

الله يعينك ........... أهم شي خلصت ؟

[ودي أكون]

الحمدالله اني بنت ^^

والا جان تلتهت مثلكم :taunt:

[الألماسي]

http://www12.0zz0.com/2009/11/03/11/196569700.jpg (http://www.0zz0.com)

http://www12.0zz0.com/2009/11/03/11/296109549.jpg (http://www.0zz0.com)

:)

[الخير كله]

يبي لك جوتي بو تواير........
الله يعينك

[Sharshooooor]

الله يعينك ........... أهم شي خلصت ؟

تصدق ان من 9 انا هناك لين 11 ونص
والادهى من هاي كله ان المعاملة صار لها تنرفض من 4 شهور تتوقع ليش؟

لاني بازيد حجم لافته الشركة متر :nice:


الحمدالله اني بنت ^^

والا جان تلتهت مثلكم :taunt:

اي والله ياليتني بنت
عالاقل اخذ حقوقي مثلكم :secret:
صج حقوق المرأة لها دور :nice:

[Sharshooooor]

http://www12.0zz0.com/2009/11/03/11/196569700.jpg (http://www.0zz0.com)

http://www12.0zz0.com/2009/11/03/11/296109549.jpg (http://www.0zz0.com)

:)

بس مافي تاريخ تسليم اخوي
عشان احرم اروح لهم قبل لايفتحون الفرع الجديد

[الألماسي]

تصدق ان من 9 انا هناك لين 11 ونص
والادهى من هاي كله ان المعاملة صار لها تنرفض من 4 شهور تتوقع ليش؟
لاني بازيد حجم لافته الشركة متر :nice:
:nice:


كم تعطيني لو جبت لك الموافقه . .! :nice:

[الموضوعي]

المشكلة ليست في المباني المشكلة في العقلية الإدارية للبلدية التي لازالت تعيش في القرن الماضي مثال ذلك بلدية الريان التي لا يوجد بها الا موظف واحد للصندوق تدفع جميع الرسوم والمخالفات عنده وكأنه هو السوبر مان الوحيد الذي لا يستطيع غيره ان يؤدي هذا العمل ، لو كان لديهم في بلدية الريان شوية عقل كان وضعوا جهاز الدفع بالبطاقة لدى كل قسم وموظف بحيث تدفع المخالفة او الرسوم في القسم المختص بالمعاملة لكن عبقرية بلدية الريان بشكل خاص ووزارة البلدية بشكل عام ترفض اي مبدأ للتطور لانهم يرون في ذلك بدعة وكل بدعة ضلالة وكل ضلالة في النار

[PARIS]

الحين عرفت ليش يسمونا الدول النايمة اقصد الدول النامية ...... انا لو منهم اسميها الدول المتخلفة ..والله صج شئ يقهر متى بنتقدم الى الامام .........لاحول ولا قوة الا بالله

[HIGHNESS]

لماذا لايتم التخلص من الاجراءات الورقية المعقدة والمتخلفة ويتم التعامل عن طريقها الكترونياً؟؟؟ مثل الدول المتقدمة.. ليش مايتم التخلص من هالعقليات الرجعية والي على مخها شبك عنكبوت واستبدالها بالعقليات اللي تهتم بالتطوير والتقدم التكنولجي؟؟ صدقوني لو يتم الخلص منهم راح نتقدم ولو قليلاً الى الامام!!!
... ليش هالميزانيات الكبيرة ماتنصرف على تطوير هذي الاجراءات بدل الاهتمام والتركيز على الرياضة مثلاً وغيرها من الامور اللي مايستفيد منها المواطن ولا الدولة بعد ...
الله يعين المواطن :)

[تغلبية]

يعني بتضيع الهوية اذا ماسووا المبنى التراثي !!
أي الأهم ... انسيابية العمل وتبسيط الاجراءات والتيسير على المواطنين
والا المراكض بين كل فيلا وفيلا لتخليص المعاملة ؟؟ عجبي !!

وبعدين وين أجهزة اعطاء الأرقام مثل البنوك والداخلية ؟؟؟

مصعبينها على الناس والله ميسرها !! حرام عليهم والله

[Bu Rashid]

ههههههههههههههه
الله المستعان

عندي معامله هناك والظاهر اني ما راح اخلصها بعد ما شفت هذه التعقيدات

[Sharshooooor]

كم تعطيني لو جبت لك الموافقه . .! :nice:

والله لو ماطلعت الموافقة اليوم كنت ماراح تقصر معاي يالألماسي
وادري فيك من غير فلوس بعد :nice:

[Sharshooooor]

يعني بتضيع الهوية اذا ماسووا المبنى التراثي !!
أي الأهم ... انسيابية العمل وتبسيط الاجراءات والتيسير على المواطنين
والا المراكض بين كل فيلا وفيلا لتخليص المعاملة ؟؟ عجبي !!

وبعدين وين أجهزة اعطاء الأرقام مثل البنوك والداخلية ؟؟؟

مصعبينها على الناس والله ميسرها !! حرام عليهم والله

في يالغالي ارقام بس مو في كل الفلل
يعني في استلام الطلبات عند البنات حاطين ارقام
بس بعدها مثل الغنم وانت بكرامة اجري جري الوحوش

[هامور]

ابشرك

اليوم ماادري امس اشغال سلمت المبنى الجديد لبلدية الريان وبتكلفة بلغت 95 مليون ريال

شفت المبنى قبل كم شهر جدا تحفة معمارية وهو مقابل القلعة من شرق

[سداوي&مدريدي]

الناس تطور .. واحنا :secret:

الله يكون في عونك أخوي

[واحد 11]

سبق ومريت هذا المكان وعانيت من نفس الطريقة

توزع الموظفين على فلل متناثرة والباب الاليكتروني مفتوح لان الزحمة وصلت لخارج الفيلا المخصصة للاستقبال وتحمل الحر الناتج عن عدم اغلاق هذا الباب

اعتقد للعشوائية والاستعجال في ايجاد مبنى بديل للسابق دور في اختيار هذا المكان الذي بني اصلا ليكون مجمع سكني

واعيد سكني وليس اداري

فرجت ان شاء الله

[بوحارب]

انه عانيت من نفس المشكلة ولكن في وزارة العدل

رحت اشتري فيلا يوم الأحد اللي راح ولا تشوف المشاوير اللي صارت لي

كل دقيقة طالع دور ونازل من دور كأني البوي اللي يوزع الكرك هههههههههههههههههه

بعض الدوائر في الدولة محتاجة للترتيب والتنظيم !

[رعبوبه]

ههههههههههههههه
شفوك متنان

يبونك اتنزل كيلو ...لووول

[وتبقى الدنيا حلوه]

معروف بلدية الريان واااااااااااااااااااايد تنذم

[Sharshooooor]

انه عانيت من نفس المشكلة ولكن في وزارة العدل

رحت اشتري فيلا يوم الأحد اللي راح ولا تشوف المشاوير اللي صارت لي

كل دقيقة طالع دور ونازل من دور كأني البوي اللي يوزع الكرك هههههههههههههههههه

بعض الدوائر في الدولة محتاجة للترتيب والتنظيم !

ههههههههههههه

لايسمعونك كرك النعيمي بكرة يسوون الكرك بريالين :nice:

الترتيب والتنظيم موصعب
هم خلهم يفكرون بمصلحة المراجع قبل مصلحتهم وراح تنحل المشكلة
لكن محد فيهم يداني الثاني والدوام عندهم خذ وخل
يعني في مدير ماتشوفة على مكتبه ويوم تحصله وتدخل علية
اشكرة يقول قدامك لسكرتيرة ياخي انا قلت لك قولهم انا مو موجود :eek5:

[موضي قطر]

إن شاء الله كل هالمشاكل بتنحل مع إستلام المبنى الجديد

[Sharshooooor]

إن شاء الله كل هالمشاكل بتنحل مع إستلام المبنى الجديد

اذا انتقلوا الى المبنى الجديد وبنفس الاجراءات فماسوينا شي
الاهم هل عندهم دراسة قبل لايستلمون المبنى الجديد في كيفية تسهيل الاجراءات ووضع انظمة تساعد على تنفيذ الاجراءات

اللي اعرفة ان هالاشياء تاخذ وقت لين يدورون على برامج ويكيفونها حسب احتياجهم
وانا متأكد ان محد فاضي لهالمواضيع في البلدية من اللي شفته

[قطري !]

يا اخوان هل المدراء مغفلين ولا غير متعلمين ولا شسالفه




الدوله تبي تطور وتقدم وهذولا محلك سر




شسالفه .. مايقرون مايستوعبون باللي يدور حولهم ....



قسم بالله امر محير جدا ...

نبي على الاقل نوصل الى نص ماوصلت له الدوله المتقدمه : من احترام للانسانيه واحترام لوقت الانسان وجهده



وتخليص معملاتك وانت واقف , وتحجيم الواسطه الى اقل شي




مايعطوني سلطه عليهم اسنعهم ..!!!!!!!!!!!!!!!!!!!!!

[Sharshooooor]

يا اخوان هل المدراء مغفلين ولا غير متعلمين ولا شسالفه




الدوله تبي تطور وتقدم وهذولا محلك سر




شسالفه .. مايقرون مايستوعبون باللي يدور حولهم ....



قسم بالله امر محير جدا ...

نبي على الاقل نوصل الى نص ماوصلت له الدوله المتقدمه : من احترام للانسانيه واحترام لوقت الانسان وجهده



وتخليص معملاتك وانت واقف , وتحجيم الواسطه الى اقل شي




مايعطوني سلطه عليهم اسنعهم ..!!!!!!!!!!!!!!!!!!!!!

بعد 4 شهور ايش فكني منهم غير الواسطة
بس شي يحزن ترى