هل هي سرقه ومن المسؤل

[بن موسى]

ياسادة ياكرام ارجو منكم الافادة والتوجيه00
في 1\10\2006 عملت جدولة في بنك قطر الوطني واصبح المبلغ الاجمالي 896914الف ريال0وبديت التقسيط ب9400 في الشهر0
وفي تاريخ 14\5\2009 اخذت شهادة بالمديونيه والمفاجاه ان اصل القرض لم ينقص شي ابدآ وعند سوال المؤظف لم يفيدني اولم افهم منه شي 0
وفي تاريخ اليوم الثلاثاء 3\11\2009 اصبحت المديونيه تساوي 904132 الف ريال بزيادة عن اصل القرض ب7218 ريال 0 معا اني دفعت للبنك مبلغ وقدرة 338400 الف ريال

نحسبها 9400في 36 =338400 )
المديونيه 896914 في 1\10\2006 المدفوع حتى تاريخ 30\10\2009 =338400
اصبحت في 3\11\2009 =904132 مع العلم باني لم اقم بتاجيل اي من القساط 0

فهل هي سرقه ومن المسؤل افيدوني جزاكم الله خير

[الألماسي]

للعلم فقط ان فوائد القروض ارتفعت يا بن موسى مؤخراً . .

كم كانت نسبه الفائده يوم خذت القرض و على كم سنه . .!

[بن موسى]

للعلم فقط ان فوائد القروض ارتفعت يا بن موسى مؤخراً . .

كم كانت نسبه الفائده يوم خذت القرض و على كم سنه . .!

والله ياخوك النسبة ماعندي خبر كم كانت والمدة من 1\10\2006 ايلا 1\11\2029سبحان الحي الذي لايموت

[الألماسي]

شوف اخوي هذه حسبه بسيطه لفايدتهم الحين اللي هي 11.5%

http://www2.0zz0.com/2009/11/03/11/648260386.jpg (http://www.0zz0.com)

100 الف طلعت تقريباً الفايده 25 الـف ريال و هي على 4 سنين . . فما بالك 23 سنه . .!

الله يعينك على هـ الدين . .

[متداول عالمي]

حسبي الله ونعم الوكيل على مصرف قطر المركزي وعلى المسؤل الي يرفع الفوائد على المواطنين

[بن موسى]

شوف اخوي هذه حسبه بسيطه لفايدتهم الحين اللي هي 11.5%

http://www2.0zz0.com/2009/11/03/11/648260386.jpg (http://www.0zz0.com)

100 الف طلعت تقريباً الفايده 25 الـف ريال و هي على 4 سنين . . فما بالك 23 سنه . .!

الله يعينك على هـ الدين . .

والنعم بالله وشكرآ لك انا اللي مادخل مخي صراحة اني دافع لهم 338400 الف ولانقصت من القرض حاجة بالعكس زادته 7218 ابي حد يفسر لي

[الـقـاسـي]

باال يلعن ام القهر قسم بالله تدفع 9400 ريال صار لك 3 سنوات والحين صارت المديونيه زياده 7 الالف بدال ماتنقص 300 الف .. هذي مشكله البنوك الربويه ..

يعني متى يبون الاقساط تخلص شكلهم قالوا لك 3029 مب 2029 تأكد

بعدين اخوي هذي اللي يقولون عنها سرقه في وضح النهار .. انا لو كنت مكانك انجلطت

[عاشقة الطاووس]

مره سمعت في واحد من البرامج متصل كانت عنده نفس مشكلتك ، ولما راجع البنك قالوا له ان واحد من بنود

العقد ان من حق البنك يرفع الفايده خلال فترة السداد ، واعتقد اللي صار معاك نفس الشي ، ان اهما رفعوا

عليك الفايده على قولتهم كحق من حقوقهم.

هاذي مشكلة البنوك الربوية كلها نصب في نصب، صح يقدمون تسهيلات للعميل اكثر من البنوك الاسلاميه بس

شالفايده كلها بوق !!

حتى لو وديت لهم الفلوس كاش بيقولون لك بعد باقي عليك مبلغ وقدره ............!!!!!

نصيحتي حول حسابك على بنك اسلامي وايد بترتاح ان شاء الله

[بن موسى]

1 بعدين اخوي هذي اللي يقولون عنها سرقه في وضح النهار .. انا لو كنت مكانك انجلطت

القاسي 0 من الجهه المسؤله التي يمكن ان تشوف لنا حل0


2 نصيحتي حول حسابك على بنك اسلامي وايد بترتاح ان شاء الله

عاشقة الطاؤس 0 راحت للمصرف وقال صافي الراتب 781 ريال مستحيل نحولك

[MP3]

ترى كل الناس صاير عليهم نفسك

الله كريم

[المستقل]

** ومحق الله الرباء **
وما زال فيه ناس يحولون رواتبهم على بنوك ربويه
وما زال فيه ناس يقترضون من بنوك ربويه
وما زال فيه ناس تفكر أنها تقترض من بنوك ربويه

ياناس... ياعالم ..ياعقلاء

هذي النتيجه قدامكم من ناس جربوا وناس من أهلكم وناس تعرفونهم


ولو قلنا فرضاً أن هذا مش ربا أو جائز شرعاً

فلا يجوز عقلاً ولا منطقاً

فيه جهات أخرى إسلاميه تعرف كم عليك وكم قصدك ومتى راح يكون أخر قصد عليك بالريال

وكل درهم تدفعه راح يخصم من مديونيتك


فهل من مستمع فهل من مستنصح فهل من واااع

[La Bella]

خل مصرف قطر الأسلامي يشتري سلفتك
أنا حولت للمصرف
بس أذا سلفتك كبيره ما ظن يأخذونك

[الـقـاسـي]

1 بعدين اخوي هذي اللي يقولون عنها سرقه في وضح النهار .. انا لو كنت مكانك انجلطت

القاسي 0 من الجهه المسؤله التي يمكن ان تشوف لنا حل0




اخوي هذي تسئل فيها محامي .. وهو يقدر يفيدك وانا بحاول اسئل لك ..
والقضيه من اختصاص نيابه الاموال العامه اذا ماكنت غلطان ..
اذا تعرف لك محامي اسئله .. بس انا اتوقع البنوك الربويه يوقعونك على ورقه انه يزيدون الفوائد بدون مايرجعون لك ..
اذا عندك الورقه اللي وقعت عليها يوم خذت السلفه ياليت تتأكد من هالشي ..

[فتى الجود]

أخوى هذوا النوع من الديون
يسمى بالفائدة المركبة

وهذا اللى يفرق بينها وبين البنوك والمصارف الأسلامية
المهم عندك حل

تروح بنك أسلامى وتخليه يشترى لك القرض

والله يعينك

[روح-قطر]

بس انت تقول دافع مبلغ وبعد زاد خذ اوراقك وروح المصرف وقولهم فهموني انا مافهمت وما بيقصرون معاك باذن الله..

[بن موسى]

اخوي هذي تسئل فيها محامي .. وهو يقدر يفيدك وانا بحاول اسئل لك ..
والقضيه من اختصاص نيابه الاموال العامه اذا ماكنت غلطان ..
اذا تعرف لك محامي اسئله .. بس انا اتوقع البنوك الربويه يوقعونك على ورقه انه يزيدون الفوائد بدون مايرجعون لك ..
اذا عندك الورقه اللي وقعت عليها يوم خذت السلفه ياليت تتأكد من هالشي ..

هم مايعطون اي ورقه 0 نموذج من 3 او 4 صفحات توقع عليه وتروح وشيك مؤقع على بياض
ثانيآ ياخوك والله ماعرف محامي على شان اسأله 0
ثالثأ اذا انا دفعت 338400 الف في 3 سنوات وطلعت المديونيه زايدة 7218 كم تعتقد يكونوا خذوا فايدة 0
خلهم ياخذون 300000 الف ويطيحون 38400 من اصل القرض على الاقل
اما بخصوص المحامي 0 فعلى يدك ولا استطيع اقولك
الآ 0 تكفى ترا تكفى تهز الرجاجيل لولا ظروف الوقت ماقلت تكفى

[hard to get]

** ومحق الله الرباء **
وما زال فيه ناس يحولون رواتبهم على بنوك ربويه
وما زال فيه ناس يقترضون من بنوك ربويه
وما زال فيه ناس تفكر أنها تقترض من بنوك ربويه

ياناس... ياعالم ..ياعقلاء

هذي النتيجه قدامكم من ناس جربوا وناس من أهلكم وناس تعرفونهم


ولو قلنا فرضاً أن هذا مش ربا أو جائز شرعاً

فلا يجوز عقلاً ولا منطقاً

فيه جهات أخرى إسلاميه تعرف كم عليك وكم قصدك ومتى راح يكون أخر قصد عليك بالريال

وكل درهم تدفعه راح يخصم من مديونيتك


فهل من مستمع فهل من مستنصح فهل من واااع

بارك الله فيك اخوي
كلامك عين العقل
وهذا الضيق والذل والقهر الذي يشعر به المستدينون انما هو من اعمالهم ولمخالفتهم الشرع
ولمحاربتهم الله ورسوله
فقد لعن اكل الربا وموكله
وهذا درس وعبرة لمن اراد ان يعتبر

واللهم لا شماته

[بن موسى]

جزاه الله خير من ساعدني هل البنك سرقني

وكيف

[hamoor4ever]

انا فعلا خذت بعد من بنك ربوي ، وللاسف ماتوقعت ان البنوك ترفع الفائده على القروض فعلا اذا المركزي معاهم اخوي ماتقدر تسوي شي انا بحاول انقل على بنك اسلامي اذا قدرت نفسك بس تنحل هالمشكله اللي احنا فيها

[cartier]

الله يعينك

[omabdulla]

مرحبا اخواني وخواتي موضوعكم حساس واييد .. بالنسبه لي انا لقيت لي حل وسددت فيه قرض قطر الوطني اللي ماكنت اتوقع انه يتسسد في المده اللي يكذبون علينا فيها .. طبعا انا نفس المشكله عانيت فيها مع قطر الوطني ..والله يفرج عليك دنيا واخره وينزاح عن كل مؤمن هم الدين ..

[سوق واقف]

الله يعينك يالغالي على البنوك الربوية حرامية حرامية

[{راشد}]

كيف يزيدون الفايده وبينهم عقد ؟

[l00]

بن موسى بنك ربوي والفائدة مرتبطة بالاسواق مرة مرتفعة ومرة نازلة وعلى فكرة الخصم كل هالمدة يكون من الفائدة وليس من القرض

والله يعينك على هالدين ... ولو فية مجال انتقل لبنك اسلامي ... اعتقد المصرف ارحم لك

[كاتم الاسرار]

الله يعينك والله من البنوك والمشكله المركزي وياهم

[omabdulla]

اخوي مشكلتنا اذا جينا نبي انقدم على سلفه مانقرى البنود اللي اتكون خلف اورقة السلفه .. خبرك مستعيلين ..

[مساهم عادي]

أكبر غلط انك تاخذ قرض من بنك ربوي ... وتعتقد انك بالأقساط بتخلصه.... لأنه هذا مستحيل
فتغيير نسبة الفائدة تخليهم يقدرون يمدون فترة السداد الى ماشاء الله...

لذلك الحل ... انك تروح تسدد القرض كل ماتوافرت لك سيولة جيدة .... وبهذه الطريقة تسقط الفوائد للمدة اللي دفعت عنها مقدما ...

اما انك تنتظر .... فهذا اكبر غلط...

[بدون زعل]

والله يكون بعونك وعون كل واحد وانا واحد منكم من عليهم مديونية وحاولت انتقل الى بنك اسلامي قالوا لي ماينفع المبلغ كبير ولاتستطيع الانتقال