السلام عليكم :)

[عزيز]

مرحبا اخواني

ياريت تفيدوني ياخواني ودي أشتري أرض تجاريه في اي مكان باالدوحه وارهنها لأي بنك وأخليه يبينها لي ويأجرها ويأخذ نصيبه ويرد لي الأرض كامله بالي فيها

بس وين أحسن مكان أشتري فيه أرض تجاريه ؟؟ وبكم الفوت واصل هالأيام ؟؟وأي بنك تعامله افضل؟وعمولتهم كم وكيف بيأخذ نصيبه وبيترك الأرض لي وفي كم سنه ؟؟

ادري تقولون الحين هذي شكله مايعرف شي خير شر وبيملغ علينا :D

بس السموحه انتو اهل الخبره وانا العقارات بالذات ماعرف فيها خيررر شررر

اذا تبون نصايح بالأسهم ولا شي حاضرين والله :D

ومشكورين ياخوان سواء رديتو ولا لا

اخوكم العزيز :) :cool:

[البرنس]

لا تشتري ارض الحين ، السعر بعد فترة حينزل في عموم البلد ، اصبر ..
البنوك هم: المصارف الأسلامية ..

قبل ما تشتري الأرض ، خل في بالك التالي:

* كم عدد الأدوار (الطوابق) المسموح البناء بها في تلك المنطقة؟
* ما هي معدلات الأيجارات في المنطقة؟
* ما هو مستوى المستأجرين في المنطقة؟

ملاحظة: البنك لا يتحمل مسؤولية العقار !

واذا عند مبلغ تبي تستثمرة و مستغني عنه لمدة 7 - 8 سنوات ، نصيحة ، اشتر اسهم في التالي:

* صناعات ..
* ناقلات ..
* وقود ..
* مواشي ..

بس بعد ما تنزل الأسعار و انساهم لمدة 7 - 8 سنوات و بأذن الله استثمارك هذا حيعود عليك بربح لا يقل عن 2,500% ، و بالتوفيق انشالله ..

[عزيز]

ألف شكر لك أخوي البرنس والله ماقصرت كفيت ووفيت يالغالي

الاسهم فكره حلوه وانا أخوك
بس والله ودي بعقار أحسن يكون مصدر دخل ثابت ورزق لي وحق اعيالي بالمستقبل من بعدي

بس متي تهقي ينزلون الاراضي اخوي؟؟ وتهقي اي بنك احسن ؟ واذا عندك معلومات زياده عن الاسأله الي ذكرتها سابقا اكون لك شاكر يالغااااااااالي:):)

[عزيز]

الرفع للأهميه :)

[عزيز]

شدعوه ياخوان محد عنده خلفيه كلشش؟؟ اتمني الافاده منكم ولو بمعلومه بسيطه

تحياتي لكم :)

[bu shhab]

السلام عليكم


اخوي عزيز مثل ما قال البرنس الاراضي شابه ضو اللحين

وعموما المصرف هو احسن بنك بالاشياء هذه


اما اذا تبي اراضي فاذا ممكن تحدد الارض الارض التجاريه

تجاريه كسكن -عمارات

او محلات + سكن عمارات

او مجمع سكني فلل

او مجمع كسوق


او مكاتب


وبالتوفيق

[مليونير قادم]

الله يوفق الجميع

[بومبه]

بس اذا عندك فلوس وشريت لا تخلي بنك ربوي يبنيها لك يعني يستثمرها كذا كانك تبنيلك بنايه في جهنم الله يبعدها عن جميع المسلمين امين
مجرد نصيحه:)
وشكرا

[a7med0_0]

صج اهم شي اخوي تبعد عن الربا


والله يوفقك

[السيليه]

اخوى عزيز لتوهج نفسك الحين مع الاراضى ثراها طالعه فوق والبنك ما عنده مانع يشرى لك بسعر رخيص او غالى لايهمه الا الربح فقط اصبر الى 2006 يمكن تنزل الاراضى

[عالي الغيم]

السلام عليكم

اصبر عقب الاسياد كلشي بينزل ان شاء الله .

[المخلب]

مرحبا اخواني

ياريت تفيدوني ياخواني ودي أشتري أرض تجاريه في اي مكان باالدوحه وارهنها لأي بنك وأخليه يبينها لي ويأجرها ويأخذ نصيبه ويرد لي الأرض كامله بالي فيها

بس وين أحسن مكان أشتري فيه أرض تجاريه ؟؟ وبكم الفوت واصل هالأيام ؟؟وأي بنك تعامله افضل؟وعمولتهم كم وكيف بيأخذ نصيبه وبيترك الأرض لي وفي كم سنه ؟؟

ادري تقولون الحين هذي شكله مايعرف شي خير شر وبيملغ علينا :D

بس السموحه انتو اهل الخبره وانا العقارات بالذات ماعرف فيها خيررر شررر

اذا تبون نصايح بالأسهم ولا شي حاضرين والله :D

ومشكورين ياخوان سواء رديتو ولا لا

اخوكم العزيز :) :cool:

عزيز انا الحمد لله من عرفتك عرفت انك انسان بمعنى الكلمه

فلاحراجي الشديد منك بغيتك بطلب يعني من اجل رفعت البلد وايظا من اجل النمو الازدهار لها

ابي اعرف شلون اسوي مثل الي انت بتسويه

يعني ابوي يبي يشتري ارض اوكي وهو ناويها يعني من قلبه

فلما يشتري وين يروح يعني يمر البنك ويقولهم هذا الارض ابنوها وخذوا حقكم فيها بعدين ردولي اياها وله شلون ؟؟؟

عطني الطريقه من طق طق الى السلام عليكم

وتسلم على كل حال :shy: