خبرهام يخص الحريم

[بوبندر]

تخيير صاحب المحل بين إتلافها أو إعادة تصنيعها
لجنة مشتركة لضبط محلات العباءات النسائية المخالفة الثلاثاء 03 نوفمبر 2009
6:41 م

​مكة المكرمة – فهد الثبيتي : بدأت اللجنة المشتركة المشكلة من وزارة التجارة، وهيئة الأمر بالمعروف والنهي عن المنكر، أعمالها الميدانية لضبط المحلات التي تقوم ببيع العباءات النسائية المخالفة من أنواع ما يسمى بـ "المخصرة, والضيقة, والمزركشة, و المحزقة , والملونة"، فيما قررت اللجنة إلزام المحلات التي ضبطت لديها عباءات مخالفة، بإعادة تصنيعها، بما يزيل المحذور الشرعي، أو إتلافها تحت إشراف الجهة القابضة دون المطالبة بتعويض مالي جراء الإتلاف.


وكان سمو نائب وزير الداخلية الأمير احمد بن عبدالعزيز، اعتمد ما أقرته اللجنة الاستشارية المعنية بدراسة ما يشتبه فيه إساءة للدين الحنيف.

[الجووري]

الفااااااال لنا انشاءالله

لاهنت بو بندر على نقل الخبر

[La Bella]

مالهم أمل بيتعبون
السعوديات بيفصلون بالبحرين

[سوق واقف]

الله يوفقهم ويوفق الهيئة ويوفق المسلمين جميعا

[بوجاسم 75]

ومن يتقي الله يجعل له مخرجا

[عنيده]

مالهم أمل بيتعبون
السعوديات بيفصلون بالبحرين

ليش هو انت مراقبهم :eek5:

[HIGHNESS]

مافي فايده من الحرق و الاتلاف ... مادام بعض البنات لاتتغير قناعاتهم الداخلية وبإن بعض الملابس مايجوز لبسها ... في الأخير اللي بتلبس هالشي بتلبسه مدام هي مقتنعه او اهلها راضيين ... يجب البحث عن الاسباب الرئيسية اللي خلت البنات يتخلون عن قيمهم وعاداتهم وتقاليدهم ... ولكن اسلوب الاجبار ماينفع للأسف ... :)

تقبل مروري اخي الكريم

[حـــنـــان]

ابي اعرف اشلون بيعرفون ان العباية هذي مخصرة يمكن راعيتها ضعيفة ... انزين ممكن مفصلتها حق زيارات او عرس او لسفر ... صحيح ان العباية المخصرةلاتجوز لاتها تفصل الجسم.. بس مدري احس مو صح هالقرار ..... يعنى بيمنعون بيع البنطلونات والقمصان الضيقةانزين حتى ثياب السعودين ضيقة حيل بعد اللى بيمنع ينع كل شي مو شي وشي .... بيسون مثل افغانستان العباية السماوية انا اقول النصيحة افضل من التدخل في لباس الناس( وانك لان تهدي من احببت ولكن اللة يهدي من يشاء)

[عنيده]

والله انا شخصيا اشوف الخلل من الاجنبيات " الوافدات " هم سبب انحلال اي مجتمع محافظ لانهم يملكون عادات مختلفة عن المجتمعات المحافظة وبلبسهم هذا يأثر على المراهقات خصوصا لما يشوفونهم .. عموما هذا النوع من العبايات مرفوض اجتماعيا وينظر للفتاة التي تلبسه بنظرة دونية

[نظرة شجاع]

اعتقد مكر النساء فوق ذلك راح يلقون لهم حل اكيد ... المفروض يكون في رقابه برا بعد . وعلى كل حال الله يجزي سمو الامير احمد بن عبد العزيز كل خير

[الفريق أول ركن]

نتمنى تطبيق هالقرار عندنا




اخوي

الخبر يخص السعودديه مو قطر عشان تنشر عندنا

[sweet qatar]

^^^^ صادقة حنان ثياب السعوديين ضيقة من قلب... على الاقل العباة قماشها اسود ^_^


اذا كان الخبر صحيح.. اتمنى يطبقونه بأرقى طريقة ممكنة... وهي بالنصح بالحسنى...

مااعتقد هالاسلوب ينفع... ما تنفع العباة اذا كانت وااااسعة وتحتها سكيني ابيض ... هي مسالة قناعات وتوجه عام...

مشكور اخوي على النقل... والله يهدي الجميع

[كاتم الاسرار]

الفااااااال لنا انشاءالله

لاهنت بو بندر على نقل الخبر

عندنا ما اعتقد الله يستر عليهم كل يوم موضه وكل يوم حركه الله يهديهم ان شاءالله

[flan2222]

انا مايقهرني الا الزنمات الي يلبسون مثل القطريه المتحرره عبايه مخصره وشيله ولازم القذله تطلع يابلفيت اغــــــــــــــراءءءء يقلدون فــــــــــــــــــلانه حسبي الله عليهـــا.............

[بوبندر]

انا مايقهرني الا الزنمات الي يلبسون مثل القطريه المتحرره عبايه مخصره وشيله ولازم القذله تطلع يابلفيت اغــــــــــــــراءءءء يقلدون فــــــــــــــــــلانه حسبي الله عليهـــا.............

:con2:

[حقيقه]

خل يصيدون الشباب اللي لابسين المخصر الحمدلله والشكر ،، مادري اشلون يلبسون الثوب ضيق ضيق حتى العباه المخصره ابرك منه

[نظرة شجاع]

خل يصيدون الشباب اللي لابسين المخصر الحمدلله والشكر ،، مادري اشلون يلبسون الثوب ضيق ضيق حتى العباه المخصره ابرك منه

طيب وش حارق اعصابك .. الموضوع يخص الحريم اولا وثانيا اذا العباه الضيقه ابرك من الثوب الضيق مع اني ضد الثوب الضيق فهذه قناعاتك عقبال يتطبق عندنا هالقرار عشان الاعصاب تثوور اكثر :)

[دموع الخاطر]

اي والله يبيله .. بس والله حرام يعني نبي نلبس لمناسبه او لحفله نسائيه

الله يستر يارب

[دكتورة روح]

الفال لنا :)

[امـ حمد]

الله يجزيهم خير هيئة الامر بالمعروف

[لولوتي]

الحمد لله:)

الصراحه عباة الكتف بكل زينتها صارت كلش ما تعجبني عقب ما كنسلتها
واذا شفت وحده لابستها احس واقول في نفسي عباة خدامه:nop:،،، مب تقليل من شأن الخدامه ولكن اللي عودنا الخدم عليه.


ما في شي استر واجمل من عباة الراس :)

[hemoud123]

انا مايقهرني الا الزنمات الي يلبسون مثل القطريه المتحرره عبايه مخصره وشيله ولازم القذله تطلع يابلفيت اغــــــــــــــراءءءء يقلدون فــــــــــــــــــلانه حسبي الله عليهـــا.............

ههههههههه
مع فارق الجمال طبعا للانصاف فقط

[جوال 11]

فعلا العباءة أصبح سعرها بالألاف ودخلت علينا موديلات ملفتة للنظر وفاضحة أحيانا مع موجات الوافدين والقادم أعظم الله أحفظنا منهم ومن أفكارهم ، لماذا لايصدر قرار للبنات للبس العباءة كما كانت قديما في المدارس الحكومية كما تم لبس الثياب القطرية للأولاد في المدارس الحكومية .

[كاروهات]

والله عبالي ان القرار في قطر

ويه استانست

[دلوعه امها]

طبعا هالشي غلط اللي مايتغير من نفسه محد راح يقدر يغيره فيه الف طريقه وطريقه انهم ياخذون العبي الضيقه دام هم مو مقتنعين فاللي بيسوونه مامنه فايده البنت لو في غرفه ومقفل عليها بتطلع وبتسوي اللي في راسها ومافيه شي بالغصب المفروض يوعون البنات وينصحونهم ويسوون ندوات ويوعون البنات الدين دين يسر وموعظه

[وتبقى الدنيا حلوه]

نو كومنت

[cristal]

اعتقد مشكلتنا فالخليج وقطر خصوصاً التقليد الاعمي لكل شي
مثلاً فلانه لابسه عبايه حمرا انا بالبس فوشيا
فلانه مطلعه قذلتها انا بطلع شعري كله
فلانه لابسه عبايه واسعه بالبس << يعني ماتفكر فالدين اهم شي عندها الموضه والتقليد

اسأل الله أن يهدينا إلى سواء السبيل وينجينا من الفتن ما ظهر منها وما بطن