إدارة المدرسة تجبر التلاميذ للسير على الأقدام لمدة نصف ساعة

[سيف قطر]

لعدم وجود باصات كافية مما عرضهم للإصابة..
إدارة المدرسة تجبر التلاميذ للسير على الأقدام لمدة نصف ساعة
2009-11-04


عادل الملاح:
شهدت إحدى المدارس الخاصة واقعة غريبة هي الأولى من نوعها، حيث قامت إدارة المدرسة بإجبار التلاميذ الصغار بالسير على الأقدام لمدة نصف ساعة تحت أشعة الشمس الحارقة والجو الحار حتى أسفر هذا العمل الغريب عن إصابة بعض التلاميذ بالتهاب وإصابات في الأقدام.
تروي والدة احد التلاميذ والتي تعرض ابنها لهذه الواقعة قائلة لقد قررت إدارة المدرسة باصطحاب التلاميذ في المرحلة الابتدائية إلى نادي الغرافة ضمن يوم من أنشطة المدرسة الرياضية وكانت المفاجأة غير المتوقعة أن إدارة المدرسة قامت باصطحاب عدد كبير من التلاميذ إلى النادي سيرا على الأقدام والتي استغرقت المسافة حوالي نصف ساعة وذلك بحجة أن عدد الباصات امتلأت بالطلاب ولا تكفي وأن باقي التلاميذ سوف يسير على الأقدام، مما عرض حياة أبنائنا للخطر أثناء سيرهم في الشارع، وطالبت الأم مسئولي المجلس الأعلى للتعليم بفتح تحقيق عاجل في هذه الواقعة خاصة بعد إصابة طفلها في قدمه نتيجة المشي وسط الجو الحار وأسفل أشعة الشمس.

[كاروهات]

ابي اعرف اي مدرسة خاصة

والله ما يخافون الله

[أبو راكان]

وين قاعدين
خذ وخل
كلام جرايد

[حراير قطر]

اقرب مدرسه خاصه عند نادي الغرافه

هي مدرسه الخليج ...

يعني ما اقدروا يودونهم على دفعات لين ما يخلصون ...

يمكن خايفين على السواقين والبترول ما يخلص ...

شهالعبط اللي فيهم ... حسبي الله عليهم

[الهاجرية]

صح اقرب مدرسة لنادي الغرافة مدرسة الخليج
حسبي الله عليهم ان كان صدق :weeping:

[وتبقى الدنيا حلوه]

معقوله !!

وين احنا قاعدين بالعصر الحجري

[روح-قطر]

بدخل عيالي المدرسه الهنديه بلا عوار راس خخخخخخخخ

[خالد31]

لازم كل ولد سيارة ودريول وخدامة و3 مرافقين معه خلوا الاولاد شوي يعتمدون على انفسهم ويحسون بالتعب ربنا يحميهم لا تخافون ما بيصير فيهم شي

[الرويـس]

لازم كل ولد سيارة ودريول وخدامة و3 مرافقين معه خلوا الاولاد شوي يعتمدون على انفسهم ويحسون بالتعب ربنا يحميهم لا تخافون ما بيصير فيهم شي

:shy:
وفرت علي طقطقت الكيبورد

[هتـان قطر]

لازم كل ولد سيارة ودريول وخدامة و3 مرافقين معه خلوا الاولاد شوي يعتمدون على انفسهم ويحسون بالتعب ربنا يحميهم لا تخافون ما بيصير فيهم شي


الامر عادي لو ما كان فيه شارع عام..شاللي يضمن لهم ان احد الاولاد ما يركض

صوب الشارع ويصيبه مكروه...مدرسة الخليج لين نادي الغرافة زحمة سيارات

ودوارات واغلب الشاحنات تمر من هالصوب..الله حفظهم

[المرحب]

شهدت إحدى المدارس الخاصة واقعة غريبة هي الأولى من نوعها

أين الشفافية ؟؟؟

لماذا ما تذكر أسم المدرسة ؟؟؟









تحيــــــــــــــــــاتي ...

[hemoud123]

لعدم وجود باصات كافية مما عرضهم للإصابة..
إدارة المدرسة تجبر التلاميذ للسير على الأقدام لمدة نصف ساعة
2009-11-04


عادل الملاح:
شهدت إحدى المدارس الخاصة واقعة غريبة هي الأولى من نوعها، حيث قامت إدارة المدرسة بإجبار التلاميذ الصغار بالسير على الأقدام لمدة نصف ساعة تحت أشعة الشمس الحارقة والجو الحار حتى أسفر هذا العمل الغريب عن إصابة بعض التلاميذ بالتهاب وإصابات في الأقدام.
تروي والدة احد التلاميذ والتي تعرض ابنها لهذه الواقعة قائلة لقد قررت إدارة المدرسة باصطحاب التلاميذ في المرحلة الابتدائية إلى نادي الغرافة ضمن يوم من أنشطة المدرسة الرياضية وكانت المفاجأة غير المتوقعة أن إدارة المدرسة قامت باصطحاب عدد كبير من التلاميذ إلى النادي سيرا على الأقدام والتي استغرقت المسافة حوالي نصف ساعة وذلك بحجة أن عدد الباصات امتلأت بالطلاب ولا تكفي وأن باقي التلاميذ سوف يسير على الأقدام، مما عرض حياة أبنائنا للخطر أثناء سيرهم في الشارع، وطالبت الأم مسئولي المجلس الأعلى للتعليم بفتح تحقيق عاجل في هذه الواقعة خاصة بعد إصابة طفلها في قدمه نتيجة المشي وسط الجو الحار وأسفل أشعة الشمس.

يا خوي ابغي اقول للام هذي اللي تطالب بتحقيق : طلبك مستفز
اول مرة في حياتي اسمع ان المشي لمدة نصف ساعه يسبب التهاب الاقدام , وبعدين وين الجو الحار هذي الايام ؟

والله ما خدج الاولاد الا هالتربيه و هالمعامله الناعمة

[نمر بن عدوان]

الله يرحم يوم كنا نلعب الكورة حفي في عز الحر شهر 8 والملعب حصى . فعلا التقرير هذا مستفز ويضهر مدى الدلع والحنان الي وصلوا له عيالنا . نص ساعة مشي صارت كارثة او مصيبة . ياناس علموا اولادكم الخشونه والاعتماد على النفس لو صار لاقدر الله موقف اجباري يكون الولد يقدر يتحمل اما اصابات بسبة نص ساعة مشي فماقول غير الله يرحم زمان اول ويخلف على هالزمن

[حسبي الله]

حسبي الله ونعم الوكيل

[هتـان قطر]

يا خوي ابغي اقول للام هذي اللي تطالب بتحقيق : طلبك مستفز
اول مرة في حياتي اسمع ان المشي لمدة نصف ساعه يسبب التهاب الاقدام , وبعدين وين الجو الحار هذي الايام ؟

والله ما خدج الاولاد الا هالتربيه و هالمعامله الناعمة


الله يرحم يوم كنا نلعب الكورة حفي في عز الحر شهر 8 والملعب حصى . فعلا التقرير هذا مستفز ويضهر مدى الدلع والحنان الي وصلوا له عيالنا . نص ساعة مشي صارت كارثة او مصيبة . ياناس علموا اولادكم الخشونه والاعتماد على النفس لو صار لاقدر الله موقف اجباري يكون الولد يقدر يتحمل اما اصابات بسبة نص ساعة مشي فماقول غير الله يرحم زمان اول ويخلف على هالزمن


المشكلة تكمن في نوعية الطريق..لو طريق بعيد عن السيارات ما بتكون هناك مشكلة

ولكن الشارع وزحمة السيارات هذا اللي الخوف منه..

[hemoud123]

المشكلة تكمن في نوعية الطريق..لو طريق بعيد عن السيارات ما بتكون هناك مشكلة

ولكن الشارع وزحمة السيارات هذا اللي الخوف منه..

يا اختي ياريت كان الاحتجاج من ناحية الخوف على اليهال من السيارات واللي انا متاكد ان المدرسه مستحيل تخاطر بارواح التلاميذ وتمشيهم في شوارع خطره
الاخت كان احتجاجها على ما سببوه من تعب والم والتهاب ورباط صليبي فقط لانهم مشوا هالنصف ساعه , انا متاكد ان الاطفال استمتعوا برحلة المشي هذي اكثر من اللي راحوا بالباص
الصراحه الام ما عندها سالفه

[حـــنـــان]

حرااااام اليهال عورو قلبي

[Riku3]

ياما ردينا مشي من المدرسة .. في الاعدادية اذكر من ابي ايوب كنت اضرب خط مع الربع لين الهلال والعصر نروح نلعب كورة ..

مشي نص ساعة يصير فيهم كذا .. حنان ماشاء الله عليهم .

بغض النظر عن المقال .. احسه فيه كذب او تضخيم للمسألة .

[براتزية برازيلية]

حسبي الله ونعم الوكيل

[Arab!an]

http://i47.servimg.com/u/f47/12/37/20/05/12110.jpg


..

فعلا طلب مستفز ..


يا هتان .. الطلاب معاهم مدرسين يعني في ايدي أمينة ..


اما من ناحية مشيهم نص ساعه .. فالموضوع طبيعي جدا


هذا هم يلعبون أكثر من نص ساعه .. مب مشي .. لا ركض

ومحد قال شي ..


التشكي الزايد على كلشئ مشكلة .. خصوصا في مايخص الاولاد

[هتـان قطر]

http://i47.servimg.com/u/f47/12/37/20/05/12110.jpg


..

فعلا طلب مستفز ..


يا هتان .. الطلاب معاهم مدرسين يعني في ايدي أمينة ..


اما من ناحية مشيهم نص ساعه .. فالموضوع طبيعي جدا


هذا هم يلعبون أكثر من نص ساعه .. مب مشي .. لا ركض

ومحد قال شي ..


التشكي الزايد على كلشئ مشكلة .. خصوصا في مايخص الاولاد


اخوي اريبيان انا كان ردي واضح وابدا ما اعترضت على المشي

اعتراضي كان على خطورة المكان والشارع اللي من مدرسة الخليج

الى نادي الغرافة..وهذا يعتمد على سن الاولاد اذا كانوا في اول وثاني ابتدائي

اما اكبر من ذلك ما عليهم شر..

عيالنا متعودين على المشي والركيض الله يحفظهم ما يغطهم الا النوم..:)


وبعدين وش هالصورة ووش علاقتها بالموضوع؟؟؟:eek5:

[alanood]

؟؟؟؟؟؟؟؟؟صحيح؟!!ليش يمشونهم في الشمس؟على حسب الفئة العمرية اظن الاطفال اذا بيمشون تحت الشمس واكيد بياخذ وقت في الوقفه لترتيب الصفوف وعلى مايوصلون!اظن اللي قال هذا دلع يبي له يحط ولده او بنته تحت الشمس ويشوف تاثير اشعه الشمس الظهر على رؤوسهم وبعدين نسمع رايه..
والله انا مالي مصلحه مع المدرسه وا ضدها لكن ادين هذا التصرف وعلى الاقل لابد ياخذون راي اولياء الامور على اعتبار انها مدرسة خاصه واجنبيه ولا لو في بلدهم كان علوم