تغليف شنط السفر

[pure.2005]

وين أحسن مكان في قطر يغلف شنط السفر بطريقة مرتبة وما تبين أنها مغلفة خاصة أذا كانت الشنط غالية وايدومشكورين مقدما

[Radnes]

ماعندي خبر والاعضاء بيفيدونج اكثر مني

[MoneyMaker]

اي مكان لتنجيد السيارات راح يضبطونها لك بالطريقه اللي تبين على حسب حجم الشنطه وحسب نوع البلاستيك الشفاف
في اخر سفره لي رحت الغرافه في الاسواق الجديده
شي مرتب صراحه..(اهم شي شنط ال lv )

[pure.2005]

مشكورين وما قصرتو بس بغيت أحد متخصص في هالأمور لأني من قبل مجرب محل بس تغليفهم أي كلام فبغيت أشوف أحسن أماكن جربتوها

[cavok]

شارع الاصمخ في محلات تنجيد السيارات وموفق انشااللة ----------

[السد]

شاره الاصمخ

[مملوح]

اعطيها السواق يتصرف
بس دايم السحاب ينقص

[لوردغاليري]

والله هنا مااعرف
بس اذكر العام نزلنا من لندن وكنت مااخذه ال في 3 احجام
ونزلنا تايلند
وشفت اشناطي لما اوصلوا مأأأأأأأأأأأأأأأأأأأأأأسه لا
مأأأأأأأأأأأأسي
اشوي واصيح
لكن جاتني ذيك التايلنديه بردت قلبي
وعطتني رقم سواق
واليوم الثاني بعد مافضيت الشنط
خذناهم سيام برااااااااغون
بوتيك ال في
وغسلوهم وظبطوهم ولبسوهم بلاستيك راقي محدد بالجلد بني عليه كتابات ال في
والسحابات ال في
شي راقي صراحه ردوا بستايل غريب وحلو
تخيلوا 3 شنط بكم كان تغليفهم
500دولار
ولا شي بالنسبه للفخامه
فاانصح الي بيروح تايلند يغلف عند بوتيكاتهم شي راقي

[AL_MUTAEM]

بصراحه انا قبل فتره وانا راد شفت شنطتي كسرت خاطري منظرها كأنها مستخدمه من العصر الحجري وافادني واحد من الربع بطريقة تغليف الشنطه ووديتها محل مشهور لتنجيد السيارات وهم كذا فرع بجانب بعض بس ماعجبني شغله ووديتها محل على طريق سلوى اسمه معين للتنجيد وقعدت على راسه لين ماسوا اللي في بالي وسعره رخيص الشنطه الكبيره تقريبا 200 الى 250 ريال ..

بس للعلم فيه كذا نوعيه للبلاستك وحتى لو بغيت طريقه معينه من ناحيه التحديد بجلد ولا مخمل بس كل شي بحسابه ..

[MoneyMaker]

يا صغيّر ما يكبرني لقب
وما يصغرني إذا انكرني صغير
ما خذينا الصيت من جمع الذهب
ولا نسابة شيخ او قربة وزير

السموحه من صاحب الموضوع
كلاااااااااااااام قوي صراحه اخوي المتيم صح لسان من قاله

[AL_MUTAEM]

يا صغيّر ما يكبرني لقب
وما يصغرني إذا انكرني صغير
ما خذينا الصيت من جمع الذهب
ولا نسابة شيخ او قربة وزير

السموحه من صاحب الموضوع
كلاااااااااااااام قوي صراحه اخوي المتيم صح لسان من قاله


اكيد الكلمات قويه من قوة شاعرية قائلها طال عمرك ..

الابيات لشهيد الشعر الامير طلال الرشيد رحمة الله عليه ..

[لـبـيـه]

طويل العمر كلمتني على الخاص ومب قادر ارد عليك ماعليك امر امسح شوي من رسايلك عشان اقدر ابعثلك رقمي

[ام شادن]

غالي شوي

[التيما]

انا غلفت شنطة الصيف الماضي وماكان ذاك الزود .. اخوي ماراح تحصل تغليف نفس الشنطة .. تغليف عادي بس افضل من لا شي ..

[مسباح عاج]

مشغل خالد - شارع الأصمخ