حد يقدر يرتب لي موعد مع الشيخه موزه بخصوص مشروع بحث وطني

[KHALID1]

هذا البحث راح يرفع اسم قطر عالي والوحيد في منطقة الشرق الاوسط وحاليا لدي عروض من جامعات بريطانيه وايرلندية لتبني البحث تحت مظلتهم .
ووجدت صعوبه كيف اقدر ارتب موعد مع الشيخه موزه المسند وحاولت كثير من السنه الماضيه لين الحين تقريبا سنه .
فالرجاء من يجد عنده المقدره في ترتيب هذا الموعد ساكون شاكرا له ز
للعلم انا جاهز بكل اوراق البحث والميزانيه وغيرها من متطلبات لتقديمها لمن يهمه الامر .

[الوان]

الله يوفقك لما فيه مصلحة الاسلام و الوطن

[ابن مانع]

الله يوفقك لخدمة بلادك
اتوقع لو تعرض الموضوع في المنتدى العام يمكن يكون افضل

[موضي قطر]

الله يسهل عليك أمورك

[La Bella]

طرش لها أيميل من موقع الديوان الأميري

[king fish]

لا بيلا انت صاحب مطعم لابيلا

[Sharshooooor]

عندك تكلفة المشروع البحث الوطني
يعني كم بيكلف او يكلفك وهل عاد استراتيجية
لان ممكن اخليك تقابل ناس يتبنون هالمشروع وهذا موقصور بالاسره الحاكمة بس للتسهيل

[بوحمد1]

الله يوفقك

وخلك مع قطر والاسره الحاكمة

[ابن السيد]

الله يوفقك ويسهل امرك

[ظل القمر]

روح لمكتب الشيخه في المدينه التعليميه يقع على يسار مبنى الأداب والعلوم
الي هو مبنى جامعة جورج تاون والجسر الأكاديمي , تجد إنه مبنى مكتب سموها
ستايله تراثي لما اتروح اهناك راح تلقى بوابة الكترونيه
جنبها حريم او رجال المهم الرسبنشن بإعتقادي وخبرهم
انه تبي تلتقي بسموها من اجل مشروع وهكذا واعرض عليهم الموضوع كامل بحيث انه اما
يرفعونك لشخص معين يساعدك بالموضوع ويرتب لقاء او انه راح يردون عليك بعد فتره
وعسى ربي يوفقك

[law girl]

بالتوفيق أخووووي ..

[La Bella]

لا بيلا انت صاحب مطعم لابيلا

لا مالي علاقة بالمطعم

[علي الكبيسي]

الله يوفقك ويسدد خطاك

[سماء الرياض]

الله يكتب لك الي فيه الخير

[المياسة78]

بالتوفيق

[استغفرالله]

لو عندك بحث لازم تعرضه بالطرق الرسمية

يعني الشيخة مب متفرغة تشوف كل بحث

لازم تقدم رسمي على nprp

وهذا الصندوق يتبع قطر فاونديشن اللي تتبع للشيخة موزة

ويعرض البحث على 7 مراجعين في نفس التخصص

ويتنافس مع بحوث اخرى

البحوث الافضل تحصل على الدعم

يؤخذ على الصندوق انه لا يوجد دعم للقطريين

او اي افضليه للبحوث المقدمة من قطريين

[خالد88]

بالتووفيق لك يارب

وانشالله حد قدر يفيدك

[سياتل]

انا اتوقع في جهة خاصة بالبحوث ودعم البحوث يمكن اللي تكلموا عنها الأخوان

ومالك الا قطر فاونديشن

وبالتوفيق ياخوي

[باحث علم]

الله يعينك ويوفقك اخوي وياليت الحكومة تنتبه للي مثلك ياليت
ماودي احطمك لكن شبه مستحيل تقابل مثل هالشخصيات
والحق يقال ، احنا مانقدر نلومهم هذيلا ناس عندهم امور كثييييييييره جدا
يارجل مدير الادارة احيانا مايقدر يقابل المراجعين او حتى موظفينه فما بالك بالشخصيات الكبيرة هذي
اللي ابي اقوله لك انك حتى لو وصلت لمكتب الشيخة غالبا ماراح تقابلها وممكن يتم تحويلك لمستشاريها وغالبا بيكون واحد مغربي .

لكن انتبه !!!
اياك تتحطم او تتنازل عن فكرتك او بحثك ، ثق في نفسك ، وصدقني انت افضل مليون مره من اللي عيونهم زرق وخضر . ضع همك انجاح مشروعك وخله هو هدفك واي امور اخرى تواجهك لا تلتفت لها ، فقط ركز على ان هدفك راح يتحقق يعني يتحقق ، قدروك .. اهملوك .. شجعوك .. حطموك .. لاتفتكر في هالامور ، جاهد عشان تصل للنجاح ، ولو في يوم من الايام اضطريت انك تلجا لجهات اجنبيه عشان نجاح افكارك فصدقني هذا أفضل مليون مرة من أنها تموت في ذهنك أو بين الأوراق .

آسف للاطالة .. ولكني حاس فيك ، وأشعر بحماسك ومصدق كل اللي كتبه وواثق أن في هالديرة هذي عقول مبدعة وقادرة على تقديم أعمال جبارة تضيف للرصيد العالمي وليس فقط المحلي .

من كل قلبي اقولك الله يوفقك

[عيون قطر]

الله يوفقك في مشروع بس بقولك شغله حاليا الارتباطات لسموها لاتسمح شوف باقولك شغله حاول تكلمها اذا صادفت مناسبة او حفل تخرج او في مكان عام روح كلمها والله يوفقك

[السهم الثابت]

اللة يوفقك اخوي
وانا بعطيك نصيحة حاول تقابل سعادة وزير البيئة عبداللة بن مبارك المعضادي

وصدقني ماتندم وهو من الشخصيات المثقفة والمهتمين وراح يوصلك

[SmartMan]

أنت متأكد أنك طالب مقابلة لبحث وطني...؟؟

لأن سمو الشيخة موزة ترحب بكل بحث علمي ووطني...يكفي أنها ساهمت في بناء أكبر مدينة تعليمية

متكاملة في الشرق الأوسط.

يمكن ماتعرف اجراءات التقديم بس مثل ماقالوا لك الأخوان تقدم بطلب رسمي واعرض اوارقك للجهات

المختصة وإن شاءالله راح يردون عليك في اقرب وقت ممكن.

وبالتوفيق إن شاءالله

[الدوسري قطر]

اخوي الدولة ترعى مثل هذه المشروعات وتشجع الكوادر القطرية ,,

ويعلنون كل سنه عنها , في جهات مختصه بهذ الامر وليس مقصورا على سمو الشيخه موزة المسند

[sara_qatar]

روح لمكتب الشيخه في المدينه التعليميه يقع على يسار مبنى الأداب والعلوم
الي هو مبنى جامعة جورج تاون والجسر الأكاديمي , تجد إنه مبنى مكتب سموها
ستايله تراثي لما اتروح اهناك راح تلقى بوابة الكترونيه
جنبها حريم او رجال المهم الرسبنشن بإعتقادي وخبرهم
انه تبي تلتقي بسموها من اجل مشروع وهكذا واعرض عليهم الموضوع كامل بحيث انه اما
يرفعونك لشخص معين يساعدك بالموضوع ويرتب لقاء او انه راح يردون عليك بعد فتره
وعسى ربي يوفقك


انا من سنه قمت مشروووع وكنت بس ابي يكوون تحت رعايتها


للحين محدد رد


والمشروووع وطنييييييييييييييي بحت

[almalika]

مرحبا اخوي خالد انا رايي من راي الاخ (باحث علم ) مستحييييييل تقابل الشيخة موزة عن طريق الموظفين..لانها شخصية كبيرة عندها مليون شغلة تسويها..و برعايتها تم انشاء مراكز لدعم البحث العلمي عشان تخدم الباحثين اللي مثلك..الله يزيدكم و لا ينقصكم..
الا اذا جات صدفة وجمعتكم في احدى المناسبات لا تفوت الفرصة..

وانصحك تروح الصندوق القطري لرعاية البحث العلمي فيه دكاترة متخصصين في البحث العلمي..و هو مركز يدعم البحث العلمي اذا كنت محتاج دعم مادي..
لااااااااااازم تجاهد لي ما توصل للي تبيه...تحمل تخلي الدول الاجنبية تتبنى مشروعك...دولة قطر اولى بمشروعك..و لا يغرونك ...انشاالله ايي يوم و نشوفك في الجرايد و التلفزيون ...
الله يوفقك اخوي و يكثر من امثالك..

[sweet qatar]

الله يوفقك ... وييسر امورك...

[سهــم باشا]

اذا الموضوع يخدم قطر والاسلام الله يوفقك ويفتحلك الابواب من حيث لا تحتسب ويسهل عليك
واعتقد لو تعرض الموضوع فمكان ثاني احسن بيكون الفعل اسرع هني ناس بلشانين برزقهم وبالتوفيق :nice:

[كازانوفا]

بالتوفيق ربي يسهلك طريقك لها
ادعي ربك وصلي استخاره قبل ما تخطي اي خطوه

[elwefa]

السلام عليكم

بالنسبة لمقابلة الشيخة موزه اتصلت من زمان على مكتبها وقالوا لي لازم تطرشين فاكس تطلبين فيها المقابله ومب شرط اني احدد المقابلة ليش

ولما سالت شلون بعرف ان الفاكس وصلكم قالوا هم بيتصلون ومافي حد مختص يخبرني اذا وصلهم الفاكس

والمشكلة اني بغيتها بعد ما تعبت من كل الواسطات وكلهم حجي

والسالفة ابعاد على واحد من مواليد الدوحة ومتزوج من قطرية وعنده عيال
والمشكلة ان ملفه نظيف وماعمره دخل العاصمة بس عشان نقل الاقامة

:(

[براتزية برازيلية]

الله يوفقك

[آنــه]

السلام عليكم ورحمة الله وبركاته


انا في اعتقادي ان تقومون بكل ما ذكر

1- ارسال ايميل معنون باسم البحث والمراد من شخصها رعايته
مثلا " دعم بحث الاسره والظفل " وافي الشروط المعده للبحث

2- ارسال كتاب يشرح به اسباب المقابله وفكرة البحث
او الاهداف والرؤيه والمقومات و ارسال نسخه من الخطه والتكلفه

3- متابعة السكرتاريه ووضع كل ما يخصك من بيانات

4- تقديم البحث لمركز البحوث وظلب الدعم

5 - هناك بعض المواقع مثل الطلبة القطريين فيه ناس ممكن تخدمك لو طرحت هالموضوع
وفيها ناس ممكن تدعمك مثل الرئيس الفخري الشيخ جوعان بن حمد

[حقيقه]

عندك واسطه بتمشي امورك بدون اي تأخير واي مشاكل

انا بعد نفسي اقابل سمو الامير او الشيخه موزه

بس الله كريم

[سهم مديون]

أرى ان تطرح الموضوع على مدير مكتبها الدكتور عبدالله الكبيسي:omen2:

[دنيا جديده]

لاحد يقص عليك وياخذ افكارك وبحوثك ويقول تعال عندي

لاتروح الا للشيخه موزه والامير


والله يوفقك ويعطيك ثمرة هذا الجهد ان شاء الله تستاهل كل خير

[شويهينــه]

قدم على صندوق البحث العلمي

اعتقد ان هالدوره خلصت والناس قدمت ابحاثها

اذا تقدر تقدم عالدوره الجديده بتكون على السنه الجايه

واي معلومات تلقاها على موقعهم عالنت

واذا عندك اي استفسار انا ممكن اساعدك

[kooool]

اقول خل بحثك عندك ورووح للجامعات البريطانية ابرك لك ...وعندها بيعرفون ان بحثك فيه فااايدة ..ترى الدار خيرها لغيرها ..وامش بوووووزك تلاقي دعم ...

[حليتان*]

^^^^^^^^^^^^^^^^^^^^^^^^^^^^^^^^

لا تسمع كلامه

[بو سالم]

انا ملاحظ ان السعودية مهتمه كثير بالاختراعات والبحوث بشكل كبير

لاحظت هالشي في قناة العربية والام بي سي مع اغلب النشرات يعلنون عن بحث وعن اختراع سعودي

[ريم المدينة]

اقول خل بحثك عندك ورووح للجامعات البريطانية ابرك لك ...وعندها بيعرفون ان بحثك فيه فااايدة ..ترى الدار خيرها لغيرها ..وامش بوووووزك تلاقي دعم ...

:victory::victory::victory:

[MeMe MoOoON]

بالتوفيق يارب

[VIP-QATAR]

بالتوفي يارب

وان شاء تحصل مرادك

[النجلا]

الله يوفقك وييسر لك امورك