المساعد الشخصي الرقمي

مشاهدة النسخة كاملة : الليله ليلة سفر


ناصح لكم
05-11-2009, 12:43 AM
من كتاباتي آمل أن تحوز إستحسانكم


الليله ليلة سفر
والعين عيت تنام

الوعد بعد الفجر
الساعه خمس بتمام

يا رب سهل الامر
نوصل محلنا بسلام

يا هيه ياهل قطر
يا عزوتي ما ألام

فرقا حبيبي عسر
وآنا اللي به مستهام

شوفه يسر النظر
صاحي ويومن ينام

بدرن اذا قلت قمر
نوره يزيح الظلام

له عين فيها سحر
ترمي علي السهام

سهمن عطيبن خطر
نصله كحد الحسام

عل البعد مالي صبر
ذي حالتي يا حرام

يا الله يا مقتدر
على كل شي يا سلام

عطني عزيمه وصبر
في غربتي عالدوام

يا رب داري قطر
يسقيها ماي الغمام

وياعلها تستمر
أمطارها طول عام

وارد بعد السفر
وألقاه كل شي تمام


وسلامتكم


اخوكم سلطان ج ن ج
ROSE
05-11-2009, 06:32 AM
بدرن اذا قلت قمر
نوره يزيح الظلام

له عين فيها سحر
ترمي علي السهام

سهمن عطيبن خطر
نصله كحد الحسام

عل البعد مالي صبر
ذي حالتي يا حرام

يا الله يا مقتدر
على كل شي يا سلام

عطني عزيمه وصبر
في غربتي عالدوام


صح لسانك

ابدعت

كلمات رائعه وجميله
عابر سبيل
05-11-2009, 09:09 AM
و انت يا خوي الغالي/ سلطان
دايم تضرب عالوتر و تنزف
جروح(ن) و تهيض الالام...

و انا هاليومين -بتيسير الله- ناوي لي
على سفر..
ومضطر اني ابعد عنها..
عن قطر!

فجأة..
اقرا لك هالخواطر
اللي صغتها باحلى شعر..

اقول يا ناصحنا
يا خونا المكرم/سلطان..
تسلم يمينك على ما تخصنا به
و تجود علينا من ابداعاتك
في هالمكان..

طولت الغيبة..
لكن جيتك هذي
جزلة(ن)
و كل شي فيها
تمام!
ناصح لكم
05-11-2009, 11:17 PM
بدرن اذا قلت قمر
نوره يزيح الظلام

له عين فيها سحر
ترمي علي السهام

سهمن عطيبن خطر
نصله كحد الحسام

عل البعد مالي صبر
ذي حالتي يا حرام

يا الله يا مقتدر
على كل شي يا سلام

عطني عزيمه وصبر
في غربتي عالدوام


صح لسانك

ابدعت

كلمات رائعه وجميله


شكرا يا أختي روز على المرور والتعليق

وللتوضيح المقصود في هذه الأبيات هي الغاليه أم لعيال الله يحفظها ويخليها
ROSE
05-11-2009, 11:23 PM
شكرا يا أختي روز على المرور والتعليق

وللتوضيح المقصود في هذه الأبيات هي الغاليه أم لعيال الله يحفظها ويخليها

الله يحفظكم لبعض ان شاء الله

وتستاهل ام العيال :nice: بارك الله لكما وفيكما
ناصح لكم
05-11-2009, 11:25 PM
و انت يا خوي الغالي/ سلطان
دايم تضرب عالوتر و تنزف
جروح(ن) و تهيض الالام...

و انا هاليومين -بتيسير الله- ناوي لي
على سفر..
ومضطر اني ابعد عنها..
عن قطر!

فجأة..
اقرا لك هالخواطر
اللي صغتها باحلى شعر..

اقول يا ناصحنا
يا خونا المكرم/سلطان..
تسلم يمينك على ما تخصنا به
و تجود علينا من ابداعاتك
في هالمكان..

طولت الغيبة..
لكن جيتك هذي
جزلة(ن)
و كل شي فيها
تمام!


الأخ العزيز عابر سبيل
سامحني في ردودي فأنا لا أجيد فن الحديث مثلك فأنت متحدث لبق ومتمكن الله يحفظك من كل عين وشر
السفره تم اختصارها من اسبوع ليومين وعدت بعدها مباشره
وأتمنى لك سفرة ميسره وموفقه وتروح وترجع بالسلامه يا الغالي
عابر سبيل
07-11-2009, 04:16 PM
الأخ العزيز عابر سبيل
سامحني في ردودي فأنا لا أجيد فن الحديث مثلك فأنت متحدث لبق ومتمكن الله يحفظك من كل عين وشر
السفره تم اختصارها من اسبوع ليومين وعدت بعدها مباشره
وأتمنى لك سفرة ميسره وموفقه وتروح وترجع بالسلامه يا الغالي



ما ودي اقول استغفر الله
من هالكلام يا سلطان..

لكن اقول هذي علوم(ن) منك جديدة و عملية
في التواضع...

و صدقني يا طويل العمر...
ان ابد..العين مهما صار..
ما تعلى ع الحاجب...
*
*
،،
الحمد لله على سلامتك ..
و اسفرت و انورت دارك و بلادك بعودتك..

و انا ابشرك..
ما سافرت و تفركشت السالفة:(

بس عسى الايام تجي بأخيَر مما راح!

في انتظار كل جديدك يا خونا..
يا اللي في القلب ..رفيع شان..
يا ناصحنا/ سلطان