يمــه يقولون عشــــق البنت مو ع ــــادي.. (( انتوا شتقولون !! عادي والا مو عادي ؟؟؟ )

[غناتي1]

يمــه يقولون عشــــق البنت مو ع ــــادي..






يُمَه ذبحني بغلاه ... وطبعه الهادي
هو صاحب الفضل في هالعشق ... والمنة



مدري انا البادية ... والا هو البادي
بس المهم الهوى فينا غرز ,سِنه



والله يا حضنه حضن ... وشفاهه تنادي
وجوارحي كلهن يُمَه يلَبِنه



يُمَه وربي انا مالوم حسادي
ادري بهن حاولن بالكيد يغونه



وهو يتحمل غثاي ... ويعشق عنادي
يموت بي موت وغيري ما درى عنه



يُمَه تماديت به والقلب متمادي
ومشاعري ضيعن قلبي ... وذلنه



من قبل اعرفه وقلبي بالهوى غادي
وعقبه عرفت النعيم وريحة الجنة



انفاس صدره اذا فاحت زهر كادي
اقرُب من شفاهه الحلوات وآكنه



ادري الهوى شين ... لكن ربي الهادي
يمكن يجي يوم وانسى ... بس ما اضنه



شابت عيونه على فرقاي وبعادي
وذابت حوايف خصر سحر من الحنة



اقول خذني " من الوادي ... الى الوادي "
ويقول بس اركدي واجيك بالسنة



وركدت يُمَه ... ولكن طَوّل ركادي
متى البشاير يجن قلبي يهزنه ...؟!



اقلق مزاجي هواه ... وعكر رقادي
وعروق قلبي من النشوة يحزنه



افز من عز نومي بحلمي انادي
اوِن بإسمه ... وترجع لإذني الونة



اللي عشق غير خلي ... بالهوى غادي
واللي عشق غير خصري ... بايخٍ فنه



يُمَه يقولون عشق البنت "مو عادي"
والا الولد لو عشق يمكن يجي منه ...؟!




هااااا --- اشرايكم ؟؟؟

عشق البنت عادي -- وألا مو عادي !!!!!!!

:shy::shy::shy::shy::shy::shy::shy::shy::shy::shy:

[هتـان قطر]

لا مهب عادي..خصوصا اذا كان بهالجرأة ..

اما حب عفيف طاهر مكتوم...والا تتركب الحب وسنينه

[ROSE]

يُمَه تماديت به والقلب متمادي
ومشاعري ضيعن قلبي ... وذلنه



من قبل اعرفه وقلبي بالهوى غادي
وعقبه عرفت النعيم وريحة الجنة



ابد مو عادي ههههههههههههه

تسلمين على هالابيات يا غناتي

[Fendi]

يُمَه يقولون عشق البنت "مو عادي"
والا الولد لو عشق يمكن يجي منه ...؟!

اتحفتينا بالقصيد الرائعه صراااااحه

لاهنتي ع الطرح وصح لسانج
دمتي بود
اخوج فندي

[غناتي1]

يا مرحبااا وشرفني مروركم --

مسكينة البنت لما تظهر حبها يقزلون جرأة

هههههههههه -- الله يعينها على بلواها

[خالد624]

الحياء لايأتي الا بخير
ومايزين البنت الا حياها

[غناتي1]

شرفني مرورك اخوي خالد

[Silence]

رائعة القصيدة
الله يعطيك العافية

[غناتي1]

مرورك الاروع اخوي --- لا هنت

[sake alward]

جرئيه هالبنت .. ~

وتستآهله بصرآحه دامه يجي بالسنه ..

[غناتي1]

انت اللي فاهم القصيدة ومغزاها -- صح

[العنجهيه]

تسلم يدج غناتي

[dr glp]

يعطيج العافيه يــ غناتي1

[بن جعران]

يعطيج العافيه اختي..

وانا أقولج فعلا البنت عشقها مو سهل!!

وخاصة بايامنا هذي وتسلمين عالقصيد..

[Al-Jawhara]

لا والله موهب عادي,,,,,, وما يعرف هذا الأحساس إلا البنت اللي تعشق صح

سلمت يمنى من كتب القصيده

[busheikha]

رد مقتبس من اشعار الجوهرة

لا ترخصين النفس يا بنت تكفيــــــن
بعض البشر ما يستحق المـــــــــودة

يلعب على كل العذارى بحبلــــــــين
وللدرك الأسفل يا العزيزة مــــــردة

يجهل أصول العرف والشرع والدين
ضد المبادئ والتقاليد ضـــــــــــــده

متمرس ٍ في مهنته قد له سنيــــــــن
يشدِّ كم له و الطواري تشـــــــــــــده

مصيونةٍ ٍ عنه جميع الفناجيــــــــن
وتنشل يمناً ٍ في المجالس تمـــــــده

لا تامنين اللي موارية وجهيــــــــن
جعل الليالي السود عنك تلــــــــــده

النية القشرة لها ألف تخميـــــــــــن
وبعض النوايا المشكلة ما تســــــده

وده يحقق رغبته بالملايـــــــــــــين
وكوني على صد الخطر مستعــــدة

يا غالية ضرب الهوى للمساكـــــين
والمصلحة بأمر الهوى يبل المخـدة

كل العصور السالفة والمحبيـــــــن
راحوا معا ما راح جدك وجـــــــدة

صوني الكرامة واعدلي بالموازين
ولا بد من ميلات بقعا تكـــــــــــده

لا تخلطين الماي يا بنت بالطـــــين
الفرق واضح بين عدك وعـــــــدة

أنتِ ذهب يا بنت في العسر واللين
والله يعين اللي غدا فيه مـــــــــدة



ولكن ابدعتي ويعطيكي العافية

[Al-Jawhara]

رد مقتبس من اشعار الجوهرة

لا ترخصين النفس يا بنت تكفيــــــن
بعض البشر ما يستحق المـــــــــودة

يلعب على كل العذارى بحبلــــــــين
وللدرك الأسفل يا العزيزة مــــــردة

يجهل أصول العرف والشرع والدين
ضد المبادئ والتقاليد ضـــــــــــــده

متمرس ٍ في مهنته قد له سنيــــــــن
يشدِّ كم له و الطواري تشـــــــــــــده

مصيونةٍ ٍ عنه جميع الفناجيــــــــن
وتنشل يمناً ٍ في المجالس تمـــــــده

لا تامنين اللي موارية وجهيــــــــن
جعل الليالي السود عنك تلــــــــــده

النية القشرة لها ألف تخميـــــــــــن
وبعض النوايا المشكلة ما تســــــده

وده يحقق رغبته بالملايـــــــــــــين
وكوني على صد الخطر مستعــــدة

يا غالية ضرب الهوى للمساكـــــين
والمصلحة بأمر الهوى يبل المخـدة

كل العصور السالفة والمحبيـــــــن
راحوا معا ما راح جدك وجـــــــدة

صوني الكرامة واعدلي بالموازين
ولا بد من ميلات بقعا تكـــــــــــده

لا تخلطين الماي يا بنت بالطـــــين
الفرق واضح بين عدك وعـــــــدة

أنتِ ذهب يا بنت في العسر واللين
والله يعين اللي غدا فيه مـــــــــدة



ولكن ابدعتي ويعطيكي العافية

يشرفني إقتباس يا busheikha :shy:

[وطن]

لا مهب عادي..خصوصا اذا كان بهالجرأة ..

اما حب عفيف طاهر مكتوم...والا تتركب الحب وسنينه

:victory:

لازم حب عذري

[Cavali-Qtr]

عآآدي هههههه

جريئئئه

يعطيييك الف عاافيييه

[حسين العنسي]

عادي هذة سنة الحياة
لكن الإفصاح عن عشق البنت لمعشوقها
يجلب لها المخاطر وربماتزين المشنقة عنقها لا القلادة!!

ههههههههههه
أضحك الله سنك
بعض الابيات صريحة ومليئة بالدعابة..

الله يكون بعونها
دمت بود..

[المغروره]

هالزمن زمن المرجله والحب
شفيد حب من غير مرجله
تحياتي لج