المساعد الشخصي الرقمي

مشاهدة النسخة كاملة : :::دن دنا دن دندن دنااادن دنااا::: احم


The Master
05-11-2009, 07:04 PM
احم احم ثم احم

دن دنا دن دندن دنااادن دنااا...
يا كثر ما قمنا نسمعها...في الشارع...في المجمعات...في الشغل...في السياره...في الطياره...في الجوال...وين ماتروح نسمعها...ويسمونها غذاء الروح (ارحموا حالكم بس...احم)

اكيد عرفتوها...مايبليه...اللي منها قمنا نشوف من يدق ارقبه...من يطق اصبع...من "هز يا وز" احم

طيب خلنا ندخل في الموضوع...

الساعه 6 ونص الصبح....اااااه...دانا بحبك يا حنفي...انت حبيبي يا حنفي...مش آآآدر اعيش بدونك يا حنفي...بل هذا توني مفتح عيوني...قاعد اردد اغنيه...!!!خلني اقول اذكار الاستيقاظ ابرك...اممم امممم...اخبر الوالده محفظتني...اممم اممم...دانا بحبك يا حنفي...انته حبيبي يا حنفي...!!!

رايح المسجد...يا حبيبي ترا القلب بعدك انجرح...وانسرح وانصلخ...مامثلك شبيه...اوف اوف...لا حول ولا قوة الا بالله...هذا وانا رايح المسجد قاعد اردد الاغاني...!!!باقول الدعاء اللي وانت رايح المسجد...امممم امممم...اخبر مر علي لما كنت في المدرسه...اممم اممم...اتصل بي تسلم عيونك...!!!

طنق طاااق..طنق طاااق...بوم طاق...طاق بوم...اها اها...عاشوا عاشوا...ايوه ايوه...روح روح...عطه عطه...في السياره مشغل اغنيه...في الشارع ويدق ارقبه..والناس تطالعه...!!!طول طول...شكلهم استانسوا على شكلي وانا ادق ارقبه...ايوه ايوه...روح روح...

حباااايبنا....وش الدنيا بلاكم...اييييييييه...وش اقول ولا وش اقول...اويلاه بس على حب(ن)...يعيشني جو...واحس بهالاغاني...واهديه هالاغاني والكلمات ويهديني...خلني اضبط لي وحده...واستانس...واغني لها وتغني لي...بدال ما اتشفق علـى الاغاني وكلماتها على الفاضي...وينج يا من راح اهديه قلبي وينج بس...اوه...هذا اللاند قدامي...اوش اوش...مشرووع...!!!

وييه فديتك حمووودي...شغل لي المغني حبيبي عوصمان...احبه اموووت على اغانيه...وصوووته يذبحني...ان شاء الله حبيبتي زوجتي الغاليه...اسمعي...ياناااعس الجفن....اييي هذي ترا مغنيها لي...اي اي تستاهلين حبي...اوه تلفوني يرن...قصر قصر...الووو الووو...نعم اخوي...شكلك غلطان...عطيني التلفون...انت يا جليل الحيا ياللي ماتستحي ياللي هلك ماربوك...انا اراويك شغل الله...طق...وييه تغار علي حمووودي...اشلون ما اغار...يا ناااعس الجفن...هذي عشانج...لانج تحبين هالمغني ودايما توريني صوره في لاب توبج واغانيه حافظتها كلهم...فا اهداء مني لج...!!!خوش شنب...!!

بوم تشكا...بوم تشكا...مالت عليك وعلى وجهك...يا غبي...يا للي ماتفهم...حنا احرار...مانعبد حد...نعيش حياتنا نفس البهايم...وانت مثلنا...لانك تسمعنا...وشريت شريطنا...فا انت معانا...(الاغنيه راب انجليزي)...ياروووووحي...هالاغنيه مالها حل صراحه...عجييييبه وترتيب...ليش تفهم وش يقولون؟؟...لا من صجك بس الدقه واللحن عاجبيني...!!!

اوب اوب...اليوم انا مسوي سيدي اغاني على كيف كيفك...باستانس وانا رايح الدوام...اغاني ترتيب...اول اغنيه...بدايتها...اول دقيقه مع الاغنيه...الحين فلان وش سوى مع الموضوع؟؟...مادري وين اقدر اخلص المعامله؟؟...اوه الاغنيه اللي احبها...طول طول...اول ثواني...يبيله فرنسا هالصيف...مشروع...اممم اوووه لكزس فورويل...لازم اجمع فلوس كم شهر...اوه خلص السيدي...مايمدي...ماسمعت شي!!!!طيب ليه ماتشغل اناشيد ولا قرآن؟؟؟..لا لا يبا من صجك انا ابغي استمتع...بس انت كل وقتك سرحان...والمسجل شغال على راسك...وانت خبر خير...يعني تكسب اثم وانت ماتستمتع...السالفه كلها اللهم شي شغال في المسجل...شغل اناشيد...منها تفيدك ومنها ما تأثم علي شي ماتسمعه ولا تدري به...تهقى؟؟؟!!!

فديتج يا حبي...بلياج منسي...ودي اقابلج ياحبي...واهديج قلبي...وابوج مايدري...تقابليني وحدي...يا سلااام...كلمااات قمه في الروعه...الواحد يستانس لما يسمعها...تعطيه طموح في الحياه...عندي اناشيد عن حب الوالدين...اشغلها؟؟؟...لا لا من صجك...يبا الاناشيد سخافه...مامنها فايده...كلام فاضي...اهات وخرابيط...انا ابغي شي يحرك احساسي...وينفعني...ويونسني!!!

دن دنا دن دندن دنااادن دنااا...دن دنا دن دندن دنااادن دنااا...يا فلان طف الاغاني...ماتخاف ربك...يمكن تموت في اي لحظه...ضامن عمرك...ربك كريم...ان شاء الله باتوب...توني صغير...تريلا طلعت في وجهه...ماقدر يتحكم في السياره...انقلبت...تجمعوا الناس... تعال خلنا نشوف الرجال...المسجل شغال دن دنا دن دندن دنااادن دنااا...الرجال حالته تعبانه وخوييه توفى...الدمان مغطيه جسمه...لحد الحين حي...يتنفس ياولد...تسمعني...افتح عينك...عطني فاين امسح الدم من على وجهه...افتح عينك اذا تسمعني...قول اشهد ان لا اله الا الله محمد رسول الله...قول اشهد ان لا اله الا الله محمد رسول الله...دن دنا دن دندن دنااادن دنااا...لا حول ولا قوة الا بالله...ياخوي قول اشهد ان لا اله الا الله محمد رسول الله...دن دنــــــا ددددن دددننننن....

قال رسول الله صلى الله عليه وسلم: (إذا أراد الله بعبده خيراً استعمله) قالوا: كيف يستعمله؟ قال: (يوفقه لعمل صالح قبل موته) رواه الإمام أحمد والترمذي
اللهم اختم لنا بخير، واجعل عاقبة أمورنا كلها إلى خير، اللهم اجعل خير أعمالنا خواتمها، وخير أعمارنا أواخرها، وخير أيامنا يوم نلقاك يا ذا الجلال والإكرام...

طيب نجي للخلاصة...

اتوقع ماذكرت واضح...وان شاء الله وصلت الفكره للجميع...واتمنى تربطون اول مثالين ب آخر مثال...راح تشوفون ترابط بينهم...
اجعل لسانك رطبا بذكر الله...

الاغاني...يمكن انتوا تشوفونها شي عادي...مسليات...ملهيات...مونسات...لكن في باطنها شيطان...يدعوا للفساد...من ناحية فتن...من ناحية بنات وحبيبة...من ناحية قصص حب خياليه...من ناحية البعد عن ذكر الله...من ناحية موت القلب والبحث عن ملهيات...من ناحية ترديد لسانك للاغاني لدرجه انها تشغل يومك كله...وتنسى ذكر الله...

صغيره على صغيره على صغيره...لحد ما تتجمع وتصير كبيره...ماشفت الجبال...تراها حصى...

الاغاني هي تعتبر باب...يا تسده وتستريح...ولا تفتحه وتقعد اتحارب ماتدري بتقاوم ولا بيجرفك التيار..

الله يبعدنا عنها...وعن بلاويها...
ويهدينا ويهديكم يارب لما يحبه ويرضاه...
ويثبتنا على دينه ويوم السؤال...

يا مرحبا بكم
ولاهنتوا على المرور...

[هذا اخر موضوع لي خلال هالشهر...عندنا امتحانات الفاينال...عسى ربي يوفقنا ويسهل علينا يارب...فا دعواتكم لاهنتوا...احم]
حـــنـــان
05-11-2009, 07:11 PM
هههههه في البداية قاعدة اقول ايس فية شسالفة

عقب اتضحت الرؤية يسلمووو على الموضوع
yosif1
05-11-2009, 07:15 PM
ذا ماستر اللة يجزاك خير
انا عندي رايانا اعتقد ان احد اسباب الحوادث في قطر بسبب الاغاني
لان الاغاني تساعد في السرعة
يعني المسئولين في اذاعة صوت الخليج يتحملون وزر الحوادث في قطر
شجرة الدر
05-11-2009, 10:06 PM
جزاك الله خير ،،

والله يوفقك في امتحاناتك ،، ويسر امورك ،،
Mozanee
05-11-2009, 11:55 PM
موضوع مميز في الأسلوب والمضمون والموضوع شامل من جميع جوانبه


نتيجة طبيعية للي يسمع الأغاني الماجنة وللأسف ما في غير أغاني ماجنة


غزل ,,, بعدها >>>>>>> الفاحشة

غفلة وتسويف التوبة والنتيجة >>>>>>>>> سوء خاتمة


وآآآآمييين لما دعيت ....وبالتوفيق
تغلبية
06-11-2009, 01:43 AM
جزاك الله خير والله يوفقك تجيب الامتياز
The Master
06-11-2009, 06:06 AM
هههههه في البداية قاعدة اقول ايس فية شسالفة

عقب اتضحت الرؤية يسلمووو على الموضوع

هلا ومرحب اختي حنان
احم...شنسوي تفهي...الله يعين...
اشكر لج تواجدك بارك الله فيك...
ومن قال سالم...
ويامرحبا بج...
لاهنتي على المرور...
The Master
06-11-2009, 06:09 AM
ذا ماستر اللة يجزاك خير
انا عندي راي انا اعتقد ان احد اسباب الحوادث في قطر بسبب الاغاني
لان الاغاني تساعد في السرعة
يعني المسئولين في اذاعة صوت الخليج يتحملون وزر الحوادث في قطر

هلا ومرحب اخوي يوسف...
ويجزاك يارب...بارك الله فيك...
بخصوص الراي...يالله منك الى المسؤولين...الى صوت الخليج...
هم اصلا بليا شي عليهم وزر الاغاني ووزر اللي يسمعها ويهديها لغيره...عسى ربي يهديهم..ويصلحهم...يارب...

يامرحبا بك
ولاهنت على المرور خيو
The Master
06-11-2009, 06:11 AM
جزاك الله خير ،،

والله يوفقك في امتحاناتك ،، ويسر امورك ،،

هلا ومرحب اختي شجرة الدر
تشكرين على المرور الطيب
ويجزاك يارب...
وياج يارب...ومن قال...
اشكر لج الدعوه الطيبه...ولك بالمثل يارب...

الله يجزاك خير
ولاهنتي على الدعوه الطيبه
The Master
06-11-2009, 06:14 AM
موضوع مميز في الأسلوب والمضمون والموضوع شامل من جميع جوانبه


نتيجة طبيعية للي يسمع الأغاني الماجنة وللأسف ما في غير أغاني ماجنة


غزل ,,, بعدها >>>>>>> الفاحشة

غفلة وتسويف التوبة والنتيجة >>>>>>>>> سوء خاتمة


وآآآآمييين لما دعيت ....وبالتوفيق

هلا ومرحب اختي موزاني
شرفتي اختي...
التميز في مرورك وتواجدك...

اشكرك على الاضافه الجميله...بارك الله فيج...احسنتي...والله يجزاك خير...

وياج يارب...

يا مرحبا بج
ولاهنتي على التواجد
لولوتي
06-11-2009, 07:41 AM
جزاك الله خير اخوي The Master على النصيحه الطيبه والغاليه :)

ذكرتني بزمان كان ذي حالي ولكن مع وفاة الوالده الله يرحمها قطيت كل الاشرطه الا شريط كان غالي عليّ - بس كان - وبعدها يمكن شريت شريطين او ثلاثه فقط - على مر السنين- وطبعا حق السياره بس،،،
لاحظت نفسي اني اخر حادثين تعرضت لهم ((احم ... طبعا الغلط مب عليّ :))) لاحظت اني كنت بالذات وقت الحادث مشغله احد هالاشرطه:rolleyes2: لأني بالفعل كنت نادر ما اسمع،،، يعني اذا كلش طربانه :shy: وأساساً اتصيدني ضيقه من الاغاني.
وبعد ما اتعظت :weeping: ولكن المره الاخيره اللي استوت سيارتي فيها كأنها قوطي طماط وانا معفوسه داخلها وانا اسمع (( أناااااا وانتِ وبس وما معنا أحد ))،،، احتقرت نفسي عدل وقلت تستاهلين،،، وتستاهل هاليد اللي تعورت عدل ما جاها لأنها شالت شريط القرآن واستبدلته بشريط الشيطان:(
لحظتها قررت يالشريط ياللي احبك واحب اغانيك والله لأقطعك،،، حسيت بالفعل بغضب ربي عليّ :weeping:
واول ما جابوا اغراض السياره عشان يودونها التصليح،،، طلعت الاشرطه وقطعتها تقطططططع :)

الحين اتجي على بالي بعض الاغاني اللي احبها ولكني الحمد لله اقاوم رغبتي ولا ادور عليها :)

ومن الناحيه الثانيه،،، الايجابيه :)
ياكبر دهشتي واستغرابي من ولد اختي بو ثلاث سنين ونص يوم قرا المعوذات لأمه ويوم سألته من حفظك قال خالتي لولو :omg: :omg::omg:
تراه حفظهم من شريط الأذكار اللي دوووم اشغله،،، والله يحفظه ويشفيه لأنه هاليومين مريض اول ما يركب السياره يقول لولو ابي قرآن :)


اسفه على الاطاله ولكن ودي كل شخص لاهي بسماع الاغاني يحس بالفرق بين الاغاني وذكر الله ويختار اللي ينفعه في دنياه واخرته.


وكل الشكر على الموضوع الطيب :)
Mozanee
06-11-2009, 08:53 AM
اسمحلي عندي اضافة على الموضوع ...اذا بغيت تترك الشي لازم تلاقى له بديل

أحسن منه ...عندك صديق السوء اذا بتتركه لا تقول الوحدة ابرك لي ..لا ..لأن راح ترجع له

عليك بالبديل اللي هو الرفقة الصالحة ...وبالنسبة للأغاني وعن تجربة تركتها من غير

معاناة كل اللي سويته كنت كل يوم اسمع قرآن و محاظرات ..وبالتدريج تركتها من غير

أي معاناة ...و الله يعفو عنا وعنكم ويتقبل توبتنا

وعندي استفسار :عادي لو انشر مواضيعك لمنتدى ثاني مع ذكر المصدر ؟؟بصراحة تستاهل

المواضيع ذي تنتشر
دلوليانوز
06-11-2009, 09:23 AM
كلامك..صح....مليار بالميه

نسأل الله الغفران..,التوبه...والله يسخر لنا خير العباد..ويساعدنا يا رب
kakashi
06-11-2009, 10:04 AM
جزاك الله خير يا ولد العم

والله يوفقك في الامتحانات
alfahad1
06-11-2009, 01:33 PM
تسلم ياراعي الموضوع
المرحب
06-11-2009, 02:02 PM
يجزيك الخير على الموضوع


وجعله في ميزان حسناتك









تحيـــــــــــــــــاتي ...
صمت القلوب
06-11-2009, 07:23 PM
بصراحه مافهمت المضمون بس كملت قراءته ...واتضحت الصوره ...
والله حتى انا اقاوم الاستماع للاغاني ... والحمدالله خففت وايد من الاستماع ... واحاول اكثر من القراءن والرقيه والاناشيد .... مع العلم احيانا استمع اغنتين او ثلاث ... والله يهدينا ياااارب

جزاك الله كل خير ...
وبالتوفيق في امتحاناتك ... وربنا يسهلها انشالله
في حفظ الله ..

لاهنت
The Master
07-11-2009, 11:00 AM
جزاك الله خير والله يوفقك تجيب الامتياز

هلا ومرحب اختي تغلبية
اشكر لك مرورك
ويجزاك يارب...ويوفق الجميع...
وتشكرين على الدعوه الطيبه...بارك الله فيج...

ويامرحبا بج
ولاهنتي على الدعوه الطيبه المشجعه...احم
The Master
08-11-2009, 07:09 PM
جزاك الله خير اخوي the master على النصيحه الطيبه والغاليه :)

ذكرتني بزمان كان ذي حالي ولكن مع وفاة الوالده الله يرحمها قطيت كل الاشرطه الا شريط كان غالي عليّ - بس كان - وبعدها يمكن شريت شريطين او ثلاثه فقط - على مر السنين- وطبعا حق السياره بس،،،
لاحظت نفسي اني اخر حادثين تعرضت لهم ((احم ... طبعا الغلط مب عليّ :))) لاحظت اني كنت بالذات وقت الحادث مشغله احد هالاشرطه:rolleyes2: لأني بالفعل كنت نادر ما اسمع،،، يعني اذا كلش طربانه :shy: وأساساً اتصيدني ضيقه من الاغاني.
وبعد ما اتعظت :weeping: ولكن المره الاخيره اللي استوت سيارتي فيها كأنها قوطي طماط وانا معفوسه داخلها وانا اسمع (( أناااااا وانتِ وبس وما معنا أحد ))،،، احتقرت نفسي عدل وقلت تستاهلين،،، وتستاهل هاليد اللي تعورت عدل ما جاها لأنها شالت شريط القرآن واستبدلته بشريط الشيطان:(
لحظتها قررت يالشريط ياللي احبك واحب اغانيك والله لأقطعك،،، حسيت بالفعل بغضب ربي عليّ :weeping:
واول ما جابوا اغراض السياره عشان يودونها التصليح،،، طلعت الاشرطه وقطعتها تقطططططع :)

الحين اتجي على بالي بعض الاغاني اللي احبها ولكني الحمد لله اقاوم رغبتي ولا ادور عليها :)

ومن الناحيه الثانيه،،، الايجابيه :)
ياكبر دهشتي واستغرابي من ولد اختي بو ثلاث سنين ونص يوم قرا المعوذات لأمه ويوم سألته من حفظك قال خالتي لولو :omg: :omg::omg:
تراه حفظهم من شريط الأذكار اللي دوووم اشغله،،، والله يحفظه ويشفيه لأنه هاليومين مريض اول ما يركب السياره يقول لولو ابي قرآن :)


اسفه على الاطاله ولكن ودي كل شخص لاهي بسماع الاغاني يحس بالفرق بين الاغاني وذكر الله ويختار اللي ينفعه في دنياه واخرته.


وكل الشكر على الموضوع الطيب :)

هلا ومرحب اختي لولوتي
نورتي اختي...وبارك الله فيج على هالاضافه المثريه والجميله صراحه...وعساها تكون عبره للكل...ولج الاجر ان شاء الله...
بارك الله فيج والله يجزاك خير...والله يثبتك في ما انتي عليه يارب...ويثبتنا على رضاه يارب...

الحمدلله على سلامتج من كل شر...وهذا ان دل فا انما يدل على حب الله لج...واكبر دليل هو هدايته لج...
عساج دوم مرضيه الرحمن...ولعمل الخير سباقه...وماجوره ان شاء الله...

الموضوع موضوعج اختي...واطالتج استفدنا منها...ونتشرف بها اختي...

العفو...
واشكرك كذلك لما طرحتي وقدمتي...

ويامرحبا بج
ولاهنتي على التواجد اختي...نورتي...
The Master
08-11-2009, 07:13 PM
اسمحلي عندي اضافة على الموضوع ...اذا بغيت تترك الشي لازم تلاقى له بديل

أحسن منه ...عندك صديق السوء اذا بتتركه لا تقول الوحدة ابرك لي ..لا ..لأن راح ترجع له

عليك بالبديل اللي هو الرفقة الصالحة ...وبالنسبة للأغاني وعن تجربة تركتها من غير

معاناة كل اللي سويته كنت كل يوم اسمع قرآن و محاظرات ..وبالتدريج تركتها من غير

أي معاناة ...و الله يعفو عنا وعنكم ويتقبل توبتنا

وعندي استفسار :عادي لو انشر مواضيعك لمنتدى ثاني مع ذكر المصدر ؟؟بصراحة تستاهل

المواضيع ذي تنتشر

هلا ومرحب اختي موزاني...
الله يجزاك خير على هالنصيحه الطيبه...
وبارك الله فيج...
وصدقتي...لازم البديل كا بداية لترك الشي...
لكن هم بعد تعتمد على الانسان نفسه...وعلى قوة ارادته...
الله يعينا وياج يارب...

حلالج اختي...وانا مثل ماذكرت من قبل...كل همي الاجر وتوصيل الفكره والاصلاح...
انقليه وين ماتبغين اختي...واهم شي عندي انج تكتبين ادعوا لكاتبها بالاجر..وبس

والله يجزاك خير لما تعملين...والله يعطيك على قد نيتك يارب...

يامرحبا بج
ولاهنتي على الاضافه الجميله
alrheeb2020
08-11-2009, 07:33 PM
الله يوفقك في امتحانك وان شاء الله الاول على قطر p:

ويعطيك العافيه عالموضوع الرائع والطرح الاروع ..
The Master
09-11-2009, 04:09 PM
كلامك..صح....مليار بالميه

نسأل الله الغفران..,التوبه...والله يسخر لنا خير العباد..ويساعدنا يا رب

هلا ومرحب اخوي دلوليانوز...
تشكر على المرور الطيب...
ومايصح الا الصحيح وانا اخوك...
امين يارب...
الله يجزاك خير على الدعاء الطيب...
ويامرحبا بك
ولاهنت على المرور...
The Master
09-11-2009, 04:11 PM
جزاك الله خير يا ولد العم

والله يوفقك في الامتحانات

هلا ومرحب بن عمو
ويجزاك يارب...
وياك يارب...الله يجزاك على هالدعوه الطيبه من رجال طيب...

تشكر على الطله...بن عمو...
ويامرحبا بك
ولاهنت على المرور
The Master
09-11-2009, 04:12 PM
تسلم ياراعي الموضوع

ومن قال سالم يا الفهد
The Master
09-11-2009, 04:13 PM
يجزيك الخير على الموضوع


وجعله في ميزان حسناتك









تحيـــــــــــــــــاتي ...

هلا بالمرحب با مرحبا بك
ويجزيك يارب...بارك الله فيك
اجمعين يارب...

يا مرحبا بك اخوي
ولاهنت على المرور الجميل
The Master
09-11-2009, 04:17 PM
بصراحه مافهمت المضمون بس كملت قراءته ...واتضحت الصوره ...
والله حتى انا اقاوم الاستماع للاغاني ... والحمدالله خففت وايد من الاستماع ... واحاول اكثر من القراءن والرقيه والاناشيد .... مع العلم احيانا استمع اغنتين او ثلاث ... والله يهدينا ياااارب

جزاك الله كل خير ...
وبالتوفيق في امتحاناتك ... وربنا يسهلها انشالله
في حفظ الله ..

لاهنت

هلا ومرحب اختي صمت القلوب...
نورتي خيتو...
اهم شي ان الفكرة اوضحت...احم
الله يعينج ان شاء الله...
وانتي قدها انك تتركينها...لان اولا واخرا الفايدة لج انتي وحدج...محد بيشاركج فيها...
فا القرار والعزيمه والاصرار منج انتي لج انتي...

امييين يااارب

ويجزيك يا رب...بارك الله فيج
وياج ان شاء الله...عسى ربي يسهل...
يا مرحبا بج
ولا انتي....اشكر لج الدعاء الطيب اختي...ولج بالمثل ان شاء الله...وماتشوفين شر...
findi
09-11-2009, 04:28 PM
ماشاء الله عليك اسلوبك جداا ممتع ومميز ..

الله يجزاك خير والله يجعله في ميزان حسناتك يااارب

والله يوفقك في امتحاناتك
joody6005
11-11-2009, 06:10 PM
قال رسول الله صلى الله عليه وسلم: (إذا أراد الله بعبده خيراً استعمله) قالوا: كيف يستعمله؟ قال: (يوفقه لعمل صالح قبل موته) رواه الإمام أحمد والترمذي
اللهم اختم لنا بخير، واجعل عاقبة أمورنا كلها إلى خير، اللهم اجعل خير أعمالنا خواتمها، وخير أعمارنا أواخرها، وخير أيامنا يوم نلقاك يا ذا الجلال والإكرام...

عليـــــــــــــه ألف الصــــــــــــلاه والسلام

اجمعين ان شاء الله ......

الله يوفقك ونيلك مرادك يارب العالمين........

ولاتنسا الدعاء
اللهم لاسهل الاماجعلته سهلا وانك تجعل الحزن اذا شئت سهلا

والله الموفق ان شاء الله ....
The Master
12-11-2009, 06:28 PM
الله يوفقك في امتحانك وان شاء الله الاول على قطر p:

ويعطيك العافيه عالموضوع الرائع والطرح الاروع ..

يالله حيهم الرهيب 2020
تشكر علي المرور الطيب...من رجال طيب...
والدعاء اللي يشرح الصدر...احم

وياك يارب...وللجميع...

ويعافيك...والروعه ياخوي تواجدك...تسلم...

ويامرحبا بك
ولاهنت على الكلام الجميل
The Master
12-11-2009, 06:33 PM
ماشاء الله عليك اسلوبك جداا ممتع ومميز ..

الله يجزاك خير والله يجعله في ميزان حسناتك يااارب

والله يوفقك في امتحاناتك

هلا ومرحب اختي فندي...

تشكرين على الكلام الطيب والمشجع...ومن ذوقك اختي...

ويجزااك يارب...اين يارب...وللجميع...

باارك الله فيك على الدعوه الطيبه...وهذا اللي نسعى لها...الاجر والناس تدعي لك بالخير...

يامرحبا بك
ولاهنتي على المرور الطيب
The Master
13-11-2009, 07:06 PM
قال رسول الله صلى الله عليه وسلم: (إذا أراد الله بعبده خيراً استعمله) قالوا: كيف يستعمله؟ قال: (يوفقه لعمل صالح قبل موته) رواه الإمام أحمد والترمذي
اللهم اختم لنا بخير، واجعل عاقبة أمورنا كلها إلى خير، اللهم اجعل خير أعمالنا خواتمها، وخير أعمارنا أواخرها، وخير أيامنا يوم نلقاك يا ذا الجلال والإكرام...

عليـــــــــــــه ألف الصــــــــــــلاه والسلام

اجمعين ان شاء الله ......

الله يوفقك ونيلك مرادك يارب العالمين........

ولاتنسا الدعاء
اللهم لاسهل الاماجعلته سهلا وانك تجعل الحزن اذا شئت سهلا

والله الموفق ان شاء الله ....

هلا ومرحب جووودي
الله يجزاك خير على الكلام الطيب...بارك الله فيج...
وتشكرين على الدعاء الطيب...ولج بالمثل يارب...ولجميع المسلمين...
مايحتاج توصين...

يامرحبا بج
ولاهنتي على التواجد الطيب
The Master
15-11-2009, 06:54 PM
نعم نعم
للرفع احم
ديمه
15-11-2009, 07:14 PM
اشكرك اخوي على موضوعاتك اللي من باب الامر بالمعروف والنهي عن المنكر والله يجزاك خير و يوفقنا واياك الله ان نكون مفاتيح للخير مغاليق للشر
الحمدلله اني مو من اللي يستمعون للاغاني وصدقوني ان الامر يحتاج مجاهده عظيمه للنفس و يوم يكون في خاطري اني اسمعها اردد على طول اللهم اني تركتها لاجلك فأسألك الجنة او أسألك التوفيق او ادعوا بأي دعوة ويوم اقول هالدعاء احس براحة عجيبة واحس اني صدق احب الله وهذا الدليل واحس ان الله بعد يحبني
واختم لكم بهذه الرسالة التي وصلتني على الايميل


أسالك بصدق .. ثلاثة أسئلة





السؤال الأول:

لو كنت جالساً تنظف أذنك بمنظف الآذان وفجأة سقط أخوك من الركض على أذنك دون قصد منه فدخل هذا العود في أذنك ثواني أترى كيف شدة ألمها؟؟ كيف تتحمل وتصبر؟؟ وهل تنام الليل من وجعها؟؟ فما بالك بحديد مذاب من النار يدخل أذنيك ومدة طويلة حماك الله ورعاك..؟؟

...........




السؤال الثاني:

إذا دخلت الجنة بإذن الله بعد رحمته تعالى ونجاتك
تدخل الجنة وترى أهلها يتمتعون بالموسيقى فتتمنى أن تسمعها ولكن لن يسمعها في الجنة من كان يسمعها في الدنيا >>انفجعت يوم قريتها انتبهي انتي ويااها صراحه لازم نعيد حساباتنا
مثله مثل شارب الخمر في الدنيا حينما ينحرم من لذة الشرب في الجنة؟؟
أتستبدل بالذي هو أبقى وألذ؟؟ بالفاني؟؟
حينها تتمنى أنك لم تسمع موسيقى في الدنيا لتسمعها في الجنة.... فهل ينفع الندم؟؟
............ ...





السؤال الثالث:

هل أنت مرتاح بأن تتسمع على الأغاني؟؟ أتحداك إذا كان قلبك مرتاح

أو مطمئن لهذا....
....أتدري لماذا تحديت؟؟؟ لأنك مسلم والمسلم قلبه دليله لا يرتاح لذنب..

بل الاغاني كلها هموم وأحزان ونكد حماك الله

قد تقول لطرد الملل
سأقول لك أن الراحة والسعادة والفرج والخير يأتي مع الصبر( ويأتي بالقرب من الله لان السعاده هي من الله وكيف يعطي السعادة لشخص عاصي ... ومن ترك شيئاً لله عوضه الله خيراً منه عاجلاً أم آجلاً


وقد تقول كيف أتخلص منها
.
أولاً عليك بالدعاء فقد كان رسول الله يدعو الله الهداية ويستعيذ بالله من الفسق والعصيان

ثانياً لن ينفع الدعاء بلا عمل لابد أن تعمل... والعمل هو أن تجاهد نفسك على تركها وتحاول أن تستبدل بسماع القرآن...


ثالثاً تذكر ألم أذنك. في النار... وتذكر حسرتك في الجنة إذا أدخلك الله برحمته... حينما يسمعون الموسيقى

((وما جميع أنواع الموسيقى في الدنيا إلا أقل من الذرة في الجنة)
حينها تتحسر وتندم تريد أن تسمع ولو لثواني ولكن هل تنفع الحسرة؟؟

رابعاً تذكر قول الرسول صلى الله عليه وسلم

{ليكونن من أمتي قوم يستحلون الحر والحرير والخمر والمعازف}

أخرجه البخاري وفي لفظ:

{ليشربن ناس من أمتي الخمر يسمونها بغير اسمها يعزف على رؤوسهم بالمعازف والمغنيات يخسف الله بهم الأرض ويجعل منهم القردة والخنازير ))



لا شك أنها في البداية صعبة جداً وتحن وتشتاق ولكن جاهد نفسك وتذكر هذه الآية

(ونهى النفس عن الهوى فإن الجنة هي المأوى)



إذا لابد أن ننهي أنفسنا الأمّارة بالسوء عن هواها وبالتدريج تأكد بأنّ الله عزّ وجل ييسّرها لك

لأنّه يعلم صدق توبتك وهكذا تستطيع التخلّص من الأغاني بل وتكرهها كرهاً بليغاً واحرص دائماً على تذكر الموت حتى لا يموت القلب تذكر

الحسرات والمسرّات في الآخرة بسبب الأغاني أو تركها
فما هي إلا دنيا ذاهبة زائلة إلى آخرة قادمة دائمة


واسمحوا لي على الاطالة
ودمتم
Khaled Qatar
19-11-2009, 12:31 PM
صراحه روعه بكل ماكتبت

مادري ليش المواضيع الغير هادفه توصل المشتركات فيها الى 300!!

يعطيك العافية
Mozanee
19-11-2009, 01:21 PM
صراحه روعه بكل ماكتبت

مادري ليش المواضيع الغير هادفه توصل المشتركات فيها الى 300!!

يعطيك العافية

والله صدقت ,,, يمكن السبب ان الناس ما تحب تقرا وايد,, ما عندهم وقت,, أو يحبون مواضيع

فيها كلمتين عالماشي ويعلق ويزيد رصيده ,,, اما هالمواضيع والله استفدنا منها وايد و كثرة

الردود مب مقياس نجاح الموضوع ,,

ويعطيك العافية ياصاحب الموضوع واللي اثار هذه النقطة ,,,,
Mozanee
19-11-2009, 01:29 PM
للرفع ,,, ليش لا ,, للحين في ناس تسمع أغاني ,,,
The Master
20-11-2009, 01:02 PM
اشكرك اخوي على موضوعاتك اللي من باب الامر بالمعروف والنهي عن المنكر والله يجزاك خير و يوفقنا واياك الله ان نكون مفاتيح للخير مغاليق للشر
الحمدلله اني مو من اللي يستمعون للاغاني وصدقوني ان الامر يحتاج مجاهده عظيمه للنفس و يوم يكون في خاطري اني اسمعها اردد على طول اللهم اني تركتها لاجلك فأسألك الجنة او أسألك التوفيق او ادعوا بأي دعوة ويوم اقول هالدعاء احس براحة عجيبة واحس اني صدق احب الله وهذا الدليل واحس ان الله بعد يحبني
واختم لكم بهذه الرسالة التي وصلتني على الايميل


أسالك بصدق .. ثلاثة أسئلة





السؤال الأول:

لو كنت جالساً تنظف أذنك بمنظف الآذان وفجأة سقط أخوك من الركض على أذنك دون قصد منه فدخل هذا العود في أذنك ثواني أترى كيف شدة ألمها؟؟ كيف تتحمل وتصبر؟؟ وهل تنام الليل من وجعها؟؟ فما بالك بحديد مذاب من النار يدخل أذنيك ومدة طويلة حماك الله ورعاك..؟؟

...........




السؤال الثاني:

إذا دخلت الجنة بإذن الله بعد رحمته تعالى ونجاتك
تدخل الجنة وترى أهلها يتمتعون بالموسيقى فتتمنى أن تسمعها ولكن لن يسمعها في الجنة من كان يسمعها في الدنيا >>انفجعت يوم قريتها انتبهي انتي ويااها صراحه لازم نعيد حساباتنا
مثله مثل شارب الخمر في الدنيا حينما ينحرم من لذة الشرب في الجنة؟؟
أتستبدل بالذي هو أبقى وألذ؟؟ بالفاني؟؟
حينها تتمنى أنك لم تسمع موسيقى في الدنيا لتسمعها في الجنة.... فهل ينفع الندم؟؟
............ ...





السؤال الثالث:

هل أنت مرتاح بأن تتسمع على الأغاني؟؟ أتحداك إذا كان قلبك مرتاح

أو مطمئن لهذا....
....أتدري لماذا تحديت؟؟؟ لأنك مسلم والمسلم قلبه دليله لا يرتاح لذنب..

بل الاغاني كلها هموم وأحزان ونكد حماك الله

قد تقول لطرد الملل
سأقول لك أن الراحة والسعادة والفرج والخير يأتي مع الصبر( ويأتي بالقرب من الله لان السعاده هي من الله وكيف يعطي السعادة لشخص عاصي ... ومن ترك شيئاً لله عوضه الله خيراً منه عاجلاً أم آجلاً


وقد تقول كيف أتخلص منها
.
أولاً عليك بالدعاء فقد كان رسول الله يدعو الله الهداية ويستعيذ بالله من الفسق والعصيان

ثانياً لن ينفع الدعاء بلا عمل لابد أن تعمل... والعمل هو أن تجاهد نفسك على تركها وتحاول أن تستبدل بسماع القرآن...


ثالثاً تذكر ألم أذنك. في النار... وتذكر حسرتك في الجنة إذا أدخلك الله برحمته... حينما يسمعون الموسيقى

((وما جميع أنواع الموسيقى في الدنيا إلا أقل من الذرة في الجنة)
حينها تتحسر وتندم تريد أن تسمع ولو لثواني ولكن هل تنفع الحسرة؟؟

رابعاً تذكر قول الرسول صلى الله عليه وسلم

{ليكونن من أمتي قوم يستحلون الحر والحرير والخمر والمعازف}

أخرجه البخاري وفي لفظ:

{ليشربن ناس من أمتي الخمر يسمونها بغير اسمها يعزف على رؤوسهم بالمعازف والمغنيات يخسف الله بهم الأرض ويجعل منهم القردة والخنازير ))



لا شك أنها في البداية صعبة جداً وتحن وتشتاق ولكن جاهد نفسك وتذكر هذه الآية

(ونهى النفس عن الهوى فإن الجنة هي المأوى)



إذا لابد أن ننهي أنفسنا الأمّارة بالسوء عن هواها وبالتدريج تأكد بأنّ الله عزّ وجل ييسّرها لك

لأنّه يعلم صدق توبتك وهكذا تستطيع التخلّص من الأغاني بل وتكرهها كرهاً بليغاً واحرص دائماً على تذكر الموت حتى لا يموت القلب تذكر

الحسرات والمسرّات في الآخرة بسبب الأغاني أو تركها
فما هي إلا دنيا ذاهبة زائلة إلى آخرة قادمة دائمة


واسمحوا لي على الاطالة
ودمتم

يا مرحبا اختي ديمه
نورتي اختي...واشكرك على الاثراء الطيب...وهذا العشم فيك اختي...

الحمدلله...واهم شي الناس تستفيد...وتقتنع...وان ما اقتنعت...يبقى كلام يجول في خاطرها...ومانبغي الاجر...

ماشاء الله جميل ما ذكرتي اختي...احسنتي...والله يجزاك خير...

مسموحه اختي ما من اطاله...دامه شي خيير ومفيد ما في اشكال...خاصه انه يثري الموضوع...بارك الله فيك

والسموحة على التاخير في الرد...شوي انشغلت...وتفهي...فا شي على شي...احم

يامرحبا بك
ولاهنتي على التواجد الجميل
The Master
20-11-2009, 01:05 PM
صراحه روعه بكل ماكتبت

مادري ليش المواضيع الغير هادفه توصل المشتركات فيها الى 300!!

يعطيك العافية

هلا ومرحب اخوي خالد قطر
الروعه في مرورك وتواجدك...والاروع الاستفاده...ونشره للاجر والخير...
بخصوص المواضيع الثانيه....امممم...يبقى الناس انواع...واشكال...وربك المعين...

يعافيك يارب...
يامرحبا بك
لاهنت على المرور الطيب
The Master
20-11-2009, 01:06 PM
للرفع ,,, ليش لا ,, للحين في ناس تسمع أغاني ,,,

احم....الله ينور اختي...
تشكرين على الرفع...

لاهنتي...والله ياجرك يارب...
The Master
20-02-2010, 12:35 PM
للرفع...لتعم الفايده...والافاده...