استفسار عن الفتك

[الــهــاجـري]

السلام عليكم
مبارك عليكم الجمعه وتقبل الله منا ومنكم صالح الاعمال

اخواني انا ناوي اشتري فتك بس قير عاااادي وابي اتاكد هل في مشكله في القير العادي لان اكثر الناس ما يحبون الا التماتيك ولا يمدحون العايدي حق الفتك وابي اسمع ردودكم هل هو زين القير العادي مثل الاستاندر ولا لا ومشكووووورين

[المجروح81]

والله اخوي مافيه مشاكل القير عادي ابد اذا انت بتحشمه

بس انا اقولك تماتيك اريح وقوته تقريبا نفس القير عادي في التحمل وفي المقاوم اقوى من العادي

هالكلام اقوله من خبره في استعمال حق الفتك من سنه 2006 لين اليوم

[الــهــاجـري]

مشكور اخوي بس انا ما احب استعمل الا القير العادي

[الوهاااااج]

عااااااااااادي اخوي اشتر ولا تمالي الفتك القير العادي احسن من التيوتا وهذا مجرب اخوي والله يبارك لك

[الــهــاجـري]

جزاك الله خير

[راعي النيسان]

والله ياخوي يعتمد انت اذا تبي الفتك لأي استخدام ؟ اذا كان استخدامك له استخدام حق البر ونزلات البحر ،، فأنصحك بالعادي لانه عملي أكثر ،، اما اذا كنت تبي السيارة استخدام عادي وفي الويكند تتمشى فيه صوب سيلين ،، فخلك على التوماتيك لانه معظم الوقت راح يكون وقتك داخل الدوحة ،، خبرك الجير العادي في الزحمة يذبح الواحد ذبح ...

اما بخصوص جير الفتك العادي والتوماتيك مافي بينهم فرق انا عندي الجير التوماتيك وما اشكي منه شي مع العلم انه اكثر استخدامي للفتك حق السفر والخطوط ...

معلومة أخيرة ،، اكثر الناس صايرة تفضل الفتك الجير توماتيك خصوصا عند البيع والشراء ..

[زمن الغدر]

مافيه اي عيوب وبيعيشك معاك

وصدقني اذا جربت الفتك العادي بتستانس على سواقته

موتر قوي وعزمه جبار

اووووووووووووووف

لو تصيدلك سلفر رفارف سود مكيفين ثلاجه رززززززززززه

[الــهــاجـري]

مشكورين

[بن درويش]

الجير عادى مرغوب بالفتك

[هذلان]

الناس ترغب التماتيك في الفتك لانه جير الفتك التماتيك متطور جدا و حاصل على ٥ جوائز .
في التيوتا و النيسان قديما كان الجير التماتيك بارد ولا فيه عزم (مثال gx98 فما فوق قارن بين عزم التماتيك و العادي)
لكن في الفتك الجير التماتيك و العادي نفس العزم اذا ماكان التماتيك شوي اسرع.
خلاصه الموضوع اذا انك راعي جير عادي اخذه ولا تردد الي استعملوه يمدحونه و جيره حار ، انا اذا انك راعي تماتيك وهو الموتر الوحيد ترى الجير العادي بيبهذلك في الزحمه. اذا كانت سيارتك الوحيده اخذه جير تماتيك ولكن الجير العادي مايعيبه شي كتصنيع و خرابات

[بوعمير]

أخوي الهاجري، عندي فتك شارية من الوكالة اول ما نزل سنه 2002 وما شاءالله ممتاز ولا علية كلام والنيسان معروف مكينة وقير، توكل على الله ولا تنسى تستخير.

[نيساني]

هلا والله يالهاجري اعتقد الشباب ماشاء الله عليهم ماقصروا وبالنسبه لي افضل العادي على التماتيك بس حاسب معروف النيسان الجير العادي فيه لكشة رابع بس اذا بتستعمله استعمال حشمه مستحيل يلكش
وهذا من واقع تجربة نياسين من 2002 ليومك

وبالتوفيق

[الــهــاجـري]

مشكورين اخواني وما قصرتو وبيض الله وجيهكم